| Library / Tipiṭaka / ཏིཔིཊཀ • Tipiṭaka / ཁུདྡསིཀྑཱ-མཱུལསིཀྑཱ • Khuddasikkhā-mūlasikkhā |
ནིགམནཀཐཱཝཎྞནཱ
Nigamanakathāvaṇṇanā
༤༧༣. ཡསྨཱ ཀཱརཎཱ ཡཱ སིཀྑནཱ, ཨཡཾ བྷིཀྑུཀིཙྩཾ, ཨཏོ ཏསྨཱ ཀཱརཎཱཏི ཨཏྠོ།
473. Yasmā kāraṇā yā sikkhanā, ayaṃ bhikkhukiccaṃ, ato tasmā kāraṇāti attho.
༤༧༤. ནིཙྩསོ ལོཀཝིཙཱརིནོཏི ནིཙྩཾ ལོཀེ ཝིཙརཏོ། མཱལུཏསྶེཝ པརིསྶམོ ན སམྦྷོཏཱིཏི ཡོཛནཱ། མཱལུཏསྶེཝཱཏི ཝཱཏསྶ ཨིཝ། ན སམྦྷོཏཱིཏི ན ཧོཏི།
474.Niccaso lokavicārinoti niccaṃ loke vicarato. Mālutasseva parissamo na sambhotīti yojanā. Mālutassevāti vātassa iva. Na sambhotīti na hoti.
༤༧༥-༦. ཏམྦཔཎྞི ཨེཝ ཏམྦཔཎྞིཡོ, ཀེཏུ ཝིཡ ཀེཏུ, ཏམྦཔཎྞིཡེ ཀེཏཱུཏི ཏཔྤུརིསོ། ཏེན རཙིཏཱ དྷམྨཝིནཡཉྙུཔསཾསིཏཱ ཨཡཾ ཁུདྡསིཀྑཱ པརིམཱཎཏོ གཱཐཱནཾ པཉྩམཏྟེཧི སཏེཧི ཨེཏྟཱཝཏཱ ནིཊྛཱནམུཔཱགཏཱཏི སམྦནྡྷོ།
475-6. Tambapaṇṇi eva tambapaṇṇiyo, ketu viya ketu, tambapaṇṇiye ketūti tappuriso. Tena racitā dhammavinayaññupasaṃsitā ayaṃ khuddasikkhā parimāṇato gāthānaṃ pañcamattehi satehi ettāvatā niṭṭhānamupāgatāti sambandho.
ནིགམནཀཐཱཝཎྞནཱ ནིཊྛིཏཱ།
Nigamanakathāvaṇṇanā niṭṭhitā.
