| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
42. д̣̇зсанаанид̣̇д̣̇зсаван̣н̣анаа
42. Desanāniddesavaṇṇanā
382. бхигкубхаавасса (баараа. адта. 2.198) яо жааг̇о, саа баарааж̇игад̣̇зсанаад̇и ад̇т̇о. вуд̇д̇ан̃хзд̇ам̣ ‘‘висуд̣̇д̇хаабзгкод̇и г̇ихи ваа ход̇угаамо убаасаго ваа ход̇угаамо аараамиго ваа ход̇угаамо сааман̣зро ваа ход̇угаамо’’д̇и (баараа. 198). д̇асмаа г̇ихибхааваад̣̇игам̣язва баарааж̇игам̣ аабаннасса висуд̣̇д̇хи наама, ан̃н̃ад̇арасса висуд̣̇д̇хи зва над̇т̇и. ‘‘чаад̣̇зд̇и ж̇аанамаабаннам̣, баривасзяяа д̇аавад̇аа’’д̇иаад̣̇инаа наязна хздтаа вуд̇д̇авид̇хим̣ санд̇хааяа ‘‘яат̇аавуд̇д̇зна вудтаана’’нд̇и вуд̇д̇ам̣.
382. Bhikkhubhāvassa (pārā. aṭṭha. 2.198) yo cāgo, sā pārājikadesanāti attho. Vuttañhetaṃ ‘‘visuddhāpekkhoti gihi vā hotukāmo upāsako vā hotukāmo ārāmiko vā hotukāmo sāmaṇero vā hotukāmo’’ti (pārā. 198). Tasmā gihibhāvādikaṃyeva pārājikaṃ āpannassa visuddhi nāma, aññatarassa visuddhi eva natthi. ‘‘Chādeti jānamāpannaṃ, parivaseyya tāvatā’’tiādinā nayena heṭṭhā vuttavidhiṃ sandhāya ‘‘yathāvuttena vuṭṭhāna’’nti vuttaṃ.
383. ид̣̇аани вад̇д̇аб̣б̣ад̇ам̣ санд̇хааяа ‘‘зва’’нд̇и вуд̇д̇ам̣.
383. Idāni vattabbataṃ sandhāya ‘‘eva’’nti vuttaṃ.
384. бадид̣̇зсзмийд̇и аарожзми. зд̇аани ахам̣ зд̇аанаахам̣.
384.Paṭidesemīti ārocemi. Etāni ahaṃ etānāhaṃ.
386. (га) яам̣ сан̇гхо г̇илаанасса д̇ижийварзна виббаваасасаммуд̇им̣ д̣̇зд̇и, д̇ам̣ ан̃н̃ад̇раад̇и ад̇т̇о.
386. (Ka) yaṃ saṅgho gilānassa ticīvarena vippavāsasammutiṃ deti, taṃ aññatrāti attho.
(ка) агаалажийварам̣ (баараа. 500) наама ‘‘анад̇т̇ад̇з гат̇инз згаад̣̇асамаасз уббаннам̣, ад̇т̇ад̇з гат̇инз сад̇д̇амаасз уббаннам̣, гаалзби аад̣̇исса д̣̇иннам̣, зд̇ам̣ агаалажийварам̣ наамаа’’д̇и.
(Kha) akālacīvaraṃ (pārā. 500) nāma ‘‘anatthate kathine ekādasamāse uppannaṃ, atthate kathine sattamāse uppannaṃ, kālepi ādissa dinnaṃ, etaṃ akālacīvaraṃ nāmā’’ti.
(г̇а) бураан̣ажийварам̣ (баараа. 505) наама ‘‘сагим̣ нивад̇т̇амби сагим̣ бааруд̇амбий’’д̇и вуд̇д̇ам̣. ан̃н̃аад̇игаа наама маад̇ид̇о ваа бид̇ид̇о ваа яаава сад̇д̇амаа гулабариваддаа асамб̣анд̇хаа. нисийд̣̇анабажжад̇т̇аран̣ад̇ховаабанз д̣̇уггадам̣.
(Ga) purāṇacīvaraṃ (pārā. 505) nāma ‘‘sakiṃ nivatthampi sakiṃ pārutampī’’ti vuttaṃ. Aññātikā nāma mātito vā pitito vā yāva sattamā kulaparivaṭṭā asambandhā. Nisīdanapaccattharaṇadhovāpane dukkaṭaṃ.
(гха) ан̃н̃ад̇ра бааривад̇д̇агаад̇и (баараа. 512) зд̇т̇а харийд̇агийкан̣д̣амби ваддад̇и. жийварам̣ наама ид̇ха вигаббануубаг̇абажчимад̇о бадтааяа ад̇хиббзд̇ам̣.
(Gha) aññatra pārivattakāti (pārā. 512) ettha harītakīkhaṇḍampi vaṭṭati. Cīvaraṃ nāma idha vikappanūpagapacchimato paṭṭhāya adhippetaṃ.
(н̇а) ан̃н̃ад̇ра самаяаад̇и (баараа. 519) зд̇т̇а ‘‘ажчиннажийваро ваа ход̇и бхигку надтажийваро ваа’’д̇и звам̣ вуд̇д̇ам̣ самаяанд̇и ад̇т̇о.
(Ṅa) aññatra samayāti (pārā. 519) ettha ‘‘acchinnacīvaro vā hoti bhikkhu naṭṭhacīvaro vā’’ti evaṃ vuttaṃ samayanti attho.
