| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
8. гумаарибхууд̇аваг̇г̇о
8. Kumāribhūtavaggo
1-2-3. батамагумаарибхууд̇аад̣̇исигкаабад̣̇аван̣н̣анаа
1-2-3. Paṭhamakumāribhūtādisikkhāpadavaṇṇanā
гумаарибхууд̇аваг̇г̇асса батамад̣̇уд̇ияад̇ад̇ияаани д̇ийхи г̇ихиг̇ад̇асигкаабад̣̇зхи сад̣̇исаанзва. яаа бана д̇аа саб̣б̣абатамаа д̣̇вз махаасигкамаанаа, д̇аа ад̇игганд̇авийсад̇ивассаад̇и взд̣̇ид̇аб̣б̣аа. д̇аа хи г̇ихиг̇ад̇аа ваа хонд̇у, аг̇ихиг̇ад̇аа ваа, саммуд̇игаммаад̣̇ийсу ‘‘сигкамаанаа’’ижжзва вад̇д̇аб̣б̣аа, ‘‘г̇ихиг̇ад̇аа’’д̇и ваа ‘‘гумаарибхууд̇аа’’д̇и ваа на вад̇д̇аб̣б̣аа. г̇ихиг̇ад̇ааяа д̣̇асавассагаалз сигкаасаммуд̇им̣ д̣̇ад̇ваа д̣̇ваад̣̇асавассагаалз убасамбад̣̇аа гаад̇аб̣б̣аа, згаад̣̇асавассагаалз д̣̇ад̇ваа д̇зрасавассагаалз гаад̇аб̣б̣аа, д̣̇ваад̣̇асад̇зрасажуд̣̇д̣̇асабаннарасасол̣асасад̇д̇арасаадтаарасавассагаалз сигкаасаммуд̇им̣ д̣̇ад̇ваа вийсад̇ивассагаалз убасамбад̣̇аа гаад̇аб̣б̣аа. адтаарасавассагаалад̇о бадтааяа жа банааяам̣ ‘‘г̇ихиг̇ад̇аа’’д̇иби ‘‘гумаарибхууд̇аа’’д̇иби вад̇д̇ум̣ ваддад̇и. яаа банааяам̣ ‘‘гумаарибхууд̇аа’’д̇и вуд̇д̇аа сааман̣зрий , саа ‘‘г̇ихиг̇ад̇аа’’д̇и на вад̇д̇аб̣б̣аа, ‘‘гумаарибхууд̇аа’’ижжзва вад̇д̇аб̣б̣аа. сигкаасаммуд̇ид̣̇аанавасзна бана саб̣б̣ааби ‘‘сигкамаанаа’’д̇и вад̇д̇ум̣ ваддад̇ийд̇и.
Kumāribhūtavaggassa paṭhamadutiyatatiyāni tīhi gihigatasikkhāpadehi sadisāneva. Yā pana tā sabbapaṭhamā dve mahāsikkhamānā, tā atikkantavīsativassāti veditabbā. Tā hi gihigatā vā hontu, agihigatā vā, sammutikammādīsu ‘‘sikkhamānā’’icceva vattabbā, ‘‘gihigatā’’ti vā ‘‘kumāribhūtā’’ti vā na vattabbā. Gihigatāya dasavassakāle sikkhāsammutiṃ datvā dvādasavassakāle upasampadā kātabbā, ekādasavassakāle datvā terasavassakāle kātabbā, dvādasaterasacuddasapannarasasoḷasasattarasaaṭṭhārasavassakāle sikkhāsammutiṃ datvā vīsativassakāle upasampadā kātabbā. Aṭṭhārasavassakālato paṭṭhāya ca panāyaṃ ‘‘gihigatā’’tipi ‘‘kumāribhūtā’’tipi vattuṃ vaṭṭati. Yā panāyaṃ ‘‘kumāribhūtā’’ti vuttā sāmaṇerī , sā ‘‘gihigatā’’ti na vattabbā, ‘‘kumāribhūtā’’icceva vattabbā. Sikkhāsammutidānavasena pana sabbāpi ‘‘sikkhamānā’’ti vattuṃ vaṭṭatīti.
батамагумаарибхууд̇аад̣̇исигкаабад̣̇аван̣н̣анаа нидтид̇аа.
Paṭhamakumāribhūtādisikkhāpadavaṇṇanā niṭṭhitā.
