| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
೩. ಪಾಚಿತ್ತಿಯಾದಿಪಞ್ಹಾ
3. Pācittiyādipañhā
೪೮೧.
481.
ಅಧಿಟ್ಠಿತಂ ರಜನಾಯ ರತ್ತಂ।
Adhiṭṭhitaṃ rajanāya rattaṃ;
ಕಪ್ಪಕತಮ್ಪಿ ಸನ್ತಂ।
Kappakatampi santaṃ;
ಪರಿಭುಞ್ಜನ್ತಸ್ಸ ಆಪತ್ತಿ।
Paribhuñjantassa āpatti;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಅತ್ಥಙ್ಗತೇ ಸೂರಿಯೇ ಭಿಕ್ಖು ಮಂಸಾನಿ ಖಾದತಿ।
Atthaṅgate sūriye bhikkhu maṃsāni khādati;
ನ ಉಮ್ಮತ್ತಕೋ ನ ಚ ಪನ ಖಿತ್ತಚಿತ್ತೋ।
Na ummattako na ca pana khittacitto;
ನ ಚಾಪಿ ಸೋ ವೇದನಾಟ್ಟೋ ಭವೇಯ್ಯ।
Na cāpi so vedanāṭṭo bhaveyya;
ನ ಚಸ್ಸ ಹೋತಿ ಆಪತ್ತಿ।
Na cassa hoti āpatti;
ಸೋ ಚ ಧಮ್ಮೋ ಸುಗತೇನ ದೇಸಿತೋ।
So ca dhammo sugatena desito;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ನ ರತ್ತಚಿತ್ತೋ ನ ಚ ಪನ ಥೇಯ್ಯಚಿತ್ತೋ।
Na rattacitto na ca pana theyyacitto;
ನ ಚಾಪಿ ಸೋ ಪರಂ ಮರಣಾಯ ಚೇತಯಿ।
Na cāpi so paraṃ maraṇāya cetayi;
ಸಲಾಕಂ ದೇನ್ತಸ್ಸ ಹೋತಿ ಛೇಜ್ಜಂ।
Salākaṃ dentassa hoti chejjaṃ;
ಪಟಿಗ್ಗಣ್ಹನ್ತಸ್ಸ ಥುಲ್ಲಚ್ಚಯಂ।
Paṭiggaṇhantassa thullaccayaṃ;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ನ ಚಾಪಿ ಆರಞ್ಞಕಂ ಸಾಸಙ್ಕಸಮ್ಮತಂ।
Na cāpi āraññakaṃ sāsaṅkasammataṃ;
ನ ಚಾಪಿ ಸಙ್ಘೇನ ಸಮ್ಮುತಿ ದಿನ್ನಾ।
Na cāpi saṅghena sammuti dinnā;
ನ ಚಸ್ಸ ಕಥಿನಂ ಅತ್ಥತಂ ತತ್ಥೇವ।
Na cassa kathinaṃ atthataṃ tattheva;
ಚೀವರಂ ನಿಕ್ಖಿಪಿತ್ವಾ ಗಚ್ಛೇಯ್ಯ ಅಡ್ಢಯೋಜನಂ।
Cīvaraṃ nikkhipitvā gaccheyya aḍḍhayojanaṃ;
ತತ್ಥೇವ ಅರುಣಂ ಉಗ್ಗಚ್ಛನ್ತಸ್ಸ ಅನಾಪತ್ತಿ।
Tattheva aruṇaṃ uggacchantassa anāpatti;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಕಾಯಿಕಾನಿ ನ ವಾಚಸಿಕಾನಿ।
Kāyikāni na vācasikāni;
ಸಬ್ಬಾನಿ ನಾನಾವತ್ಥುಕಾನಿ।
Sabbāni nānāvatthukāni;
ಅಪುಬ್ಬಂ ಅಚರಿಮಂ ಆಪಜ್ಜೇಯ್ಯ ಏಕತೋ।
Apubbaṃ acarimaṃ āpajjeyya ekato;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ವಾಚಸಿಕಾನಿ ನ ಕಾಯಿಕಾನಿ।
Vācasikāni na kāyikāni;
ಸಬ್ಬಾನಿ ನಾನಾವತ್ಥುಕಾನಿ।
Sabbāni nānāvatthukāni;
ಅಪುಬ್ಬಂ ಅಚರಿಮಂ ಆಪಜ್ಜೇಯ್ಯ ಏಕತೋ।
Apubbaṃ acarimaṃ āpajjeyya ekato;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ತಿಸ್ಸಿತ್ಥಿಯೋ ಮೇಥುನಂ ತಂ ನ ಸೇವೇ।
Tissitthiyo methunaṃ taṃ na seve;
ತಯೋ ಪುರಿಸೇ ತಯೋ ಅನರಿಯಪಣ್ಡಕೇ।
Tayo purise tayo anariyapaṇḍake;
ನ ಚಾಚರೇ ಮೇಥುನಂ ಬ್ಯಞ್ಜನಸ್ಮಿಂ।
Na cācare methunaṃ byañjanasmiṃ;
ಛೇಜ್ಜಂ ಸಿಯಾ ಮೇಥುನಧಮ್ಮಪಚ್ಚಯಾ।
