| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
8. жийварагканд̇хаго
8. Cīvarakkhandhako
202. ж̇ийвагавад̇т̇у
202. Jīvakavatthu
326. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна взсаалий ид̣̇д̇хаа жзва ход̇и пид̇аа 1 жа б̣ахуж̇анаа жа аагин̣н̣амануссаа жа субхигкаа жа; сад̇д̇а жа баасаад̣̇асахассаани сад̇д̇а жа баасаад̣̇асад̇аани сад̇д̇а жа баасаад̣̇аа; сад̇д̇а жа гуудааг̇аарасахассаани сад̇д̇а жа гуудааг̇аарасад̇аани сад̇д̇а жа гуудааг̇аараани; сад̇д̇а жа аараамасахассаани сад̇д̇а жа аараамасад̇аани сад̇д̇а жа аараамаа; сад̇д̇а жа богкаран̣ийсахассаани сад̇д̇а жа богкаран̣ийсад̇аани сад̇д̇а жа богкаран̣ияо; амб̣абаалий жа г̇ан̣игаа абхируубаа ход̇и д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа, бад̣̇агкин̣аа 2 нажжз жа г̇ийд̇з жа ваад̣̇ид̇з жа, абхисадаа ад̇т̇игаанам̣ ад̇т̇игаанам̣ мануссаанам̣ бан̃н̃аасааяа жа рад̇д̇им̣ г̇ажчад̇и; д̇ааяа жа взсаалий бхияяосомад̇д̇ааяа убасобхад̇и. ат̇а ко рааж̇аг̇ахаго нзг̇амо взсаалим̣ аг̇амааси гзнажид̣̇зва гаран̣ийязна. ад̣̇д̣̇асаа ко рааж̇аг̇ахаго нзг̇амо взсаалим̣ ид̣̇д̇хан̃жзва пид̇ан̃жа б̣ахуж̇анан̃жа аагин̣н̣амануссан̃жа субхигкан̃жа; сад̇д̇а жа баасаад̣̇асахассаани сад̇д̇а жа баасаад̣̇асад̇аани сад̇д̇а жа баасаад̣̇з; сад̇д̇а жа гуудааг̇аарасахассаани сад̇д̇а жа гуудааг̇аарасад̇аани сад̇д̇а жа гуудааг̇аараани; сад̇д̇а жа аараамасахассаани сад̇д̇а жа аараамасад̇аани сад̇д̇а жа аараамз; сад̇д̇а жа богкаран̣ийсахассаани сад̇д̇а жа богкаран̣ийсад̇аани сад̇д̇а жа богкаран̣ияо ; амб̣абаалин̃жа г̇ан̣игам̣ абхируубам̣ д̣̇ассанийяам̣ баасаад̣̇игам̣ барамааяа ван̣н̣абогкарад̇ааяа саманнааг̇ад̇ам̣, бад̣̇агкин̣ам̣ 3 нажжз жа г̇ийд̇з жа ваад̣̇ид̇з жа, абхисадам̣ ад̇т̇игаанам̣ ад̇т̇игаанам̣ мануссаанам̣ бан̃н̃аасааяа жа рад̇д̇им̣ г̇ажчанд̇им̣, д̇ааяа жа взсаалим̣ бхияяосомад̇д̇ааяа убасобханд̇им̣.
