| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೪೭. ಮಹಾಧಮ್ಮಪಾಲಜಾತಕಂ (೯)
447. Mahādhammapālajātakaṃ (9)
೯೨.
92.
ಕಿಂ ತೇ ವತಂ ಕಿಂ ಪನ ಬ್ರಹ್ಮಚರಿಯಂ, ಕಿಸ್ಸ ಸುಚಿಣ್ಣಸ್ಸ ಅಯಂ ವಿಪಾಕೋ।
Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;
ಅಕ್ಖಾಹಿ ಮೇ ಬ್ರಾಹ್ಮಣ ಏತಮತ್ಥಂ, ಕಸ್ಮಾ ನು ತುಮ್ಹಂ ದಹರಾ ನ ಮಿಯ್ಯರೇ 1॥
Akkhāhi me brāhmaṇa etamatthaṃ, kasmā nu tumhaṃ daharā na miyyare 2.
೯೩.
93.
ಧಮ್ಮಂ ಚರಾಮ ನ ಮುಸಾ ಭಣಾಮ, ಪಾಪಾನಿ ಕಮ್ಮಾನಿ ಪರಿವಜ್ಜಯಾಮ 3।
Dhammaṃ carāma na musā bhaṇāma, pāpāni kammāni parivajjayāma 4;
ಅನರಿಯಂ ಪರಿವಜ್ಜೇಮು ಸಬ್ಬಂ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Anariyaṃ parivajjemu sabbaṃ, tasmā hi amhaṃ daharā na miyyare.
೯೪.
94.
ಸುಣೋಮ ಧಮ್ಮಂ ಅಸತಂ ಸತಞ್ಚ, ನ ಚಾಪಿ ಧಮ್ಮಂ ಅಸತಂ ರೋಚಯಾಮ।
Suṇoma dhammaṃ asataṃ satañca, na cāpi dhammaṃ asataṃ rocayāma;
ಹಿತ್ವಾ ಅಸನ್ತೇ ನ ಜಹಾಮ ಸನ್ತೇ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Hitvā asante na jahāma sante, tasmā hi amhaṃ daharā na miyyare.
೯೫.
95.
ಪುಬ್ಬೇವ ದಾನಾ ಸುಮನಾ ಭವಾಮ, ದದಮ್ಪಿ ವೇ ಅತ್ತಮನಾ ಭವಾಮ।
Pubbeva dānā sumanā bhavāma, dadampi ve attamanā bhavāma;
ದತ್ವಾಪಿ ವೇ ನಾನುತಪ್ಪಾಮ ಪಚ್ಛಾ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Datvāpi ve nānutappāma pacchā, tasmā hi amhaṃ daharā na miyyare.
೯೬.
96.
ಸಮಣೇ ಮಯಂ ಬ್ರಾಹ್ಮಣೇ ಅದ್ಧಿಕೇ ಚ, ವನಿಬ್ಬಕೇ ಯಾಚನಕೇ ದಲಿದ್ದೇ।
Samaṇe mayaṃ brāhmaṇe addhike ca, vanibbake yācanake dalidde;
ಅನ್ನೇನ ಪಾನೇನ ಅಭಿತಪ್ಪಯಾಮ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Annena pānena abhitappayāma, tasmā hi amhaṃ daharā na miyyare.
೯೭.
97.
ಮಯಞ್ಚ ಭರಿಯಂ ನಾತಿಕ್ಕಮಾಮ, ಅಮ್ಹೇ ಚ ಭರಿಯಾ ನಾತಿಕ್ಕಮನ್ತಿ।
Mayañca bhariyaṃ nātikkamāma, amhe ca bhariyā nātikkamanti;
ಅಞ್ಞತ್ರ ತಾಹಿ ಬ್ರಹ್ಮಚರಿಯಂ ಚರಾಮ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Aññatra tāhi brahmacariyaṃ carāma, tasmā hi amhaṃ daharā na miyyare.
೯೮.
98.
