| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๙. มหาเปสการเปติวตฺถุ
9. Mahāpesakārapetivatthu
๕๔.
54.
‘‘คูถญฺจ มุตฺตํ รุหิรญฺจ ปุพฺพํ, ปริภุญฺชติ กิสฺส อยํ วิปาโก;
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
อยํ นุ กิํ กมฺมมกาสิ นารี, ยา สพฺพทา โลหิตปุพฺพภกฺขาฯ
Ayaṃ nu kiṃ kammamakāsi nārī, yā sabbadā lohitapubbabhakkhā.
๕๕.
55.
‘‘นวานิ วตฺถานิ สุภานิ เจว, มุทูนิ สุทฺธานิ จ โลมสานิ;
‘‘Navāni vatthāni subhāni ceva, mudūni suddhāni ca lomasāni;
ทินฺนานิ มิสฺสา กิตกา 1 ภวนฺติ, อยํ นุ กิํ กมฺมมกาสิ นารี’’ติฯ
Dinnāni missā kitakā 2 bhavanti, ayaṃ nu kiṃ kammamakāsi nārī’’ti.
๕๖.
56.
‘‘ภริยา มเมสา อหู ภทเนฺต, อทายิกา มจฺฉรินี กทริยา;
‘‘Bhariyā mamesā ahū bhadante, adāyikā maccharinī kadariyā;
สา มํ ททนฺตํ สมณพฺราหฺมณานํ, อโกฺกสติ จ ปริภาสติ จฯ
Sā maṃ dadantaṃ samaṇabrāhmaṇānaṃ, akkosati ca paribhāsati ca.
๕๗.
57.
‘‘‘คูถญฺจ มุตฺตํ รุหิรญฺจ ปุพฺพํ, ปริภุญฺช ตฺวํ อสุจิํ สพฺพกาลํ;
‘‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
เอตํ เต ปรโลกสฺมิํ โหตุ, วตฺถา จ เต กิฎกสมา ภวนฺตุ’;
Etaṃ te paralokasmiṃ hotu, vatthā ca te kiṭakasamā bhavantu’;
เอตาทิสํ ทุจฺจริตํ จริตฺวา, อิธาคตา จิรรตฺตาย ขาทตี’’ติฯ
Etādisaṃ duccaritaṃ caritvā, idhāgatā cirarattāya khādatī’’ti.
มหาเปสการเปติวตฺถุ นวมํฯ
Mahāpesakārapetivatthu navamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๙. มหาเปสการเปติวตฺถุวณฺณนา • 9. Mahāpesakārapetivatthuvaṇṇanā