326. Tena samayena buddho bhagavā rājagahe viharati veḷuvane kalandakanivāpe. Tena kho pana samayena vesālī iddhā ceva hoti phitā 4 ca bahujanā ca ākiṇṇamanussā ca subhikkhā ca; satta ca pāsādasahassāni satta ca pāsādasatāni satta ca pāsādā; satta ca kūṭāgārasahassāni satta ca kūṭāgārasatāni satta ca kūṭāgārāni; satta ca ārāmasahassāni satta ca ārāmasatāni satta ca ārāmā; satta ca pokkharaṇīsahassāni satta ca pokkharaṇīsatāni satta ca pokkharaṇiyo; ambapālī ca gaṇikā abhirūpā hoti dassanīyā pāsādikā paramāya vaṇṇapokkharatāya samannāgatā, padakkhiṇā 5 nacce ca gīte ca vādite ca, abhisaṭā atthikānaṃ atthikānaṃ manussānaṃ paññāsāya ca rattiṃ gacchati; tāya ca vesālī bhiyyosomattāya upasobhati. Atha kho rājagahako negamo vesāliṃ agamāsi kenacideva karaṇīyena. Addasā kho rājagahako negamo vesāliṃ iddhañceva phitañca bahujanañca ākiṇṇamanussañca subhikkhañca; satta ca pāsādasahassāni satta ca pāsādasatāni satta ca pāsāde; satta ca kūṭāgārasahassāni satta ca kūṭāgārasatāni satta ca kūṭāgārāni; satta ca ārāmasahassāni satta ca ārāmasatāni satta ca ārāme; satta ca pokkharaṇīsahassāni satta ca pokkharaṇīsatāni satta ca pokkharaṇiyo ; ambapāliñca gaṇikaṃ abhirūpaṃ dassanīyaṃ pāsādikaṃ paramāya vaṇṇapokkharatāya samannāgataṃ, padakkhiṇaṃ 6 nacce ca gīte ca vādite ca, abhisaṭaṃ atthikānaṃ atthikānaṃ manussānaṃ paññāsāya ca rattiṃ gacchantiṃ, tāya ca vesāliṃ bhiyyosomattāya upasobhantiṃ.
327. ат̇а ко рааж̇аг̇ахаго нзг̇амо взсаалияам̣ д̇ам̣ гаран̣ийяам̣ д̇ийрзд̇ваа бунад̣̇зва рааж̇аг̇ахам̣ бажжааг̇ан̃чи. язна рааж̇аа мааг̇ад̇хо сзнияо б̣имб̣исааро д̇знубасан̇гами, убасан̇гамид̇ваа рааж̇аанам̣ мааг̇ад̇хам̣ сзнияам̣ б̣имб̣исаарам̣ зд̇ад̣̇авожа – ‘‘взсаалий, д̣̇зва, ид̣̇д̇хаа жзва пид̇аа жа б̣ахуж̇анаа жа аагин̣н̣амануссаа жа субхигкаа жа; сад̇д̇а жа баасаад̣̇асахассаани…бз… д̇ааяа жа взсаалий бхияяосомад̇д̇ааяа убасобхад̇и. саад̇ху, д̣̇зва, маяамби г̇ан̣игам̣ вудтаабзссаамаа’’д̇и 7. ‘‘д̇зна хи, бхан̣з, д̇аад̣̇исим̣ гумаарим̣ ж̇аанаат̇а яам̣ д̇умхз г̇ан̣игам̣ вудтаабзяяаат̇аа’’д̇и. д̇зна ко бана самаязна рааж̇аг̇ахз саалавад̇ий наама гумаарий абхируубаа ход̇и д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа. ат̇а ко рааж̇аг̇ахаго нзг̇амо саалавад̇им̣ гумаарим̣ г̇ан̣игам̣ вудтаабзси. ат̇а ко саалавад̇ий г̇ан̣игаа нажирассзва бад̣̇агкин̣аа ахоси нажжз жа г̇ийд̇з жа ваад̣̇ид̇з жа, абхисадаа ад̇т̇игаанам̣ ад̇т̇игаанам̣ мануссаанам̣ бадисад̇зна жа рад̇д̇им̣ г̇ажчад̇и. ат̇а ко саалавад̇ий г̇ан̣игаа нажирассзва г̇аб̣бхиний ахоси. ат̇а ко саалавад̇ияаа г̇ан̣игааяа зд̇ад̣̇ахоси – ‘‘ид̇т̇ий ко г̇аб̣бхиний бурисаанам̣ аманаабаа. сажз мам̣ гожи ж̇ааниссад̇и саалавад̇ий г̇ан̣игаа г̇аб̣бхинийд̇и, саб̣б̣о мз саггааро бхан̃ж̇иссад̇и 8. яам̣нуунаахам̣ г̇илаанам̣ бадивзд̣̇зяяа’’нд̇и. ат̇а ко саалавад̇ий г̇ан̣игаа д̣̇овааригам̣ аан̣аабзси – ‘‘маа, бхан̣з д̣̇оваарига, гожи бурисо баависи. яо жа мам̣ бужчад̇и, ‘г̇илаанаа’д̇и бадивзд̣̇зхий’’д̇и. ‘‘звам̣, аяяз’’д̇и ко со д̣̇оваариго саалавад̇ияаа г̇ан̣игааяа бажжассоси. ат̇а ко саалавад̇ий г̇ан̣игаа д̇асса г̇аб̣бхасса барибаагаманвааяа буд̇д̇ам̣ виж̇ааяи. ат̇а ко саалавад̇ий г̇ан̣игаа д̣̇аасим̣ аан̣аабзси – ‘‘ханд̣̇а, ж̇з, имам̣ д̣̇аарагам̣ гад̇д̇арасуббз багкибид̇ваа нийхарид̇ваа сан̇гаарагуудз чад̣д̣зхий’’д̇и. ‘‘звам̣, аяяз’’д̇и ко саа д̣̇аасий саалавад̇ияаа г̇ан̣игааяа бадиссуд̇ваа д̇ам̣ д̣̇аарагам̣ гад̇д̇арасуббз багкибид̇ваа нийхарид̇ваа сан̇гаарагуудз чад̣д̣зси.
