| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. махааяамагаваг̇г̇о
4. Mahāyamakavaggo
1. жуул̣аг̇осин̇г̇асуд̇д̇ам̣
1. Cūḷagosiṅgasuttaṃ
325. звам̣ мз суд̇ам̣ – згам̣ самаяам̣ бхаг̇аваа наад̇игз 1 вихарад̇и г̇ин̃ж̇агаавасат̇з. д̇зна ко бана самаязна ааяасмаа жа ануруд̣̇д̇хо ааяасмаа жа нанд̣̇ияо ааяасмаа жа гимило 2 г̇осин̇г̇асаалаванад̣̇ааяз вихаранд̇и. ат̇а ко бхаг̇аваа сааяанхасамаяам̣ бадисаллаанаа вудтид̇о язна г̇осин̇г̇асаалаванад̣̇ааяо д̇знубасан̇гами. ад̣̇д̣̇асаа ко д̣̇ааяабаало бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана бхаг̇аванд̇ам̣ зд̇ад̣̇авожа – ‘‘маа, саман̣а, зд̇ам̣ д̣̇ааяам̣ баависи. санд̇зд̇т̇а д̇аяо гулабуд̇д̇аа ад̇д̇агаамаруубаа вихаранд̇и. маа д̇зсам̣ апаасумагаасий’’д̇и.
325. Evaṃ me sutaṃ – ekaṃ samayaṃ bhagavā nātike 3 viharati giñjakāvasathe. Tena kho pana samayena āyasmā ca anuruddho āyasmā ca nandiyo āyasmā ca kimilo 4 gosiṅgasālavanadāye viharanti. Atha kho bhagavā sāyanhasamayaṃ paṭisallānā vuṭṭhito yena gosiṅgasālavanadāyo tenupasaṅkami. Addasā kho dāyapālo bhagavantaṃ dūratova āgacchantaṃ. Disvāna bhagavantaṃ etadavoca – ‘‘mā, samaṇa, etaṃ dāyaṃ pāvisi. Santettha tayo kulaputtā attakāmarūpā viharanti. Mā tesaṃ aphāsumakāsī’’ti.
ассоси ко ааяасмаа ануруд̣̇д̇хо д̣̇ааяабааласса бхаг̇авад̇аа сад̣̇д̇хим̣ манд̇аяамаанасса. суд̇ваана д̣̇ааяабаалам̣ зд̇ад̣̇авожа – ‘‘маа, аавусо д̣̇ааяабаала, бхаг̇аванд̇ам̣ ваарзси. сад̇т̇аа но бхаг̇аваа ануббад̇д̇о’’д̇и. ат̇а ко ааяасмаа ануруд̣̇д̇хо язнааяасмаа жа нанд̣̇ияо ааяасмаа жа гимило д̇знубасан̇гами; убасан̇гамид̇ваа ааяасманд̇ан̃жа нанд̣̇ияам̣ ааяасманд̇ан̃жа гимилам̣ зд̇ад̣̇авожа – ‘‘абхиггамат̇ааяасманд̇о, абхиггамат̇ааяасманд̇о, сад̇т̇аа но бхаг̇аваа ануббад̇д̇о’’д̇и. ат̇а ко ааяасмаа жа ануруд̣̇д̇хо ааяасмаа жа нанд̣̇ияо ааяасмаа жа гимило бхаг̇аванд̇ам̣ бажжуг̇г̇анд̇ваа – зго бхаг̇авад̇о бад̇д̇ажийварам̣ бадиг̇г̇ахзси, зго аасанам̣ бан̃н̃абзси, зго баад̣̇од̣̇агам̣ убадтаабзси. нисийд̣̇и бхаг̇аваа бан̃н̃ад̇д̇з аасанз. нисаж̇ж̇а ко бхаг̇аваа баад̣̇з багкаалзси. д̇зби ко ааяасманд̇о бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннам̣ ко ааяасманд̇ам̣ ануруд̣̇д̇хам̣ бхаг̇аваа зд̇ад̣̇авожа –
Assosi kho āyasmā anuruddho dāyapālassa bhagavatā saddhiṃ mantayamānassa. Sutvāna dāyapālaṃ etadavoca – ‘‘mā, āvuso dāyapāla, bhagavantaṃ vāresi. Satthā no bhagavā anuppatto’’ti. Atha kho āyasmā anuruddho yenāyasmā ca nandiyo āyasmā ca kimilo tenupasaṅkami; upasaṅkamitvā āyasmantañca nandiyaṃ āyasmantañca kimilaṃ etadavoca – ‘‘abhikkamathāyasmanto, abhikkamathāyasmanto, satthā no bhagavā anuppatto’’ti. Atha kho āyasmā ca anuruddho āyasmā ca nandiyo āyasmā ca kimilo bhagavantaṃ paccuggantvā – eko bhagavato pattacīvaraṃ paṭiggahesi, eko āsanaṃ paññapesi, eko pādodakaṃ upaṭṭhāpesi. Nisīdi bhagavā paññatte āsane. Nisajja kho bhagavā pāde pakkhālesi. Tepi kho āyasmanto bhagavantaṃ abhivādetvā ekamantaṃ nisīdiṃsu. Ekamantaṃ nisinnaṃ kho āyasmantaṃ anuruddhaṃ bhagavā etadavoca –
