| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੨੮. ਕੋਸਮ੍ਬਿਯਜਾਤਕਂ (੨)
428. Kosambiyajātakaṃ (2)
੧੦.
10.
ਪੁਥੁਸਦ੍ਦੋ ਸਮਜਨੋ, ਨ ਬਾਲੋ ਕੋਚਿ ਮਞ੍ਞਥ।
Puthusaddo samajano, na bālo koci maññatha;
ਸਙ੍ਘਸ੍ਮਿਂ ਭਿਜ੍ਜਮਾਨਸ੍ਮਿਂ, ਨਾਞ੍ਞਂ ਭਿਯ੍ਯੋ ਅਮਞ੍ਞਰੁਂ॥
Saṅghasmiṃ bhijjamānasmiṃ, nāññaṃ bhiyyo amaññaruṃ.
੧੧.
11.
ਪਰਿਮੁਟ੍ਠਾ ਪਣ੍ਡਿਤਾਭਾਸਾ, વਾਚਾਗੋਚਰਭਾਣਿਨੋ।
Parimuṭṭhā paṇḍitābhāsā, vācāgocarabhāṇino;
ਯਾવਿਚ੍ਛਨ੍ਤਿ ਮੁਖਾਯਾਮਂ, ਯੇਨ ਨੀਤਾ ਨ ਤਂ વਿਦੂ॥
Yāvicchanti mukhāyāmaṃ, yena nītā na taṃ vidū.
੧੨.
12.
ਅਕ੍ਕੋਚ੍ਛਿ ਮਂ ਅવਧਿ ਮਂ, ਅਜਿਨਿ ਮਂ ਅਹਾਸਿ ਮੇ।
Akkocchi maṃ avadhi maṃ, ajini maṃ ahāsi me;
ਯੇ ਚ ਤਂ ਉਪਨਯ੍ਹਨ੍ਤਿ, વੇਰਂ ਤੇਸਂ ਨ ਸਮ੍ਮਤਿ॥
Ye ca taṃ upanayhanti, veraṃ tesaṃ na sammati.
੧੩.
13.
ਅਕ੍ਕੋਚ੍ਛਿ ਮਂ ਅવਧਿ ਮਂ, ਅਜਿਨਿ ਮਂ ਅਹਾਸਿ ਮੇ।
Akkocchi maṃ avadhi maṃ, ajini maṃ ahāsi me;
ਯੇ ਚ ਤਂ ਨੁਪਨਯ੍ਹਨ੍ਤਿ, વੇਰਂ ਤੇਸੂਪਸਮ੍ਮਤਿ॥
Ye ca taṃ nupanayhanti, veraṃ tesūpasammati.
੧੪.
14.
ਨ ਹਿ વੇਰੇਨ વੇਰਾਨਿ, ਸਮ੍ਮਨ੍ਤੀਧ ਕੁਦਾਚਨਂ।
Na hi verena verāni, sammantīdha kudācanaṃ;
ਅવੇਰੇਨ ਚ ਸਮ੍ਮਨ੍ਤਿ, ਏਸ ਧਮ੍ਮੋ ਸਨਨ੍ਤਨੋ॥
Averena ca sammanti, esa dhammo sanantano.
੧੫.
15.
ਪਰੇ ਚ ਨ વਿਜਾਨਨ੍ਤਿ, ਮਯਮੇਤ੍ਥ ਯਮਾਮਸੇ।
Pare ca na vijānanti, mayamettha yamāmase;
ਯੇ ਚ ਤਤ੍ਥ વਿਜਾਨਨ੍ਤਿ, ਤਤੋ ਸਮ੍ਮਨ੍ਤਿ ਮੇਧਗਾ॥
Ye ca tattha vijānanti, tato sammanti medhagā.
੧੬.
16.
ਰਟ੍ਠਂ વਿਲੁਮ੍ਪਮਾਨਾਨਂ, ਤੇਸਮ੍ਪਿ ਹੋਤਿ ਸਙ੍ਗਤਿ।
Raṭṭhaṃ vilumpamānānaṃ, tesampi hoti saṅgati;
ਕਸ੍ਮਾ ਤੁਮ੍ਹਾਕ ਨੋ ਸਿਯਾ॥
Kasmā tumhāka no siyā.
੧੭.
17.
ਸਚੇ ਲਭੇਥ ਨਿਪਕਂ ਸਹਾਯਂ, ਸਦ੍ਧਿਂਚਰਂ ਸਾਧੁવਿਹਾਰਿਧੀਰਂ।
Sace labhetha nipakaṃ sahāyaṃ, saddhiṃcaraṃ sādhuvihāridhīraṃ;
ਅਭਿਭੁਯ੍ਯ ਸਬ੍ਬਾਨਿ ਪਰਿਸ੍ਸਯਾਨਿ, ਚਰੇਯ੍ਯ ਤੇਨਤ੍ਤਮਨੋ ਸਤੀਮਾ॥
Abhibhuyya sabbāni parissayāni, careyya tenattamano satīmā.
੧੮.
18.
ਨੋ ਚੇ ਲਭੇਥ ਨਿਪਕਂ ਸਹਾਯਂ, ਸਦ੍ਧਿਂਚਰਂ ਸਾਧੁવਿਹਾਰਿਧੀਰਂ।
No ce labhetha nipakaṃ sahāyaṃ, saddhiṃcaraṃ sādhuvihāridhīraṃ;
ਰਾਜਾવ ਰਟ੍ਠਂ વਿਜਿਤਂ ਪਹਾਯ, ਏਕੋ ਚਰੇ ਮਾਤਙ੍ਗਰਞ੍ਞੇવ ਨਾਗੋ॥
Rājāva raṭṭhaṃ vijitaṃ pahāya, eko care mātaṅgaraññeva nāgo.
੧੯.
19.
ਏਕਸ੍ਸ ਚਰਿਤਂ ਸੇਯ੍ਯੋ, ਨਤ੍ਥਿ ਬਾਲੇ ਸਹਾਯਤਾ।
Ekassa caritaṃ seyyo, natthi bāle sahāyatā;
ਏਕੋ ਚਰੇ ਨ ਪਾਪਾਨਿ ਕਯਿਰਾ, ਅਪ੍ਪੋਸ੍ਸੁਕ੍ਕੋ ਮਾਤਙ੍ਗਰਞ੍ਞੇવ ਨਾਗੋਤਿ॥
Eko care na pāpāni kayirā, appossukko mātaṅgaraññeva nāgoti.
ਕੋਸਮ੍ਬਿਯਜਾਤਕਂ ਦੁਤਿਯਂ।
Kosambiyajātakaṃ dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੨੮] ੨. ਕੋਸਮ੍ਬਿਯਜਾਤਕવਣ੍ਣਨਾ • [428] 2. Kosambiyajātakavaṇṇanā
