| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
২. একূপোসথিকৰগ্গো
2. Ekūposathikavaggo
১. একূপোসথিকাথেরীঅপদানং
1. Ekūposathikātherīapadānaṃ
১.
1.
‘‘নগরে বন্ধুমতিযা, বন্ধুমা নাম খত্তিযো।
‘‘Nagare bandhumatiyā, bandhumā nāma khattiyo;
দিৰসে পুণ্ণমায সো, উপৰসি উপোসথং॥
Divase puṇṇamāya so, upavasi uposathaṃ.
২.
2.
‘‘অহং তেন সমযেন, কুম্ভদাসী অহং তহিং।
‘‘Ahaṃ tena samayena, kumbhadāsī ahaṃ tahiṃ;
দিস্ৰা সরাজকং সেনং, এৰাহং চিন্তযিং তদা॥
Disvā sarājakaṃ senaṃ, evāhaṃ cintayiṃ tadā.
৩.
3.
‘রাজাপি রজ্জং ছড্ডেত্ৰা, উপৰসি উপোসথং।
‘Rājāpi rajjaṃ chaḍḍetvā, upavasi uposathaṃ;
সফলং নূন তং কম্মং, জনকাযো পমোদিতো’॥
Saphalaṃ nūna taṃ kammaṃ, janakāyo pamodito’.
৪.
4.
মানসং সম্পহংসিত্ৰা, উপৰসিং উপোসথং॥
Mānasaṃ sampahaṃsitvā, upavasiṃ uposathaṃ.
৫.
5.
‘‘অহং উপোসথং কত্ৰা, সম্মাসম্বুদ্ধসাসনে।
‘‘Ahaṃ uposathaṃ katvā, sammāsambuddhasāsane;
তেন কম্মেন সুকতেন, তাৰতিংসমগচ্ছহং॥
Tena kammena sukatena, tāvatiṃsamagacchahaṃ.
৬.
6.
কূটাগারৰরূপেতং, মহাসনসুভূসিতং॥
Kūṭāgāravarūpetaṃ, mahāsanasubhūsitaṃ.
৭.
7.
‘‘অচ্ছরা সতসহস্সা, উপতিট্ঠন্তি মং সদা।
‘‘Accharā satasahassā, upatiṭṭhanti maṃ sadā;
অঞ্ঞে দেৰে অতিক্কম্ম, অতিরোচামি সব্বদা॥
Aññe deve atikkamma, atirocāmi sabbadā.
৮.
8.
‘‘চতুসট্ঠি দেৰরাজূনং, মহেসিত্তমকারযিং।
‘‘Catusaṭṭhi devarājūnaṃ, mahesittamakārayiṃ;
তেসট্ঠি চক্কৰত্তীনং, মহেসিত্তমকারযিং॥
Tesaṭṭhi cakkavattīnaṃ, mahesittamakārayiṃ.
৯.
9.
‘‘সুৰণ্ণৰণ্ণা হুত্ৰান, ভৰেসু সংসরামহং।
‘‘Suvaṇṇavaṇṇā hutvāna, bhavesu saṃsarāmahaṃ;
সব্বত্থ পৰরা হোমি, উপোসথস্সিদং ফলং॥
Sabbattha pavarā homi, uposathassidaṃ phalaṃ.
১০.
10.
লভামি সব্বমেৰেতং, উপোসথস্সিদং ফলং॥
Labhāmi sabbamevetaṃ, uposathassidaṃ phalaṃ.
১১.
11.
‘‘সোণ্ণমযং রূপিমযং, অথোপি ফলিকামযং।
‘‘Soṇṇamayaṃ rūpimayaṃ, athopi phalikāmayaṃ;
লোহিতঙ্গমযঞ্চেৰ, সব্বং পটিলভামহং॥
Lohitaṅgamayañceva, sabbaṃ paṭilabhāmahaṃ.
১২.
12.
‘‘কোসেয্যকম্বলিযানি , খোমকপ্পাসিকানি চ।
‘‘Koseyyakambaliyāni , khomakappāsikāni ca;
মহগ্ঘানি চ ৰত্থানি, সব্বং পটিলভামহং॥
Mahagghāni ca vatthāni, sabbaṃ paṭilabhāmahaṃ.
১৩.
13.
‘‘অন্নং পানং খাদনীযং, ৰত্থসেনাসনানি চ।
‘‘Annaṃ pānaṃ khādanīyaṃ, vatthasenāsanāni ca;
সব্বমেতং পটিলভে, উপোসথস্সিদং ফলং॥
Sabbametaṃ paṭilabhe, uposathassidaṃ phalaṃ.
১৪.
14.
‘‘ৰরগন্ধঞ্চ মালঞ্চ, চুণ্ণকঞ্চ ৰিলেপনং।
‘‘Varagandhañca mālañca, cuṇṇakañca vilepanaṃ;
সব্বমেতং পটিলভে, উপোসথস্সিদং ফলং॥
Sabbametaṃ paṭilabhe, uposathassidaṃ phalaṃ.
১৫.
15.
‘‘কূটাগারঞ্চ পাসাদং, মণ্ডপং হম্মিযং গুহং।
‘‘Kūṭāgārañca pāsādaṃ, maṇḍapaṃ hammiyaṃ guhaṃ;
সব্বমেতং পটিলভে, উপোসথস্সিদং ফলং॥
Sabbametaṃ paṭilabhe, uposathassidaṃ phalaṃ.
১৬.
16.
‘‘জাতিযা সত্তৰস্সাহং, পব্বজিং অনগারিযং।
‘‘Jātiyā sattavassāhaṃ, pabbajiṃ anagāriyaṃ;
অড্ঢমাসে অসম্পত্তে, অরহত্তমপাপুণিং॥
Aḍḍhamāse asampatte, arahattamapāpuṇiṃ.
১৭.
17.
‘‘কিলেসা ঝাপিতা ময্হং, ভৰা সব্বে সমূহতা।
‘‘Kilesā jhāpitā mayhaṃ, bhavā sabbe samūhatā;
সব্বাসৰপরিক্খীণা, নত্থি দানি পুনব্ভৰো॥
Sabbāsavaparikkhīṇā, natthi dāni punabbhavo.
১৮.
18.
‘‘একনৰুতিতো কপ্পে, যং কম্মমকরিং তদা।
‘‘Ekanavutito kappe, yaṃ kammamakariṃ tadā;
দুগ্গতিং নাভিজানামি, উপোসথস্সিদং ফলং॥
Duggatiṃ nābhijānāmi, uposathassidaṃ phalaṃ.
১৯.
19.
‘‘কিলেসা ঝাপিতা ময্হং…পে॰… ৰিহরামি অনাসৰা॥
‘‘Kilesā jhāpitā mayhaṃ…pe… viharāmi anāsavā.
২০.
20.
‘‘স্ৰাগতং ৰত মে আসি…পে॰… কতং বুদ্ধস্স সাসনং॥
‘‘Svāgataṃ vata me āsi…pe… kataṃ buddhassa sāsanaṃ.
২১.
21.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং একূপোসথিকা ভিক্খুনী ইমা গাথাযো অভাসিত্থাতি।
Itthaṃ sudaṃ ekūposathikā bhikkhunī imā gāthāyo abhāsitthāti.
একূপোসথিকাথেরিযাপদানং পঠমং।
Ekūposathikātheriyāpadānaṃ paṭhamaṃ.
Footnotes:
