| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੪੭. ਮਹਾਧਮ੍ਮਪਾਲਜਾਤਕਂ (੯)
447. Mahādhammapālajātakaṃ (9)
੯੨.
92.
ਕਿਂ ਤੇ વਤਂ ਕਿਂ ਪਨ ਬ੍ਰਹ੍ਮਚਰਿਯਂ, ਕਿਸ੍ਸ ਸੁਚਿਣ੍ਣਸ੍ਸ ਅਯਂ વਿਪਾਕੋ।
Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;
ਅਕ੍ਖਾਹਿ ਮੇ ਬ੍ਰਾਹ੍ਮਣ ਏਤਮਤ੍ਥਂ, ਕਸ੍ਮਾ ਨੁ ਤੁਮ੍ਹਂ ਦਹਰਾ ਨ ਮਿਯ੍ਯਰੇ 1॥
Akkhāhi me brāhmaṇa etamatthaṃ, kasmā nu tumhaṃ daharā na miyyare 2.
੯੩.
93.
ਧਮ੍ਮਂ ਚਰਾਮ ਨ ਮੁਸਾ ਭਣਾਮ, ਪਾਪਾਨਿ ਕਮ੍ਮਾਨਿ ਪਰਿવਜ੍ਜਯਾਮ 3।
Dhammaṃ carāma na musā bhaṇāma, pāpāni kammāni parivajjayāma 4;
ਅਨਰਿਯਂ ਪਰਿવਜ੍ਜੇਮੁ ਸਬ੍ਬਂ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Anariyaṃ parivajjemu sabbaṃ, tasmā hi amhaṃ daharā na miyyare.
੯੪.
94.
ਸੁਣੋਮ ਧਮ੍ਮਂ ਅਸਤਂ ਸਤਞ੍ਚ, ਨ ਚਾਪਿ ਧਮ੍ਮਂ ਅਸਤਂ ਰੋਚਯਾਮ।
Suṇoma dhammaṃ asataṃ satañca, na cāpi dhammaṃ asataṃ rocayāma;
ਹਿਤ੍વਾ ਅਸਨ੍ਤੇ ਨ ਜਹਾਮ ਸਨ੍ਤੇ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Hitvā asante na jahāma sante, tasmā hi amhaṃ daharā na miyyare.
੯੫.
95.
ਪੁਬ੍ਬੇવ ਦਾਨਾ ਸੁਮਨਾ ਭવਾਮ, ਦਦਮ੍ਪਿ વੇ ਅਤ੍ਤਮਨਾ ਭવਾਮ।
Pubbeva dānā sumanā bhavāma, dadampi ve attamanā bhavāma;
ਦਤ੍વਾਪਿ વੇ ਨਾਨੁਤਪ੍ਪਾਮ ਪਚ੍ਛਾ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Datvāpi ve nānutappāma pacchā, tasmā hi amhaṃ daharā na miyyare.
੯੬.
96.
ਸਮਣੇ ਮਯਂ ਬ੍ਰਾਹ੍ਮਣੇ ਅਦ੍ਧਿਕੇ ਚ, વਨਿਬ੍ਬਕੇ ਯਾਚਨਕੇ ਦਲਿਦ੍ਦੇ।
Samaṇe mayaṃ brāhmaṇe addhike ca, vanibbake yācanake dalidde;
ਅਨ੍ਨੇਨ ਪਾਨੇਨ ਅਭਿਤਪ੍ਪਯਾਮ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Annena pānena abhitappayāma, tasmā hi amhaṃ daharā na miyyare.
੯੭.
97.
ਮਯਞ੍ਚ ਭਰਿਯਂ ਨਾਤਿਕ੍ਕਮਾਮ, ਅਮ੍ਹੇ ਚ ਭਰਿਯਾ ਨਾਤਿਕ੍ਕਮਨ੍ਤਿ।
Mayañca bhariyaṃ nātikkamāma, amhe ca bhariyā nātikkamanti;
ਅਞ੍ਞਤ੍ਰ ਤਾਹਿ ਬ੍ਰਹ੍ਮਚਰਿਯਂ ਚਰਾਮ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Aññatra tāhi brahmacariyaṃ carāma, tasmā hi amhaṃ daharā na miyyare.
੯੮.
98.
