| Library / Tipiṭaka / တိပိဋက • Tipiṭaka / ဣတိဝုတ္တကပာဠိ • Itivuttakapāḷi |
၂. ဒေသနာသုတ္တံ
2. Desanāsuttaṃ
၃၉. ဝုတ္တဉ္ဟေတံ ဘဂဝတာ, ဝုတ္တမရဟတာတိ မေ သုတံ –
39. Vuttañhetaṃ bhagavatā, vuttamarahatāti me sutaṃ –
‘‘တထာဂတသ္သ, ဘိက္ခဝေ, အရဟတော သမ္မာသမ္ဗုဒ္ဓသ္သ ဒ္ဝေ ဓမ္မဒေသနာ ပရိယာယေန ဘဝန္တိ။ ကတမာ ဒ္ဝေ? ‘ပာပံ ပာပကတော ပသ္သထာ’တိ – အယံ ပဌမာ ဓမ္မဒေသနာ; ‘ပာပံ ပာပကတော ဒိသ္ဝာ တတ္ထ နိဗ္ဗိန္ဒထ ဝိရဇ္ဇထ ဝိမုစ္စထာ’တိ – အယံ ဒုတိယာ ဓမ္မဒေသနာ။ တထာဂတသ္သ, ဘိက္ခဝေ, အရဟတော သမ္မာသမ္ဗုဒ္ဓသ္သ ဣမာ ဒ္ဝေ ဓမ္မဒေသနာ ပရိယာယေန ဘဝန္တီ’’တိ။ ဧတမတ္ထံ ဘဂဝာ အဝောစ။ တတ္ထေတံ ဣတိ ဝုစ္စတိ –
‘‘Tathāgatassa, bhikkhave, arahato sammāsambuddhassa dve dhammadesanā pariyāyena bhavanti. Katamā dve? ‘Pāpaṃ pāpakato passathā’ti – ayaṃ paṭhamā dhammadesanā; ‘pāpaṃ pāpakato disvā tattha nibbindatha virajjatha vimuccathā’ti – ayaṃ dutiyā dhammadesanā. Tathāgatassa, bhikkhave, arahato sammāsambuddhassa imā dve dhammadesanā pariyāyena bhavantī’’ti. Etamatthaṃ bhagavā avoca. Tatthetaṃ iti vuccati –
‘‘တထာဂတသ္သ ဗုဒ္ဓသ္သ၊ သဗ္ဗဘူတာနုကမ္ပိနော။
‘‘Tathāgatassa buddhassa, sabbabhūtānukampino;
ပရိယာယဝစနံ ပသ္သ၊ ဒ္ဝေ စ ဓမ္မာ ပကာသိတာ။
Pariyāyavacanaṃ passa, dve ca dhammā pakāsitā.
တတော ဝိရတ္တစိတ္တာသေ၊ ဒုက္ခသ္သန္တံ ကရိသ္သထာ’’တိ။
Tato virattacittāse, dukkhassantaṃ karissathā’’ti.
အယမ္ပိ အတ္ထော ဝုတ္တော ဘဂဝတာ, ဣတိ မေ သုတန္တိ။ ဒုတိယံ။
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဣတိဝုတ္တက-အဋ္ဌကထာ • Itivuttaka-aṭṭhakathā / ၂. ဒေသနာသုတ္တဝဏ္ဏနာ • 2. Desanāsuttavaṇṇanā
