| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
និគមនកថា
Nigamanakathā
ឯត្តាវតា សមារទ្ធា, មូលសិក្ខត្ថវណ្ណនា;
Ettāvatā samāraddhā, mūlasikkhatthavaṇṇanā;
និដ្ឋិតា យា សមាសេន, អឌ្ឍមាសស្ស អច្ចយេ។
Niṭṭhitā yā samāsena, aḍḍhamāsassa accaye.
អធុនូបសម្បន្នានំ, ហិតត្ថាយ សមាសតោ;
Adhunūpasampannānaṃ, hitatthāya samāsato;
ឥមំ អត្ថំ វណ្ណយតា, យំ បុញ្ញំធិគតំ មយា។
Imaṃ atthaṃ vaṇṇayatā, yaṃ puññaṃdhigataṃ mayā.
តេន បុញ្ញេនយំ លោកោ, សុខាយ បដិបត្តិយា;
Tena puññenayaṃ loko, sukhāya paṭipattiyā;
បាបុណាតុ វិសុទ្ធាយ, និព្ពានំ អជរំ បទំ។
Pāpuṇātu visuddhāya, nibbānaṃ ajaraṃ padaṃ.
នានាតរុគណាកិណ្ណេ , នានាកុសលកាមិនោ;
Nānātarugaṇākiṇṇe , nānākusalakāmino;
រម្មេ យុទ្ធានបតិនោ, វិហារេ វសតា សតា។
Ramme yuddhānapatino, vihāre vasatā satā.
សាសនេ សិទ្ធិបត្តស្ស, សិទ្ធិនា ញាណសិទ្ធិនា;
Sāsane siddhipattassa, siddhinā ñāṇasiddhinā;
បណ្ឌិតេន កតា ឯសា, មូលសិក្ខត្ថវណ្ណនា។
Paṇḍitena katā esā, mūlasikkhatthavaṇṇanā.
មូលសិក្ខា-ដីកា សមត្តា។
Mūlasikkhā-ṭīkā samattā.