326. ‘‘гажжи во, ануруд̣̇д̇хаа, каманийяам̣, гажжи яаабанийяам̣, гажжи бин̣д̣агзна на гиламат̇аа’’д̇и ? ‘‘каманийяам̣, бхаг̇аваа, яаабанийяам̣, бхаг̇аваа; на жа маяам̣, бханд̇з, бин̣д̣агзна гиламаамаа’’д̇и. ‘‘гажжи бана во, ануруд̣̇д̇хаа, самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихарат̇аа’’д̇и? ‘‘д̇аг̇гха маяам̣ , бханд̇з, самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихараамаа’’д̇и. ‘‘яат̇аа гат̇ам̣ бана д̇умхз, ануруд̣̇д̇хаа, самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихарат̇аа’’д̇и? ‘‘ид̇ха маяхам̣, бханд̇з, звам̣ ход̇и – ‘лаабхаа вад̇а мз, сулад̣̇д̇хам̣ вад̇а мз, яохам̣ зваруубзхи саб̣рахмажаарийхи сад̣̇д̇хим̣ вихараамий’д̇и. д̇асса маяхам̣, бханд̇з, имзсу ааяасманд̇зсу мзд̇д̇ам̣ гааяагаммам̣ бажжубадтид̇ам̣ аави жзва рахо жа; мзд̇д̇ам̣ важийгаммам̣ бажжубадтид̇ам̣ аави жзва рахо жа; мзд̇д̇ам̣ маногаммам̣ бажжубадтид̇ам̣ аави жзва рахо жа. д̇асса маяхам̣, бханд̇з, звам̣ ход̇и – ‘яам̣нуунаахам̣ сагам̣ жид̇д̇ам̣ нигкибид̇ваа имзсам̣язва ааяасманд̇аанам̣ жид̇д̇асса васзна вад̇д̇зяяа’нд̇и. со ко ахам̣, бханд̇з, сагам̣ жид̇д̇ам̣ нигкибид̇ваа имзсам̣язва ааяасманд̇аанам̣ жид̇д̇асса васзна вад̇д̇аами. наанаа хи ко но, бханд̇з, гааяаа зган̃жа бана ман̃н̃з жид̇д̇а’’нд̇и.
326. ‘‘Kacci vo, anuruddhā, khamanīyaṃ, kacci yāpanīyaṃ, kacci piṇḍakena na kilamathā’’ti ? ‘‘Khamanīyaṃ, bhagavā, yāpanīyaṃ, bhagavā; na ca mayaṃ, bhante, piṇḍakena kilamāmā’’ti. ‘‘Kacci pana vo, anuruddhā, samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharathā’’ti? ‘‘Taggha mayaṃ , bhante, samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharāmā’’ti. ‘‘Yathā kathaṃ pana tumhe, anuruddhā, samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharathā’’ti? ‘‘Idha mayhaṃ, bhante, evaṃ hoti – ‘lābhā vata me, suladdhaṃ vata me, yohaṃ evarūpehi sabrahmacārīhi saddhiṃ viharāmī’ti. Tassa mayhaṃ, bhante, imesu āyasmantesu mettaṃ kāyakammaṃ paccupaṭṭhitaṃ āvi ceva raho ca; mettaṃ vacīkammaṃ paccupaṭṭhitaṃ āvi ceva raho ca; mettaṃ manokammaṃ paccupaṭṭhitaṃ āvi ceva raho ca. Tassa mayhaṃ, bhante, evaṃ hoti – ‘yaṃnūnāhaṃ sakaṃ cittaṃ nikkhipitvā imesaṃyeva āyasmantānaṃ cittassa vasena vatteyya’nti. So kho ahaṃ, bhante, sakaṃ cittaṃ nikkhipitvā imesaṃyeva āyasmantānaṃ cittassa vasena vattāmi. Nānā hi kho no, bhante, kāyā ekañca pana maññe citta’’nti.