327. Atha kho rājagahako negamo vesāliyaṃ taṃ karaṇīyaṃ tīretvā punadeva rājagahaṃ paccāgañchi. Yena rājā māgadho seniyo bimbisāro tenupasaṅkami, upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘vesālī, deva, iddhā ceva phitā ca bahujanā ca ākiṇṇamanussā ca subhikkhā ca; satta ca pāsādasahassāni…pe… tāya ca vesālī bhiyyosomattāya upasobhati. Sādhu, deva, mayampi gaṇikaṃ vuṭṭhāpessāmā’’ti 9. ‘‘Tena hi, bhaṇe, tādisiṃ kumāriṃ jānātha yaṃ tumhe gaṇikaṃ vuṭṭhāpeyyāthā’’ti. Tena kho pana samayena rājagahe sālavatī nāma kumārī abhirūpā hoti dassanīyā pāsādikā paramāya vaṇṇapokkharatāya samannāgatā. Atha kho rājagahako negamo sālavatiṃ kumāriṃ gaṇikaṃ vuṭṭhāpesi. Atha kho sālavatī gaṇikā nacirasseva padakkhiṇā ahosi nacce ca gīte ca vādite ca, abhisaṭā atthikānaṃ atthikānaṃ manussānaṃ paṭisatena ca rattiṃ gacchati. Atha kho sālavatī gaṇikā nacirasseva gabbhinī ahosi. Atha kho sālavatiyā gaṇikāya etadahosi – ‘‘itthī kho gabbhinī purisānaṃ amanāpā. Sace maṃ koci jānissati sālavatī gaṇikā gabbhinīti, sabbo me sakkāro bhañjissati 10. Yaṃnūnāhaṃ gilānaṃ paṭivedeyya’’nti. Atha kho sālavatī gaṇikā dovārikaṃ āṇāpesi – ‘‘mā, bhaṇe dovārika, koci puriso pāvisi. Yo ca maṃ pucchati, ‘gilānā’ti paṭivedehī’’ti. ‘‘Evaṃ, ayye’’ti kho so dovāriko sālavatiyā gaṇikāya paccassosi. Atha kho sālavatī gaṇikā tassa gabbhassa paripākamanvāya puttaṃ vijāyi. Atha kho sālavatī gaṇikā dāsiṃ āṇāpesi – ‘‘handa, je, imaṃ dārakaṃ kattarasuppe pakkhipitvā nīharitvā saṅkārakūṭe chaḍḍehī’’ti. ‘‘Evaṃ, ayye’’ti kho sā dāsī sālavatiyā gaṇikāya paṭissutvā taṃ dārakaṃ kattarasuppe pakkhipitvā nīharitvā saṅkārakūṭe chaḍḍesi.
