| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
6. එළකලොමසමුට්ඨානං
6. Eḷakalomasamuṭṭhānaṃ
263.
263.
එළකලොමා ද්වෙ සෙය්යා, ආහච්ච පිණ්ඩභොජනං;
Eḷakalomā dve seyyā, āhacca piṇḍabhojanaṃ;
ගණවිකාලසන්නිධි, දන්තපොනෙන චෙලකා.
Gaṇavikālasannidhi, dantaponena celakā.
දුබ්බණ්ණෙ ද්වෙ දෙසනිකා, ලසුණුපතිට්ඨෙ නච්චනා.
Dubbaṇṇe dve desanikā, lasuṇupatiṭṭhe naccanā.
න්හානමත්ථරණං සෙය්යා, අන්තොරට්ඨෙ තථා බහි;
Nhānamattharaṇaṃ seyyā, antoraṭṭhe tathā bahi;
අන්තොවස්සං චිත්තාගාරං, ආසන්දි සුත්තකන්තනා.
Antovassaṃ cittāgāraṃ, āsandi suttakantanā.
වෙය්යාවච්චං සහත්ථා ච, අභික්ඛුකාවාසෙන ච;
Veyyāvaccaṃ sahatthā ca, abhikkhukāvāsena ca;
ඡත්තං යානඤ්ච සඞ්ඝාණිං, අලඞ්කාරං ගන්ධවාසිතං.
Chattaṃ yānañca saṅghāṇiṃ, alaṅkāraṃ gandhavāsitaṃ.
භික්ඛුනී සික්ඛමානා ච, සාමණෙරී ගිහිනියා;
Bhikkhunī sikkhamānā ca, sāmaṇerī gihiniyā;
අසංකච්චිකා ආපත්ති, චත්තාරීසා චතුත්තරි.
Asaṃkaccikā āpatti, cattārīsā catuttari.
කායෙන න වාචාචිත්තෙන, කායචිත්තෙන න වාචතො;
Kāyena na vācācittena, kāyacittena na vācato;
ද්විසමුට්ඨානිකා සබ්බෙ, සමා එළකලොමිකාති.
Dvisamuṭṭhānikā sabbe, samā eḷakalomikāti.
එළකලොමසමුට්ඨානං නිට්ඨිතං.
Eḷakalomasamuṭṭhānaṃ niṭṭhitaṃ.
Footnotes:
Related texts:
අට්ඨකථා • Aṭṭhakathā / විනයපිටක (අට්ඨකථා) • Vinayapiṭaka (aṭṭhakathā) / පරිවාර-අට්ඨකථා • Parivāra-aṭṭhakathā / එළකලොමසමුට්ඨානවණ්ණනා • Eḷakalomasamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්යාදියොජනාපාළි • Pācityādiyojanāpāḷi / එළකලොමසමුට්ඨානවණ්ණනා • Eḷakalomasamuṭṭhānavaṇṇanā
