| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೮. ಅಟ್ಠಮವಗ್ಗೋ
8. Aṭṭhamavaggo
(೮೩) ೧೧. ಕಮ್ಮಹೇತುಕಥಾ
(83) 11. Kammahetukathā
೫೪೬. ಕಮ್ಮಹೇತು ಅರಹಾ ಅರಹತ್ತಾ ಪರಿಹಾಯತೀತಿ? ಆಮನ್ತಾ। ಕಮ್ಮಹೇತು ಸೋತಾಪನ್ನೋ ಸೋತಾಪತ್ತಿಫಲಾ ಪರಿಹಾಯತೀತಿ? ನ ಹೇವಂ ವತ್ತಬ್ಬೇ…ಪೇ॰… ಕಮ್ಮಹೇತು ಅರಹಾ ಅರಹತ್ತಾ ಪರಿಹಾಯತೀತಿ? ಆಮನ್ತಾ। ಕಮ್ಮಹೇತು ಸಕದಾಗಾಮೀ…ಪೇ॰… ಅನಾಗಾಮೀ ಅನಾಗಾಮಿಫಲಾ ಪರಿಹಾಯತೀತಿ? ನ ಹೇವಂ ವತ್ತಬ್ಬೇ…ಪೇ॰…।
546. Kammahetu arahā arahattā parihāyatīti? Āmantā. Kammahetu sotāpanno sotāpattiphalā parihāyatīti? Na hevaṃ vattabbe…pe… kammahetu arahā arahattā parihāyatīti? Āmantā. Kammahetu sakadāgāmī…pe… anāgāmī anāgāmiphalā parihāyatīti? Na hevaṃ vattabbe…pe….
ಕಮ್ಮಹೇತು ಸೋತಾಪನ್ನೋ ಸೋತಾಪತ್ತಿಫಲಾ ನ ಪರಿಹಾಯತೀತಿ? ಆಮನ್ತಾ। ಕಮ್ಮಹೇತು ಅರಹಾ ಅರಹತ್ತಾ ನ ಪರಿಹಾಯತೀತಿ? ನ ಹೇವಂ ವತ್ತಬ್ಬೇ …ಪೇ॰… ಕಮ್ಮಹೇತು ಸಕದಾಗಾಮೀ…ಪೇ॰… ಅನಾಗಾಮೀ ಅನಾಗಾಮಿಫಲಾ ನ ಪರಿಹಾಯತೀತಿ? ಆಮನ್ತಾ। ಕಮ್ಮಹೇತು ಅರಹಾ ಅರಹತ್ತಾ ನ ಪರಿಹಾಯತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Kammahetu sotāpanno sotāpattiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe …pe… kammahetu sakadāgāmī…pe… anāgāmī anāgāmiphalā na parihāyatīti? Āmantā. Kammahetu arahā arahattā na parihāyatīti? Na hevaṃ vattabbe…pe….
ಕಮ್ಮಹೇತು ಅರಹಾ ಅರಹತ್ತಾ ಪರಿಹಾಯತೀತಿ? ಆಮನ್ತಾ। ಪಾಣಾತಿಪಾತಕಮ್ಮಸ್ಸ ಹೇತೂತಿ? ನ ಹೇವಂ ವತ್ತಬ್ಬೇ…ಪೇ॰… ಅದಿನ್ನಾದಾನಕಮ್ಮಸ್ಸ ಹೇತು…ಪೇ॰… ಕಾಮೇಸುಮಿಚ್ಛಾಚಾರಕಮ್ಮಸ್ಸ ಹೇತು… ಮುಸಾವಾದಕಮ್ಮಸ್ಸ ಹೇತು… ಪಿಸುಣವಾಚಾಕಮ್ಮಸ್ಸ ಹೇತು… ಫರುಸವಾಚಾಕಮ್ಮಸ್ಸ ಹೇತು… ಸಮ್ಫಪ್ಪಲಾಪಕಮ್ಮಸ್ಸ ಹೇತು… ಮಾತುಘಾತಕಮ್ಮಸ್ಸ 1 ಹೇತು… ಪಿತುಘಾತಕಮ್ಮಸ್ಸ ಹೇತು… ಅರಹನ್ತಘಾತಕಮ್ಮಸ್ಸ ಹೇತು… ರುಹಿರುಪ್ಪಾದಕಮ್ಮಸ್ಸ ಹೇತು…ಪೇ॰… ಸಙ್ಘಭೇದಕಮ್ಮಸ್ಸ ಹೇತೂತಿ? ನ ಹೇವಂ ವತ್ತಬ್ಬೇ…ಪೇ॰…।
Kammahetu arahā arahattā parihāyatīti? Āmantā. Pāṇātipātakammassa hetūti? Na hevaṃ vattabbe…pe… adinnādānakammassa hetu…pe… kāmesumicchācārakammassa hetu… musāvādakammassa hetu… pisuṇavācākammassa hetu… pharusavācākammassa hetu… samphappalāpakammassa hetu… mātughātakammassa 2 hetu… pitughātakammassa hetu… arahantaghātakammassa hetu… ruhiruppādakammassa hetu…pe… saṅghabhedakammassa hetūti? Na hevaṃ vattabbe…pe….