4. уунад̣̇ваад̣̇асавассасигкаабад̣̇аван̣н̣анаа
4. Ūnadvādasavassasikkhāpadavaṇṇanā
жад̇уд̇т̇з уунад̣̇ваад̣̇асавассаад̇и убасамбад̣̇аавасзна абарибун̣н̣ад̣̇ваад̣̇асавассаа. баажид̇д̇ияанд̇и убаж̇жхааяаа худ̇ваа вудтаабзнд̇ияаа вуд̇д̇анаязнзва д̣̇уггадаани анд̇араа, гаммаваажаабарияосаанз баажид̇д̇ияанд̇и.
Catutthe ūnadvādasavassāti upasampadāvasena aparipuṇṇadvādasavassā. Pācittiyanti upajjhāyā hutvā vuṭṭhāpentiyā vuttanayeneva dukkaṭāni antarā, kammavācāpariyosāne pācittiyanti.
уунад̣̇ваад̣̇асавассасигкаабад̣̇аван̣н̣анаа нидтид̇аа.
Ūnadvādasavassasikkhāpadavaṇṇanā niṭṭhitā.
5. барибун̣н̣ад̣̇ваад̣̇асавассасигкаабад̣̇аван̣н̣анаа
5. Paripuṇṇadvādasavassasikkhāpadavaṇṇanā
бан̃жамз сан̇гхзна асаммад̇аад̇и яассаа сан̇гхзна бад̣̇абхааж̇анз (баажи. 1132) вуд̇д̇аа вудтаабанасаммуд̇и на д̣̇иннаа. сзсам̣ убхаяад̇т̇ааби махаасигкамаанаасигкаабад̣̇ад̣̇ваяасад̣̇исамзваад̇и.
Pañcame saṅghena asammatāti yassā saṅghena padabhājane (pāci. 1132) vuttā vuṭṭhāpanasammuti na dinnā. Sesaṃ ubhayatthāpi mahāsikkhamānāsikkhāpadadvayasadisamevāti.
барибун̣н̣ад̣̇ваад̣̇асавассасигкаабад̣̇аван̣н̣анаа нидтид̇аа.
Paripuṇṇadvādasavassasikkhāpadavaṇṇanā niṭṭhitā.
6. кийяанад̇хаммасигкаабад̣̇аван̣н̣анаа
6. Khīyanadhammasikkhāpadavaṇṇanā
чадтз алам̣ д̇аава д̇з аяяз вудтаабид̇знаад̇и вужжамаанаад̇и вудтаабанасаммуд̇ияаа яаажид̇ааяа сан̇гхзна убабаригкибид̇ваа ‘‘яасмаа б̣аалаа аб̣яад̇д̇аа жа алаж̇ж̇иний жа ход̇и, д̇асмаа алам̣ д̇аава д̇уяхам̣ убасамбаад̣̇ид̇знаа’’д̇и звам̣ ниваарийяамаанаа. бажчаа кийяанад̇хамманд̇и бажчаа ан̃н̃аасам̣ б̣яад̇д̇аанам̣ лаж̇ж̇инийнам̣ вудтаабанасаммуд̇им̣ д̣̇ияяамаанам̣ д̣̇исваа ‘‘ахамзва нууна б̣аалаа’’д̇иаад̣̇ийни бхан̣амаанаа яад̇т̇а гад̇т̇ажи кийязяяа. баажид̇д̇ияанд̇и звам̣ кийяанад̇хаммам̣ аабаж̇ж̇анд̇ияаа баажид̇д̇ияам̣.
Chaṭṭhe alaṃ tāva te ayye vuṭṭhāpitenāti vuccamānāti vuṭṭhāpanasammutiyā yācitāya saṅghena upaparikkhipitvā ‘‘yasmā bālā abyattā ca alajjinī ca hoti, tasmā alaṃ tāva tuyhaṃ upasampāditenā’’ti evaṃ nivārīyamānā. Pacchā khīyanadhammanti pacchā aññāsaṃ byattānaṃ lajjinīnaṃ vuṭṭhāpanasammutiṃ diyyamānaṃ disvā ‘‘ahameva nūna bālā’’tiādīni bhaṇamānā yattha katthaci khīyeyya. Pācittiyanti evaṃ khīyanadhammaṃ āpajjantiyā pācittiyaṃ.