328. д̇зна ко бана самаязна абхаяо наама рааж̇агумааро гаалассзва рааж̇убадтаанам̣ г̇ажчанд̇о ад̣̇д̣̇аса д̇ам̣ д̣̇аарагам̣ гаагзхи самбаригин̣н̣ам̣ , д̣̇исваана мануссз бужчи – ‘‘гим̣ зд̇ам̣, бхан̣з, гаагзхи самбаригин̣н̣а’’нд̇и? ‘‘д̣̇аараго, д̣̇зваа’’д̇и. ‘‘ж̇ийвад̇и, бхан̣з’’д̇и? ‘‘ж̇ийвад̇и, д̣̇зваа’’д̇и. ‘‘д̇зна хи, бхан̣з, д̇ам̣ д̣̇аарагам̣ амхаагам̣ анд̇збурам̣ нзд̇ваа д̇хаад̇ийнам̣ д̣̇зт̇а босзд̇у’’нд̇и. ‘‘звам̣, д̣̇зваа’’д̇и ко д̇з мануссаа абхаяасса рааж̇агумаарасса бадиссуд̇ваа д̇ам̣ д̣̇аарагам̣ абхаяасса рааж̇агумаарасса анд̇збурам̣ нзд̇ваа д̇хаад̇ийнам̣ ад̣̇ам̣су – ‘‘босзт̇аа’’д̇и. д̇асса ж̇ийвад̇ийд̇и ‘ж̇ийваго’д̇и наамам̣ агам̣су. гумаарзна босаабид̇од̇и ‘гомаарабхажжо’д̇и наамам̣ агам̣су. ат̇а ко ж̇ийваго гомаарабхажжо нажирассзва вин̃н̃уд̇ам̣ баабун̣и. ат̇а ко ж̇ийваго гомаарабхажжо язна абхаяо рааж̇агумааро д̇знубасан̇гами; убасан̇гамид̇ваа абхаяам̣ рааж̇агумаарам̣ зд̇ад̣̇авожа – ‘‘гаа мз, д̣̇зва, маад̇аа, го бид̇аа’’д̇и? ‘‘ахамби ко д̇з, бхан̣з ж̇ийвага, маад̇арам̣ на ж̇аанаами; аби жаахам̣ д̇з бид̇аа; маяааси 11 босаабид̇о’’д̇и. ат̇а ко ж̇ийвагасса гомаарабхажжасса зд̇ад̣̇ахоси – ‘‘имаани ко рааж̇агулаани на сугараани асиббзна убаж̇ийвид̇ум̣. яам̣нуунаахам̣ сиббам̣ сигкзяяа’’нд̇и.
328. Tena kho pana samayena abhayo nāma rājakumāro kālasseva rājupaṭṭhānaṃ gacchanto addasa taṃ dārakaṃ kākehi samparikiṇṇaṃ , disvāna manusse pucchi – ‘‘kiṃ etaṃ, bhaṇe, kākehi samparikiṇṇa’’nti? ‘‘Dārako, devā’’ti. ‘‘Jīvati, bhaṇe’’ti? ‘‘Jīvati, devā’’ti. ‘‘Tena hi, bhaṇe, taṃ dārakaṃ amhākaṃ antepuraṃ netvā dhātīnaṃ detha posetu’’nti. ‘‘Evaṃ, devā’’ti kho te manussā abhayassa rājakumārassa paṭissutvā taṃ dārakaṃ abhayassa rājakumārassa antepuraṃ netvā dhātīnaṃ adaṃsu – ‘‘posethā’’ti. Tassa jīvatīti ‘jīvako’ti nāmaṃ akaṃsu. Kumārena posāpitoti ‘komārabhacco’ti nāmaṃ akaṃsu. Atha kho jīvako komārabhacco nacirasseva viññutaṃ pāpuṇi. Atha kho jīvako komārabhacco yena abhayo rājakumāro tenupasaṅkami; upasaṅkamitvā abhayaṃ rājakumāraṃ etadavoca – ‘‘kā me, deva, mātā, ko pitā’’ti? ‘‘Ahampi kho te, bhaṇe jīvaka, mātaraṃ na jānāmi; api cāhaṃ te pitā; mayāsi 12 posāpito’’ti. Atha kho jīvakassa komārabhaccassa etadahosi – ‘‘imāni kho rājakulāni na sukarāni asippena upajīvituṃ. Yaṃnūnāhaṃ sippaṃ sikkheyya’’nti.