ааяасмааби ко нанд̣̇ияо…бз… ааяасмааби ко гимило бхаг̇аванд̇ам̣ зд̇ад̣̇авожа – ‘‘маяхамби, бханд̇з, звам̣ ход̇и – ‘лаабхаа вад̇а мз, сулад̣̇д̇хам̣ вад̇а мз, яохам̣ зваруубзхи саб̣рахмажаарийхи сад̣̇д̇хим̣ вихараамий’д̇и. д̇асса маяхам̣, бханд̇з, имзсу ааяасманд̇зсу мзд̇д̇ам̣ гааяагаммам̣ бажжубадтид̇ам̣ аави жзва рахо жа, мзд̇д̇ам̣ важийгаммам̣ бажжубадтид̇ам̣ аави жзва рахо жа, мзд̇д̇ам̣ маногаммам̣ бажжубадтид̇ам̣ аави жзва рахо жа. д̇асса маяхам̣, бханд̇з, звам̣ ход̇и – ‘яам̣нуунаахам̣ сагам̣ жид̇д̇ам̣ нигкибид̇ваа имзсам̣язва ааяасманд̇аанам̣ жид̇д̇асса васзна вад̇д̇зяяа’нд̇и. со ко ахам̣, бханд̇з, сагам̣ жид̇д̇ам̣ нигкибид̇ваа имзсам̣язва ааяасманд̇аанам̣ жид̇д̇асса васзна вад̇д̇аами. наанаа хи ко но, бханд̇з, гааяаа зган̃жа бана ман̃н̃з жид̇д̇анд̇и.
Āyasmāpi kho nandiyo…pe… āyasmāpi kho kimilo bhagavantaṃ etadavoca – ‘‘mayhampi, bhante, evaṃ hoti – ‘lābhā vata me, suladdhaṃ vata me, yohaṃ evarūpehi sabrahmacārīhi saddhiṃ viharāmī’ti. Tassa mayhaṃ, bhante, imesu āyasmantesu mettaṃ kāyakammaṃ paccupaṭṭhitaṃ āvi ceva raho ca, mettaṃ vacīkammaṃ paccupaṭṭhitaṃ āvi ceva raho ca, mettaṃ manokammaṃ paccupaṭṭhitaṃ āvi ceva raho ca. Tassa mayhaṃ, bhante, evaṃ hoti – ‘yaṃnūnāhaṃ sakaṃ cittaṃ nikkhipitvā imesaṃyeva āyasmantānaṃ cittassa vasena vatteyya’nti. So kho ahaṃ, bhante, sakaṃ cittaṃ nikkhipitvā imesaṃyeva āyasmantānaṃ cittassa vasena vattāmi. Nānā hi kho no, bhante, kāyā ekañca pana maññe cittanti.
‘‘звам̣ ко маяам̣, бханд̇з, самаг̇г̇аа саммод̣̇амаанаа авивад̣̇амаанаа кийрод̣̇агийбхууд̇аа ан̃н̃аман̃н̃ам̣ бияажагкуухи самбассанд̇аа вихараамаа’’д̇и.
‘‘Evaṃ kho mayaṃ, bhante, samaggā sammodamānā avivadamānā khīrodakībhūtā aññamaññaṃ piyacakkhūhi sampassantā viharāmā’’ti.