(жа) ‘‘санд̇аруд̇д̇арабарамам̣ д̇зна бхигкунаа д̇ад̇о жийварам̣ саад̣̇ид̇аб̣б̣а’’нд̇и (баараа. 524) вуд̇д̇ад̇д̇аа ‘‘д̇ад̇уд̇д̇арий’’д̇и вуд̇д̇ам̣. зд̇т̇а бана ‘‘сажз д̇ийн̣и надтаани хонд̇и, д̣̇вз саад̣̇ид̇аб̣б̣аани. д̣̇вз надтаани, згам̣ саад̣̇ид̇аб̣б̣ам̣, згам̣ надтам̣, на гин̃жи саад̣̇ид̇аб̣б̣а’’нд̇и (баараа. 524) вуд̇д̇ам̣.
(Ca) ‘‘santaruttaraparamaṃ tena bhikkhunā tato cīvaraṃ sāditabba’’nti (pārā. 524) vuttattā ‘‘tatuttarī’’ti vuttaṃ. Ettha pana ‘‘sace tīṇi naṭṭhāni honti, dve sāditabbāni. Dve naṭṭhāni, ekaṃ sāditabbaṃ, ekaṃ naṭṭhaṃ, na kiñci sāditabba’’nti (pārā. 524) vuttaṃ.
(ча-ж̇а) ‘‘гийд̣̇исзна д̇з (баараа. 529), бханд̇з, жийварзна ад̇т̇о, гийд̣̇исам̣ д̇з жийварам̣ жзд̇аабзмий’’д̇и звам̣ аббаваарид̇од̇и ад̇т̇о. вигаббанд̇и висидтагаббам̣ ад̇хигавид̇хаанам̣ аабаннам̣. ид̇ха буримам̣ згасса, д̣̇уд̇ияам̣ б̣ахуунам̣ васзна вуд̇д̇ам̣, зд̇д̇агам̣ наанад̇д̇ам̣.
(Cha-ja) ‘‘kīdisena te (pārā. 529), bhante, cīvarena attho, kīdisaṃ te cīvaraṃ cetāpemī’’ti evaṃ appavāritoti attho. Vikappanti visiṭṭhakappaṃ adhikavidhānaṃ āpannaṃ. Idha purimaṃ ekassa, dutiyaṃ bahūnaṃ vasena vuttaṃ, ettakaṃ nānattaṃ.
(жха) ад̇ирзгад̇игкад̇д̇унд̇и зд̇т̇а гзнажи яам̣ гин̃жи агаббияавад̇т̇ум̣ аанзд̇ваа ‘‘ид̣̇ам̣ ко мз, бханд̇з, ааяасманд̇ам̣ уд̣̇д̣̇исса жийваражзд̇аабаннам̣ аабхад̇ам̣, бадиг̇г̇ан̣хад̇у ааяасмаа жийваражзд̇аабанна’’нд̇и вуд̇д̇з ‘‘на ко маяам̣, аавусо, жийваражзд̇аабаннам̣ бадиг̇г̇ан̣хаама, жийваран̃жа ко маяам̣ бадиг̇г̇ан̣хаама гаалзна габбияа’’нд̇и вад̇д̇аб̣б̣ам̣. звам̣ вуд̇д̇з сажз со ‘‘ад̇т̇и гожи габбияагаараго’’д̇и вад̣̇ад̇и, жийварад̇т̇игзна табзд̇ваа бан̃жа сахад̇хаммигз яо гожи уд̣̇д̣̇исид̇аб̣б̣о ‘‘зсо ко, аавусо, бхигкуунам̣ взяяааважжагаро’’д̇и, зд̇д̇агамзва вад̇д̇аб̣б̣ам̣. звам̣ вуд̇д̇з сажз д̣̇ааяаго д̇асса хад̇т̇з агаббияавад̇т̇ум̣ д̣̇ад̇ваа ‘‘зсо аяяасса жийварам̣ жзд̇аабзд̇ваа д̣̇ассад̇ий’’д̇и вад̇ваа г̇ажчад̇и, д̇ам̣ убасан̇гамид̇ваа д̣̇вад̇д̇игкад̇д̇ум̣ жод̣̇зд̇аб̣б̣о саарзд̇аб̣б̣о ‘‘ад̇т̇о мз, аавусо, жийварзнаа’’д̇и, зд̇д̇агамзва вад̇д̇аб̣б̣ам̣, ‘‘д̣̇зхи мз жийвара’’нд̇иаад̣̇инаа на вад̇д̇аб̣б̣ам̣. звам̣ д̇игкад̇д̇ум̣ жод̣̇анааяа д̇ам̣ жийварам̣ лабхад̇и, ижжзд̇ам̣ гусалам̣. но жз лабхад̇и, чагкад̇д̇убарамам̣ д̇ун̣хийбхууд̇зна таад̇аб̣б̣ам̣, на аасанз нисийд̣̇ид̇аб̣б̣ам̣, на аамисам̣ бадиг̇г̇ахзд̇аб̣б̣ам̣, на д̇хаммо бхаасид̇аб̣б̣о. ‘‘гим̣ гааран̣аа ааг̇ад̇осий’’д̇и вуд̇д̇з ‘‘ж̇аанаахи, аавусо’’д̇и зд̇д̇агамзва вад̇д̇аб̣б̣ам̣. сажз нисаж̇ж̇аад̣̇ийни гарод̇и, таанам̣ бхан̃ж̇ад̇и. вад̇д̇абхзд̣̇ад̣̇уггадан̃жа аабаж̇ж̇ад̇ийд̇и вад̣̇анд̇и. звам̣ бана аббадибаж̇ж̇ид̇ваа ад̇ирзгад̇игкад̇д̇ум̣ жод̣̇анааяа ад̇ирзгачагкад̇д̇ум̣ таанзна сажз нибпаад̣̇зд̇и, ниссаг̇г̇ияанд̇и ад̇т̇о.
