| Library / Tipiṭaka / តិបិដក • Tipiṭaka / ឧទាន-អដ្ឋកថា • Udāna-aṭṭhakathā |
និគមនកថា
Nigamanakathā
ឯត្តាវតា ច –
Ettāvatāca –
សុវិមុត្តភវាទានោ, ទេវទានវមានិតោ;
Suvimuttabhavādāno, devadānavamānito;
បច្ឆិន្នតណ្ហាសន្តានោ, បីតិសំវេគទីបនោ។
Pacchinnataṇhāsantāno, pītisaṃvegadīpano.
សទ្ធម្មទាននិរតោ, ឧបាទានក្ខយាវហោ;
Saddhammadānanirato, upādānakkhayāvaho;
តត្ថ តត្ថ ឧទានេ យេ, ឧទានេសិ វិនាយកោ។
Tattha tattha udāne ye, udānesi vināyako.
តេ សព្ពេ ឯកតោ កត្វា, អារោបេន្តេហិ សង្គហំ;
Te sabbe ekato katvā, āropentehi saṅgahaṃ;
ឧទានមិតិ សង្គីតំ, ធម្មសង្គាហកេហិ យំ។
Udānamiti saṅgītaṃ, dhammasaṅgāhakehi yaṃ.
តស្ស អត្ថំ បកាសេតុំ, បោរាណដ្ឋកថានយំ;
Tassa atthaṃ pakāsetuṃ, porāṇaṭṭhakathānayaṃ;
និស្សាយ យា សមារទ្ធា, អត្ថសំវណ្ណនា មយា។
Nissāya yā samāraddhā, atthasaṃvaṇṇanā mayā.
សា តត្ថ បរមត្ថានំ, សុត្តន្តេសុ យថារហំ;
Sā tattha paramatthānaṃ, suttantesu yathārahaṃ;
បកាសនា បរមត្ថទីបនី នាម នាមតោ។
Pakāsanā paramatthadīpanī nāma nāmato.
សម្បត្តា បរិនិដ្ឋានំ, អនាកុលវិនិច្ឆយា;
Sampattā pariniṭṭhānaṃ, anākulavinicchayā;
ចតុត្តិំសប្បមាណាយ, បាឡិយា ភាណវារតោ។
Catuttiṃsappamāṇāya, pāḷiyā bhāṇavārato.
ឥតិ តំ សង្ខរោន្តេន, យំ តំ អធិគតំ មយា;
Iti taṃ saṅkharontena, yaṃ taṃ adhigataṃ mayā;
បុញ្ញំ តស្សានុភាវេន, លោកនាថស្ស សាសនំ។
Puññaṃ tassānubhāvena, lokanāthassa sāsanaṃ.
ឱគាហិត្វា វិសុទ្ធាយ, សីលាទិបដិបត្តិយា;
Ogāhitvā visuddhāya, sīlādipaṭipattiyā;
សព្ពេបិ ទេហិនោ ហោន្តុ, វិមុត្តិរសភាគិនោ។
Sabbepi dehino hontu, vimuttirasabhāgino.
ចិរំ តិដ្ឋតុ លោកស្មិំ, សម្មាសម្ពុទ្ធសាសនំ;
Ciraṃ tiṭṭhatu lokasmiṃ, sammāsambuddhasāsanaṃ;
តស្មិំ សគារវា និច្ចំ, ហោន្តុ សព្ពេបិ បាណិនោ។
Tasmiṃ sagāravā niccaṃ, hontu sabbepi pāṇino.
សម្មា វស្សតុ កាលេន, ទេវោបិ ជគតីបតិ;
Sammā vassatu kālena, devopi jagatīpati;
សទ្ធម្មនិរតោ លោកំ, ធម្មេនេវ បសាសតូតិ។
Saddhammanirato lokaṃ, dhammeneva pasāsatūti.
ពទរតិត្ថវិហារវាសិនា អាចរិយធម្មបាលត្ថេរេន
Badaratitthavihāravāsinā ācariyadhammapālattherena
កតាឧទានស្ស អដ្ឋកថា សមត្តា។
Katāudānassa aṭṭhakathā samattā.