329. д̇зна ко бана самаязна д̇аггасилааяам̣ 13 д̣̇исаабаамогко взж̇ж̇о бадивасад̇и. ат̇а ко ж̇ийваго гомаарабхажжо абхаяам̣ рааж̇агумаарам̣ анаабужчаа язна д̇аггасилаа д̇зна баггаами. анубуб̣б̣зна язна д̇аггасилаа, язна взж̇ж̇о д̇знубасан̇гами; убасан̇гамид̇ваа д̇ам̣ взж̇ж̇ам̣ зд̇ад̣̇авожа – ‘‘ижчаамахам̣, аажарияа, сиббам̣ сигкид̇у’’нд̇и. ‘‘д̇зна хи, бхан̣з ж̇ийвага, сигкассуу’’д̇и. ат̇а ко ж̇ийваго гомаарабхажжо б̣ахун̃жа г̇ан̣хаад̇и лахун̃жа г̇ан̣хаад̇и судту жа убад̇хаарзд̇и, г̇ахид̇ан̃жасса на саммуссад̇и 14. ат̇а ко ж̇ийвагасса гомаарабхажжасса сад̇д̇аннам̣ вассаанам̣ ажжаязна зд̇ад̣̇ахоси – ‘‘ахам̣, ко б̣ахун̃жа г̇ан̣хаами лахун̃жа г̇ан̣хаами судту жа убад̇хаарзми, г̇ахид̇ан̃жа мз на саммуссад̇и, сад̇д̇а жа мз вассаани ад̇хийяанд̇асса, наяимасса сиббасса анд̇о бан̃н̃ааяад̇и. гад̣̇аа имасса сиббасса анд̇о бан̃н̃ааяиссад̇ий’’д̇и. ат̇а ко ж̇ийваго гомаарабхажжо язна со взж̇ж̇о д̇знубасан̇гами, убасан̇гамид̇ваа д̇ам̣ взж̇ж̇ам̣ зд̇ад̣̇авожа – ‘‘ахам̣ ко, аажарияа, б̣ахун̃жа г̇ан̣хаами лахун̃жа г̇ан̣хаами судту жа убад̇хаарзми, г̇ахид̇ан̃жа мз на саммуссад̇и, сад̇д̇а жа мз вассаани ад̇хийяанд̇асса, наяимасса сиббасса анд̇о бан̃н̃ааяад̇и. гад̣̇аа имасса сиббасса анд̇о бан̃н̃ааяиссад̇ий’’д̇и? ‘‘д̇зна хи, бхан̣з ж̇ийвага, кан̣ид̇д̇им̣ аад̣̇ааяа д̇аггасилааяа саманд̇аа яож̇анам̣ аахин̣д̣ид̇ваа яам̣ гин̃жи абхзсаж̇ж̇ам̣ бассзяяааси д̇ам̣ аахараа’’д̇и. ‘‘звам̣, аажарияаа’’д̇и ко ж̇ийваго гомаарабхажжо д̇асса взж̇ж̇асса бадиссуд̇ваа кан̣ид̇д̇им̣ аад̣̇ааяа д̇аггасилааяа саманд̇аа яож̇анам̣ аахин̣д̣анд̇о на гин̃жи абхзсаж̇ж̇ам̣ ад̣̇д̣̇аса. ат̇а ко ж̇ийваго гомаарабхажжо язна со взж̇ж̇о д̇знубасан̇гами, убасан̇гамид̇ваа д̇ам̣ взж̇ж̇ам̣ зд̇ад̣̇авожа – ‘‘аахин̣д̣анд̇омхи, аажарияа, д̇аггасилааяа саманд̇аа яож̇анам̣, на гин̃жи 15 абхзсаж̇ж̇ам̣ ад̣̇д̣̇аса’’нд̇и. ‘‘сусигкид̇оси , бхан̣з ж̇ийвага. алам̣ д̇з зд̇д̇агам̣ ж̇ийвигааяаа’’д̇и ж̇ийвагасса гомаарабхажжасса барид̇д̇ам̣ баат̇зяяам̣ баад̣̇ааси. ат̇а ко ж̇ийваго гомаарабхажжо д̇ам̣ барид̇д̇ам̣ баат̇зяяам̣ аад̣̇ааяа язна рааж̇аг̇ахам̣ д̇зна баггаами. ат̇а ко ж̇ийвагасса гомаарабхажжасса д̇ам̣ барид̇д̇ам̣ баат̇зяяам̣ анд̇араамаг̇г̇з саагзд̇з баригкаяам̣ аг̇амааси. ат̇а ко ж̇ийвагасса гомаарабхажжасса зд̇ад̣̇ахоси – ‘‘имз ко маг̇г̇аа ганд̇аараа аббод̣̇агаа аббабхагкаа, на сугараа абаат̇зяязна г̇анд̇ум̣. яам̣нуунаахам̣ баат̇зяяам̣ бариязсзяяа’’нд̇и.