(Jha) atirekatikkhattunti ettha kenaci yaṃ kiñci akappiyavatthuṃ ānetvā ‘‘idaṃ kho me, bhante, āyasmantaṃ uddissa cīvaracetāpannaṃ ābhataṃ, paṭiggaṇhatu āyasmā cīvaracetāpanna’’nti vutte ‘‘na kho mayaṃ, āvuso, cīvaracetāpannaṃ paṭiggaṇhāma, cīvarañca kho mayaṃ paṭiggaṇhāma kālena kappiya’’nti vattabbaṃ. Evaṃ vutte sace so ‘‘atthi koci kappiyakārako’’ti vadati, cīvaratthikena ṭhapetvā pañca sahadhammike yo koci uddisitabbo ‘‘eso kho, āvuso, bhikkhūnaṃ veyyāvaccakaro’’ti, ettakameva vattabbaṃ. Evaṃ vutte sace dāyako tassa hatthe akappiyavatthuṃ datvā ‘‘eso ayyassa cīvaraṃ cetāpetvā dassatī’’ti vatvā gacchati, taṃ upasaṅkamitvā dvattikkhattuṃ codetabbo sāretabbo ‘‘attho me, āvuso, cīvarenā’’ti, ettakameva vattabbaṃ, ‘‘dehi me cīvara’’ntiādinā na vattabbaṃ. Evaṃ tikkhattuṃ codanāya taṃ cīvaraṃ labhati, iccetaṃ kusalaṃ. No ce labhati, chakkhattuparamaṃ tuṇhībhūtena ṭhātabbaṃ, na āsane nisīditabbaṃ, na āmisaṃ paṭiggahetabbaṃ, na dhammo bhāsitabbo. ‘‘Kiṃ kāraṇā āgatosī’’ti vutte ‘‘jānāhi, āvuso’’ti ettakameva vattabbaṃ. Sace nisajjādīni karoti, ṭhānaṃ bhañjati. Vattabhedadukkaṭañca āpajjatīti vadanti. Evaṃ pana appaṭipajjitvā atirekatikkhattuṃ codanāya atirekachakkhattuṃ ṭhānena sace nipphādeti, nissaggiyanti attho.
(н̃а) сант̇ад̇ам̣ (баараа. 544) наама сант̇арид̇ваа гад̇ам̣ ход̇и авааяимам̣. згагосияам̣сунааби жз миссзд̇ваа гарод̇и, ниссаг̇г̇ияам̣.
(Ña) santhataṃ (pārā. 544) nāma santharitvā kataṃ hoti avāyimaṃ. Ekakosiyaṃsunāpi ce missetvā karoti, nissaggiyaṃ.
(да) суд̣̇д̇хагаал̣агаананд̇и (баараа. 547-549) ан̃н̃зхи амиссид̇аананд̇и ад̇т̇о. ‘‘гаал̣агам̣ наама д̣̇вз гаал̣агаани ж̇аад̇игаал̣агам̣ ваа раж̇анагаал̣агам̣ ваа’’д̇и вуд̇д̇ам̣.
(Ṭa) suddhakāḷakānanti (pārā. 547-549) aññehi amissitānanti attho. ‘‘Kāḷakaṃ nāma dve kāḷakāni jātikāḷakaṃ vā rajanakāḷakaṃ vā’’ti vuttaṃ.
(та) анаад̣̇ияид̇ваа…бз… д̇уланд̇и (баараа. 554) зд̇т̇а бана яад̇д̇агзхи зл̣агаломзхи гад̇д̇угаамо ход̇и, д̇зсу д̣̇вз годтаасаа гаал̣агаанам̣, зго од̣̇аад̇аанам̣, зго г̇ожарияаанам̣ аад̣̇аад̇аб̣б̣од̇и винижчаяо. згассааби гаал̣агаломасса ад̇ирзгабхааг̇з сад̇и ниссаг̇г̇ияамзва.
(Ṭha) anādiyitvā…pe… tulanti (pārā. 554) ettha pana yattakehi eḷakalomehi kattukāmo hoti, tesu dve koṭṭhāsā kāḷakānaṃ, eko odātānaṃ, eko gocariyānaṃ ādātabboti vinicchayo. Ekassāpi kāḷakalomassa atirekabhāge sati nissaggiyameva.
(д̣а) уунагачаб̣б̣ассаанийд̇и (баараа. 562) чаб̣б̣ассад̇о орабхааг̇з.
(Ḍa) ūnakachabbassānīti (pārā. 562) chabbassato orabhāge.
(дха) нисийд̣̇анасант̇ад̇ам̣ (баараа. 567) бана гаараабзнд̇зна бураан̣асант̇ад̇асса згабассад̇о ваддам̣ ваа жад̇урассам̣ ваа чинд̣̇ид̇ваа г̇ахид̇адтаанам̣ яат̇аа вид̣̇ад̇т̇имад̇д̇ам̣ ход̇и, звам̣ г̇ахзд̇ваа згад̣̇зсам̣ ваа сант̇арид̇аб̣б̣ам̣, виж̇адзд̇ваа ваа сант̇арид̇аб̣б̣ам̣.
(Ḍha) nisīdanasanthataṃ (pārā. 567) pana kārāpentena purāṇasanthatassa ekapassato vaṭṭaṃ vā caturassaṃ vā chinditvā gahitaṭṭhānaṃ yathā vidatthimattaṃ hoti, evaṃ gahetvā ekadesaṃ vā santharitabbaṃ, vijaṭetvā vā santharitabbaṃ.
(д̇а) на гзвалам̣ д̇ховаабанз (баараа. 578) зва ниссаг̇г̇ияам̣, раж̇анзби ниссаг̇г̇ияамзва.
(Ta) na kevalaṃ dhovāpane (pārā. 578) eva nissaggiyaṃ, rajanepi nissaggiyameva.