ಕತಮಸ್ಸ ಕಮ್ಮಸ್ಸ ಹೇತೂತಿ? ಹನ್ದ ಹಿ ಅರಹನ್ತಾನಂ ಅಬ್ಭಾಚಿಕ್ಖತೀತಿ। ಅರಹನ್ತಾನಂ ಅಬ್ಭಾಚಿಕ್ಖನಕಮ್ಮಸ್ಸ ಹೇತು ಅರಹಾ ಅರಹತ್ತಾ ಪರಿಹಾಯತೀತಿ? ಆಮನ್ತಾ। ಯೇ ಕೇಚಿ ಅರಹನ್ತಾನಂ ಅಬ್ಭಾಚಿಕ್ಖನ್ತಿ, ಸಬ್ಬೇ ತೇ ಅರಹತ್ತಂ ಸಚ್ಛಿಕರೋನ್ತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Katamassa kammassa hetūti? Handa hi arahantānaṃ abbhācikkhatīti. Arahantānaṃ abbhācikkhanakammassa hetu arahā arahattā parihāyatīti? Āmantā. Ye keci arahantānaṃ abbhācikkhanti, sabbe te arahattaṃ sacchikarontīti? Na hevaṃ vattabbe…pe….
ಕಮ್ಮಹೇತುಕಥಾ ನಿಟ್ಠಿತಾ।
Kammahetukathā niṭṭhitā.
ಅಟ್ಠಮವಗ್ಗೋ।
Aṭṭhamavaggo.
ತಸ್ಸುದ್ದಾನಂ –
Tassuddānaṃ –
ಛ ಗತಿಯೋ, ಅನ್ತರಾಭವೋ, ಪಞ್ಚೇವ ಕಾಮಗುಣಾ ಕಾಮಧಾತು, ಪಞ್ಚೇವ ಆಯತನಾ ಕಾಮಾ, ರೂಪಿನೋ ಧಮ್ಮಾ ರೂಪಧಾತು, ಅರೂಪಿನೋ ಧಮ್ಮಾ ಅರೂಪಧಾತು, ಸಳಾಯತನಿಕೋ ಅತ್ತಭಾವೋ ರೂಪಧಾತುಯಾ, ಅತ್ಥಿ ರೂಪಂ ಅರೂಪೇಸು, ರೂಪಂ ಕಮ್ಮಂ, ರೂಪಂ ಜೀವಿತಂ, ಕಮ್ಮಹೇತುಕಾ ಪರಿಹಾಯತೀತಿ।
Cha gatiyo, antarābhavo, pañceva kāmaguṇā kāmadhātu, pañceva āyatanā kāmā, rūpino dhammā rūpadhātu, arūpino dhammā arūpadhātu, saḷāyataniko attabhāvo rūpadhātuyā, atthi rūpaṃ arūpesu, rūpaṃ kammaṃ, rūpaṃ jīvitaṃ, kammahetukā parihāyatīti.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೧. ಕಮ್ಮಹೇತುಕಥಾವಣ್ಣನಾ • 11. Kammahetukathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೧. ಕಮ್ಮಹೇತುಕಥಾವಣ್ಣನಾ • 11. Kammahetukathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೧. ಕಮ್ಮಹೇತುಕಥಾವಣ್ಣನಾ • 11. Kammahetukathāvaṇṇanā