саавад̇т̇ияам̣ жан̣д̣агаал̣им̣ аараб̣бха звам̣ кийяанад̇хаммам̣ аабаж̇ж̇анавад̇т̇усмим̣ бан̃н̃ад̇д̇ам̣, багад̇ияаа чанд̣̇аад̣̇ийнам̣ васзна гаронд̇ийнам̣ кийяанд̇ияаа, уммад̇д̇игаад̣̇ийнан̃жа анаабад̇д̇и. вудтаабанасаммуд̇ияаа яаажанам̣, убабаригкид̇ваа на чанд̣̇аад̣̇ивасзна бадигкид̇д̇ааяа ‘‘саад̇хуу’’д̇и бадиссаво, бажчаакийяананд̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Sāvatthiyaṃ caṇḍakāḷiṃ ārabbha evaṃ khīyanadhammaṃ āpajjanavatthusmiṃ paññattaṃ, pakatiyā chandādīnaṃ vasena karontīnaṃ khīyantiyā, ummattikādīnañca anāpatti. Vuṭṭhāpanasammutiyā yācanaṃ, upaparikkhitvā na chandādivasena paṭikkhittāya ‘‘sādhū’’ti paṭissavo, pacchākhīyananti imānettha tīṇi aṅgāni. Samuṭṭhānādīni adinnādānasadisāni, idaṃ pana dukkhavedananti.
кийяанад̇хаммасигкаабад̣̇аван̣н̣анаа нидтид̇аа.
Khīyanadhammasikkhāpadavaṇṇanā niṭṭhitā.
7-8. сигкамаананавудтаабанабатамад̣̇уд̇ияасигкаабад̣̇аван̣н̣анаа
7-8. Sikkhamānanavuṭṭhāpanapaṭhamadutiyasikkhāpadavaṇṇanā
сад̇д̇амз саа бажчаад̇и сигкамаанааяа убасамбад̣̇ааяа яаажияамаанааяа саа бхигкуний звам̣ вад̇ваа лад̣̇д̇хз жийварз бажчаа асад̇и анд̇арааяз ‘‘нзва вудтаабзссаами , на вудтаабанааяа уссуггам̣ гариссаамий’’д̇и д̇хурам̣ нигкибзяяа, д̇ассаа саха д̇хуранигкзбзна баажид̇д̇ияанд̇и. адтамзби зсзва наяо.
Sattame sā pacchāti sikkhamānāya upasampadāya yāciyamānāya sā bhikkhunī evaṃ vatvā laddhe cīvare pacchā asati antarāye ‘‘neva vuṭṭhāpessāmi , na vuṭṭhāpanāya ussukkaṃ karissāmī’’ti dhuraṃ nikkhipeyya, tassā saha dhuranikkhepena pācittiyanti. Aṭṭhamepi eseva nayo.
убхаяамби саавад̇т̇ияам̣ т̇уллананд̣̇ам̣ аараб̣бха зд̇зсу вад̇т̇уусу бан̃н̃ад̇д̇ам̣, д̣̇вийсуби сад̇и анд̇арааяз, бариязсид̇ваа алабханд̇ияаа, г̇илаанааяа, аабад̣̇аасу, уммад̇д̇игаад̣̇ийнан̃жа анаабад̇д̇и. убхаяад̇т̇а ‘‘зваахам̣ д̇ам̣ вудтаабзссаамий’’д̇и бадин̃н̃аа, ааган̇кид̇анибпад̇д̇и, бажчаа д̇хуранигкзбо, анун̃н̃аад̇агааран̣аабхаавод̇и имаанзд̇т̇а жад̇д̇аари ан̇г̇аани. самудтаанаад̣̇ийни саманубхаасанасад̣̇исаанийд̇и.
Ubhayampi sāvatthiyaṃ thullanandaṃ ārabbha etesu vatthūsu paññattaṃ, dvīsupi sati antarāye, pariyesitvā alabhantiyā, gilānāya, āpadāsu, ummattikādīnañca anāpatti. Ubhayattha ‘‘evāhaṃ taṃ vuṭṭhāpessāmī’’ti paṭiññā, ākaṅkhitanipphatti, pacchā dhuranikkhepo, anuññātakāraṇābhāvoti imānettha cattāri aṅgāni. Samuṭṭhānādīni samanubhāsanasadisānīti.