(д̣̇а) руубияабадиг̇г̇ахан̣ассзва (баараа. 589) бадигкид̇д̇ад̇д̇аа бадиг̇г̇ахид̇абаривад̇д̇анз д̣̇осам̣ абассанд̇аа гад̇аагад̇аад̣̇ивасзна анзгавид̇хам̣ ж̇аад̇аруубабаривад̇д̇анам̣ гаронд̇и, д̇ам̣ санд̇хааяа ‘‘наанаббагаарага’’нд̇и вуд̇д̇ам̣.
(Da) rūpiyapaṭiggahaṇasseva (pārā. 589) paṭikkhittattā paṭiggahitaparivattane dosaṃ apassantā katākatādivasena anekavidhaṃ jātarūpaparivattanaṃ karonti, taṃ sandhāya ‘‘nānappakāraka’’nti vuttaṃ.
387-9. аабад̇д̇им̣ д̣̇зсзд̇ваа бажчаа гад̇д̇аб̣б̣ам̣ д̣̇ассзд̇ум̣ ‘‘ат̇аа’’д̇и вуд̇д̇ам̣. г̇ихим̣ вад̣̇зд̇и сажз д̇ад̇т̇а ааг̇ажчад̇и аараамиго ваа убаасаго ваа, д̇ам̣ вад̣̇зяяаад̇и ад̇т̇о. звам̣ вуд̇д̇о со ‘‘иминаа гим̣ аахараамий’’д̇и жз вад̣̇зяяаад̇и ад̇т̇о. авад̇вааманд̇и ‘‘имам̣ ваа имам̣ ваа аахараа’’д̇и авад̇ваад̇и ад̇т̇о. вад̣̇зд̇и ‘‘габбияам̣ аажигкид̇аб̣б̣а’’нд̇и (баараа. 584, 589) важанад̇о ‘‘баб̣б̣аж̇ид̇аанам̣ сабби ваа д̇злам̣ ваа мад̇ху ваа паан̣ид̇ам̣ ваа ваддад̇ий’’д̇и звам̣ аажигкид̇аб̣б̣ам̣, ‘‘имам̣ наама аахараа’’д̇и на вад̇д̇аб̣б̣амзва. д̣̇взбзд̇зд̇и д̣̇взби зд̇з руубияабадиг̇г̇аахаган̃жа руубияасаб̣яохаариган̃жаад̇и ад̇т̇о. ан̃н̃знаад̇и анд̇амасо аараамигзнааби лад̣̇д̇хабхааг̇о на габбад̇и зва.
387-9. Āpattiṃ desetvā pacchā kattabbaṃ dassetuṃ ‘‘athā’’ti vuttaṃ. Gihiṃ vadeti sace tattha āgacchati ārāmiko vā upāsako vā, taṃ vadeyyāti attho. Evaṃ vutto so ‘‘iminā kiṃ āharāmī’’ti ce vadeyyāti attho. Avatvāmanti ‘‘imaṃ vā imaṃ vā āharā’’ti avatvāti attho. Vadeti ‘‘kappiyaṃ ācikkhitabba’’nti (pārā. 584, 589) vacanato ‘‘pabbajitānaṃ sappi vā telaṃ vā madhu vā phāṇitaṃ vā vaṭṭatī’’ti evaṃ ācikkhitabbaṃ, ‘‘imaṃ nāma āharā’’ti na vattabbameva. Dvepeteti dvepi ete rūpiyapaṭiggāhakañca rūpiyasabyohārikañcāti attho. Aññenāti antamaso ārāmikenāpi laddhabhāgo na kappati eva.
390. анд̇амасо (баараа. адта. 2.583-4) д̇анниб̣б̣ад̇д̇аа ругкажчааяааби на габбад̇ийд̇и. ниссадтам̣ бадилад̣̇д̇хамбийд̇и зд̇т̇а яат̇аа руубияасам̣вохаарам̣ гад̇ваа лад̣̇д̇хавад̇т̇уд̇о аабхад̇ам̣ на габбад̇и, д̇ат̇аа госияамиссагасант̇ад̇аад̣̇ид̇д̇аяамби на габбад̇и. на гзвалам̣ д̇ассзва, ан̃н̃зсамби на габбад̇зва ‘‘ан̃н̃зна гад̇ам̣ бадилабхид̇ваа барибхун̃ж̇ад̇и, аабад̇д̇и д̣̇уггадассаа’’д̇и (баараа. 545, 550, 555) вуд̇д̇ад̇д̇аа.
390. Antamaso (pārā. aṭṭha. 2.583-4) tannibbattā rukkhacchāyāpi na kappatīti. Nissaṭṭhaṃ paṭiladdhampīti ettha yathā rūpiyasaṃvohāraṃ katvā laddhavatthuto ābhataṃ na kappati, tathā kosiyamissakasanthatādittayampi na kappati. Na kevalaṃ tasseva, aññesampi na kappateva ‘‘aññena kataṃ paṭilabhitvā paribhuñjati, āpatti dukkaṭassā’’ti (pārā. 545, 550, 555) vuttattā.
391. звам̣ но жз лабхзт̇а, со аараамигаад̣̇иго ‘‘имам̣ чад̣д̣зхий’’д̇и сам̣сияо вад̇д̇аб̣б̣од̇и ад̇т̇о. звамби но жз лабхзяяа, саммад̇о бхигку чад̣д̣зяяаад̇и ад̇т̇о.
391. Evaṃ no ce labhetha, so ārāmikādiko ‘‘imaṃ chaḍḍehī’’ti saṃsiyo vattabboti attho. Evampi no ce labheyya, sammato bhikkhu chaḍḍeyyāti attho.
