| Library / Tipiṭaka / તિપિટક • Tipiṭaka / સુત્તનિપાતપાળિ • Suttanipātapāḷi |
૯. કિંસીલસુત્તં
9. Kiṃsīlasuttaṃ
૩૨૬.
326.
‘‘કિંસીલો કિંસમાચારો, કાનિ કમ્માનિ બ્રૂહયં;
‘‘Kiṃsīlo kiṃsamācāro, kāni kammāni brūhayaṃ;
નરો સમ્મા નિવિટ્ઠસ્સ, ઉત્તમત્થઞ્ચ પાપુણે’’.
Naro sammā niviṭṭhassa, uttamatthañca pāpuṇe’’.
૩૨૭.
327.
ધમ્મિં કથં એરયિતં ખણઞ્ઞૂ, સુણેય્ય સક્કચ્ચ સુભાસિતાનિ.
Dhammiṃ kathaṃ erayitaṃ khaṇaññū, suṇeyya sakkacca subhāsitāni.
૩૨૮.
328.
‘‘કાલેન ગચ્છે ગરૂનં સકાસં, થમ્ભં નિરંકત્વા 5 નિવાતવુત્તિ;
‘‘Kālena gacche garūnaṃ sakāsaṃ, thambhaṃ niraṃkatvā 6 nivātavutti;
અત્થં ધમ્મં સંયમં બ્રહ્મચરિયં, અનુસ્સરે ચેવ સમાચરે ચ.
Atthaṃ dhammaṃ saṃyamaṃ brahmacariyaṃ, anussare ceva samācare ca.
૩૨૯.
329.
‘‘ધમ્મારામો ધમ્મરતો, ધમ્મે ઠિતો ધમ્મવિનિચ્છયઞ્ઞૂ;
‘‘Dhammārāmo dhammarato, dhamme ṭhito dhammavinicchayaññū;
નેવાચરે ધમ્મસન્દોસવાદં, તચ્છેહિ નીયેથ સુભાસિતેહિ.
Nevācare dhammasandosavādaṃ, tacchehi nīyetha subhāsitehi.
૩૩૦.
330.
‘‘હસ્સં જપ્પં પરિદેવં પદોસં, માયાકતં કુહનં ગિદ્ધિ માનં;
‘‘Hassaṃ jappaṃ paridevaṃ padosaṃ, māyākataṃ kuhanaṃ giddhi mānaṃ;
સારમ્ભં કક્કસં કસાવઞ્ચ મુચ્છં 7, હિત્વા ચરે વીતમદો ઠિતત્તો.
Sārambhaṃ kakkasaṃ kasāvañca mucchaṃ 8, hitvā care vītamado ṭhitatto.
૩૩૧.
331.
‘‘વિઞ્ઞાતસારાનિ સુભાસિતાનિ, સુતઞ્ચ વિઞ્ઞાતસમાધિસારં;
‘‘Viññātasārāni subhāsitāni, sutañca viññātasamādhisāraṃ;
ન તસ્સ પઞ્ઞા ચ સુતઞ્ચ વડ્ઢતિ, યો સાહસો હોતિ નરો પમત્તો.
Na tassa paññā ca sutañca vaḍḍhati, yo sāhaso hoti naro pamatto.
૩૩૨.
332.
‘‘ધમ્મે ચ યે અરિયપવેદિતે રતા,
‘‘Dhamme ca ye ariyapavedite ratā,
અનુત્તરા તે વચસા મનસા કમ્મુના ચ;
Anuttarā te vacasā manasā kammunā ca;
તે સન્તિસોરચ્ચસમાધિસણ્ઠિતા,
Te santisoraccasamādhisaṇṭhitā,
સુતસ્સ પઞ્ઞાય ચ સારમજ્ઝગૂ’’તિ.
Sutassa paññāya ca sāramajjhagū’’ti.
કિંસીલસુત્તં નવમં નિટ્ઠિતં.
Kiṃsīlasuttaṃ navamaṃ niṭṭhitaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / સુત્તનિપાત-અટ્ઠકથા • Suttanipāta-aṭṭhakathā / ૯. કિંસીલસુત્તવણ્ણના • 9. Kiṃsīlasuttavaṇṇanā