сигкамаананавудтаабанабатамад̣̇уд̇ияасигкаабад̣̇аван̣н̣анаа нидтид̇аа.
Sikkhamānanavuṭṭhāpanapaṭhamadutiyasikkhāpadavaṇṇanā niṭṭhitā.
9. согааваасасигкаабад̣̇аван̣н̣анаа
9. Sokāvāsasikkhāpadavaṇṇanā
навамз согааваасанд̇и сан̇гзд̇ам̣ гад̇ваа ааг̇ажчамаанаа бурисаанам̣ анд̇осогам̣ бавзсзд̇ийд̇и согааваасаа, д̇ам̣ согааваасам̣. ат̇а ваа гхарам̣ вияа гхарасаамигаа аяамби бурисасамааг̇амам̣ алабхамаанаа согам̣ аависад̇и, ид̇и яам̣ аависад̇и, сваассаа ааваасо ход̇ийд̇и согааваасаа. д̇знзвасса бад̣̇абхааж̇анз (баажи. 1160) ‘‘согааваасаа наама барзсам̣ д̣̇угкам̣ уббаад̣̇зд̇и, согам̣ аависад̇ий’’д̇и д̣̇вид̇хаа ад̇т̇о вуд̇д̇о. баажид̇д̇ияанд̇и зваруубам̣ вудтаабзнд̇ияаа вуд̇д̇анаязнзва гаммаваажаабарияосаанз убаж̇жхааяааяа баажид̇д̇ияам̣.
Navame sokāvāsanti saṅketaṃ katvā āgacchamānā purisānaṃ antosokaṃ pavesetīti sokāvāsā, taṃ sokāvāsaṃ. Atha vā gharaṃ viya gharasāmikā ayampi purisasamāgamaṃ alabhamānā sokaṃ āvisati, iti yaṃ āvisati, svāssā āvāso hotīti sokāvāsā. Tenevassa padabhājane (pāci. 1160) ‘‘sokāvāsā nāma paresaṃ dukkhaṃ uppādeti, sokaṃ āvisatī’’ti dvidhā attho vutto. Pācittiyanti evarūpaṃ vuṭṭhāpentiyā vuttanayeneva kammavācāpariyosāne upajjhāyāya pācittiyaṃ.
саавад̇т̇ияам̣ т̇уллананд̣̇ам̣ аараб̣бха зваруубам̣ сигкамаанам̣ вудтаабанавад̇т̇усмим̣ бан̃н̃ад̇д̇ам̣. аж̇аананд̇ияаа , уммад̇д̇игаад̣̇ийнан̃жа анаабад̇д̇и. согааваасад̇аа, ж̇аананам̣, вудтаабананд̇и имаанзд̇т̇а д̇ийн̣и ан̇г̇аани. самудтаанаад̣̇ийни г̇аб̣бхинивудтаабанасад̣̇исаанзваад̇и.
Sāvatthiyaṃ thullanandaṃ ārabbha evarūpaṃ sikkhamānaṃ vuṭṭhāpanavatthusmiṃ paññattaṃ. Ajānantiyā , ummattikādīnañca anāpatti. Sokāvāsatā, jānanaṃ, vuṭṭhāpananti imānettha tīṇi aṅgāni. Samuṭṭhānādīni gabbhinivuṭṭhāpanasadisānevāti.
согааваасасигкаабад̣̇аван̣н̣анаа нидтид̇аа.
Sokāvāsasikkhāpadavaṇṇanā niṭṭhitā.
10. ананун̃н̃аад̇асигкаабад̣̇аван̣н̣анаа
10. Ananuññātasikkhāpadavaṇṇanā
д̣̇асамз маад̇аабид̇уухийд̇и виж̇аад̇амаад̇араа жа ж̇анагабид̇араа жа. саамигзнаад̇и язна бариг̇г̇ахид̇аа, д̇зна. ананун̃н̃аад̇анд̇и убасамбад̣̇ад̇т̇ааяа ананун̃н̃аад̇ам̣. д̣̇вигкад̇д̇ун̃хи бхигкунийхи аабужчид̇аб̣б̣ам̣, баб̣б̣аж̇ж̇аагаалз жа убасамбад̣̇аагаалз жа, бхигкуунам̣ бана сагим̣ аабужчид̇зби ваддад̇и . д̇асмаа яаа убасамбад̣̇аагаалз анаабужчаа убасамбаад̣̇зд̇и, д̇ассаа вуд̇д̇анаязнзва баажид̇д̇ияам̣.
