| Library / Tipiṭaka / តិបិដក • Tipiṭaka / នេត្តិវិភាវិនី • Nettivibhāvinī |
និគមនកថា
Nigamanakathā
សព្ពសត្តុត្តមោ នាថោ, លោកេ ឧប្បជ្ជិ នាយកោ;
Sabbasattuttamo nātho, loke uppajji nāyako;
សម្ពុទ្ធោ គោតមោ ជិនោ, អនេកគុណលង្កតោ។
Sambuddho gotamo jino, anekaguṇalaṅkato.
សាសនំ តស្ស សេដ្ឋស្ស, អដ្ឋវស្សសតាធិកំ;
Sāsanaṃ tassa seṭṭhassa, aṭṭhavassasatādhikaṃ;
ទ្វិសហស្សំ យទា បត្តំ, និម្មលំ វឌ្ឍនំ សុភំ។
Dvisahassaṃ yadā pattaṃ, nimmalaṃ vaḍḍhanaṃ subhaṃ.
តទា ភូមិស្សរោ មហាធម្មរាជា មហិទ្ធិកោ;
Tadā bhūmissaro mahādhammarājā mahiddhiko;
អាណាចក្កេន សារេតិ, រាជា នោអនុវត្តកេ។
Āṇācakkena sāreti, rājā noanuvattake.
លទ្ធា សេតគជេ វរេ, លោកេ វិម្ហយជានកេ;
Laddhā setagaje vare, loke vimhayajānake;
អប្បមត្តោ មហាវីរោ, បុញ្ញំ កត្វាភិមោទតិ។
Appamatto mahāvīro, puññaṃ katvābhimodati.
តស្មិំ វស្សេវ សាវណេ, មាសេ នវមទិវសេ;
Tasmiṃ vasseva sāvaṇe, māse navamadivase;
សូរិយុគ្គមនេ កាលេ, និព្ពត្តាយំ វិភាវនា។
Sūriyuggamane kāle, nibbattāyaṃ vibhāvanā.
យត្តកំ សាសនំ ឋិតំ, តត្តកំ រចិតំ មយា;
Yattakaṃ sāsanaṃ ṭhitaṃ, tattakaṃ racitaṃ mayā;
ឋាតុ នេត្តិវិភាវនា, ជិនបុត្តហិតាវហា។
Ṭhātu nettivibhāvanā, jinaputtahitāvahā.
ឥតិ តំ រចយន្តេន, បុញ្ញំ អធិគតំ មយា;
Iti taṃ racayantena, puññaṃ adhigataṃ mayā;
ហោន្តុ តស្សានុភាវេន, សព្ពេ វិមុត្តិភាគិនោ។
Hontu tassānubhāvena, sabbe vimuttibhāgino.
រាជទេវី បុត្តនត្តា, បនត្តា ច សជាតិកា;
Rājadevī puttanattā, panattā ca sajātikā;
សព្ពេ រជ្ជសុខេ ឋត្វា, ចរន្តុ ចរិតំ សុខី។
Sabbe rajjasukhe ṭhatvā, carantu caritaṃ sukhī.
ទេវោ កាលេ សុវស្សតុ, សព្ពោ រដ្ឋជនោ សុខី;
Devo kāle suvassatu, sabbo raṭṭhajano sukhī;
អញ្ញមញ្ញំ អហិំសន្តោ, បិយោ ហោតុ ហិតាវហោតិ។
Aññamaññaṃ ahiṃsanto, piyo hotu hitāvahoti.
នេត្តិវិភាវិនី និដ្ឋិតា។
Nettivibhāvinī niṭṭhitā.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / នេត្តិប្បករណ-អដ្ឋកថា • Nettippakaraṇa-aṭṭhakathā / និគមនកថា • Nigamanakathā
ដីកា • Tīkā / សុត្តបិដក (ដីកា) • Suttapiṭaka (ṭīkā) / ខុទ្ទកនិកាយ (ដីកា) • Khuddakanikāya (ṭīkā) / នេត្តិប្បករណ-ដីកា • Nettippakaraṇa-ṭīkā / និគមនកថាវណ្ណនា • Nigamanakathāvaṇṇanā
