| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༥. དུཏིཡཨཔརིཛཱནནསུཏྟཾ
5. Dutiyaaparijānanasuttaṃ
༢༧. ‘‘སབྦཾ , བྷིཀྑཝེ, ཨནབྷིཛཱནཾ ཨཔརིཛཱནཾ ཨཝིརཱཛཡཾ ཨཔྤཛཧཾ ཨབྷབྦོ དུཀྑཀྑཡཱཡ། ཀིཉྩ, བྷིཀྑཝེ, སབྦཾ ཨནབྷིཛཱནཾ ཨཔརིཛཱནཾ ཨཝིརཱཛཡཾ ཨཔྤཛཧཾ ཨབྷབྦོ དུཀྑཀྑཡཱཡ? ཡཉྩ, བྷིཀྑཝེ , ཙཀྑུ, ཡེ ཙ རཱུཔཱ, ཡཉྩ ཙཀྑུཝིཉྙཱཎཾ, ཡེ ཙ ཙཀྑུཝིཉྙཱཎཝིཉྙཱཏབྦཱ དྷམྨཱ…པེ॰… ཡཱ ཙ ཛིཝ྄ཧཱ, ཡེ ཙ རསཱ, ཡཉྩ ཛིཝ྄ཧཱཝིཉྙཱཎཾ, ཡེ ཙ ཛིཝ྄ཧཱཝིཉྙཱཎཝིཉྙཱཏབྦཱ དྷམྨཱ; ཡོ ཙ ཀཱཡོ, ཡེ ཙ ཕོཊྛབྦཱ, ཡཉྩ ཀཱཡཝིཉྙཱཎཾ, ཡེ ཙ ཀཱཡཝིཉྙཱཎཝིཉྙཱཏབྦཱ དྷམྨཱ; ཡོ ཙ མནོ, ཡེ ཙ དྷམྨཱ, ཡཉྩ མནོཝིཉྙཱཎཾ, ཡེ ཙ མནོཝིཉྙཱཎཝིཉྙཱཏབྦཱ དྷམྨཱ – ཨིདཾ ཁོ, བྷིཀྑཝེ, སབྦཾ ཨནབྷིཛཱནཾ ཨཔརིཛཱནཾ ཨཝིརཱཛཡཾ ཨཔྤཛཧཾ ཨབྷབྦོ དུཀྑཀྑཡཱཡ།
27. ‘‘Sabbaṃ , bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāya. Kiñca, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya? Yañca, bhikkhave , cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya.
‘‘སབྦཾ, བྷིཀྑཝེ, ཨབྷིཛཱནཾ པརིཛཱནཾ ཝིརཱཛཡཾ པཛཧཾ བྷབྦོ དུཀྑཀྑཡཱཡ། ཀིཉྩ, བྷིཀྑཝེ, སབྦཾ ཨབྷིཛཱནཾ པརིཛཱནཾ ཝིརཱཛཡཾ པཛཧཾ བྷབྦོ དུཀྑཀྑཡཱཡ? ཡཉྩ, བྷིཀྑཝེ, ཙཀྑུ, ཡེ ཙ རཱུཔཱ, ཡཉྩ ཙཀྑུཝིཉྙཱཎཾ, ཡེ ཙ ཙཀྑུཝིཉྙཱཎཝིཉྙཱཏབྦཱ དྷམྨཱ…པེ॰… ཡཱ ཙ ཛིཝ྄ཧཱ, ཡེ ཙ རསཱ, ཡཉྩ ཛིཝ྄ཧཱཝིཉྙཱཎཾ, ཡེ ཙ ཛིཝ྄ཧཱཝིཉྙཱཎཝིཉྙཱཏབྦཱ དྷམྨཱ; ཡོ ཙ ཀཱཡོ, ཡེ ཙ ཕོཊྛབྦཱ, ཡཉྩ ཀཱཡཝིཉྙཱཎཾ, ཡེ ཙ ཀཱཡཝིཉྙཱཎཝིཉྙཱཏབྦཱ དྷམྨཱ; ཡོ ཙ མནོ, ཡེ ཙ དྷམྨཱ, ཡཉྩ མནོཝིཉྙཱཎཾ, ཡེ ཙ མནོཝིཉྙཱཎཝིཉྙཱཏབྦཱ དྷམྨཱ – ཨིདཾ ཁོ, བྷིཀྑཝེ, སབྦཾ ཨབྷིཛཱནཾ པརིཛཱནཾ ཝིརཱཛཡཾ པཛཧཾ བྷབྦོ དུཀྑཀྑཡཱཡཱ’’ཏི། པཉྩམཾ།
‘‘Sabbaṃ, bhikkhave, abhijānaṃ parijānaṃ virājayaṃ pajahaṃ bhabbo dukkhakkhayāya. Kiñca, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāya? Yañca, bhikkhave, cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāyā’’ti. Pañcamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༥. དུཏིཡཨཔརིཛཱནནསུཏྟཝཎྞནཱ • 5. Dutiyaaparijānanasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༥. དུཏིཡཨཔརིཛཱནནསུཏྟཝཎྞནཱ • 5. Dutiyaaparijānanasuttavaṇṇanā
