| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༤. གཱཝཱིཨུཔམཱསུཏྟཝཎྞནཱ
4. Gāvīupamāsuttavaṇṇanā
༣༥. ཙཏུཏྠེ པབྦཏཙཱརིནཱིཏི པཀཏིཡཱ པབྦཏེ བཧུལཙཱརིནཱི། ཨཁེཏྟཉྙཱུཏི (ཝིསུདྡྷི॰ མཧཱཊཱི॰ ༡.༧༧) ཨགོཙརཉྙཱུ། སམཱདྷིཔརིཔནྟཱནཾ ཝིསོདྷནཱནབྷིཉྙཏཱཡ བཱལོ། ཛྷཱནསྶ པགུཎབྷཱཝཱཔཱདནཝེཡྻཏྟིཡསྶ ཨབྷཱཝེན ཨབྱཏྟོ། ཨུཔརིཛྷཱནསྶ པདཊྛཱནབྷཱཝཱནཝབོདྷེན ཨཁེཏྟཉྙཱུ། སབྦཐཱཔི སམཱཔཏྟིཀོསལླཱབྷཱཝེན ཨཀུསལོ། སམཱདྷིནིམིཏྟསྶ ཝཱ ཨནཱསེཝནཱཡ བཱལོ། ཨབྷཱཝནཱཡ ཨབྱཏྟོ། ཨབཧུལཱིཀཱརེན ཨཁེཏྟཉྙཱུ། སམྨདེཝ ཨནདྷིཊྛཱནཏོ ཨཀུསལོཏི ཡོཛེཏབྦཾ། ཨུབྷཏོ བྷཊྛོཏི ཨུབྷཡཏོ ཛྷཱནཏོ བྷཊྛོ། སོ ཧི ཨཔྤགུཎཏཱཡ ན སུཔྤཏིཊྛིཏཏཱཡ སཨུསྶཱཧོཔི ཝིནཱསཏོ ཨསཱམཏྠིཡཏོ ཙ ཛྷཱནདྭཡཏོ པརིཧཱིནོ།
35. Catutthe pabbatacārinīti pakatiyā pabbate bahulacārinī. Akhettaññūti (visuddhi. mahāṭī. 1.77) agocaraññū. Samādhiparipantānaṃ visodhanānabhiññatāya bālo. Jhānassa paguṇabhāvāpādanaveyyattiyassa abhāvena abyatto. Uparijhānassa padaṭṭhānabhāvānavabodhena akhettaññū. Sabbathāpi samāpattikosallābhāvena akusalo. Samādhinimittassa vā anāsevanāya bālo. Abhāvanāya abyatto. Abahulīkārena akhettaññū. Sammadeva anadhiṭṭhānato akusaloti yojetabbaṃ. Ubhato bhaṭṭhoti ubhayato jhānato bhaṭṭho. So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno.
གཱཝཱིཨུཔམཱསུཏྟཝཎྞནཱ ནིཊྛིཏཱ།
Gāvīupamāsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. གཱཝཱིཨུཔམཱསུཏྟཾ • 4. Gāvīupamāsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༤. གཱཝཱིཨུཔམཱསུཏྟཝཎྞནཱ • 4. Gāvīupamāsuttavaṇṇanā