Dasame mātāpitūhīti vijātamātarā ca janakapitarā ca. Sāmikenāti yena pariggahitā, tena. Ananuññātanti upasampadatthāya ananuññātaṃ. Dvikkhattuñhi bhikkhunīhi āpucchitabbaṃ, pabbajjākāle ca upasampadākāle ca, bhikkhūnaṃ pana sakiṃ āpucchitepi vaṭṭati . Tasmā yā upasampadākāle anāpucchā upasampādeti, tassā vuttanayeneva pācittiyaṃ.
саавад̇т̇ияам̣ т̇уллананд̣̇ам̣ аараб̣бха ананун̃н̃аад̇авудтаабанавад̇т̇усмим̣ бан̃н̃ад̇д̇ам̣. абалогзд̇ваа вудтаабзнд̇ияаа, д̇зсам̣ ад̇т̇ибхаавам̣ аж̇аананд̇ияаа, уммад̇д̇игаад̣̇ийнан̃жа анаабад̇д̇и. анабалоганам̣, ад̇т̇ибхааваж̇аананам̣, вудтаабананд̇и имаанзд̇т̇а д̇ийн̣и ан̇г̇аани. ананун̃н̃аад̇асамудтаанам̣, гирияаагирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
Sāvatthiyaṃ thullanandaṃ ārabbha ananuññātavuṭṭhāpanavatthusmiṃ paññattaṃ. Apaloketvā vuṭṭhāpentiyā, tesaṃ atthibhāvaṃ ajānantiyā, ummattikādīnañca anāpatti. Anapalokanaṃ, atthibhāvajānanaṃ, vuṭṭhāpananti imānettha tīṇi aṅgāni. Ananuññātasamuṭṭhānaṃ, kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ананун̃н̃аад̇асигкаабад̣̇аван̣н̣анаа нидтид̇аа.
Ananuññātasikkhāpadavaṇṇanā niṭṭhitā.
11. баариваасигасигкаабад̣̇аван̣н̣анаа
11. Pārivāsikasikkhāpadavaṇṇanā
згаад̣̇асамз баариваасигачанд̣̇ад̣̇аанзнаад̇и баариваасиязна чанд̣̇ад̣̇аанзна. д̇ад̇т̇а жад̇уб̣б̣ид̇хам̣ баариваасияам̣ барисабаариваасияам̣ рад̇д̇ибаариваасияам̣ чанд̣̇абаариваасияам̣ аж̇жхаасаяабаариваасияанд̇и.
Ekādasame pārivāsikachandadānenāti pārivāsiyena chandadānena. Tattha catubbidhaṃ pārivāsiyaṃ parisapārivāsiyaṃ rattipārivāsiyaṃ chandapārivāsiyaṃ ajjhāsayapārivāsiyanti.
д̇ад̇т̇а барисабаариваасияам̣ наама бхигкуу гзнажид̣̇зва гаран̣ийязна саннибад̇ид̇аа хонд̇и, ат̇а мзгхо ваа удтахад̇и, уссааран̣аа ваа гарийяад̇и, мануссаа ваа аж̇жход̇т̇аранд̇аа ааг̇ажчанд̇и, бхигкуу ‘‘аногаасаа маяам̣, ан̃н̃ад̇ра г̇ажчаамаа’’д̇и чанд̣̇ам̣ ависсаж̇ж̇ид̇ваава удтаханд̇и, ид̣̇ам̣ барисабаариваасияам̣ наама, гин̃жааби барисабаариваасияам̣, чанд̣̇асса бана ависсадтад̇д̇аа гаммам̣ гаад̇ум̣ ваддад̇и.
Tattha parisapārivāsiyaṃ nāma bhikkhū kenacideva karaṇīyena sannipatitā honti, atha megho vā uṭṭhahati, ussāraṇā vā karīyati, manussā vā ajjhottharantā āgacchanti, bhikkhū ‘‘anokāsā mayaṃ, aññatra gacchāmā’’ti chandaṃ avissajjitvāva uṭṭhahanti, idaṃ parisapārivāsiyaṃ nāma, kiñcāpi parisapārivāsiyaṃ, chandassa pana avissaṭṭhattā kammaṃ kātuṃ vaṭṭati.
