| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๑๕. กุมฺมาสปิณฺฑิชาตกํ (๗-๒-๑๐)
415. Kummāsapiṇḍijātakaṃ (7-2-10)
๑๔๒.
142.
น กิรตฺถิ อโนมทสฺสิสุ, ปาริจริยา พุเทฺธสุ อปฺปิกา 1;
Na kiratthi anomadassisu, pāricariyā buddhesu appikā 2;
สุกฺขาย อโลณิกาย จ, ปสฺสผลํ กุมฺมาสปิณฺฑิยาฯ
Sukkhāya aloṇikāya ca, passaphalaṃ kummāsapiṇḍiyā.
๑๔๓.
143.
หตฺถิควสฺสา จิเม พหู 3, ธนธญฺญํ ปถวี จ เกวลา;
Hatthigavassā cime bahū 4, dhanadhaññaṃ pathavī ca kevalā;
นาริโย จิมา อจฺฉรูปมา, ปสฺสผลํ กุมฺมาสปิณฺฑิยาฯ
Nāriyo cimā accharūpamā, passaphalaṃ kummāsapiṇḍiyā.
๑๔๔.
144.
อภิกฺขณํ ราชกุญฺชร, คาถา ภาสสิ โกสลาธิป;
Abhikkhaṇaṃ rājakuñjara, gāthā bhāsasi kosalādhipa;
ปุจฺฉามิ ตํ รฎฺฐวฑฺฒน, พาฬฺหํ ปีติมโน ปภาสสิฯ
Pucchāmi taṃ raṭṭhavaḍḍhana, bāḷhaṃ pītimano pabhāsasi.
๑๔๕.
145.
อิมสฺมิเญฺญว นคเร, กุเล อญฺญตเร อหุํ;
Imasmiññeva nagare, kule aññatare ahuṃ;
ปรกมฺมกโร อาสิํ, ภตโก สีลสํวุโตฯ
Parakammakaro āsiṃ, bhatako sīlasaṃvuto.
๑๔๖.
146.
กมฺมาย นิกฺขมโนฺตหํ, จตุโร สมเณทฺทสํ;
Kammāya nikkhamantohaṃ, caturo samaṇeddasaṃ;
อาจารสีลสมฺปเนฺน, สีติภูเต อนาสเวฯ
Ācārasīlasampanne, sītibhūte anāsave.
๑๔๗.
147.
อทํ พุทฺธาน กุมฺมาสํ, ปสโนฺน เสหิ ปาณิภิฯ
Adaṃ buddhāna kummāsaṃ, pasanno sehi pāṇibhi.
๑๔๘.
148.
ตสฺส กมฺมสฺส กุสลสฺส, อิทํ เม เอทิสํ ผลํ;
Tassa kammassa kusalassa, idaṃ me edisaṃ phalaṃ;
อนุโภมิ อิทํ รชฺชํ, ผีตํ ธรณิมุตฺตมํฯ
Anubhomi idaṃ rajjaṃ, phītaṃ dharaṇimuttamaṃ.
๑๔๙.
149.
ททํ ภุญฺช มา จ ปมาโท 7, จกฺกํ วตฺตย โกสลาธิป;
Dadaṃ bhuñja mā ca pamādo 8, cakkaṃ vattaya kosalādhipa;
มา ราช อธมฺมิโก อหุ, ธมฺมํ ปาลย โกสลาธิปฯ
Mā rāja adhammiko ahu, dhammaṃ pālaya kosalādhipa.
๑๕๐.
150.
โสหํ ตเทว ปุนปฺปุนํ, วฎุมํ อาจริสฺสามิ โสภเน;
Sohaṃ tadeva punappunaṃ, vaṭumaṃ ācarissāmi sobhane;
อริยาจริตํ สุโกสเล, อรหโนฺต เม มนาปาว ปสฺสิตุํฯ
Ariyācaritaṃ sukosale, arahanto me manāpāva passituṃ.
๑๕๑.
151.
เทวี วิย อจฺฉรูปมา, มเชฺฌ นาริคณสฺส โสภสิ;
Devī viya accharūpamā, majjhe nārigaṇassa sobhasi;
กิํ กมฺมมกาสิ ภทฺทกํ, เกนาสิ วณฺณวตี สุโกสเลฯ
Kiṃ kammamakāsi bhaddakaṃ, kenāsi vaṇṇavatī sukosale.
๑๕๒.
152.
อมฺพฎฺฐกุลสฺส ขตฺติย, ทาสฺยาหํ ปรเปสิยา อหุํ;
Ambaṭṭhakulassa khattiya, dāsyāhaṃ parapesiyā ahuṃ;
๑๕๓.
153.
อุทฺธฎภตฺตํ อหํ ตทา, จรมานสฺส อทาสิ ภิกฺขุโน;
Uddhaṭabhattaṃ ahaṃ tadā, caramānassa adāsi bhikkhuno;
วิตฺตา สุมนา สยํ อหํ, ตสฺส กมฺมสฺส ผลํ มเมทิสนฺติฯ
Vittā sumanā sayaṃ ahaṃ, tassa kammassa phalaṃ mamedisanti.
กุมฺมาสปิณฺฑิชาตกํ ทสมํฯ
Kummāsapiṇḍijātakaṃ dasamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๑๕] ๑๐. กุมฺมาสปิณฺฑิชาตกวณฺณนา • [415] 10. Kummāsapiṇḍijātakavaṇṇanā