392. бадиг̇г̇ахид̇аруубияан̃жа баривад̇д̇ид̇аруубияан̃жа санд̇хааяа ‘‘зд̇ааний’’д̇и вуд̇д̇ам̣. д̣̇уд̇ияабад̇д̇о наама ‘‘уунабан̃жаб̣анд̇ханзна бад̇д̇зна ан̃н̃ам̣ навам̣ бад̇д̇ам̣ жзд̇аабзяяа, ниссаг̇г̇ияа’’нд̇и (баараа. 612) вуд̇д̇абад̇д̇о. со жа зд̇аани жа сан̇гхз ниссадтум̣ лаб̣бхарзд̇и самб̣анд̇хо. ‘‘сан̇гхамаж̇жхз ниссаж̇ж̇ид̇аб̣б̣ам̣, бхигкубарисааяа ниссаж̇ж̇ид̇аб̣б̣а’’нд̇и (баараа. 584, 589) жа вуд̇д̇ад̇д̇аа на г̇ан̣абуг̇г̇алаанам̣ ниссаж̇ж̇ид̇ум̣ ваддад̇и. сзсаани бана д̇ийн̣и жийвараад̣̇ивад̇т̇ууни ‘‘ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа’’д̇и вуд̇д̇ад̇д̇аа (баараа. 463) сан̇гхаад̣̇ийнам̣ ниссаж̇ж̇ид̇ум̣ ваддад̇и. бхаасанд̇арзнабийд̇и баал̣ияаа вад̇д̇ум̣ асаггонд̇зна д̣̇амил̣абхаасаад̣̇ийсу ан̃н̃ад̇арааяаби ниссаж̇ж̇ид̇ум̣ ваддад̇ийд̇и ад̇т̇о.
392. Paṭiggahitarūpiyañca parivattitarūpiyañca sandhāya ‘‘etānī’’ti vuttaṃ. Dutiyapatto nāma ‘‘ūnapañcabandhanena pattena aññaṃ navaṃ pattaṃ cetāpeyya, nissaggiya’’nti (pārā. 612) vuttapatto. So ca etāni ca saṅghe nissaṭṭhuṃ labbhareti sambandho. ‘‘Saṅghamajjhe nissajjitabbaṃ, bhikkhuparisāya nissajjitabba’’nti (pārā. 584, 589) ca vuttattā na gaṇapuggalānaṃ nissajjituṃ vaṭṭati. Sesāni pana tīṇi cīvarādivatthūni ‘‘nissajjitabbaṃ saṅghassa vā gaṇassa vā puggalassa vā’’ti vuttattā (pārā. 463) saṅghādīnaṃ nissajjituṃ vaṭṭati. Bhāsantarenapīti pāḷiyā vattuṃ asakkontena damiḷabhāsādīsu aññatarāyapi nissajjituṃ vaṭṭatīti attho.
393. (га-г̇а) наанаббагаарагам̣ наама ‘‘жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараа, ‘‘анд̇амасо жун̣н̣абин̣д̣оби д̣̇анд̇агадтамби д̣̇асигасуд̇д̇амбий’’д̇и (баараа. 595) баал̣ияам̣ вуд̇д̇ам̣. жзд̇аабид̇од̇и (баараа. 613) яаажид̇ваа г̇ахид̇о.
393. (Ka-ga) nānappakārakaṃ nāma ‘‘cīvarapiṇḍapātasenāsanagilānapaccayabhesajjaparikkhārā, ‘‘antamaso cuṇṇapiṇḍopi dantakaṭṭhampi dasikasuttampī’’ti (pārā. 595) pāḷiyaṃ vuttaṃ. Cetāpitoti (pārā. 613) yācitvā gahito.
394. самманнид̇ваана бад̇д̇аг̇аахагам̣ сан̇гхасса бад̇д̇анд̇анд̇и (баараа. 614; ган̇каа. адта. уунабан̃жаб̣ад̣̇д̇ханасигкаабад̣̇аван̣н̣анаа) яа анд̇имам̣ бад̇д̇ам̣, д̇ам̣ д̇асса д̣̇аабаязд̇и ад̇т̇о.
394.Sammannitvāna pattagāhakaṃ saṅghassa pattantanti (pārā. 614; kaṅkhā. aṭṭha. ūnapañcabaddhanasikkhāpadavaṇṇanā) ya antimaṃ pattaṃ, taṃ tassa dāpayeti attho.
395. (ка) барид̣̇ахид̇ам̣ ниссаг̇г̇ияанд̇и зд̇т̇а (баараа. 626-628; баараа. адта. 2.628) бана тад̇ваа вассигасаадигааяа бариязсанагкзд̇д̇ам̣ гаран̣агкзд̇д̇ам̣ ниваасанагкзд̇д̇ам̣ ад̇хидтаанагкзд̇д̇анд̇и жад̇уб̣б̣ид̇хам̣ кзд̇д̇ан̃жа гужчисамаяо бидтисамаяод̇и д̣̇увид̇хо самаяо жа взд̣̇ид̇аб̣б̣о. гат̇ам̣? г̇имхаанамаасзсу бажчимамаасасса буримо ад̣дхамаасо бариязсанагкзд̇д̇ам̣, бажчимо гаран̣агкзд̇д̇ан̃жа ниваасанагкзд̇д̇ан̃жа, бариязсид̇умби ваддад̇и, ад̇хидтаад̇ум̣ бана на ваддад̇и. вассигаа бана жад̇д̇ааро маасаа бариязсанаад̣̇ийнам̣ жад̇уннамби кзд̇д̇ам̣. зд̇з зва бан̃жа маасаа гужчисамаяо наама. ид̇арз сад̇д̇а маасаа бидтисамаяо, д̇ад̇т̇а сад̇уббаад̣̇агаран̣ам̣ на ваддад̇и.
