| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
11. එකාදසකනිපාතො
11. Ekādasakanipāto
455. මාතුපොසකජාතකං (1)
455. Mātuposakajātakaṃ (1)
1.
1.
තස්ස නාගස්ස විප්පවාසෙන, විරූළ්හා සල්ලකී ච කුටජා ච;
Tassa nāgassa vippavāsena, virūḷhā sallakī ca kuṭajā ca;
කුරුවින්දකරවීරා 1 තිසසාමා ච, නිවාතෙ පුප්ඵිතා ච කණිකාරා.
Kuruvindakaravīrā 2 tisasāmā ca, nivāte pupphitā ca kaṇikārā.
2.
2.
කොචිදෙව සුවණ්ණකායුරා, නාගරාජං භරන්ති පිණ්ඩෙන;
Kocideva suvaṇṇakāyurā, nāgarājaṃ bharanti piṇḍena;
යත්ථ රාජා රාජකුමාරො වා, කවචමභිහෙස්සති අඡම්භිතො 3.
Yattha rājā rājakumāro vā, kavacamabhihessati achambhito 4.
3.
3.
ගණ්හාහි නාග කබළං, මා නාග කිසකො භව;
Gaṇhāhi nāga kabaḷaṃ, mā nāga kisako bhava;
4.
4.
සා නූනසා කපණිකා, අන්ධා අපරිණායිකා;
Sā nūnasā kapaṇikā, andhā apariṇāyikā;
ඛාණුං පාදෙන ඝට්ටෙති, ගිරිං චණ්ඩොරණං පති.
Khāṇuṃ pādena ghaṭṭeti, giriṃ caṇḍoraṇaṃ pati.
5.
5.
කා නු තෙ සා මහානාග, අන්ධා අපරිණායිකා;
Kā nu te sā mahānāga, andhā apariṇāyikā;
ඛාණුං පාදෙන ඝට්ටෙති, ගිරිං චණ්ඩොරණං පති.
Khāṇuṃ pādena ghaṭṭeti, giriṃ caṇḍoraṇaṃ pati.
6.
6.
මාතා මෙ සා මහාරාජ, අන්ධා අපරිණායිකා;
Mātā me sā mahārāja, andhā apariṇāyikā;
ඛාණුං පාදෙන ඝට්ටෙති, ගිරිං චණ්ඩොරණං පති.
Khāṇuṃ pādena ghaṭṭeti, giriṃ caṇḍoraṇaṃ pati.
7.
7.
මුඤ්චථෙතං මහානාගං, යොයං භරති මාතරං;
Muñcathetaṃ mahānāgaṃ, yoyaṃ bharati mātaraṃ;
සමෙතු මාතරා නාගො, සහ සබ්බෙහි ඤාතිභි.
Sametu mātarā nāgo, saha sabbehi ñātibhi.
8.
8.
9.
9.
10.
10.
ගතො මෙ අත්රජො පුත්තො, යො මය්හං පරිචාරකො.
Gato me atrajo putto, yo mayhaṃ paricārako.
11.
11.
උට්ඨෙහි අම්ම කිං සෙසි, ආගතො ත්යාහමත්රජො;
Uṭṭhehi amma kiṃ sesi, āgato tyāhamatrajo;
මුත්තොම්හි කාසිරාජෙන, වෙදෙහෙන යසස්සිනා.
Muttomhi kāsirājena, vedehena yasassinā.
12.
12.
චිරං ජීවතු සො රාජා, කාසීනං රට්ඨවඩ්ඪනො;
Ciraṃ jīvatu so rājā, kāsīnaṃ raṭṭhavaḍḍhano;
යො මෙ පුත්තං පමොචෙසි, සදා වුද්ධාපචායිකන්ති.
Yo me puttaṃ pamocesi, sadā vuddhāpacāyikanti.
මාතුපොසකජාතකං පඨමං.
Mātuposakajātakaṃ paṭhamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ජාතක-අට්ඨකථා • Jātaka-aṭṭhakathā / [455] 1. මාතුපොසකජාතකවණ්ණනා • [455] 1. Mātuposakajātakavaṇṇanā
