| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༢. ཙཱིཝརཝགྒོ
2. Cīvaravaggo
༡༡. གརུཔཱཝུརཎསིཀྑཱཔདཝཎྞནཱ
11. Garupāvuraṇasikkhāpadavaṇṇanā
ཡསྨཱ པཝཱརིཏཊྛཱནེ ཝིཉྙཏྟི ནཱམ ན པཊིསེདྷེཏབྦཱ, ཏསྨཱ བྷགཝཱ དྷམྨནིམནྟནཝསེན པཝཱརིཏཊྛཱནེ ‘‘ཝདེཐཱཡྻེ, ཡེནཏྠོ’’ཏི (སཱརཏྠ॰ ཊཱི॰ པཱཙིཏྟིཡ ༣.༧༨༤) ཝུཏྟཱཡ ཙཏུཀྐཾསཔརམཾ ཝིཉྙཱཔེཏབྦནྟི པརིཙྪེདཾ དསྶེཏཱིཏི ཝེདིཏབྦཾ། ཏེནེཝ ‘‘ཙེཏཱཔེཏབྦནྟི ཋཔེཏྭཱ སཧདྷམྨིཀེ ཙ ཉཱཏཀཔྤཝཱརིཏེ ཙ ཨཉྙེན ཀིསྨིཉྩིདེཝ གུཎེ པརིཏུཊྛེན ‘ཝདེཐཱཡྻེ, ཡེནཏྠོ’ཏི ཝུཏྟཱཡ ཝིཉྙཱཔེཏབྦ’’ནྟི ཝུཏྟཾ། རཱཛཱནནྟི པསེནདིཀོསལརཱཛཱནཾ།
Yasmā pavāritaṭṭhāne viññatti nāma na paṭisedhetabbā, tasmā bhagavā dhammanimantanavasena pavāritaṭṭhāne ‘‘vadethāyye, yenattho’’ti (sārattha. ṭī. pācittiya 3.784) vuttāya catukkaṃsaparamaṃ viññāpetabbanti paricchedaṃ dassetīti veditabbaṃ. Teneva ‘‘cetāpetabbanti ṭhapetvā sahadhammike ca ñātakappavārite ca aññena kismiñcideva guṇe parituṭṭhena ‘vadethāyye, yenattho’ti vuttāya viññāpetabba’’nti vuttaṃ. Rājānanti pasenadikosalarājānaṃ.
གརུཔཱཝུརཎསིཀྑཱཔདཝཎྞནཱ ནིཊྛིཏཱ།
Garupāvuraṇasikkhāpadavaṇṇanā niṭṭhitā.