327. ‘‘саад̇ху саад̇ху, ануруд̣̇д̇хаа! гажжи бана во, ануруд̣̇д̇хаа, аббамад̇д̇аа аад̇аабино бахид̇ад̇д̇аа вихарат̇аа’’д̇и? ‘‘д̇аг̇гха маяам̣, бханд̇з, аббамад̇д̇аа аад̇аабино бахид̇ад̇д̇аа вихараамаа’’д̇и. ‘‘яат̇аа гат̇ам̣ бана д̇умхз, ануруд̣̇д̇хаа, аббамад̇д̇аа аад̇аабино бахид̇ад̇д̇аа вихарат̇аа’’д̇и? ‘‘ид̇ха, бханд̇з, амхаагам̣ яо батамам̣ г̇аамад̇о бин̣д̣ааяа бадиггамад̇и со аасанаани бан̃н̃абзд̇и, баанийяам̣ барибхож̇анийяам̣ убадтаабзд̇и, аваггаарабаад̇им̣ убадтаабзд̇и. яо бажчаа г̇аамад̇о бин̣д̣ааяа бадиггамад̇и, сажз ход̇и бхуд̇д̇аавасзсо сажз ааган̇кад̇и бхун̃ж̇ад̇и, но жз ааган̇кад̇и аббахарид̇з ваа чад̣д̣зд̇и, аббаан̣агз ваа уд̣̇агз обилаабзд̇и. со аасанаани бадисаамзд̇и, баанийяам̣ барибхож̇анийяам̣ бадисаамзд̇и, аваггаарабаад̇им̣ бадисаамзд̇и, бхад̇д̇аг̇г̇ам̣ саммаж̇ж̇ад̇и. яо бассад̇и баанийяагхадам̣ ваа барибхож̇анийяагхадам̣ ваа важжагхадам̣ ваа рид̇д̇ам̣ д̇ужчам̣ со убадтаабзд̇и. сажасса ход̇и ависаяхам̣, хад̇т̇авигаарзна д̣̇уд̇ияам̣ ааманд̇зд̇ваа хад̇т̇авилан̇гхагзна убадтаабзма, на д̇взва маяам̣, бханд̇з, д̇аббажжаяаа ваажам̣ бхинд̣̇аама. бан̃жаахигам̣ ко бана маяам̣, бханд̇з, саб̣б̣арад̇д̇игам̣ д̇хаммияаа гат̇ааяа саннисийд̣̇аама. звам̣ ко маяам̣, бханд̇з, аббамад̇д̇аа аад̇аабино бахид̇ад̇д̇аа вихараамаа’’д̇и.
327. ‘‘Sādhu sādhu, anuruddhā! Kacci pana vo, anuruddhā, appamattā ātāpino pahitattā viharathā’’ti? ‘‘Taggha mayaṃ, bhante, appamattā ātāpino pahitattā viharāmā’’ti. ‘‘Yathā kathaṃ pana tumhe, anuruddhā, appamattā ātāpino pahitattā viharathā’’ti? ‘‘Idha, bhante, amhākaṃ yo paṭhamaṃ gāmato piṇḍāya paṭikkamati so āsanāni paññapeti, pānīyaṃ paribhojanīyaṃ upaṭṭhāpeti, avakkārapātiṃ upaṭṭhāpeti. Yo pacchā gāmato piṇḍāya paṭikkamati, sace hoti bhuttāvaseso sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti. So āsanāni paṭisāmeti, pānīyaṃ paribhojanīyaṃ paṭisāmeti, avakkārapātiṃ paṭisāmeti, bhattaggaṃ sammajjati. Yo passati pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeti. Sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpema, na tveva mayaṃ, bhante, tappaccayā vācaṃ bhindāma. Pañcāhikaṃ kho pana mayaṃ, bhante, sabbarattikaṃ dhammiyā kathāya sannisīdāma. Evaṃ kho mayaṃ, bhante, appamattā ātāpino pahitattā viharāmā’’ti.
328. ‘‘саад̇ху саад̇ху, ануруд̣̇д̇хаа! ад̇т̇и бана во, ануруд̣̇д̇хаа, звам̣ аббамад̇д̇аанам̣ аад̇аабийнам̣ бахид̇ад̇д̇аанам̣ вихаранд̇аанам̣ уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘гин̃хи но сияаа, бханд̇з! ид̇ха маяам̣, бханд̇з, яаавад̣̇зва ааган̇каама вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараама. аяам̣ ко но, бханд̇з, амхаагам̣ аббамад̇д̇аанам̣ аад̇аабийнам̣ бахид̇ад̇д̇аанам̣ вихаранд̇аанам̣ уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и.
