| Library / Tipiṭaka / ཏིཔིཊཀ • Tipiṭaka / ཙཱུལ༹ནིདྡེསཔཱལི༹ • Cūḷaniddesapāḷi |
༡༡. ཛཏུཀཎྞིམཱཎཝཔུཙྪཱ
11. Jatukaṇṇimāṇavapucchā
༡༢༡.
121.
‘‘སུཏྭཱནཧཾ ཝཱིརམཀཱམཀཱམིཾ, [ཨིཙྩཱཡསྨཱ ཛཏུཀཎྞི]
‘‘Sutvānahaṃ vīramakāmakāmiṃ, [iccāyasmā jatukaṇṇi]
ཨོགྷཱཏིགཾ པུཊྛུམཀཱམམཱགམཾ།
Oghātigaṃ puṭṭhumakāmamāgamaṃ;
སནྟིཔདཾ བྲཱུཧི སཧཛནེཏྟ, ཡཐཱཏཙྪཾ བྷགཝཱ བྲཱུཧི མེཏཾ༎
Santipadaṃ brūhi sahajanetta, yathātacchaṃ bhagavā brūhi metaṃ.
༡༢༢.
122.
‘‘བྷགཝཱ ཧི ཀཱམེ ཨབྷིབྷུཡྻ ཨིརིཡཏི, ཨཱདིཙྩོཝ པཐཝིཾ ཏེཛཱི ཏེཛསཱ།
‘‘Bhagavā hi kāme abhibhuyya iriyati, ādiccova pathaviṃ tejī tejasā;
པརིཏྟཔཉྙསྶ མེ བྷཱུརིཔཉྙ, ཨཱཙིཀྑ དྷམྨཾ ཡམཧཾ ཝིཛཉྙཾ།
Parittapaññassa me bhūripañña, ācikkha dhammaṃ yamahaṃ vijaññaṃ;
ཛཱཏིཛརཱཡ ཨིདྷ ཝིཔྤཧཱནཾ’’༎
Jātijarāya idha vippahānaṃ’’.
༡༢༣.
123.
‘‘ཀཱམེསུ ཝིནཡ གེདྷཾ, [ཛཏུཀཎྞཱིཏི བྷགཝཱ]
‘‘Kāmesu vinaya gedhaṃ, [jatukaṇṇīti bhagavā]
ནེཀྑམྨཾ དཊྛུ ཁེམཏོ།
Nekkhammaṃ daṭṭhu khemato;
ཨུགྒཧིཏཾ ནིརཏྟཾ ཝཱ, མཱ ཏེ ཝིཛྫིཏྠ ཀིཉྩནཾ༎
Uggahitaṃ nirattaṃ vā, mā te vijjittha kiñcanaṃ.
༡༢༤.
124.
‘‘ཡཾ པུབྦེ ཏཾ ཝིསོསེཧི, པཙྪཱ ཏེ མཱཧུ ཀིཉྩནཾ།
‘‘Yaṃ pubbe taṃ visosehi, pacchā te māhu kiñcanaṃ;
མཛ྄ཛྷེ ཙེ ནོ གཧེསྶསི, ཨུཔསནྟོ ཙརིསྶསི༎
Majjhe ce no gahessasi, upasanto carissasi.
༡༢༥.
125.
‘‘སབྦསོ ནཱམརཱུཔསྨིཾ, ཝཱིཏགེདྷསྶ བྲཱཧྨཎ།
‘‘Sabbaso nāmarūpasmiṃ, vītagedhassa brāhmaṇa;
ཨཱསཝཱསྶ ན ཝིཛྫནྟི, ཡེཧི མཙྩུཝསཾ ཝཛེ’’ཏི༎
Āsavāssa na vijjanti, yehi maccuvasaṃ vaje’’ti.
ཛཏུཀཎྞིམཱཎཝཔུཙྪཱ ཨེཀཱདསམཱ།
Jatukaṇṇimāṇavapucchā ekādasamā.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཙཱུལ༹ནིདྡེས-ཨཊྛཀཐཱ • Cūḷaniddesa-aṭṭhakathā / ༡༡. ཛཏུཀཎྞིམཱཎཝསུཏྟནིདྡེསཝཎྞནཱ • 11. Jatukaṇṇimāṇavasuttaniddesavaṇṇanā