395. (Kha) paridahitaṃnissaggiyanti ettha (pārā. 626-628; pārā. aṭṭha. 2.628) pana ṭhatvā vassikasāṭikāya pariyesanakkhettaṃ karaṇakkhettaṃ nivāsanakkhettaṃ adhiṭṭhānakkhettanti catubbidhaṃ khettañca kucchisamayo piṭṭhisamayoti duvidho samayo ca veditabbo. Kathaṃ? Gimhānamāsesu pacchimamāsassa purimo aḍḍhamāso pariyesanakkhettaṃ, pacchimo karaṇakkhettañca nivāsanakkhettañca, pariyesitumpi vaṭṭati, adhiṭṭhātuṃ pana na vaṭṭati. Vassikā pana cattāro māsā pariyesanādīnaṃ catunnampi khettaṃ. Ete eva pañca māsā kucchisamayo nāma. Itare satta māsā piṭṭhisamayo, tattha satuppādakaraṇaṃ na vaṭṭati.
(г̇а) ажчиннанд̇и зд̇т̇а ‘‘яо бана мама бад̇д̇ажийвараад̣̇ийни ваханд̇о маяаа сад̣̇д̇хим̣ жариссад̇ий’’д̇и сан̃н̃ааяа жийварам̣ д̣̇ад̇ваа буна сагасан̃н̃ааяа зва ад̇д̇ано взяяааважжам̣ агаронд̇ам̣ д̣̇исваа ажчинд̣̇ад̇и, со имам̣ аабад̇д̇им̣ аабаж̇ж̇ад̇и. гзвалам̣ барижжаж̇ид̇ваа д̣̇иннам̣ г̇ахзд̇умзва на лабхад̇и.
(Ga) acchinnanti ettha ‘‘yo pana mama pattacīvarādīni vahanto mayā saddhiṃ carissatī’’ti saññāya cīvaraṃ datvā puna sakasaññāya eva attano veyyāvaccaṃ akarontaṃ disvā acchindati, so imaṃ āpattiṃ āpajjati. Kevalaṃ pariccajitvā dinnaṃ gahetumeva na labhati.
(гха) суд̇д̇ам̣ вин̃н̃аабзд̇ваад̇и зд̇т̇а жийварагаарасамаяаад̣̇ийсу жийварасиб̣б̣анаад̣̇ийнамад̇т̇ааяа суд̇д̇ам̣ вин̃н̃аабзд̇ваад̇и ад̇т̇о. ан̃н̃ат̇аа суд̇д̇ам̣ вин̃н̃аабзд̇умзва на ваддад̇и. вин̃н̃ад̇д̇ияаа зва лад̣̇д̇хад̇анд̇авааязхийд̇и ад̇т̇о. суд̇д̇ад̇анд̇авааяаанам̣ агаббияабхаавз сад̇и д̣̇ийгхад̇о вид̣̇ад̇т̇имад̇д̇з, д̇ирияанд̇ад̇о хад̇т̇амад̇д̇з вийд̇з ниссаг̇г̇ияам̣, згад̇о агаббияабагкз д̣̇уггадам̣.
(Gha) suttaṃ viññāpetvāti ettha cīvarakārasamayādīsu cīvarasibbanādīnamatthāya suttaṃ viññāpetvāti attho. Aññathā suttaṃ viññāpetumeva na vaṭṭati. Viññattiyā eva laddhatantavāyehīti attho. Suttatantavāyānaṃ akappiyabhāve sati dīghato vidatthimatte, tiriyantato hatthamatte vīte nissaggiyaṃ, ekato akappiyapakkhe dukkaṭaṃ.
(н̇а) вигаббам̣ аабаннанд̇и (баараа. 643) ‘‘ид̣̇ам̣ ко, аавусо, жийварам̣ мам̣ уд̣̇д̣̇исса вияяад̇и, ааяад̇ан̃жа гарот̇а вид̇т̇ад̇ан̃жаа’’д̇иаад̣̇инаа ад̇хигам̣ вид̇хаанам̣ аабаннанд̇и ад̇т̇о.
(Ṅa) vikappaṃ āpannanti (pārā. 643) ‘‘idaṃ kho, āvuso, cīvaraṃ maṃ uddissa viyyati, āyatañca karotha vitthatañcā’’tiādinā adhikaṃ vidhānaṃ āpannanti attho.
(жа) ажжзгажийварам̣ (баараа. 649-650) наама сзнааяа г̇анд̇угаамаад̣̇ийхи д̣̇иннам̣.
(Ca) accekacīvaraṃ (pārā. 649-650) nāma senāya gantukāmādīhi dinnaṃ.
(ча) ад̇ирзгачаарад̇д̇анд̇и (баараа. 654-655) чад̣̇ивасад̇о ад̇ирзгам̣. ‘‘ад̇т̇ад̇агат̇инаанам̣ во, бхигкавз, бан̃жа габбиссанд̇и, анааманд̇ажааро асамаад̣̇аанажааро г̇ан̣абхож̇анам̣ яаавад̣̇ад̇т̇ажийварам̣ яо жа д̇ад̇т̇а жийваруббаад̣̇о, со нзсам̣ бхависсад̇ий’’д̇и (махаава. 306) вуд̇д̇ааанисам̣сзсу жийварамаасз асамаад̣̇аанажаарам̣ табзд̇ваа сзсаанисам̣саа лаб̣бханд̇и. яад̣̇и асамаад̣̇аанажааро лаб̣бхзяяа, баавзяяагаа бхигкуу вассам̣вуд̇т̇аа огабун̣н̣зхи жийварзхи на бхаг̇аванд̇ам̣ убасан̇гамзяяум̣, яасмаа д̇ам̣ на лабханд̇и, д̇асмаа жийварамаасзби д̇ижийварам̣ аад̣̇ааяа зва бхаг̇аванд̇ам̣ убасан̇гамим̣су. д̇асмаа взд̣̇ид̇аб̣б̣ам̣ асамаад̣̇аанажаарабарихаарам̣ ад̇т̇ад̇агат̇инаа зва лабханд̇и, на ид̇арзд̇и вад̣̇анд̇и.
