| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၁. မဂ္ဂင္ဂသုတ္တံ
11. Maggaṅgasuttaṃ
၃၇၆. ‘‘ကတမော စ, ဘိက္ခဝေ, အသင္ခတဂာမိမဂ္ဂော? အရိယော အဋ္ဌင္ဂိကော မဂ္ဂော။ အယံ ဝုစ္စတိ, ဘိက္ခဝေ, အသင္ခတဂာမိမဂ္ဂော။ ဣတိ ခော, ဘိက္ခဝေ , ဒေသိတံ ဝော မယာ အသင္ခတံ, ဒေသိတော အသင္ခတဂာမိမဂ္ဂော။ ယံ, ဘိက္ခဝေ, သတ္ထာရာ ကရဏီယံ သာဝကာနံ ဟိတေသိနာ အနုကမ္ပကေန အနုကမ္ပံ ဥပာဒာယ ကတံ ဝော တံ မယာ။ ဧတာနိ, ဘိက္ခဝေ, ရုက္ခမူလာနိ, ဧတာနိ သုညာဂာရာနိ။ ဈာယထ, ဘိက္ခဝေ, မာ ပမာဒတ္ထ; မာ ပစ္ဆာ ဝိပ္ပဋိသာရိနော အဟုဝတ္ထ။ အယံ ဝော အမ္ဟာကံ အနုသာသနီ’’တိ။ ဧကာဒသမံ။
376. ‘‘Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṃ vuccati, bhikkhave, asaṅkhatagāmimaggo. Iti kho, bhikkhave , desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Ekādasamaṃ.
ပဌမော ဝဂ္ဂော။
Paṭhamo vaggo.
တသ္သုဒ္ဒာနံ –
Tassuddānaṃ –
ကာယော သမထော သဝိတက္ကော၊ သုညတော သတိပဋ္ဌာနာ။
Kāyo samatho savitakko, suññato satipaṭṭhānā;
သမ္မပ္ပဓာနာ ဣဒ္ဓိပာဒာ၊ ဣန္ဒ္ရိယဗလဗောဇ္ဈင္ဂာ။
Sammappadhānā iddhipādā, indriyabalabojjhaṅgā;
မဂ္ဂေန ဧကာဒသမံ၊ တသ္သုဒ္ဒာနံ ပဝုစ္စတိ။
Maggena ekādasamaṃ, tassuddānaṃ pavuccati.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၁၁. ကာယဂတာသတိသုတ္တာဒိဝဏ္ဏနာ • 1-11. Kāyagatāsatisuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၁၁. ကာယဂတာသတိသုတ္တာဒိဝဏ္ဏနာ • 1-11. Kāyagatāsatisuttādivaṇṇanā
