| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
2. ඛෙමසුත්තං
2. Khemasuttaṃ
103. එකමන්තං ඨිතො ඛො ඛෙමො දෙවපුත්තො භගවතො සන්තිකෙ ඉමා ගාථායො අභාසි –
103. Ekamantaṃ ṭhito kho khemo devaputto bhagavato santike imā gāthāyo abhāsi –
‘‘චරන්ති බාලා දුම්මෙධා, අමිත්තෙනෙව අත්තනා;
‘‘Caranti bālā dummedhā, amitteneva attanā;
කරොන්තා පාපකං කම්මං, යං හොති කටුකප්ඵලං.
Karontā pāpakaṃ kammaṃ, yaṃ hoti kaṭukapphalaṃ.
‘‘න තං කම්මං කතං සාධු, යං කත්වා අනුතප්පති;
‘‘Na taṃ kammaṃ kataṃ sādhu, yaṃ katvā anutappati;
යස්ස අස්සුමුඛො රොදං, විපාකං පටිසෙවති.
Yassa assumukho rodaṃ, vipākaṃ paṭisevati.
‘‘තඤ්ච කම්මං කතං සාධු, යං කත්වා නානුතප්පති;
‘‘Tañca kammaṃ kataṃ sādhu, yaṃ katvā nānutappati;
යස්ස පතීතො සුමනො, විපාකං පටිසෙවති.
Yassa patīto sumano, vipākaṃ paṭisevati.
න සාකටිකචින්තාය, මන්තා ධීරො පරක්කමෙ.
Na sākaṭikacintāya, mantā dhīro parakkame.
විසමං මග්ගමාරුය්හ, අක්ඛච්ඡින්නොව ඣායති.
Visamaṃ maggamāruyha, akkhacchinnova jhāyati.
‘‘එවං ධම්මා අපක්කම්ම, අධම්මමනුවත්තිය;
‘‘Evaṃ dhammā apakkamma, adhammamanuvattiya;
මන්දො මච්චුමුඛං පත්තො, අක්ඛච්ඡින්නොව ඣායතී’’ති.
Mando maccumukhaṃ patto, akkhacchinnova jhāyatī’’ti.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 1-2. සිවසුත්තාදිවණ්ණනා • 1-2. Sivasuttādivaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 2. ඛෙමසුත්තවණ්ණනා • 2. Khemasuttavaṇṇanā
