| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༡༥༦. གིཧིཝིཀཏཱནུཉྙཱཏཱདི
156. Gihivikatānuññātādi
༢༥༦. ཏེན ཁོ པན སམཡེན མནུསྶཱནཾ མཉྩམྤི པཱིཋམྤི ཙམྨོནདྡྷཱནི ཧོནྟི, ཙམྨཝིནདྡྷཱནི། བྷིཀྑཱུ ཀུཀྐུཙྩཱཡནྟཱ ནཱབྷིནིསཱིདནྟི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, གིཧིཝིཀཏཾ ཨབྷིནིསཱིདིཏུཾ, ན ཏྭེཝ ཨབྷིནིཔཛྫིཏུནྟི།
256. Tena kho pana samayena manussānaṃ mañcampi pīṭhampi cammonaddhāni honti, cammavinaddhāni. Bhikkhū kukkuccāyantā nābhinisīdanti. Bhagavato etamatthaṃ ārocesuṃ. Anujānāmi, bhikkhave, gihivikataṃ abhinisīdituṃ, na tveva abhinipajjitunti.
ཏེན ཁོ པན སམཡེན ཝིཧཱརཱ ཙམྨཝདྡྷེཧི ཨོགུམྥིཡནྟི 1། བྷིཀྑཱུ ཀུཀྐུཙྩཱཡནྟཱ ནཱབྷིནིསཱིདནྟི། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, བནྡྷནམཏྟཾ ཨབྷིནིསཱིདིཏུནྟི།
Tena kho pana samayena vihārā cammavaddhehi ogumphiyanti 2. Bhikkhū kukkuccāyantā nābhinisīdanti. Bhagavato etamatthaṃ ārocesuṃ. Anujānāmi, bhikkhave, bandhanamattaṃ abhinisīditunti.
ཏེན ཁོ པན སམཡེན ཚབྦགྒིཡཱ བྷིཀྑཱུ སཨུཔཱཧནཱ གཱམཾ པཝིསནྟི། མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘སེཡྻཐཱཔི གིཧཱི ཀཱམབྷོགིནོ’’ཏི། བྷགཝཏོ ཨེཏམཏྠཾ ཨཱརོཙེསུཾ ། ན, བྷིཀྑཝེ, སཨུཔཱཧནེན གཱམོ པཝིསིཏབྦོ། ཡོ པཝིསེཡྻ, ཨཱཔཏྟི དུཀྐཊསྶཱཏི།
Tena kho pana samayena chabbaggiyā bhikkhū saupāhanā gāmaṃ pavisanti. Manussā ujjhāyanti khiyyanti vipācenti – ‘‘seyyathāpi gihī kāmabhogino’’ti. Bhagavato etamatthaṃ ārocesuṃ . Na, bhikkhave, saupāhanena gāmo pavisitabbo. Yo paviseyya, āpatti dukkaṭassāti.
ཏེན ཁོ པན སམཡེན ཨཉྙཏརོ བྷིཀྑུ གིལཱནོ ཧོཏི, ན སཀྐོཏི ཝིནཱ ཨུཔཱཧནེན གཱམཾ པཝིསིཏུཾ། བྷགཝཏོ ཨེཏམཏྠཾ ཨཱརོཙེསུཾ། ཨནུཛཱནཱམི, བྷིཀྑཝེ, གིལཱནེན བྷིཀྑུནཱ སཨུཔཱཧནེན གཱམཾ པཝིསིཏུནྟི།
Tena kho pana samayena aññataro bhikkhu gilāno hoti, na sakkoti vinā upāhanena gāmaṃ pavisituṃ. Bhagavato etamatthaṃ ārocesuṃ. Anujānāmi, bhikkhave, gilānena bhikkhunā saupāhanena gāmaṃ pavisitunti.
གིཧིཝིཀཏཱནུཉྙཱཏཱདི ནིཊྛིཏཱ།
Gihivikatānuññātādi niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / སབྦཙམྨཔཊིཀྑེཔཱདིཀཐཱ • Sabbacammapaṭikkhepādikathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / གིཧིཝིཀཏཱནུཉྙཱཏཱདིཀཐཱཝཎྞནཱ • Gihivikatānuññātādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / སབྦཙམྨཔཊིཀྑེཔཱདིཀཐཱཝཎྞནཱ • Sabbacammapaṭikkhepādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / གིཧིཝིཀཏཱནུཉྙཱཏཱདིཀཐཱཝཎྞནཱ • Gihivikatānuññātādikathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༥༥. སབྦཙམྨཔཊིཀྑེཔཱདིཀཐཱ • 155. Sabbacammapaṭikkhepādikathā
