| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૭૨. મિગપોતકજાતકં (૫-૩-૨)
372. Migapotakajātakaṃ (5-3-2)
૧૧૬.
116.
અગારા પચ્ચુપેતસ્સ, અનગારસ્સ તે સતો;
Agārā paccupetassa, anagārassa te sato;
સમણસ્સ ન તં સાધુ, યં પેતમનુસોચસિ.
Samaṇassa na taṃ sādhu, yaṃ petamanusocasi.
૧૧૭.
117.
સંવાસેન હવે સક્ક, મનુસ્સસ્સ મિગસ્સ વા;
Saṃvāsena have sakka, manussassa migassa vā;
હદયે જાયતે પેમં, ન તં સક્કા અસોચિતું.
Hadaye jāyate pemaṃ, na taṃ sakkā asocituṃ.
૧૧૮.
118.
મતં મરિસ્સં રોદન્તિ, યે રુદન્તિ લપન્તિ ચ;
Mataṃ marissaṃ rodanti, ye rudanti lapanti ca;
તસ્મા ત્વં ઇસિ મા રોદિ, રોદિતં મોઘમાહુ સન્તો.
Tasmā tvaṃ isi mā rodi, roditaṃ moghamāhu santo.
૧૧૯.
119.
રોદિતેન હવે બ્રહ્મે, મતો પેતો સમુટ્ઠહે;
Roditena have brahme, mato peto samuṭṭhahe;
સબ્બે સઙ્ગમ્મ રોદામ, અઞ્ઞમઞ્ઞસ્સ ઞાતકે.
Sabbe saṅgamma rodāma, aññamaññassa ñātake.
૧૨૦.
120.
આદિત્તં વત મં સન્તં, ઘતસિત્તંવ પાવકં;
Ādittaṃ vata maṃ santaṃ, ghatasittaṃva pāvakaṃ;
વારિના વિય ઓસિઞ્ચં, સબ્બં નિબ્બાપયે દરં.
Vārinā viya osiñcaṃ, sabbaṃ nibbāpaye daraṃ.
૧૨૧.
121.
અબ્બહિ વત મે સલ્લં, યમાસિ હદયસ્સિતં;
Abbahi vata me sallaṃ, yamāsi hadayassitaṃ;
યો મે સોકપરેતસ્સ, પુત્તસોકં અપાનુદિ.
Yo me sokaparetassa, puttasokaṃ apānudi.
૧૨૨.
122.
સોહં અબ્બૂળ્હસલ્લોસ્મિ, વીતસોકો અનાવિલો;
Sohaṃ abbūḷhasallosmi, vītasoko anāvilo;
ન સોચામિ ન રોદામિ, તવ સુત્વાન વાસવાતિ.
Na socāmi na rodāmi, tava sutvāna vāsavāti.
મિગપોતકજાતકં દુતિયં.
Migapotakajātakaṃ dutiyaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૭૨] ૨. મિગપોતકજાતકવણ્ણના • [372] 2. Migapotakajātakavaṇṇanā