329. Tena kho pana samayena takkasilāyaṃ 16 disāpāmokkho vejjo paṭivasati. Atha kho jīvako komārabhacco abhayaṃ rājakumāraṃ anāpucchā yena takkasilā tena pakkāmi. Anupubbena yena takkasilā, yena vejjo tenupasaṅkami; upasaṅkamitvā taṃ vejjaṃ etadavoca – ‘‘icchāmahaṃ, ācariya, sippaṃ sikkhitu’’nti. ‘‘Tena hi, bhaṇe jīvaka, sikkhassū’’ti. Atha kho jīvako komārabhacco bahuñca gaṇhāti lahuñca gaṇhāti suṭṭhu ca upadhāreti, gahitañcassa na sammussati 17. Atha kho jīvakassa komārabhaccassa sattannaṃ vassānaṃ accayena etadahosi – ‘‘ahaṃ, kho bahuñca gaṇhāmi lahuñca gaṇhāmi suṭṭhu ca upadhāremi, gahitañca me na sammussati, satta ca me vassāni adhīyantassa, nayimassa sippassa anto paññāyati. Kadā imassa sippassa anto paññāyissatī’’ti. Atha kho jīvako komārabhacco yena so vejjo tenupasaṅkami, upasaṅkamitvā taṃ vejjaṃ etadavoca – ‘‘ahaṃ kho, ācariya, bahuñca gaṇhāmi lahuñca gaṇhāmi suṭṭhu ca upadhāremi, gahitañca me na sammussati, satta ca me vassāni adhīyantassa, nayimassa sippassa anto paññāyati. Kadā imassa sippassa anto paññāyissatī’’ti? ‘‘Tena hi, bhaṇe jīvaka, khaṇittiṃ ādāya takkasilāya samantā yojanaṃ āhiṇḍitvā yaṃ kiñci abhesajjaṃ passeyyāsi taṃ āharā’’ti. ‘‘Evaṃ, ācariyā’’ti kho jīvako komārabhacco tassa vejjassa paṭissutvā khaṇittiṃ ādāya takkasilāya samantā yojanaṃ āhiṇḍanto na kiñci abhesajjaṃ addasa. Atha kho jīvako komārabhacco yena so vejjo tenupasaṅkami, upasaṅkamitvā taṃ vejjaṃ etadavoca – ‘‘āhiṇḍantomhi, ācariya, takkasilāya samantā yojanaṃ, na kiñci 18 abhesajjaṃ addasa’’nti. ‘‘Susikkhitosi , bhaṇe jīvaka. Alaṃ te ettakaṃ jīvikāyā’’ti jīvakassa komārabhaccassa parittaṃ pātheyyaṃ pādāsi. Atha kho jīvako komārabhacco taṃ parittaṃ pātheyyaṃ ādāya yena rājagahaṃ tena pakkāmi. Atha kho jīvakassa komārabhaccassa taṃ parittaṃ pātheyyaṃ antarāmagge sākete parikkhayaṃ agamāsi. Atha kho jīvakassa komārabhaccassa etadahosi – ‘‘ime kho maggā kantārā appodakā appabhakkhā, na sukarā apātheyyena gantuṃ. Yaṃnūnāhaṃ pātheyyaṃ pariyeseyya’’nti.
ж̇ийвагавад̇т̇у нидтид̇ам̣.
Jīvakavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ж̇ийвагавад̇т̇угат̇аа • Jīvakavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ж̇ийвагавад̇т̇угат̇ааван̣н̣анаа • Jīvakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ж̇ийвагавад̇т̇угат̇ааван̣н̣анаа • Jīvakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 202. ж̇ийвагавад̇т̇угат̇аа • 202. Jīvakavatthukathā