(Cha) atirekachārattanti (pārā. 654-655) chadivasato atirekaṃ. ‘‘Atthatakathinānaṃ vo, bhikkhave, pañca kappissanti, anāmantacāro asamādānacāro gaṇabhojanaṃ yāvadatthacīvaraṃ yo ca tattha cīvaruppādo, so nesaṃ bhavissatī’’ti (mahāva. 306) vuttaānisaṃsesu cīvaramāse asamādānacāraṃ ṭhapetvā sesānisaṃsā labbhanti. Yadi asamādānacāro labbheyya, pāveyyakā bhikkhū vassaṃvutthā okapuṇṇehi cīvarehi na bhagavantaṃ upasaṅkameyyuṃ, yasmā taṃ na labhanti, tasmā cīvaramāsepi ticīvaraṃ ādāya eva bhagavantaṃ upasaṅkamiṃsu. Tasmā veditabbaṃ asamādānacāraparihāraṃ atthatakathinā eva labhanti, na itareti vadanti.
397. (ка) ‘‘ахам̣, бханд̇з, згам̣ баадид̣̇зсанийяаабад̇д̇им̣, д̣̇вз, самб̣ахулаа баадид̣̇зсанийяаабад̇д̇ияо аабаж̇ж̇и’’нд̇и имам̣ бана язсу бод̇т̇агзсу ликид̇ам̣, д̇ам̣ абхаяаг̇ириваасийнам̣ куд̣̇д̣̇асигкаавасзна д̣̇ассид̇ам̣ гира. д̇ад̇т̇а ‘‘ахам̣, ааяасмаа, самб̣ахулаа баадид̣̇зсанийяаа аабад̇д̇ияо аабанно, д̇ааяо бадид̣̇зсзми. ахам̣, ааяасмаа, згам̣ баадид̣̇зсанийяам̣ аабад̇д̇им̣ аабанно, д̇ам̣ бадид̣̇зсзмий’’д̇и хи вуд̇д̇ам̣. амхаагам̣ бана звам̣ д̣̇зсанаавид̇хаанам̣ над̇т̇и. ‘‘г̇аараяхам̣, аавусо, д̇хаммам̣ аабаж̇ж̇им̣ асаббааяам̣ баадид̣̇зсанийяам̣, д̇ам̣ бадид̣̇зсзмий’’д̇и (баажи. 553) вуд̇д̇ам̣. саманд̇абаасаад̣̇игааяам̣ (баажи. 553) ‘‘г̇аараяхам̣ аавусо’д̇иаад̣̇и бадид̣̇зсзд̇аб̣б̣аагаарад̣̇ассана’’нд̇и вуд̇д̇ам̣. ган̇каавид̇аран̣ияамби (ган̇каа. адта. батамабаадид̣̇зсанийяасигкаабад̣̇аван̣н̣анаа) ‘‘д̇ассаа д̣̇зсзд̇аб̣б̣аагааро г̇аараяхам̣ аавусо’д̇иаад̣̇инаа наязна сигкаабад̣̇з д̣̇ассид̇оязваа’’д̇и вуд̇д̇ад̇д̇аа баатз ааг̇ад̇анаязнзва д̣̇зсанаавид̇хаанам̣ взд̣̇ид̇аб̣б̣ам̣. сажз д̣̇вз хонд̇и, ‘‘г̇аараяхз, аавусо, д̣̇вз д̇хаммз аабаж̇ж̇им̣ асаббааяз баадид̣̇зсанийяз, д̇з бадид̣̇зсзмий’’д̇и, ‘‘бассат̇а, бханд̇з, д̇з д̇хаммз’’д̇и жа ‘‘г̇аараяхз , аавусо, самб̣ахулз д̇хаммз аабаж̇ж̇им̣ асаббааяз баадид̣̇зсанийяз, д̇з бадид̣̇зсзмий’’д̇и, ‘‘бассат̇а, бханд̇з, д̇з д̇хаммз’’д̇и жа звам̣ яат̇аануруубам̣ д̣̇зсанаавид̇хаанам̣ взд̣̇ид̇аб̣б̣ам̣. сзсам̣ вуд̇д̇аббагаарамзваад̇и.
397. (Kha) ‘‘ahaṃ, bhante, ekaṃ pāṭidesanīyāpattiṃ, dve, sambahulā pāṭidesanīyāpattiyo āpajji’’nti imaṃ pana yesu potthakesu likhitaṃ, taṃ abhayagirivāsīnaṃ khuddasikkhāvasena dassitaṃ kira. Tattha ‘‘ahaṃ, āyasmā, sambahulā pāṭidesanīyā āpattiyo āpanno, tāyo paṭidesemi. Ahaṃ, āyasmā, ekaṃ pāṭidesanīyaṃ āpattiṃ āpanno, taṃ paṭidesemī’’ti hi vuttaṃ. Amhākaṃ pana evaṃ desanāvidhānaṃ natthi. ‘‘Gārayhaṃ, āvuso, dhammaṃ āpajjiṃ asappāyaṃ pāṭidesanīyaṃ, taṃ paṭidesemī’’ti (pāci. 553) vuttaṃ. Samantapāsādikāyaṃ (pāci. 553) ‘‘gārayhaṃ āvuso’tiādi paṭidesetabbākāradassana’’nti vuttaṃ. Kaṅkhāvitaraṇiyampi (kaṅkhā. aṭṭha. paṭhamapāṭidesanīyasikkhāpadavaṇṇanā) ‘‘tassā desetabbākāro gārayhaṃ āvuso’tiādinā nayena sikkhāpade dassitoyevā’’ti vuttattā pāṭhe āgatanayeneva desanāvidhānaṃ veditabbaṃ. Sace dve honti, ‘‘gārayhe, āvuso, dve dhamme āpajjiṃ asappāye pāṭidesanīye, te paṭidesemī’’ti, ‘‘passatha, bhante, te dhamme’’ti ca ‘‘gārayhe , āvuso, sambahule dhamme āpajjiṃ asappāye pāṭidesanīye, te paṭidesemī’’ti, ‘‘passatha, bhante, te dhamme’’ti ca evaṃ yathānurūpaṃ desanāvidhānaṃ veditabbaṃ. Sesaṃ vuttappakāramevāti.
