| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១៥. បន្នរសមវគ្គោ
15. Pannarasamavaggo
(១៤៨) ៤. ខណលយមុហុត្តកថា
(148) 4. Khaṇalayamuhuttakathā
៧២២. ខណោ បរិនិប្ផន្នោ, លយោ បរិនិប្ផន្នោ, មុហុត្តំ បរិនិប្ផន្នន្តិ? អាមន្តា។ រូបន្តិ? ន ហេវំ វត្តព្ពេ…បេ.… វេទនា… សញ្ញា… សង្ខារា… វិញ្ញាណន្តិ? ន ហេវំ វត្តព្ពេ…បេ.…។
722. Khaṇo parinipphanno, layo parinipphanno, muhuttaṃ parinipphannanti? Āmantā. Rūpanti? Na hevaṃ vattabbe…pe… vedanā… saññā… saṅkhārā… viññāṇanti? Na hevaṃ vattabbe…pe….
៧២៣. ន វត្តព្ពំ – ‘‘មុហុត្តំ បរិនិប្ផន្នន្តិ? អាមន្តា។ ននុ វុត្តំ ភគវតា – ‘‘តីណិមានិ, ភិក្ខវេ, កថាវត្ថូនិ! កតមានិ តីណិ? អតីតំ វា, ភិក្ខវេ, អទ្ធានំ អារព្ភ កថំ កថេយ្យ – ‘ឯវំ អហោសិ អតីតមទ្ធាន’ន្តិ; អនាគតំ វា, ភិក្ខវេ, អទ្ធានំ អារព្ភ កថំ កថេយ្យ – ‘ឯវំ ភវិស្សតិ អនាគតមទ្ធាន’ន្តិ; ឯតរហិ វា, ភិក្ខវេ, បច្ចុប្បន្នំ អទ្ធានំ អារព្ភ កថំ កថេយ្យ – ‘ឯវំ ហោតិ ឯតរហិ បច្ចុប្បន្ន’ន្តិ។ ឥមានិ ខោ, ភិក្ខវេ, តីណិ កថាវត្ថូនី’’តិ។ អត្ថេវ សុត្តន្តោតិ? អាមន្តា។ តេន ហិ មុហុត្តំ បរិនិប្ផន្នន្តិ។
723. Na vattabbaṃ – ‘‘muhuttaṃ parinipphannanti? Āmantā. Nanu vuttaṃ bhagavatā – ‘‘tīṇimāni, bhikkhave, kathāvatthūni! Katamāni tīṇi? Atītaṃ vā, bhikkhave, addhānaṃ ārabbha kathaṃ katheyya – ‘evaṃ ahosi atītamaddhāna’nti; anāgataṃ vā, bhikkhave, addhānaṃ ārabbha kathaṃ katheyya – ‘evaṃ bhavissati anāgatamaddhāna’nti; etarahi vā, bhikkhave, paccuppannaṃ addhānaṃ ārabbha kathaṃ katheyya – ‘evaṃ hoti etarahi paccuppanna’nti. Imāni kho, bhikkhave, tīṇi kathāvatthūnī’’ti. Attheva suttantoti? Āmantā. Tena hi muhuttaṃ parinipphannanti.
ខណលយមុហុត្តកថា និដ្ឋិតា។
Khaṇalayamuhuttakathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៤. ខណលយមុហុត្តកថាវណ្ណនា • 4. Khaṇalayamuhuttakathāvaṇṇanā
