| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౦. దుతియఉప్పాదసుత్తం
10. Dutiyauppādasuttaṃ
౫౩౦. ‘‘పఞ్చిమాని , భిక్ఖవే, ఇన్ద్రియాని భావితాని బహులీకతాని అనుప్పన్నాని ఉప్పజ్జన్తి, నాఞ్ఞత్ర సుగతవినయా. కతమాని పఞ్చ? సద్ధిన్ద్రియం, వీరియిన్ద్రియం, సతిన్ద్రియం, సమాధిన్ద్రియం, పఞ్ఞిన్ద్రియం – ఇమాని ఖో, భిక్ఖవే, పఞ్చిన్ద్రియాని భావితాని బహులీకతాని అనుప్పన్నాని ఉప్పజ్జన్తి, నాఞ్ఞత్ర సుగతవినయా’’తి. దసమం.
530. ‘‘Pañcimāni , bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā’’ti. Dasamaṃ.
సూకరఖతవగ్గో ఛట్ఠో.
Sūkarakhatavaggo chaṭṭho.
తస్సుద్దానం –
Tassuddānaṃ –
సాలం మల్లికం సేఖో చ, పదం సారం పతిట్ఠితం;
Sālaṃ mallikaṃ sekho ca, padaṃ sāraṃ patiṭṭhitaṃ;
బ్రహ్మసూకరఖతాయో, ఉప్పాదా అపరే దువేతి.
Brahmasūkarakhatāyo, uppādā apare duveti.