398. ад̣̇зсанааг̇ааминияанд̇и (бари. 424 аад̣̇аяо; бари. адта. 425) баарааж̇иган̃жа сан̇гхаад̣̇исзсан̃жа на д̣̇зсаязд̇и ад̇т̇о. анаабад̇д̇ин̃жаад̇и анаабад̇д̇им̣ зва ‘‘аабад̇д̇и’’нд̇и на д̣̇зсаяз. лахугаабад̇д̇имби буб̣б̣з д̣̇зсид̇ам̣ буна на д̣̇зсаязд̇и самб̣анд̇хо, наанаасам̣ваасаниссиймадтид̇аанам̣ санд̇игз на д̣̇зсаязд̇и ад̇т̇о. жад̇убан̃жахийд̇и зд̇т̇а самаанавассигабавааран̣ааяам̣ вияа жад̇уухи ваа бан̃жахи ваа згад̇о худ̇ваа згасса санд̇игз на д̣̇зсаязд̇и ад̇т̇о. д̣̇виннам̣ ваа д̇ин̣н̣ам̣ ваа ваддад̇и. гат̇ам̣ д̣̇зсзд̇аб̣б̣анд̇и жз? згасса санд̇игз д̇ийхиби згад̇о нисийд̣̇ид̇ваа ‘‘ахам̣, бханд̇з, згам̣ баажид̇д̇ияаабад̇д̇им̣ аабаж̇ж̇им̣, д̇ам̣ д̇умхамуулз бадид̣̇зсзмий’’д̇и звам̣ ад̇д̇анаа аабаннааабад̇д̇ивасзна вуд̇д̇з д̇зна ‘‘бассаси, аавусо, д̇ам̣ аабад̇д̇и’’нд̇и звам̣ д̇игкад̇д̇ум̣ вуд̇д̇з ‘‘аама, бханд̇з, бассаамий’’д̇и ваа ‘‘аамаавусо бассаамий’’д̇и ваа вуд̇д̇з буна д̇зна ‘‘ааяад̇им̣ сам̣варзяяаат̇аа’’д̇и ваа ‘‘сам̣варзяяаасий’’д̇и ваа вуд̇д̇з ‘‘саад̇ху судту сам̣вариссаамий’’д̇и вад̇д̇аб̣б̣ам̣, звам̣ д̣̇зсзд̇аб̣б̣ам̣. манасаад̇и важийбхзд̣̇ам̣ агад̇ваа гзвалам̣ жид̇д̇знзва на д̣̇зсаязд̇и ад̇т̇о. абагад̇ад̇д̇аананд̇и анд̇имавад̇т̇ум̣ аж̇жхаабаннасса ваа угкид̇д̇агасса ваа убосат̇о бавааран̣аа ваа табид̇аа хонд̇и, д̇асса санд̇игз на д̣̇зсаязд̇и ад̇т̇о. наанзгаад̇и наанаабад̇д̇ияо ‘‘згаа’’д̇и вад̇ваа на д̣̇зсаязд̇и ад̇т̇о. згаа бана ‘‘самб̣ахулаа’’д̇и д̣̇зсид̇аа ход̇ийд̇и. д̣̇зсанаавинижчаяо.
398.Adesanāgāminiyanti (pari. 424 ādayo; pari. aṭṭha. 425) pārājikañca saṅghādisesañca na desayeti attho. Anāpattiñcāti anāpattiṃ eva ‘‘āpatti’’nti na desaye. Lahukāpattimpi pubbe desitaṃ puna na desayeti sambandho, nānāsaṃvāsanissīmaṭṭhitānaṃ santike na desayeti attho. Catupañcahīti ettha samānavassikapavāraṇāyaṃ viya catūhi vā pañcahi vā ekato hutvā ekassa santike na desayeti attho. Dvinnaṃ vā tiṇṇaṃ vā vaṭṭati. Kathaṃ desetabbanti ce? Ekassa santike tīhipi ekato nisīditvā ‘‘ahaṃ, bhante, ekaṃ pācittiyāpattiṃ āpajjiṃ, taṃ tumhamūle paṭidesemī’’ti evaṃ attanā āpannaāpattivasena vutte tena ‘‘passasi, āvuso, taṃ āpatti’’nti evaṃ tikkhattuṃ vutte ‘‘āma, bhante, passāmī’’ti vā ‘‘āmāvuso passāmī’’ti vā vutte puna tena ‘‘āyatiṃ saṃvareyyāthā’’ti vā ‘‘saṃvareyyāsī’’ti vā vutte ‘‘sādhu suṭṭhu saṃvarissāmī’’ti vattabbaṃ, evaṃ desetabbaṃ. Manasāti vacībhedaṃ akatvā kevalaṃ citteneva na desayeti attho. Apakatattānanti antimavatthuṃ ajjhāpannassa vā ukkhittakassa vā uposatho pavāraṇā vā ṭhapitā honti, tassa santike na desayeti attho. Nānekāti nānāpattiyo ‘‘ekā’’ti vatvā na desayeti attho. Ekā pana ‘‘sambahulā’’ti desitā hotīti. Desanāvinicchayo.
д̣̇зсанаанид̣̇д̣̇зсаван̣н̣анаа нидтид̇аа.
Desanāniddesavaṇṇanā niṭṭhitā.