ಪಾಣಾತಿಪಾತಾ ವಿರಮಾಮ ಸಬ್ಬೇ, ಲೋಕೇ ಅದಿನ್ನಂ ಪರಿವಜ್ಜಯಾಮ।
Pāṇātipātā viramāma sabbe, loke adinnaṃ parivajjayāma;
ಅಮಜ್ಜಪಾ ನೋಪಿ ಮುಸಾ ಭಣಾಮ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Amajjapā nopi musā bhaṇāma, tasmā hi amhaṃ daharā na miyyare.
೯೯.
99.
ಏತಾಸು ವೇ ಜಾಯರೇ ಸುತ್ತಮಾಸು, ಮೇಧಾವಿನೋ ಹೋನ್ತಿ ಪಹೂತಪಞ್ಞಾ।
Etāsu ve jāyare suttamāsu, medhāvino honti pahūtapaññā;
ಬಹುಸ್ಸುತಾ ವೇದಗುನೋ 5 ಚ ಹೋನ್ತಿ, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Bahussutā vedaguno 6 ca honti, tasmā hi amhaṃ daharā na miyyare.
೧೦೦.
100.
ಮಾತಾ ಪಿತಾ ಚ 7 ಭಗಿನೀ ಭಾತರೋ ಚ, ಪುತ್ತಾ ಚ ದಾರಾ ಚ ಮಯಞ್ಚ ಸಬ್ಬೇ।
Mātā pitā ca 8 bhaginī bhātaro ca, puttā ca dārā ca mayañca sabbe;
ಧಮ್ಮಂ ಚರಾಮ ಪರಲೋಕಹೇತು, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Dhammaṃ carāma paralokahetu, tasmā hi amhaṃ daharā na miyyare.
೧೦೧.
101.
ದಾಸಾ ಚ ದಾಸ್ಯೋ 9 ಅನುಜೀವಿನೋ ಚ, ಪರಿಚಾರಕಾ ಕಮ್ಮಕರಾ ಚ ಸಬ್ಬೇ।
Dāsā ca dāsyo 10 anujīvino ca, paricārakā kammakarā ca sabbe;
ಧಮ್ಮಂ ಚರನ್ತಿ ಪರಲೋಕಹೇತು, ತಸ್ಮಾ ಹಿ ಅಮ್ಹಂ ದಹರಾ ನ ಮಿಯ್ಯರೇ॥
Dhammaṃ caranti paralokahetu, tasmā hi amhaṃ daharā na miyyare.
೧೦೨.
102.
ಧಮ್ಮೋ ಹವೇ ರಕ್ಖತಿ ಧಮ್ಮಚಾರಿಂ, ಧಮ್ಮೋ ಸುಚಿಣ್ಣೋ ಸುಖಮಾವಹಾತಿ।
Dhammo have rakkhati dhammacāriṃ, dhammo suciṇṇo sukhamāvahāti;
ಏಸಾನಿಸಂಸೋ ಧಮ್ಮೇ ಸುಚಿಣ್ಣೇ, ನ ದುಗ್ಗತಿಂ ಗಚ್ಛತಿ ಧಮ್ಮಚಾರೀ॥
Esānisaṃso dhamme suciṇṇe, na duggatiṃ gacchati dhammacārī.
೧೦೩.
103.
ಧಮ್ಮೋ ಹವೇ ರಕ್ಖತಿ ಧಮ್ಮಚಾರಿಂ, ಛತ್ತಂ ಮಹನ್ತಂ ವಿಯ ವಸ್ಸಕಾಲೇ।
Dhammo have rakkhati dhammacāriṃ, chattaṃ mahantaṃ viya vassakāle;
ಧಮ್ಮೇನ ಗುತ್ತೋ ಮಮ ಧಮ್ಮಪಾಲೋ, ಅಞ್ಞಸ್ಸ ಅಟ್ಠೀನಿ ಸುಖೀ ಕುಮಾರೋತಿ॥
Dhammena gutto mama dhammapālo, aññassa aṭṭhīni sukhī kumāroti.
ಮಹಾಧಮ್ಮಪಾಲಜಾತಕಂ ನವಮಂ।
Mahādhammapālajātakaṃ navamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೪೭] ೯. ಮಹಾಧಮ್ಮಪಾಲಜಾತಕವಣ್ಣನಾ • [447] 9. Mahādhammapālajātakavaṇṇanā
