| Library / Tipiṭaka / තිපිටක • Tipiṭaka / අඞ්ගුත්තරනිකාය • Aṅguttaranikāya |
6. කාලදානසුත්තං
6. Kāladānasuttaṃ
36. ‘‘පඤ්චිමානි, භික්ඛවෙ, කාලදානානි. කතමානි පඤ්ච? ආගන්තුකස්ස දානං දෙති; ගමිකස්ස දානං දෙති; ගිලානස්ස දානං දෙති; දුබ්භික්ඛෙ දානං දෙති; යානි තානි නවසස්සානි නවඵලානි තානි පඨමං සීලවන්තෙසු පතිට්ඨාපෙති. ඉමානි ඛො, භික්ඛවෙ, පඤ්ච කාලදානානී’’ති.
36. ‘‘Pañcimāni, bhikkhave, kāladānāni. Katamāni pañca? Āgantukassa dānaṃ deti; gamikassa dānaṃ deti; gilānassa dānaṃ deti; dubbhikkhe dānaṃ deti; yāni tāni navasassāni navaphalāni tāni paṭhamaṃ sīlavantesu patiṭṭhāpeti. Imāni kho, bhikkhave, pañca kāladānānī’’ti.
‘‘කාලෙ දදන්ති සප්පඤ්ඤා, වදඤ්ඤූ වීතමච්ඡරා;
‘‘Kāle dadanti sappaññā, vadaññū vītamaccharā;
කාලෙන දින්නං අරියෙසු, උජුභූතෙසු තාදිසු.
Kālena dinnaṃ ariyesu, ujubhūtesu tādisu.
‘‘විප්පසන්නමනා තස්ස, විපුලා හොති දක්ඛිණා;
‘‘Vippasannamanā tassa, vipulā hoti dakkhiṇā;
යෙ තත්ථ අනුමොදන්ති, වෙය්යාවච්චං කරොන්ති වා;
Ye tattha anumodanti, veyyāvaccaṃ karonti vā;
‘‘තස්මා දදෙ අප්පටිවානචිත්තො, යත්ථ දින්නං මහප්ඵලං;
‘‘Tasmā dade appaṭivānacitto, yattha dinnaṃ mahapphalaṃ;
පුඤ්ඤානි පරලොකස්මිං, පතිට්ඨා හොන්ති පාණින’’න්ති. ඡට්ඨං;
Puññāni paralokasmiṃ, patiṭṭhā honti pāṇina’’nti. chaṭṭhaṃ;
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / අඞ්ගුත්තරනිකාය (අට්ඨකථා) • Aṅguttaranikāya (aṭṭhakathā) / 6. කාලදානසුත්තවණ්ණනා • 6. Kāladānasuttavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / අඞ්ගුත්තරනිකාය (ටීකා) • Aṅguttaranikāya (ṭīkā) / 6-7. කාලදානසුත්තාදිවණ්ණනා • 6-7. Kāladānasuttādivaṇṇanā