буна бхигкуу ‘‘убосат̇аад̣̇ийни гариссаамаа’’д̇и рад̇д̇им̣ саннибад̇ид̇ваа ‘‘яаава саб̣б̣з саннибад̇анд̇и, д̇аава д̇хаммам̣ сун̣иссаамаа’’д̇и згам̣ аж̇жхзсанд̇и, д̇асмим̣ д̇хаммагат̇ам̣ гат̇знд̇зязва арун̣о уг̇г̇ажчад̇и. сажз ‘‘жаад̇уд̣̇д̣̇асигам̣ убосат̇ам̣ гариссаамаа’’д̇и нисиннаа, ‘‘баннарасо’’д̇и гаад̇ум̣ ваддад̇и. сажз баннарасигам̣ гаад̇ум̣ нисиннаа, баадибад̣̇з анубосат̇з убосат̇ам̣ гаад̇ум̣ на ваддад̇и. ан̃н̃ам̣ бана сан̇гхагижжам̣ гаад̇ум̣ ваддад̇и, ид̣̇ам̣ рад̇д̇ибаариваасияам̣ наама.
Puna bhikkhū ‘‘uposathādīni karissāmā’’ti rattiṃ sannipatitvā ‘‘yāva sabbe sannipatanti, tāva dhammaṃ suṇissāmā’’ti ekaṃ ajjhesanti, tasmiṃ dhammakathaṃ kathenteyeva aruṇo uggacchati. Sace ‘‘cātuddasikaṃ uposathaṃ karissāmā’’ti nisinnā, ‘‘pannaraso’’ti kātuṃ vaṭṭati. Sace pannarasikaṃ kātuṃ nisinnā, pāṭipade anuposathe uposathaṃ kātuṃ na vaṭṭati. Aññaṃ pana saṅghakiccaṃ kātuṃ vaṭṭati, idaṃ rattipārivāsiyaṃ nāma.
буна бхигкуу ‘‘гин̃жид̣̇зва аб̣бхаанаад̣̇исан̇гхагаммам̣ гариссаамаа’’д̇и саннисиннаа хонд̇и, д̇ад̇рзго нагкад̇д̇абаатаго бхигку звам̣ вад̣̇ад̇и ‘‘аж̇ж̇а нагкад̇д̇ам̣ д̣̇аарун̣ам̣, маа ид̣̇ам̣ гаммам̣ гарот̇аа’’д̇и. д̇з д̇асса важанзна чанд̣̇ам̣ виссаж̇ж̇зд̇ваа д̇ад̇т̇зва нисиннаа хонд̇и, ат̇ан̃н̃о ааг̇анд̇ваа ‘‘нагкад̇д̇ам̣ бад̇имаанзнд̇ам̣, ад̇т̇о б̣аалам̣ убаж̇жхаг̇аа (ж̇аа. 1.1.49), гим̣ нагкад̇д̇зна гарот̇аа’’д̇и вад̣̇ад̇и, ид̣̇ам̣ чанд̣̇абаариваасияан̃жзва аж̇жхаасаяабаариваасияан̃жа. зд̇асмим̣ баариваасияз буна чанд̣̇абаарисуд̣̇д̇хим̣ анаахарид̇ваа гаммам̣ гаад̇ум̣ на ваддад̇и, ид̣̇ам̣ санд̇хааяа вуд̇д̇ам̣ ‘‘баариваасигачанд̣̇ад̣̇аанзнаа’’д̇и. баажид̇д̇ияанд̇и звам̣ вудтаабзнд̇ияаа вуд̇д̇анаязнзва гаммаваажаабарияосаанз баажид̇д̇ияам̣.
Puna bhikkhū ‘‘kiñcideva abbhānādisaṅghakammaṃ karissāmā’’ti sannisinnā honti, tatreko nakkhattapāṭhako bhikkhu evaṃ vadati ‘‘ajja nakkhattaṃ dāruṇaṃ, mā idaṃ kammaṃ karothā’’ti. Te tassa vacanena chandaṃ vissajjetvā tattheva nisinnā honti, athañño āgantvā ‘‘nakkhattaṃ patimānentaṃ, attho bālaṃ upajjhagā (jā. 1.1.49), kiṃ nakkhattena karothā’’ti vadati, idaṃ chandapārivāsiyañceva ajjhāsayapārivāsiyañca. Etasmiṃ pārivāsiye puna chandapārisuddhiṃ anāharitvā kammaṃ kātuṃ na vaṭṭati, idaṃ sandhāya vuttaṃ ‘‘pārivāsikachandadānenā’’ti. Pācittiyanti evaṃ vuṭṭhāpentiyā vuttanayeneva kammavācāpariyosāne pācittiyaṃ.
