| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಕಾಸುಮಾರಿಫಲದಾಯಕತ್ಥೇರಅಪದಾನಂ
10. Kāsumāriphaladāyakattheraapadānaṃ
೫೩.
53.
‘‘ಕಣಿಕಾರಂವ ಜೋತನ್ತಂ, ನಿಸಿನ್ನಂ ಪಬ್ಬತನ್ತರೇ।
‘‘Kaṇikāraṃva jotantaṃ, nisinnaṃ pabbatantare;
ಅದ್ದಸಂ ವಿರಜಂ ಬುದ್ಧಂ, ಲೋಕಜೇಟ್ಠಂ ನರಾಸಭಂ॥
Addasaṃ virajaṃ buddhaṃ, lokajeṭṭhaṃ narāsabhaṃ.
೫೪.
54.
‘‘ಪಸನ್ನಚಿತ್ತೋ ಸುಮನೋ, ಸಿರೇ ಕತ್ವಾನ ಅಞ್ಜಲಿಂ।
‘‘Pasannacitto sumano, sire katvāna añjaliṃ;
ಕಾಸುಮಾರಿಫಲಂ ಗಯ್ಹ, ಬುದ್ಧಸೇಟ್ಠಸ್ಸದಾಸಹಂ॥
Kāsumāriphalaṃ gayha, buddhaseṭṭhassadāsahaṃ.
೫೫.
55.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಫಲಮದದಿಂ ಅಹಂ।
‘‘Ekattiṃse ito kappe, yaṃ phalamadadiṃ ahaṃ;
ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ॥
Duggatiṃ nābhijānāmi, phaladānassidaṃ phalaṃ.
೫೬.
56.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೫೭.
57.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೫೮.
58.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಕಾಸುಮಾರಿಫಲದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā kāsumāriphaladāyako thero imā gāthāyo abhāsitthāti.
ಕಾಸುಮಾರಿಫಲದಾಯಕತ್ಥೇರಸ್ಸಾಪದಾನಂ ದಸಮಂ।
Kāsumāriphaladāyakattherassāpadānaṃ dasamaṃ.
ಬೋಧಿವನ್ದನವಗ್ಗೋ ಅಟ್ಠತಿಂಸತಿಮೋ।
Bodhivandanavaggo aṭṭhatiṃsatimo.
ತಸ್ಸುದ್ದಾನಂ –
Tassuddānaṃ –
ಬೋಧಿ ಪಾಟಲಿ ಉಪ್ಪಲೀ, ಪಟ್ಟಿ ಚ ಸತ್ತಪಣ್ಣಿಯೋ।
Bodhi pāṭali uppalī, paṭṭi ca sattapaṇṇiyo;
ಗನ್ಧಮುಟ್ಠಿ ಚ ಚಿತಕೋ, ತಾಲಂ ಸುಮನದಾಮಕೋ।
Gandhamuṭṭhi ca citako, tālaṃ sumanadāmako;
ಕಾಸುಮಾರಿಫಲೀ ಚೇವ, ಗಾಥಾ ಏಕೂನಸಟ್ಠಿಕಾ॥
Kāsumāriphalī ceva, gāthā ekūnasaṭṭhikā.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೩. ಸೀವಲಿತ್ಥೇರಅಪದಾನವಣ್ಣನಾ • 3. Sīvalittheraapadānavaṇṇanā