Chejjaṃ siyā methunadhammapaccayā;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಕೇನಸ್ಸ ಹೋತಿ ಆಪತ್ತಿ, ಅನಾಪತ್ತಿ ಚ ಞಾತಕೇ।
Kenassa hoti āpatti, anāpatti ca ñātake;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಕುದ್ಧೋ ಆರಾಧಕೋ ಹೋತಿ, ಕುದ್ಧೋ ಹೋತಿ ಗರಹಿಯೋ।
Kuddho ārādhako hoti, kuddho hoti garahiyo;
ಅಥ ಕೋ ನಾಮ ಸೋ ಧಮ್ಮೋ, ಯೇನ ಕುದ್ಧೋ ಪಸಂಸಿಯೋ।
Atha ko nāma so dhammo, yena kuddho pasaṃsiyo;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ತುಟ್ಠೋ ಆರಾಧಕೋ ಹೋತಿ, ತುಟ್ಠೋ ಹೋತಿ ಗರಹಿಯೋ।
Tuṭṭho ārādhako hoti, tuṭṭho hoti garahiyo;
ಅಥ ಕೋ ನಾಮ ಸೋ ಧಮ್ಮೋ, ಯೇನ ತುಟ್ಠೋ ಗರಹಿಯೋ।
Atha ko nāma so dhammo, yena tuṭṭho garahiyo;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಸಙ್ಘಾದಿಸೇಸಂ ಥುಲ್ಲಚ್ಚಯಂ।
Saṅghādisesaṃ thullaccayaṃ;
ಪಾಚಿತ್ತಿಯಂ ಪಾಟಿದೇಸನೀಯಂ।
Pācittiyaṃ pāṭidesanīyaṃ;
ದುಕ್ಕಟಂ ಆಪಜ್ಜೇಯ್ಯ ಏಕತೋ।
Dukkaṭaṃ āpajjeyya ekato;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಉಭೋ ಪರಿಪುಣ್ಣವೀಸತಿವಸ್ಸಾ।
Ubho paripuṇṇavīsativassā;
ಉಭಿನ್ನಂ ಏಕುಪಜ್ಝಾಯೋ।
Ubhinnaṃ ekupajjhāyo;
ಏಕಾಚರಿಯೋ ಏಕಾ ಕಮ್ಮವಾಚಾ।
Ekācariyo ekā kammavācā;
ಏಕೋ ಉಪಸಮ್ಪನ್ನೋ ಏಕೋ ಅನುಪಸಮ್ಪನ್ನೋ।
Eko upasampanno eko anupasampanno;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಅಕಪ್ಪಕತಂ ನಾಪಿ ರಜನಾಯ ರತ್ತಂ।
Akappakataṃ nāpi rajanāya rattaṃ;
ತೇನ ನಿವತ್ಥೋ ಯೇನ ಕಾಮಂ ವಜೇಯ್ಯ।
Tena nivattho yena kāmaṃ vajeyya;
ನ ಚಸ್ಸ ಹೋತಿ ಆಪತ್ತಿ।
Na cassa hoti āpatti;
ಸೋ ಚ ಧಮ್ಮೋ ಸುಗತೇನ ದೇಸಿತೋ।
So ca dhammo sugatena desito;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ನ ದೇತಿ ನ ಪಟಿಗ್ಗಣ್ಹಾತಿ, ಪಟಿಗ್ಗಹೋ ತೇನ ನ ವಿಜ್ಜತಿ।
Na deti na paṭiggaṇhāti, paṭiggaho tena na vijjati;
ಆಪಜ್ಜತಿ ಗರುಕಂ ನ ಲಹುಕಂ, ತಞ್ಚ ಪರಿಭೋಗಪಚ್ಚಯಾ।
Āpajjati garukaṃ na lahukaṃ, tañca paribhogapaccayā;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ನ ದೇತಿ ನ ಪಟಿಗ್ಗಣ್ಹಾತಿ, ಪಟಿಗ್ಗಹೋ ತೇನ ನ ವಿಜ್ಜತಿ।
Na deti na paṭiggaṇhāti, paṭiggaho tena na vijjati;
ಆಪಜ್ಜತಿ ಲಹುಕಂ ನ ಗರುಕಂ, ತಞ್ಚ ಪರಿಭೋಗಪಚ್ಚಯಾ।
Āpajjati lahukaṃ na garukaṃ, tañca paribhogapaccayā;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಆಪಜ್ಜತಿ ಗರುಕಂ ಸಾವಸೇಸಂ।
Āpajjati garukaṃ sāvasesaṃ;
ಛಾದೇತಿ ಅನಾದರಿಯಂ ಪಟಿಚ್ಚ।
Chādeti anādariyaṃ paṭicca;
ನ ಭಿಕ್ಖುನೀ ನೋ ಚ ಫುಸೇಯ್ಯ ವಜ್ಜಂ।
Na bhikkhunī no ca phuseyya vajjaṃ;
ಪಞ್ಹಾ ಮೇಸಾ ಕುಸಲೇಹಿ ಚಿನ್ತಿತಾ॥
Pañhā mesā kusalehi cintitā.
