| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
447. මහාධම්මපාලජාතකං (9)
447. Mahādhammapālajātakaṃ (9)
92.
92.
කිං තෙ වතං කිං පන බ්රහ්මචරියං, කිස්ස සුචිණ්ණස්ස අයං විපාකො;
Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;
අක්ඛාහි මෙ බ්රාහ්මණ එතමත්ථං, කස්මා නු තුම්හං දහරා න මිය්යරෙ 1.
Akkhāhi me brāhmaṇa etamatthaṃ, kasmā nu tumhaṃ daharā na miyyare 2.
93.
93.
ධම්මං චරාම න මුසා භණාම, පාපානි කම්මානි පරිවජ්ජයාම 3;
Dhammaṃ carāma na musā bhaṇāma, pāpāni kammāni parivajjayāma 4;
අනරියං පරිවජ්ජෙමු සබ්බං, තස්මා හි අම්හං දහරා න මිය්යරෙ.
Anariyaṃ parivajjemu sabbaṃ, tasmā hi amhaṃ daharā na miyyare.
94.
94.
සුණොම ධම්මං අසතං සතඤ්ච, න චාපි ධම්මං අසතං රොචයාම;
Suṇoma dhammaṃ asataṃ satañca, na cāpi dhammaṃ asataṃ rocayāma;
හිත්වා අසන්තෙ න ජහාම සන්තෙ, තස්මා හි අම්හං දහරා න මිය්යරෙ.
Hitvā asante na jahāma sante, tasmā hi amhaṃ daharā na miyyare.
95.
95.
පුබ්බෙව දානා සුමනා භවාම, දදම්පි වෙ අත්තමනා භවාම;
Pubbeva dānā sumanā bhavāma, dadampi ve attamanā bhavāma;
දත්වාපි වෙ නානුතප්පාම පච්ඡා, තස්මා හි අම්හං දහරා න මිය්යරෙ.
Datvāpi ve nānutappāma pacchā, tasmā hi amhaṃ daharā na miyyare.
96.
96.
සමණෙ මයං බ්රාහ්මණෙ අද්ධිකෙ ච, වනිබ්බකෙ යාචනකෙ දලිද්දෙ;
Samaṇe mayaṃ brāhmaṇe addhike ca, vanibbake yācanake dalidde;
අන්නෙන පානෙන අභිතප්පයාම, තස්මා හි අම්හං දහරා න මිය්යරෙ.
Annena pānena abhitappayāma, tasmā hi amhaṃ daharā na miyyare.
97.
97.
මයඤ්ච භරියං නාතික්කමාම, අම්හෙ ච භරියා නාතික්කමන්ති;
Mayañca bhariyaṃ nātikkamāma, amhe ca bhariyā nātikkamanti;
අඤ්ඤත්ර තාහි බ්රහ්මචරියං චරාම, තස්මා හි අම්හං දහරා න මිය්යරෙ.
Aññatra tāhi brahmacariyaṃ carāma, tasmā hi amhaṃ daharā na miyyare.
98.
98.
පාණාතිපාතා විරමාම සබ්බෙ, ලොකෙ අදින්නං පරිවජ්ජයාම;
Pāṇātipātā viramāma sabbe, loke adinnaṃ parivajjayāma;
අමජ්ජපා නොපි මුසා භණාම, තස්මා හි අම්හං දහරා න මිය්යරෙ.
Amajjapā nopi musā bhaṇāma, tasmā hi amhaṃ daharā na miyyare.
99.
99.
එතාසු වෙ ජායරෙ සුත්තමාසු, මෙධාවිනො හොන්ති පහූතපඤ්ඤා;
Etāsu ve jāyare suttamāsu, medhāvino honti pahūtapaññā;
බහුස්සුතා වෙදගුනො 5 ච හොන්ති, තස්මා හි අම්හං දහරා න මිය්යරෙ.
Bahussutā vedaguno 6 ca honti, tasmā hi amhaṃ daharā na miyyare.
100.
100.
මාතා පිතා ච 7 භගිනී භාතරො ච, පුත්තා ච දාරා ච මයඤ්ච සබ්බෙ;
Mātā pitā ca 8 bhaginī bhātaro ca, puttā ca dārā ca mayañca sabbe;
ධම්මං චරාම පරලොකහෙතු, තස්මා හි අම්හං දහරා න මිය්යරෙ.
Dhammaṃ carāma paralokahetu, tasmā hi amhaṃ daharā na miyyare.
101.
101.
දාසා ච දාස්යො 9 අනුජීවිනො ච, පරිචාරකා කම්මකරා ච සබ්බෙ;
Dāsā ca dāsyo 10 anujīvino ca, paricārakā kammakarā ca sabbe;
ධම්මං චරන්ති පරලොකහෙතු, තස්මා හි අම්හං දහරා න මිය්යරෙ.
Dhammaṃ caranti paralokahetu, tasmā hi amhaṃ daharā na miyyare.
102.
102.
ධම්මො හවෙ රක්ඛති ධම්මචාරිං, ධම්මො සුචිණ්ණො සුඛමාවහාති;
Dhammo have rakkhati dhammacāriṃ, dhammo suciṇṇo sukhamāvahāti;
එසානිසංසො ධම්මෙ සුචිණ්ණෙ, න දුග්ගතිං ගච්ඡති ධම්මචාරී.
Esānisaṃso dhamme suciṇṇe, na duggatiṃ gacchati dhammacārī.
103.
103.
ධම්මො හවෙ රක්ඛති ධම්මචාරිං, ඡත්තං මහන්තං විය වස්සකාලෙ;
Dhammo have rakkhati dhammacāriṃ, chattaṃ mahantaṃ viya vassakāle;
ධම්මෙන ගුත්තො මම ධම්මපාලො, අඤ්ඤස්ස අට්ඨීනි සුඛී කුමාරොති.
Dhammena gutto mama dhammapālo, aññassa aṭṭhīni sukhī kumāroti.
මහාධම්මපාලජාතකං නවමං.
Mahādhammapālajātakaṃ navamaṃ.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ජාතක-අට්ඨකථා • Jātaka-aṭṭhakathā / [447] 9. මහාධම්මපාලජාතකවණ්ණනා • [447] 9. Mahādhammapālajātakavaṇṇanā
