| Library / Tipiṭaka / তিপিটক • Tipiṭaka / ৰিমানৰত্থুপাল়ি • Vimānavatthupāḷi |
১১. দুতিযনাগৰিমানৰত্থু
11. Dutiyanāgavimānavatthu
৯৬৮.
968.
‘‘মহন্তং নাগং অভিরুয্হ, সব্বসেতং গজুত্তমং।
‘‘Mahantaṃ nāgaṃ abhiruyha, sabbasetaṃ gajuttamaṃ;
ৰনা ৰনং অনুপরিযাসি, নারীগণপুরক্খতো।
Vanā vanaṃ anupariyāsi, nārīgaṇapurakkhato;
ওভাসেন্তো দিসা সব্বা, ওসধী ৰিয তারকা॥
Obhāsento disā sabbā, osadhī viya tārakā.
৯৬৯.
969.
‘‘কেন তেতাদিসো ৰণ্ণো…পে॰…ৰণ্ণো চ তে সব্বদিসা পভাসতী’’তি॥
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
৯৭১.
971.
সো দেৰপুত্তো অত্তমনো, ৰঙ্গীসেনেৰ পুচ্ছিতো।
So devaputto attamano, vaṅgīseneva pucchito;
পঞ্হং পুট্ঠো ৰিযাকাসি, যস্স কম্মস্সিদং ফলং॥
Pañhaṃ puṭṭho viyākāsi, yassa kammassidaṃ phalaṃ.
৯৭২.
972.
‘‘অহং মনুস্সেসু মনুস্সভূতো, উপাসকো চক্খুমতো অহোসিং।
‘‘Ahaṃ manussesu manussabhūto, upāsako cakkhumato ahosiṃ;
পাণাতিপাতা ৰিরতো অহোসিং, লোকে অদিন্নং পরিৰজ্জযিস্সং॥
Pāṇātipātā virato ahosiṃ, loke adinnaṃ parivajjayissaṃ.
৯৭৩.
973.
‘‘অমজ্জপো নো চ মুসা অভাণিং 1, সকেন দারেন চ তুট্ঠো অহোসিং।
‘‘Amajjapo no ca musā abhāṇiṃ 2, sakena dārena ca tuṭṭho ahosiṃ;
অন্নঞ্চ পানঞ্চ পসন্নচিত্তো, সক্কচ্চ দানং ৰিপুলং অদাসিং॥
Annañca pānañca pasannacitto, sakkacca dānaṃ vipulaṃ adāsiṃ.
৯৭৪.
974.
‘‘তেন মেতাদিসো ৰণ্ণো…পে॰…ৰণ্ণো চ মে সব্বদিসা পভাসতী’’তি॥
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
দুতিযনাগৰিমানং একাদসমং।
Dutiyanāgavimānaṃ ekādasamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ৰিমানৰত্থু-অট্ঠকথা • Vimānavatthu-aṭṭhakathā / ১১. দুতিযনাগৰিমানৰণ্ণনা • 11. Dutiyanāgavimānavaṇṇanā