328. ‘‘Sādhu sādhu, anuruddhā! Atthi pana vo, anuruddhā, evaṃ appamattānaṃ ātāpīnaṃ pahitattānaṃ viharantānaṃ uttarimanussadhammā alamariyañāṇadassanaviseso adhigato phāsuvihāro’’ti? ‘‘Kiñhi no siyā, bhante! Idha mayaṃ, bhante, yāvadeva ākaṅkhāma vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāma. Ayaṃ kho no, bhante, amhākaṃ appamattānaṃ ātāpīnaṃ pahitattānaṃ viharantānaṃ uttarimanussadhammā alamariyañāṇadassanaviseso adhigato phāsuvihāro’’ti.
‘‘саад̇ху саад̇ху, ануруд̣̇д̇хаа! зд̇асса бана во, ануруд̣̇д̇хаа, вихаарасса самад̇иггамааяа зд̇асса вихаарасса бадиббассад̣̇д̇хияаа ад̇т̇ан̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘гин̃хи но сияаа, бханд̇з! ид̇ха маяам̣, бханд̇з, яаавад̣̇зва ааган̇каама вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихараама. зд̇асса, бханд̇з, вихаарасса самад̇иггамааяа зд̇асса вихаарасса бадиббассад̣̇д̇хияаа аяаман̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и.
‘‘Sādhu sādhu, anuruddhā! Etassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttarimanussadhammā alamariyañāṇadassanaviseso adhigato phāsuvihāro’’ti? ‘‘Kiñhi no siyā, bhante! Idha mayaṃ, bhante, yāvadeva ākaṅkhāma vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharāma. Etassa, bhante, vihārassa samatikkamāya etassa vihārassa paṭippassaddhiyā ayamañño uttarimanussadhammā alamariyañāṇadassanaviseso adhigato phāsuvihāro’’ti.
‘‘саад̇ху саад̇ху, ануруд̣̇д̇хаа! зд̇асса бана во, ануруд̣̇д̇хаа, вихаарасса самад̇иггамааяа зд̇асса вихаарасса бадиббассад̣̇д̇хияаа ад̇т̇ан̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘гин̃хи но сияаа, бханд̇з! ид̇ха маяам̣, бханд̇з, яаавад̣̇зва ааган̇каама бийд̇ияаа жа вирааг̇аа убзгкагаа жа вихараама, сад̇аа жа самбаж̇аанаа, сукан̃жа гааязна бадисам̣взд̣̇зма, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихараама. зд̇асса, бханд̇з, вихаарасса самад̇иггамааяа зд̇асса вихаарасса бадиббассад̣̇д̇хияаа аяаман̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и.
‘‘Sādhu sādhu, anuruddhā! Etassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttarimanussadhammā alamariyañāṇadassanaviseso adhigato phāsuvihāro’’ti? ‘‘Kiñhi no siyā, bhante! Idha mayaṃ, bhante, yāvadeva ākaṅkhāma pītiyā ca virāgā upekkhakā ca viharāma, satā ca sampajānā, sukhañca kāyena paṭisaṃvedema, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharāma. Etassa, bhante, vihārassa samatikkamāya etassa vihārassa paṭippassaddhiyā ayamañño uttarimanussadhammā alamariyañāṇadassanaviseso adhigato phāsuvihāro’’ti.
‘‘саад̇ху саад̇ху, ануруд̣̇д̇хаа! зд̇асса бана во, ануруд̣̇д̇хаа, вихаарасса самад̇иггамааяа зд̇асса вихаарасса бадиббассад̣̇д̇хияаа ад̇т̇ан̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и ? ‘‘гин̃хи но сияаа, бханд̇з! ид̇ха маяам̣, бханд̇з, яаавад̣̇зва ааган̇каама сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа, ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихараама. зд̇асса, бханд̇з, вихаарасса самад̇иггамааяа зд̇асса вихаарасса бадиббассад̣̇д̇хияаа аяаман̃н̃о уд̇д̇ари мануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и.
‘‘Sādhu sādhu, anuruddhā! Etassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttarimanussadhammā alamariyañāṇadassanaviseso adhigato phāsuvihāro’’ti ? ‘‘Kiñhi no siyā, bhante! Idha mayaṃ, bhante, yāvadeva ākaṅkhāma sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharāma. Etassa, bhante, vihārassa samatikkamāya etassa vihārassa paṭippassaddhiyā ayamañño uttari manussadhammā alamariyañāṇadassanaviseso adhigato phāsuvihāro’’ti.
