| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༧. ནཏུམྷསུཏྟཝཎྞནཱ
7. Natumhasuttavaṇṇanā
༣༧. སཏྟམེ ན ཏུམྷཱཀནྟི ཨཏྟནི ཧི སཏི ཨཏྟནིཡཾ ནཱམ ཧོཏི། ཨཏྟཱཡེཝ ཙ ནཏྠི, ཏསྨཱ ‘‘ན ཏུམྷཱཀ’’ནྟི ཨཱཧ། ནཔི ཨཉྙེསནྟི ཨཉྙོ ནཱམ པརེསཾ ཨཏྟཱ, ཏསྨིཾ སཏི ཨཉྙེསཾ ནཱམ སིཡཱ, སོཔི ནཏྠི, ཏསྨཱ ‘‘ནཔི ཨཉྙེས’’ནྟི ཨཱཧ། པུརཱཎམིདཾ, བྷིཀྑཝེ, ཀམྨནྟི ནཡིདཾ པུརཱཎཀམྨམེཝ, པུརཱཎཀམྨནིབྦཏྟོ པནེས ཀཱཡོ, ཏསྨཱ པཙྩཡཝོཧཱརེན ཨེཝཾ ཝུཏྟོ། ཨབྷིསངྑཏནྟིཨཱདི ཀམྨཝོཧཱརསྶེཝ ཝསེན པུརིམལིངྒསབྷཱགཏཱཡ ཝུཏྟཾ, ཨཡཾ པནེཏྠ ཨཏྠོ – ཨབྷིསངྑཏནྟི པཙྩཡེཧི ཀཏོཏི དཊྛབྦོ། ཨབྷིསཉྩེཏཡིཏནྟི ཙེཏནཱཝཏྠུཀོ ཙེཏནཱམཱུལཀོཏི དཊྛབྦོ། ཝེདནིཡནྟི ཝེདནིཡཝཏྠཱུཏི དཊྛབྦོ། སཏྟམཾ།
37. Sattame na tumhākanti attani hi sati attaniyaṃ nāma hoti. Attāyeva ca natthi, tasmā ‘‘na tumhāka’’nti āha. Napi aññesanti añño nāma paresaṃ attā, tasmiṃ sati aññesaṃ nāma siyā, sopi natthi, tasmā ‘‘napi aññesa’’nti āha. Purāṇamidaṃ, bhikkhave, kammanti nayidaṃ purāṇakammameva, purāṇakammanibbatto panesa kāyo, tasmā paccayavohārena evaṃ vutto. Abhisaṅkhatantiādi kammavohārasseva vasena purimaliṅgasabhāgatāya vuttaṃ, ayaṃ panettha attho – abhisaṅkhatanti paccayehi katoti daṭṭhabbo. Abhisañcetayitanti cetanāvatthuko cetanāmūlakoti daṭṭhabbo. Vedaniyanti vedaniyavatthūti daṭṭhabbo. Sattamaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. ནཏུམྷསུཏྟཾ • 7. Natumhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. ནཏུམྷསུཏྟཝཎྞནཱ • 7. Natumhasuttavaṇṇanā
