| Library / Tipiṭaka / திபிடக • Tipiṭaka / மிலிந்த³பஞ்ஹபாளி • Milindapañhapāḷi |
நவகு³ய்ஹமந்தவித⁴ங்ஸகங்
Navaguyhamantavidhaṃsakaṃ
‘‘ப⁴ந்தே நாக³ஸேன, நவிமே புக்³க³லா மந்திதங் கு³ய்ஹங் விவரந்தி ந தா⁴ரெந்தி. கதமே நவ? ராக³சரிதோ தோ³ஸசரிதோ மோஹசரிதோ பீ⁴ருகோ ஆமிஸக³ருகோ இத்தீ² ஸொண்டோ³ பண்ட³கோ தா³ரகோ’’தி.
‘‘Bhante nāgasena, navime puggalā mantitaṃ guyhaṃ vivaranti na dhārenti. Katame nava? Rāgacarito dosacarito mohacarito bhīruko āmisagaruko itthī soṇḍo paṇḍako dārako’’ti.
தே²ரோ ஆஹ ‘‘தேஸங் கோ தோ³ஸோ’’தி? ‘‘ராக³சரிதோ, ப⁴ந்தே நாக³ஸேன, ராக³வஸேன மந்திதங் கு³ய்ஹங் விவரதி ந தா⁴ரேதி, தோ³ஸசரிதோ, ப⁴ந்தே , தோ³ஸவஸேன மந்திதங் கு³ய்ஹங் விவரதி ந தா⁴ரேதி, மூள்ஹோ மோஹவஸேன மந்திதங் கு³ய்ஹங் விவரதி ந தா⁴ரேதி, பீ⁴ருகோ ப⁴யவஸேன மந்திதங் கு³ய்ஹங் விவரதி ந தா⁴ரேதி, ஆமிஸக³ருகோ ஆமிஸஹேது மந்திதங் கு³ய்ஹங் விவரதி ந தா⁴ரேதி, இத்தீ² பஞ்ஞாய இத்தரதாய மந்திதங் கு³ய்ஹங் விவரதி ந தா⁴ரேதி, ஸொண்டி³கோ ஸுராலோலதாய மந்திதங் கு³ய்ஹங் விவரதி ந தா⁴ரேதி, பண்ட³கோ அனேகங்ஸிகதாய மந்திதங் கு³ய்ஹங் விவரதி ந தா⁴ரேதி, தா³ரகோ சபலதாய மந்திதங் கு³ய்ஹங் விவரதி ந தா⁴ரேதி. ப⁴வதீஹ –
Thero āha ‘‘tesaṃ ko doso’’ti? ‘‘Rāgacarito, bhante nāgasena, rāgavasena mantitaṃ guyhaṃ vivarati na dhāreti, dosacarito, bhante , dosavasena mantitaṃ guyhaṃ vivarati na dhāreti, mūḷho mohavasena mantitaṃ guyhaṃ vivarati na dhāreti, bhīruko bhayavasena mantitaṃ guyhaṃ vivarati na dhāreti, āmisagaruko āmisahetu mantitaṃ guyhaṃ vivarati na dhāreti, itthī paññāya ittaratāya mantitaṃ guyhaṃ vivarati na dhāreti, soṇḍiko surālolatāya mantitaṃ guyhaṃ vivarati na dhāreti, paṇḍako anekaṃsikatāya mantitaṃ guyhaṃ vivarati na dhāreti, dārako capalatāya mantitaṃ guyhaṃ vivarati na dhāreti. Bhavatīha –
இத்தீ² ஸொண்டோ³ பண்ட³கோ ச, நவமோ ப⁴வதி தா³ரகோ.
Itthī soṇḍo paṇḍako ca, navamo bhavati dārako.
‘‘நவேதே புக்³க³லா லோகே, இத்தரா சலிதா சலா;
‘‘Navete puggalā loke, ittarā calitā calā;
ஏதேஹி மந்திதங் கு³ய்ஹங், கி²ப்பங் ப⁴வதி பாகட’’’ந்தி.
Etehi mantitaṃ guyhaṃ, khippaṃ bhavati pākaṭa’’’nti.
நவ கு³ய்ஹமந்தவித⁴ங்ஸகா புக்³க³லா.
Nava guyhamantavidhaṃsakā puggalā.
Footnotes:
