| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. จุนฺทเตฺถรอปทานํ
10. Cundattheraapadānaṃ
๑๒๕.
125.
‘‘สิทฺธตฺถสฺส ภควโต, โลกเชฎฺฐสฺส ตาทิโน;
‘‘Siddhatthassa bhagavato, lokajeṭṭhassa tādino;
อคฺฆิยํ การยิตฺวาน, ชาติปุเปฺผหิ ฉาทยิํฯ
Agghiyaṃ kārayitvāna, jātipupphehi chādayiṃ.
๑๒๖.
126.
‘‘นิฎฺฐาเปตฺวาน ตํ ปุปฺผํ, พุทฺธสฺส อุปนามยิํ;
‘‘Niṭṭhāpetvāna taṃ pupphaṃ, buddhassa upanāmayiṃ;
ปุปฺผาวเสสํ ปคฺคยฺห, พุทฺธสฺส อภิโรปยิํฯ
Pupphāvasesaṃ paggayha, buddhassa abhiropayiṃ.
๑๒๗.
127.
‘‘กญฺจนคฺฆิยสงฺกาสํ , พุทฺธํ โลกคฺคนายกํ;
‘‘Kañcanagghiyasaṅkāsaṃ , buddhaṃ lokagganāyakaṃ;
ปสนฺนจิโตฺต สุมโน, ปุปฺผคฺฆิยมุปานยิํฯ
Pasannacitto sumano, pupphagghiyamupānayiṃ.
๑๒๘.
128.
‘‘วิติณฺณกโงฺข สมฺพุโทฺธ, ติโณฺณเฆหิ ปุรกฺขโต;
‘‘Vitiṇṇakaṅkho sambuddho, tiṇṇoghehi purakkhato;
ภิกฺขุสเงฺฆ นิสีทิตฺวา, อิมา คาถา อภาสถฯ
Bhikkhusaṅghe nisīditvā, imā gāthā abhāsatha.
๑๒๙.
129.
‘‘‘ทิพฺพคนฺธํ ปวายนฺตํ, โย เม ปุปฺผคฺฆิยํ อทา;
‘‘‘Dibbagandhaṃ pavāyantaṃ, yo me pupphagghiyaṃ adā;
ตมหํ กิตฺตยิสฺสามิ, สุณาถ มม ภาสโตฯ
Tamahaṃ kittayissāmi, suṇātha mama bhāsato.
๑๓๐.
130.
‘‘‘อิโต จุโต อยํ โปโส, เทวสงฺฆปุรกฺขโต;
‘‘‘Ito cuto ayaṃ poso, devasaṅghapurakkhato;
ชาติปุเปฺผหิ ปริกิโณฺณ, เทวโลกํ คมิสฺสติฯ
Jātipupphehi parikiṇṇo, devalokaṃ gamissati.
๑๓๑.
131.
‘‘‘อุพฺพิทฺธํ ภวนํ ตสฺส, โสวณฺณญฺจ มณีมยํ;
‘‘‘Ubbiddhaṃ bhavanaṃ tassa, sovaṇṇañca maṇīmayaṃ;
พฺยมฺหํ ปาตุภวิสฺสติ, ปุญฺญกมฺมปฺปภาวิตํฯ
Byamhaṃ pātubhavissati, puññakammappabhāvitaṃ.
๑๓๒.
132.
‘‘‘จตุสตฺตติกฺขตฺตุํ โส, เทวรชฺชํ กริสฺสติ;
‘‘‘Catusattatikkhattuṃ so, devarajjaṃ karissati;
อนุโภสฺสติ สมฺปตฺติํ, อจฺฉราหิ ปุรกฺขโตฯ
Anubhossati sampattiṃ, accharāhi purakkhato.
๑๓๓.
133.
‘‘‘ปถพฺยา รชฺชํ ติสตํ, วสุธํ อาวสิสฺสติ;
‘‘‘Pathabyā rajjaṃ tisataṃ, vasudhaṃ āvasissati;
ปญฺจสตฺตติกฺขตฺตุญฺจ, จกฺกวตฺตี ภวิสฺสติฯ
Pañcasattatikkhattuñca, cakkavattī bhavissati.
