| Library / Tipiṭaka / তিপিটক • Tipiṭaka / উদানপাল়ি • Udānapāḷi |
২. দুতিযলকুণ্ডকভদ্দিযসুত্তং
2. Dutiyalakuṇḍakabhaddiyasuttaṃ
৬২. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা সারিপুত্তো আযস্মন্তং লকুণ্ডকভদ্দিযং সেখং 1 মঞ্ঞমানো ভিয্যোসোমত্তায অনেকপরিযাযেন ধম্মিযা কথায সন্দস্সেতি সমাদপেতি সমুত্তেজেতি সম্পহংসেতি।
62. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā sāriputto āyasmantaṃ lakuṇḍakabhaddiyaṃ sekhaṃ 2 maññamāno bhiyyosomattāya anekapariyāyena dhammiyā kathāya sandasseti samādapeti samuttejeti sampahaṃseti.
অদ্দসা খো ভগৰা আযস্মন্তং সারিপুত্তং আযস্মন্তং লকুণ্ডকভদ্দিযং সেখং মঞ্ঞমানং ভিয্যোসোমত্তায অনেকপরিযাযেন ধম্মিযা কথায সন্দস্সেন্তং সমাদপেন্তং সমুত্তেজেন্তং সম্পহংসেন্তং।
Addasā kho bhagavā āyasmantaṃ sāriputtaṃ āyasmantaṃ lakuṇḍakabhaddiyaṃ sekhaṃ maññamānaṃ bhiyyosomattāya anekapariyāyena dhammiyā kathāya sandassentaṃ samādapentaṃ samuttejentaṃ sampahaṃsentaṃ.
অথ খো ভগৰা এতমত্থং ৰিদিত্ৰা তাযং ৰেলাযং ইমং উদানং উদানেসি –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘অচ্ছেচ্ছি 3 ৰট্টং ব্যগা নিরাসং, ৰিসুক্খা সরিতা ন সন্দতি।
‘‘Acchecchi 4 vaṭṭaṃ byagā nirāsaṃ, visukkhā saritā na sandati;
ছিন্নং ৰট্টং ন ৰত্ততি, এসেৰন্তো দুক্খস্সা’’তি॥ দুতিযং।
Chinnaṃ vaṭṭaṃ na vattati, esevanto dukkhassā’’ti. dutiyaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / উদান-অট্ঠকথা • Udāna-aṭṭhakathā / ২. দুতিযলকুণ্ডকভদ্দিযসুত্তৰণ্ণনা • 2. Dutiyalakuṇḍakabhaddiyasuttavaṇṇanā
