| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៩. ឈានាភិញ្ញសុត្តវណ្ណនា
9. Jhānābhiññasuttavaṇṇanā
១៥២. នវមេ យាវទេវ អាកង្ខាមីតិ យាវទេវ ឥច្ឆាមិ។ យានិ បន ឥតោ បរំ វិវិច្ចេវ កាមេហីតិអាទិនា នយេន ចត្តារិ រូបាវចរជ្ឈានានិ, សព្ពសោ រូបសញ្ញានំ សមតិក្កមាតិអាទិនា នយេន ចតស្សោ អរូបសមាបត្តិយោ, សព្ពសោ នេវសញ្ញានាសញ្ញាយតនំ សមតិក្កម្ម សញ្ញាវេទយិតនិរោធន្តិ ឯវំ និរោធសមាបត្តិ, អនេកវិហិតំ ឥទ្ធិវិធន្តិអាទិនា នយេន បញ្ច លោកិកាភិញ្ញា ច វុត្តា។ តត្ថ យំ វត្តព្ពំ សិយា, តំ សព្ពំ អនុបទវណ្ណនាយ ចេវ ភាវនាវិធានេន ច សទ្ធិំ វិសុទ្ធិមគ្គេ (វិសុទ្ធិ. ១.៦៩) វិត្ថារិតមេវ។ ឆឡភិញ្ញាយ បន អាសវានំ ខយាតិ អាសវានំ ខយេន។ អនាសវន្តិ អាសវានំ អបច្ចយភូតំ។ ចេតោវិមុត្តិន្តិ អរហត្តផលសមាធិំ។ បញ្ញាវិមុត្តិន្តិ អរហត្តផលបញ្ញំ។ នវមំ។
152. Navame yāvadeva ākaṅkhāmīti yāvadeva icchāmi. Yāni pana ito paraṃ vivicceva kāmehītiādinā nayena cattāri rūpāvacarajjhānāni, sabbaso rūpasaññānaṃ samatikkamātiādinā nayena catasso arūpasamāpattiyo, sabbaso nevasaññānāsaññāyatanaṃ samatikkamma saññāvedayitanirodhanti evaṃ nirodhasamāpatti, anekavihitaṃiddhividhantiādinā nayena pañca lokikābhiññā ca vuttā. Tattha yaṃ vattabbaṃ siyā, taṃ sabbaṃ anupadavaṇṇanāya ceva bhāvanāvidhānena ca saddhiṃ visuddhimagge (visuddhi. 1.69) vitthāritameva. Chaḷabhiññāya pana āsavānaṃ khayāti āsavānaṃ khayena. Anāsavanti āsavānaṃ apaccayabhūtaṃ. Cetovimuttinti arahattaphalasamādhiṃ. Paññāvimuttinti arahattaphalapaññaṃ. Navamaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៩. ឈានាភិញ្ញសុត្តំ • 9. Jhānābhiññasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៩. ឈានាភិញ្ញសុត្តវណ្ណនា • 9. Jhānābhiññasuttavaṇṇanā
