| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. खोमदायकत्थेरअपदानं
10. Khomadāyakattheraapadānaṃ
१८४.
184.
‘‘नगरे बन्धुमतिया, अहोसिं वाणिजो तदा।
‘‘Nagare bandhumatiyā, ahosiṃ vāṇijo tadā;
तेनेव दारं पोसेमि, रोपेमि बीजसम्पदं॥
Teneva dāraṃ posemi, ropemi bījasampadaṃ.
१८५.
185.
‘‘रथियं पटिपन्नस्स, विपस्सिस्स महेसिनो।
‘‘Rathiyaṃ paṭipannassa, vipassissa mahesino;
एकं खोमं मया दिन्नं, कुसलत्थाय सत्थुनो॥
Ekaṃ khomaṃ mayā dinnaṃ, kusalatthāya satthuno.
१८६.
186.
‘‘एकनवुतितो कप्पे, यं खोममददिं तदा।
‘‘Ekanavutito kappe, yaṃ khomamadadiṃ tadā;
दुग्गतिं नाभिजानामि, खोमदानस्सिदं फलं॥
Duggatiṃ nābhijānāmi, khomadānassidaṃ phalaṃ.
१८७.
187.
सत्तरतनसम्पन्नो, चतुदीपम्हि इस्सरो॥
Sattaratanasampanno, catudīpamhi issaro.
१८८.
188.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा खोमदायको थेरो इमा गाथायो अभासित्थाति।
Itthaṃ sudaṃ āyasmā khomadāyako thero imā gāthāyo abhāsitthāti.
खोमदायकत्थेरस्सापदानं दसमं।
Khomadāyakattherassāpadānaṃ dasamaṃ.
तस्सुद्दानं –
Tassuddānaṃ –
सुसूति उपवानो च, सरणो सीलगाहको।
Susūti upavāno ca, saraṇo sīlagāhako;
अन्नसंसावको खोमदायी च, दसेव ततिये गणे।
Annasaṃsāvako khomadāyī ca, daseva tatiye gaṇe;
अञ्जली खोमदायी च, दसेव ततिये गणे।
Añjalī khomadāyī ca, daseva tatiye gaṇe;
पञ्चालीसीतिसतं वुत्ता, गाथायो सब्बपिण्डिता॥
Pañcālīsītisataṃ vuttā, gāthāyo sabbapiṇḍitā.
सुभूतिवग्गो ततियो।
Subhūtivaggo tatiyo.
चतुत्थभाणवारं।
Catutthabhāṇavāraṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १०. खोमदायकत्थेरअपदानवण्णना • 10. Khomadāyakattheraapadānavaṇṇanā