ਪਾਣਾਤਿਪਾਤਾ વਿਰਮਾਮ ਸਬ੍ਬੇ, ਲੋਕੇ ਅਦਿਨ੍ਨਂ ਪਰਿવਜ੍ਜਯਾਮ।
Pāṇātipātā viramāma sabbe, loke adinnaṃ parivajjayāma;
ਅਮਜ੍ਜਪਾ ਨੋਪਿ ਮੁਸਾ ਭਣਾਮ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Amajjapā nopi musā bhaṇāma, tasmā hi amhaṃ daharā na miyyare.
੯੯.
99.
ਏਤਾਸੁ વੇ ਜਾਯਰੇ ਸੁਤ੍ਤਮਾਸੁ, ਮੇਧਾવਿਨੋ ਹੋਨ੍ਤਿ ਪਹੂਤਪਞ੍ਞਾ।
Etāsu ve jāyare suttamāsu, medhāvino honti pahūtapaññā;
ਬਹੁਸ੍ਸੁਤਾ વੇਦਗੁਨੋ 5 ਚ ਹੋਨ੍ਤਿ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Bahussutā vedaguno 6 ca honti, tasmā hi amhaṃ daharā na miyyare.
੧੦੦.
100.
ਮਾਤਾ ਪਿਤਾ ਚ 7 ਭਗਿਨੀ ਭਾਤਰੋ ਚ, ਪੁਤ੍ਤਾ ਚ ਦਾਰਾ ਚ ਮਯਞ੍ਚ ਸਬ੍ਬੇ।
Mātā pitā ca 8 bhaginī bhātaro ca, puttā ca dārā ca mayañca sabbe;
ਧਮ੍ਮਂ ਚਰਾਮ ਪਰਲੋਕਹੇਤੁ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Dhammaṃ carāma paralokahetu, tasmā hi amhaṃ daharā na miyyare.
੧੦੧.
101.
ਦਾਸਾ ਚ ਦਾਸ੍ਯੋ 9 ਅਨੁਜੀવਿਨੋ ਚ, ਪਰਿਚਾਰਕਾ ਕਮ੍ਮਕਰਾ ਚ ਸਬ੍ਬੇ।
Dāsā ca dāsyo 10 anujīvino ca, paricārakā kammakarā ca sabbe;
ਧਮ੍ਮਂ ਚਰਨ੍ਤਿ ਪਰਲੋਕਹੇਤੁ, ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ॥
Dhammaṃ caranti paralokahetu, tasmā hi amhaṃ daharā na miyyare.
੧੦੨.
102.
ਧਮ੍ਮੋ ਹવੇ ਰਕ੍ਖਤਿ ਧਮ੍ਮਚਾਰਿਂ, ਧਮ੍ਮੋ ਸੁਚਿਣ੍ਣੋ ਸੁਖਮਾવਹਾਤਿ।
Dhammo have rakkhati dhammacāriṃ, dhammo suciṇṇo sukhamāvahāti;
ਏਸਾਨਿਸਂਸੋ ਧਮ੍ਮੇ ਸੁਚਿਣ੍ਣੇ, ਨ ਦੁਗ੍ਗਤਿਂ ਗਚ੍ਛਤਿ ਧਮ੍ਮਚਾਰੀ॥
Esānisaṃso dhamme suciṇṇe, na duggatiṃ gacchati dhammacārī.
੧੦੩.
103.
ਧਮ੍ਮੋ ਹવੇ ਰਕ੍ਖਤਿ ਧਮ੍ਮਚਾਰਿਂ, ਛਤ੍ਤਂ ਮਹਨ੍ਤਂ વਿਯ વਸ੍ਸਕਾਲੇ।
Dhammo have rakkhati dhammacāriṃ, chattaṃ mahantaṃ viya vassakāle;
ਧਮ੍ਮੇਨ ਗੁਤ੍ਤੋ ਮਮ ਧਮ੍ਮਪਾਲੋ, ਅਞ੍ਞਸ੍ਸ ਅਟ੍ਠੀਨਿ ਸੁਖੀ ਕੁਮਾਰੋਤਿ॥
Dhammena gutto mama dhammapālo, aññassa aṭṭhīni sukhī kumāroti.
ਮਹਾਧਮ੍ਮਪਾਲਜਾਤਕਂ ਨવਮਂ।
Mahādhammapālajātakaṃ navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੪੭] ੯. ਮਹਾਧਮ੍ਮਪਾਲਜਾਤਕવਣ੍ਣਨਾ • [447] 9. Mahādhammapālajātakavaṇṇanā