๑๓๔.
134.
‘‘‘ทุชฺชโย นาม นาเมน, เหสฺสติ มนุชาธิโป;
‘‘‘Dujjayo nāma nāmena, hessati manujādhipo;
๑๓๕.
135.
‘‘‘วินิปาตํ อคนฺตฺวาน, มนุสฺสตฺตํ คมิสฺสติ;
‘‘‘Vinipātaṃ agantvāna, manussattaṃ gamissati;
๑๓๖.
136.
‘‘‘นิพฺพตฺติสฺสติ โยนิมฺหิ, พฺราหฺมเณ โส ภวิสฺสติ;
‘‘‘Nibbattissati yonimhi, brāhmaṇe so bhavissati;
วงฺคนฺตสฺส สุโต ธีมา, สาริยา โอรโส ปิโยฯ
Vaṅgantassa suto dhīmā, sāriyā oraso piyo.
๑๓๗.
137.
‘‘‘โส จ ปจฺฉา ปพฺพชิตฺวา, องฺคีรสสฺส สาสเน;
‘‘‘So ca pacchā pabbajitvā, aṅgīrasassa sāsane;
๑๓๘.
138.
‘‘‘สามเณโรว โส สโนฺต, ขีณาสโว ภวิสฺสติ;
‘‘‘Sāmaṇerova so santo, khīṇāsavo bhavissati;
สพฺพาสเว ปริญฺญาย, นิพฺพายิสฺสตินาสโว’ฯ
Sabbāsave pariññāya, nibbāyissatināsavo’.
๑๓๙.
139.
‘‘อุปฎฺฐหิํ มหาวีรํ, อเญฺญ จ เปสเล พหู;
‘‘Upaṭṭhahiṃ mahāvīraṃ, aññe ca pesale bahū;
ภาตรํ เม จุปฎฺฐาสิํ, อุตฺตมตฺถสฺส ปตฺติยาฯ
Bhātaraṃ me cupaṭṭhāsiṃ, uttamatthassa pattiyā.
๑๔๐.
140.
สมฺพุทฺธํ อุปนาเมสิํ, โลกเชฎฺฐํ นราสภํฯ
Sambuddhaṃ upanāmesiṃ, lokajeṭṭhaṃ narāsabhaṃ.
๑๔๑.
141.
‘‘อุโภ หเตฺถหิ ปคฺคยฺห, พุโทฺธ โลเก สเทวเก;
‘‘Ubho hatthehi paggayha, buddho loke sadevake;
สนฺทสฺสยโนฺต ตํ ธาตุํ, กิตฺตยิ อคฺคสาวกํฯ
Sandassayanto taṃ dhātuṃ, kittayi aggasāvakaṃ.
๑๔๒.
142.
‘‘จิตฺตญฺจ สุวิมุตฺตํ เม, สทฺธา มยฺหํ ปติฎฺฐิตา;
‘‘Cittañca suvimuttaṃ me, saddhā mayhaṃ patiṭṭhitā;
สพฺพาสเว ปริญฺญาย, วิหรามิ อนาสโวฯ
Sabbāsave pariññāya, viharāmi anāsavo.
๑๔๓.
143.
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา จุโนฺท เถโร อิมา คาถาโย อภาสิตฺถาติฯ
Itthaṃ sudaṃ āyasmā cundo thero imā gāthāyo abhāsitthāti.
จุนฺทเตฺถรสฺสาปทานํ ทสมํฯ
Cundattherassāpadānaṃ dasamaṃ.
อุปาลิวโคฺค ปญฺจโมฯ
Upālivaggo pañcamo.
ตสฺสุทฺทานํ –
Tassuddānaṃ –
อุปาลิ โสโณ ภทฺทิโย, สนฺนิฎฺฐาปกหตฺถิโย;
Upāli soṇo bhaddiyo, sanniṭṭhāpakahatthiyo;
ฉทนํ เสยฺยจงฺกมํ, สุภโทฺท จุนฺทสวฺหโย;
Chadanaṃ seyyacaṅkamaṃ, subhaddo cundasavhayo;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. จุนฺทเตฺถรอปทานวณฺณนา • 10. Cundattheraapadānavaṇṇanā
