| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༦. གྷོསིཏསུཏྟཝཎྞནཱ
6. Ghositasuttavaṇṇanā
༡༢༩. ཚཊྛེ རཱུཔཱ ཙ མནཱཔཱཏི རཱུཔཱ ཙ མནཱཔཱ སཾཝིཛྫནྟི། ཙཀྑུཝིཉྙཱཎཉྩཱཏི ཙཀྑུཝིཉྙཱཎཉྩ སཾཝིཛྫཏི། སུཁཝེདནིཡཾ ཕསྶནྟི ཙཀྑུཝིཉྙཱཎསམྤཡུཏྟཾ ཨུཔནིསྶཡཝསེན ཛཝནཀཱལེ སུཁཝེདནཱཡ པཙྩཡབྷཱུཏཾ ཕསྶཾ། སུཁཱ ཝེདནཱཏི ཨེཀཾ ཕསྶཾ པཊིཙྩ ཛཝནཝསེན སུཁཝེདནཱ ཨུཔྤཛྫཏི། སེསཔདེསུཔི ཨེསེཝ ནཡོ།
129. Chaṭṭhe rūpā ca manāpāti rūpā ca manāpā saṃvijjanti. Cakkhuviññāṇañcāti cakkhuviññāṇañca saṃvijjati. Sukhavedaniyaṃ phassanti cakkhuviññāṇasampayuttaṃ upanissayavasena javanakāle sukhavedanāya paccayabhūtaṃ phassaṃ. Sukhā vedanāti ekaṃ phassaṃ paṭicca javanavasena sukhavedanā uppajjati. Sesapadesupi eseva nayo.
ཨིཏི ཨིམསྨིཾ སུཏྟེ ཏེཝཱིསཏི དྷཱཏུཡོ ཀཐིཏཱ། ཀཐཾ? ཨེཏྠ ཧི ཙཀྑུཔསཱདོ ཙཀྑུདྷཱཏུ, ཏསྶ ཨཱརམྨཎཾ རཱུཔདྷཱཏུ, ཙཀྑུཝིཉྙཱཎཾ ཝིཉྙཱཎདྷཱཏུ, ཙཀྑུཝིཉྙཱཎདྷཱཏུཡཱ སཧཛཱཏཱ ཏཡོ ཁནྡྷཱ དྷམྨདྷཱཏུ, ཨེཝཾ པཉྩསུ དྭཱརེསུ ཙཏུནྣཾ ཙཏུནྣཾ ཝསེན ཝཱིསཏི། མནོདྭཱརེ ‘‘མནོདྷཱཏཱུ’’ཏི ཨཱཝཛྫནཙིཏྟཾ གཧིཏཾ, ཨཱརམྨཎཉྩེཝ ཧདཡཝཏྠུ ཙ དྷམྨདྷཱཏུ, ཝཏྠུནིསྶིཏཾ མནོཝིཉྙཱཎདྷཱཏཱུཏི ཨེཝཾ ཏེཝཱིསཏི ཧོནྟི། ཨེཝཾ ཏེཝཱིསཏིཡཱ དྷཱཏཱུནཾ ཝསེན དྷཱཏུནཱནཏྟཾ ཝུཏྟཾ བྷགཝཏཱཏི དསྶེཏི།
Iti imasmiṃ sutte tevīsati dhātuyo kathitā. Kathaṃ? Ettha hi cakkhupasādo cakkhudhātu, tassa ārammaṇaṃ rūpadhātu, cakkhuviññāṇaṃ viññāṇadhātu, cakkhuviññāṇadhātuyā sahajātā tayo khandhā dhammadhātu, evaṃ pañcasu dvāresu catunnaṃ catunnaṃ vasena vīsati. Manodvāre ‘‘manodhātū’’ti āvajjanacittaṃ gahitaṃ, ārammaṇañceva hadayavatthu ca dhammadhātu, vatthunissitaṃ manoviññāṇadhātūti evaṃ tevīsati honti. Evaṃ tevīsatiyā dhātūnaṃ vasena dhātunānattaṃ vuttaṃ bhagavatāti dasseti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. གྷོསིཏསུཏྟཾ • 6. Ghositasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. གྷོསིཏསུཏྟཝཎྞནཱ • 6. Ghositasuttavaṇṇanā
