| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. ཀཱུཊཱགཱརསུཏྟཾ
4. Kūṭāgārasuttaṃ
༡༡༡༤. ‘‘ཡོ ཧི, བྷིཀྑཝེ 1, ཨེཝཾ ཝདེཡྻ – ‘ཨཧཾ དུཀྑཾ ཨརིཡསཙྩཾ ཡཐཱབྷཱུཏཾ ཨནབྷིསམེཙྩ…པེ॰… དུཀྑནིརོདྷགཱམིནིཾ པཊིཔདཾ ཨརིཡསཙྩཾ ཡཐཱབྷཱུཏཾ ཨནབྷིསམེཙྩ སམྨཱ དུཀྑསྶནྟཾ ཀརིསྶཱམཱི’ཏི – ནེཏཾ ཋཱནཾ ཝིཛྫཏི།
1114. ‘‘Yo hi, bhikkhave 2, evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘སེཡྻཐཱཔི , བྷིཀྑཝེ, ཡོ ཨེཝཾ ཝདེཡྻ – ‘ཨཧཾ ཀཱུཊཱགཱརསྶ ཧེཊྛིམཾ གྷརཾ ཨཀརིཏྭཱ ཨུཔརིམཾ གྷརཾ ཨཱརོཔེསྶཱམཱི’ཏི – ནེཏཾ ཋཱནཾ ཝིཛྫཏི; ཨེཝམེཝ ཁོ, བྷིཀྑཝེ, ཡོ ཨེཝཾ ཝདེཡྻ – ‘ཨཧཾ དུཀྑཾ ཨརིཡསཙྩཾ ཡཐཱབྷཱུཏཾ ཨནབྷིསམེཙྩ…པེ॰… དུཀྑནིརོདྷགཱམིནིཾ པཊིཔདཾ ཨརིཡསཙྩཾ ཡཐཱབྷཱུཏཾ ཨནབྷིསམེཙྩ སམྨཱ དུཀྑསྶནྟཾ ཀརིསྶཱམཱི’ཏི – ནེཏཾ ཋཱནཾ ཝིཛྫཏི།
‘‘Seyyathāpi , bhikkhave, yo evaṃ vadeyya – ‘ahaṃ kūṭāgārassa heṭṭhimaṃ gharaṃ akaritvā uparimaṃ gharaṃ āropessāmī’ti – netaṃ ṭhānaṃ vijjati; evameva kho, bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ anabhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ anabhisamecca sammā dukkhassantaṃ karissāmī’ti – netaṃ ṭhānaṃ vijjati.
‘‘ཡོ ཙ ཁོ, བྷིཀྑཝེ, ཨེཝཾ ཝདེཡྻ – ‘ཨཧཾ དུཀྑཾ ཨརིཡསཙྩཾ ཡཐཱབྷཱུཏཾ ཨབྷིསམེཙྩ…པེ॰… དུཀྑནིརོདྷགཱམིནིཾ པཊིཔདཾ ཨརིཡསཙྩཾ ཡཐཱབྷཱུཏཾ ཨབྷིསམེཙྩ སམྨཱ དུཀྑསྶནྟཾ ཀརིསྶཱམཱི’ཏི – ཋཱནམེཏཾ ཝིཛྫཏི།
‘‘Yo ca kho, bhikkhave, evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘སེཡྻཐཱཔི, བྷིཀྑཝེ, ཡོ ཨེཝཾ ཝདེཡྻ – ‘ཨཧཾ ཀཱུཊཱགཱརསྶ ཧེཊྛིམཾ གྷརཾ ཀརིཏྭཱ ཨུཔརིམཾ གྷརཾ ཨཱརོཔེསྶཱམཱི’ཏི – ཋཱནམེཏཾ ཝིཛྫཏི; ཨེཝམེཝ ཁོ , བྷིཀྑཝེ, ཡོ ཨེཝཾ ཝདེཡྻ – ‘ཨཧཾ དུཀྑཾ ཨརིཡསཙྩཾ ཡཐཱབྷཱུཏཾ ཨབྷིསམེཙྩ…པེ॰… དུཀྑནིརོདྷགཱམིནིཾ པཊིཔདཾ ཨརིཡསཙྩཾ ཡཐཱབྷཱུཏཾ ཨབྷིསམེཙྩ སམྨཱ དུཀྑསྶནྟཾ ཀརིསྶཱམཱི’ཏི – ཋཱནམེཏཾ ཝིཛྫཏི།
‘‘Seyyathāpi, bhikkhave, yo evaṃ vadeyya – ‘ahaṃ kūṭāgārassa heṭṭhimaṃ gharaṃ karitvā uparimaṃ gharaṃ āropessāmī’ti – ṭhānametaṃ vijjati; evameva kho , bhikkhave, yo evaṃ vadeyya – ‘ahaṃ dukkhaṃ ariyasaccaṃ yathābhūtaṃ abhisamecca…pe… dukkhanirodhagāminiṃ paṭipadaṃ ariyasaccaṃ yathābhūtaṃ abhisamecca sammā dukkhassantaṃ karissāmī’ti – ṭhānametaṃ vijjati.
‘‘ཏསྨཱཏིཧ , བྷིཀྑཝེ, ‘ཨིདཾ དུཀྑ’ནྟི ཡོགོ ཀརཎཱིཡོ…པེ॰… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡོགོ ཀརཎཱིཡོ’’ཏི། ཙཏུཏྠཾ།
‘‘Tasmātiha , bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Catutthaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤. ཀཱུཊཱགཱརསུཏྟཝཎྞནཱ • 4. Kūṭāgārasuttavaṇṇanā