рааж̇аг̇ахз т̇уллананд̣̇ам̣ аараб̣бха звам̣ вудтаабанавад̇т̇усмим̣ бан̃н̃ад̇д̇ам̣. чанд̣̇ам̣ ависсаж̇ж̇зд̇ваава авудтид̇ааяа барисааяа вудтаабзнд̇ияаа, уммад̇д̇игаад̣̇ийнан̃жа анаабад̇д̇и. баариваасигачанд̣̇ад̣̇аанад̇аа, вудтаабананд̇и имаанзд̇т̇а д̣̇вз ан̇г̇аани. самудтаанаад̣̇ийни г̇амбхинисигкаабад̣̇асад̣̇исаанзваад̇и.
Rājagahe thullanandaṃ ārabbha evaṃ vuṭṭhāpanavatthusmiṃ paññattaṃ. Chandaṃ avissajjetvāva avuṭṭhitāya parisāya vuṭṭhāpentiyā, ummattikādīnañca anāpatti. Pārivāsikachandadānatā, vuṭṭhāpananti imānettha dve aṅgāni. Samuṭṭhānādīni gambhinisikkhāpadasadisānevāti.
баариваасигасигкаабад̣̇аван̣н̣анаа нидтид̇аа.
Pārivāsikasikkhāpadavaṇṇanā niṭṭhitā.
12. анувассасигкаабад̣̇аван̣н̣анаа
12. Anuvassasikkhāpadavaṇṇanā
д̣̇ваад̣̇асамз анувассанд̇и анусам̣важчарам̣. звам̣ вудтаабзнд̇ияааби вуд̇д̇анаязнзва баажид̇д̇ияам̣.
Dvādasame anuvassanti anusaṃvaccharaṃ. Evaṃ vuṭṭhāpentiyāpi vuttanayeneva pācittiyaṃ.
саавад̇т̇ияам̣ самб̣ахулаа бхигкунияо аараб̣бха анувассам̣ вудтаабанавад̇т̇усмим̣ бан̃н̃ад̇д̇ам̣. зганд̇аригам̣ вудтаабзнд̇ияаа, уммад̇д̇игаад̣̇ийнан̃жа анаабад̇д̇и. анувассад̇аа, вудтаабананд̇и имаанзд̇т̇а д̣̇вз ан̇г̇аани. самудтаанаад̣̇ийни згаад̣̇асамз вуд̇д̇анаяаанзваад̇и.
Sāvatthiyaṃ sambahulā bhikkhuniyo ārabbha anuvassaṃ vuṭṭhāpanavatthusmiṃ paññattaṃ. Ekantarikaṃ vuṭṭhāpentiyā, ummattikādīnañca anāpatti. Anuvassatā, vuṭṭhāpananti imānettha dve aṅgāni. Samuṭṭhānādīni ekādasame vuttanayānevāti.
анувассасигкаабад̣̇аван̣н̣анаа нидтид̇аа.
Anuvassasikkhāpadavaṇṇanā niṭṭhitā.
13. згавассасигкаабад̣̇аван̣н̣анаа
13. Ekavassasikkhāpadavaṇṇanā
д̇зрасамз зганд̇аригам̣ згам̣ вудтаабзнд̇ияаа, уммад̇д̇игаад̣̇ийнан̃жа анаабад̇д̇и. сзсам̣ д̣̇ваад̣̇асамзна сад̣̇исамзваад̇и.
Terasame ekantarikaṃ ekaṃ vuṭṭhāpentiyā, ummattikādīnañca anāpatti. Sesaṃ dvādasamena sadisamevāti.
згавассасигкаабад̣̇аван̣н̣анаа нидтид̇аа.
Ekavassasikkhāpadavaṇṇanā niṭṭhitā.
гумаарибхууд̇аваг̇г̇о адтамо.
Kumāribhūtavaggo aṭṭhamo.
