| Library / Tipiṭaka / തിപിടക • Tipiṭaka / പേതവത്ഥുപാളി • Petavatthupāḷi |
൯. മഹാപേസകാരപേതിവത്ഥു
9. Mahāpesakārapetivatthu
൫൪.
54.
‘‘ഗൂഥഞ്ച മുത്തം രുഹിരഞ്ച പുബ്ബം, പരിഭുഞ്ജതി കിസ്സ അയം വിപാകോ;
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
അയം നു കിം കമ്മമകാസി നാരീ, യാ സബ്ബദാ ലോഹിതപുബ്ബഭക്ഖാ.
Ayaṃ nu kiṃ kammamakāsi nārī, yā sabbadā lohitapubbabhakkhā.
൫൫.
55.
‘‘നവാനി വത്ഥാനി സുഭാനി ചേവ, മുദൂനി സുദ്ധാനി ച ലോമസാനി;
‘‘Navāni vatthāni subhāni ceva, mudūni suddhāni ca lomasāni;
ദിന്നാനി മിസ്സാ കിതകാ 1 ഭവന്തി, അയം നു കിം കമ്മമകാസി നാരീ’’തി.
Dinnāni missā kitakā 2 bhavanti, ayaṃ nu kiṃ kammamakāsi nārī’’ti.
൫൬.
56.
‘‘ഭരിയാ മമേസാ അഹൂ ഭദന്തേ, അദായികാ മച്ഛരിനീ കദരിയാ;
‘‘Bhariyā mamesā ahū bhadante, adāyikā maccharinī kadariyā;
സാ മം ദദന്തം സമണബ്രാഹ്മണാനം, അക്കോസതി ച പരിഭാസതി ച.
Sā maṃ dadantaṃ samaṇabrāhmaṇānaṃ, akkosati ca paribhāsati ca.
൫൭.
57.
‘‘‘ഗൂഥഞ്ച മുത്തം രുഹിരഞ്ച പുബ്ബം, പരിഭുഞ്ജ ത്വം അസുചിം സബ്ബകാലം;
‘‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
ഏതം തേ പരലോകസ്മിം ഹോതു, വത്ഥാ ച തേ കിടകസമാ ഭവന്തു’;
Etaṃ te paralokasmiṃ hotu, vatthā ca te kiṭakasamā bhavantu’;
ഏതാദിസം ദുച്ചരിതം ചരിത്വാ, ഇധാഗതാ ചിരരത്തായ ഖാദതീ’’തി.
Etādisaṃ duccaritaṃ caritvā, idhāgatā cirarattāya khādatī’’ti.
മഹാപേസകാരപേതിവത്ഥു നവമം.
Mahāpesakārapetivatthu navamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പേതവത്ഥു-അട്ഠകഥാ • Petavatthu-aṭṭhakathā / ൯. മഹാപേസകാരപേതിവത്ഥുവണ്ണനാ • 9. Mahāpesakārapetivatthuvaṇṇanā