ಸೇದಮೋಚನಗಾಥಾ ನಿಟ್ಠಿತಾ।
Sedamocanagāthā niṭṭhitā.
ತಸ್ಸುದ್ದಾನಂ –
Tassuddānaṃ –
ಅಸಂವಾಸೋ ಅವಿಸ್ಸಜ್ಜಿ, ದಸ ಚ ಅನುಕ್ಖಿತ್ತಕೋ।
Asaṃvāso avissajji, dasa ca anukkhittako;
ಉಪೇತಿ ಧಮ್ಮಂ ಉಬ್ಭಕ್ಖಕಂ, ತತೋ ಸಞ್ಞಾಚಿಕಾ ಚ ದ್ವೇ॥
Upeti dhammaṃ ubbhakkhakaṃ, tato saññācikā ca dve.
ಅನಾಲಪನ್ತೋ ಸಿಕ್ಖಾ ಚ, ಉಭೋ ಚ ಚತುರೋ ಜನಾ॥
Anālapanto sikkhā ca, ubho ca caturo janā.
ಇತ್ಥೀ ತೇಲಞ್ಚ ನಿಸ್ಸಗ್ಗಿ, ಭಿಕ್ಖು ಚ ಪದವೀತಿಯೋ।
Itthī telañca nissaggi, bhikkhu ca padavītiyo;
ನಿವತ್ಥೋ ಚ ನ ಚ ಞತ್ತಿ, ನ ಮಾತರಂ ಪಿತರಂ ಹನೇ॥
Nivattho ca na ca ñatti, na mātaraṃ pitaraṃ hane.
ಅಚೋದಯಿತ್ವಾ ಚೋದಯಿತ್ವಾ, ಛಿನ್ದನ್ತಂ ಸಚ್ಚಮೇವ ಚ।
Acodayitvā codayitvā, chindantaṃ saccameva ca;
ಅಧಿಟ್ಠಿತಞ್ಚತ್ಥಙ್ಗತೇ, ನ ರತ್ತಂ ನ ಚಾರಞ್ಞಕಂ॥
Adhiṭṭhitañcatthaṅgate, na rattaṃ na cāraññakaṃ.
ಕಾಯಿಕಾ ವಾಚಸಿಕಾ ಚ, ತಿಸ್ಸಿತ್ಥೀ ಚಾಪಿ ಮಾತರಂ।
Kāyikā vācasikā ca, tissitthī cāpi mātaraṃ;
ಕುದ್ಧೋ ಆರಾಧಕೋ ತುಟ್ಠೋ, ಸಙ್ಘಾದಿಸೇಸಾ ಚ ಉಭೋ॥
Kuddho ārādhako tuṭṭho, saṅghādisesā ca ubho.
ಅಕಪ್ಪಕತಂ ನ ದೇತಿ, ನ ದೇತಾಪಜ್ಜತೀ ಗರುಂ।
Akappakataṃ na deti, na detāpajjatī garuṃ;
Footnotes:
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಪರಿವಾರ-ಅಟ್ಠಕಥಾ • Parivāra-aṭṭhakathā / (೩) ಪಾಚಿತ್ತಿಯಾದಿಪಞ್ಹಾವಣ್ಣನಾ • (3) Pācittiyādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಪಾರಾಜಿಕಾದಿಪಞ್ಹವಣ್ಣನಾ • Pārājikādipañhavaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಪಾಚಿತ್ತಿಯಾದಿಪಞ್ಹಾವಣ್ಣನಾ • Pācittiyādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಪಾರಾಜಿಕಾದಿಪಞ್ಹಾವಣ್ಣನಾ • Pārājikādipañhāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / (೩) ಪಾಚಿತ್ತಿಯಾದಿಪಞ್ಹಾವಣ್ಣನಾ • (3) Pācittiyādipañhāvaṇṇanā
