| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༩. ཀུཏཱུཧལསཱལཱསུཏྟཝཎྞནཱ
9. Kutūhalasālāsuttavaṇṇanā
༤༡༨. ནཱནཱཝིདྷནྟི ཏཾཏཾདིཊྛིཝཱདཔཊིསཾཡུཏྟཾ ཨཉྙམྤི ཝཱ ནཱནཱཝིདྷཾ ཏིརཙྪཱནཀཐཾ། བཧཱུནཾ ཀུཏཱུཧལུཔྤཏྟིཊྛཱནཏོཏི ཡོཛནཱ། ཡཱཝ ཨཱབྷསྶརབྲཧྨལོཀཱ གཙྪཏཱིཏི ཨགྒིནཱ ཀཔྤཝུཊྛཱནཀཱལེ གཙྪཏི, ཏཾ སནྡྷཱཡ ཝུཏྟཾ། ཨིམཉྩ ཀཱཡནྟི ཨིམཾ རཱུཔཀཱཡཾ། ཙུཏིཙིཏྟེན ནིཀྑིཔཏཱིཏི ཙུཏིཙིཏྟེན བྷིཛྫམཱནེན ནིཀྑིཔཏི། ཙུཏིཙིཏྟསྶ ཧི ཨོརཾ སཏྟརསམསྶ ཙིཏྟསྶ ཨུཔྤཱདཀྑཎེ ཨུཔྤནྣཾ ཀམྨཛརཱུཔཾ ཙུཏིཙིཏྟེན སདྡྷིཾ ནིརུཛ྄ཛྷཏི, ཏཏོ པརཾ ཀམྨཛརཱུཔཾ ན ཨུཔྤཛྫཏི། ཡདི ཨུཔྤཛྫེཡྻ, མརཎཾ ན སིཡཱ, ཙུཏིཙིཏྟཾ རཱུཔཾ ན སམུཊྛཱཔེཏི, ཨཱཧཱརཛསྶ ཙ ཨསམྦྷཝོ ཨེཝ, ཨུཏུཛཾ པན ཝཏྟཏེཝ། ཡསྨཱ པཊིསནྡྷིཀྑཎེ སཏྟོ ཨཉྙཏརཎཱཡ ཨུཔཔཛྫཏི ནཱམ, ཙུཏིཀྑཎེ པཊིསནྡྷིཙིཏྟཾ ཨལདྡྷཾ ཨཉྙཏརཎཱཡ, ཏསྨཱ ཝུཏྟཾ ‘‘ཙུཏིཀྑཎེ…པེ॰… ཧོཏཱི’’ཏི།
418.Nānāvidhanti taṃtaṃdiṭṭhivādapaṭisaṃyuttaṃ aññampi vā nānāvidhaṃ tiracchānakathaṃ. Bahūnaṃ kutūhaluppattiṭṭhānatoti yojanā. Yāva ābhassarabrahmalokā gacchatīti agginā kappavuṭṭhānakāle gacchati, taṃ sandhāya vuttaṃ. Imañca kāyanti imaṃ rūpakāyaṃ. Cuticittena nikkhipatīti cuticittena bhijjamānena nikkhipati. Cuticittassa hi oraṃ sattarasamassa cittassa uppādakkhaṇe uppannaṃ kammajarūpaṃ cuticittena saddhiṃ nirujjhati, tato paraṃ kammajarūpaṃ na uppajjati. Yadi uppajjeyya, maraṇaṃ na siyā, cuticittaṃ rūpaṃ na samuṭṭhāpeti, āhārajassa ca asambhavo eva, utujaṃ pana vattateva. Yasmā paṭisandhikkhaṇe satto aññataraṇāya upapajjati nāma, cutikkhaṇe paṭisandhicittaṃ aladdhaṃ aññataraṇāya, tasmā vuttaṃ ‘‘cutikkhaṇe…pe… hotī’’ti.
ཀུཏཱུཧལསཱལཱསུཏྟཝཎྞནཱ ནིཊྛིཏཱ།
Kutūhalasālāsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༩. ཀུཏཱུཧལསཱལཱསུཏྟཾ • 9. Kutūhalasālāsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༩. ཀུཏཱུཧལསཱལཱསུཏྟཝཎྞནཱ • 9. Kutūhalasālāsuttavaṇṇanā
