| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၁၁. မဟာစောရသုတ္တဝဏ္ဏနာ
11. Mahācorasuttavaṇṇanā
၅၁. ဧကာဒသမေ မဟာဗလဝစောရော မဟာစောရောတိ အာဟ ‘‘မဟန္တော ဗလဝစောရော’’တိ။ ဗလဝစောရောတိ စ မဟာထာမတာယ မဟာပရိဝာရတာယ မဟာစောရိယကမ္မသမတ္ထတာယ စ ဝေဒိတဗ္ဗော။ မဟတံ ဂာမနိဂမာနံ ဝိလုပ္ပနံ မဟာဝိလောပော။ တံ တံ ကာရဏံ ပက္ခိပိတ္ဝာတိ တံ တံ အကရဏမေဝ ကာရဏံ ကတ္ဝာ တပ္ပဋိဗဒ္ဓာယ ကထာယ ပက္ခိပိတ္ဝာ။ အတ္ထံ ကထယိသ္သန္တီတိ တသ္သ တသ္သ အတ္ထဉ္စ ကထယိသ္သန္တိ။ ဟရန္တာတိ အပနေန္တာ ပရိဟရန္တာ။ ဒသဝတ္ထုကာယာတိ ‘‘သသ္သတော လောကော’’တိ (မ. နိ. ၁.၂၆၉) အာဒိဒသဝတ္ထုသန္နိသ္သိတာယ။ အန္တံ ဂဟေတ္ဝာ ဌိတဒိဋ္ဌိယာတိ တမေဝ သသ္သတာဒိအန္တံ ဂဟေတ္ဝာ အဝိသ္သဇ္ဇေတ္ဝာ ဌိတဒိဋ္ဌိယာ။
51. Ekādasame mahābalavacoro mahācoroti āha ‘‘mahanto balavacoro’’ti. Balavacoroti ca mahāthāmatāya mahāparivāratāya mahācoriyakammasamatthatāya ca veditabbo. Mahataṃ gāmanigamānaṃ viluppanaṃ mahāvilopo. Taṃ taṃ kāraṇaṃ pakkhipitvāti taṃ taṃ akaraṇameva kāraṇaṃ katvā tappaṭibaddhāya kathāya pakkhipitvā. Atthaṃ kathayissantīti tassa tassa atthañca kathayissanti. Harantāti apanentā pariharantā. Dasavatthukāyāti ‘‘sassato loko’’ti (ma. ni. 1.269) ādidasavatthusannissitāya. Antaṃ gahetvā ṭhitadiṭṭhiyāti tameva sassatādiantaṃ gahetvā avissajjetvā ṭhitadiṭṭhiyā.
မဟာစောရသုတ္တဝဏ္ဏနာ နိဋ္ဌိတာ။
Mahācorasuttavaṇṇanā niṭṭhitā.
စူဠဝဂ္ဂဝဏ္ဏနာ နိဋ္ဌိတာ။
Cūḷavaggavaṇṇanā niṭṭhitā.
ပဌမပဏ္ဏာသကံ နိဋ္ဌိတံ။
Paṭhamapaṇṇāsakaṃ niṭṭhitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၁. မဟာစောရသုတ္တံ • 11. Mahācorasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၁. မဟာစောရသုတ္တဝဏ္ဏနာ • 11. Mahācorasuttavaṇṇanā