‘‘саад̇ху саад̇ху, ануруд̣̇д̇хаа! зд̇асса бана во, ануруд̣̇д̇хаа, вихаарасса самад̇иггамааяа зд̇асса вихаарасса бадиббассад̣̇д̇хияаа ад̇т̇ан̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘гин̃хи но сияаа, бханд̇з! ид̇ха маяам̣, бханд̇з, яаавад̣̇зва ааган̇каама саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихараама. зд̇асса, бханд̇з, вихаарасса самад̇иггамааяа зд̇асса вихаарасса бадиббассад̣̇д̇хияаа аяаман̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и.
‘‘Sādhu sādhu, anuruddhā! Etassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttarimanussadhammā alamariyañāṇadassanaviseso adhigato phāsuvihāro’’ti? ‘‘Kiñhi no siyā, bhante! Idha mayaṃ, bhante, yāvadeva ākaṅkhāma sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharāma. Etassa, bhante, vihārassa samatikkamāya etassa vihārassa paṭippassaddhiyā ayamañño uttarimanussadhammā alamariyañāṇadassanaviseso adhigato phāsuvihāro’’ti.
‘‘саад̇ху саад̇ху, ануруд̣̇д̇хаа! зд̇асса бана во, ануруд̣̇д̇хаа, вихаарасса самад̇иггамааяа зд̇асса вихаарасса бадиббассад̣̇д̇хияаа ад̇т̇ан̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘гин̃хи но сияаа, бханд̇з! ид̇ха маяам̣, бханд̇з, яаавад̣̇зва ааган̇каама саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихараама…бз… саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихараама…бз… саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихараама. зд̇асса, бханд̇з, вихаарасса самад̇иггамааяа зд̇асса вихаарасса бадиббассад̣̇д̇хияаа аяаман̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и.
‘‘Sādhu sādhu, anuruddhā! Etassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttarimanussadhammā alamariyañāṇadassanaviseso adhigato phāsuvihāro’’ti? ‘‘Kiñhi no siyā, bhante! Idha mayaṃ, bhante, yāvadeva ākaṅkhāma sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharāma…pe… sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharāma…pe… sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharāma. Etassa, bhante, vihārassa samatikkamāya etassa vihārassa paṭippassaddhiyā ayamañño uttarimanussadhammā alamariyañāṇadassanaviseso adhigato phāsuvihāro’’ti.
329. ‘‘саад̇ху саад̇ху, ануруд̣̇д̇хаа! зд̇асса бана во, ануруд̣̇д̇хаа, вихаарасса самад̇иггамааяа зд̇асса вихаарасса бадиббассад̣̇д̇хияаа ад̇т̇ан̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро’’д̇и? ‘‘гин̃хи но сияаа, бханд̇з! ид̇ха маяам̣, бханд̇з, яаавад̣̇зва ааган̇каама саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихараама, бан̃н̃ааяа жа но д̣̇исваа аасаваа баригкийн̣аа. зд̇асса, бханд̇з, вихаарасса самад̇иггамааяа зд̇асса вихаарасса бадиббассад̣̇д̇хияаа аяаман̃н̃о уд̇д̇аримануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасувихааро. имамхаа жа маяам̣, бханд̇з, паасувихаараа ан̃н̃ам̣ паасувихаарам̣ уд̇д̇арид̇арам̣ ваа бан̣ийд̇ад̇арам̣ ваа на саманубассаамаа’’д̇и. ‘‘саад̇ху саад̇ху, ануруд̣̇д̇хаа! имамхаа паасувихаараа уд̇д̇арид̇аро ваа бан̣ийд̇ад̇аро ваа паасувихааро над̇т̇ий’’д̇и.
329. ‘‘Sādhu sādhu, anuruddhā! Etassa pana vo, anuruddhā, vihārassa samatikkamāya etassa vihārassa paṭippassaddhiyā atthañño uttarimanussadhammā alamariyañāṇadassanaviseso adhigato phāsuvihāro’’ti? ‘‘Kiñhi no siyā, bhante! Idha mayaṃ, bhante, yāvadeva ākaṅkhāma sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharāma, paññāya ca no disvā āsavā parikkhīṇā. Etassa, bhante, vihārassa samatikkamāya etassa vihārassa paṭippassaddhiyā ayamañño uttarimanussadhammā alamariyañāṇadassanaviseso adhigato phāsuvihāro. Imamhā ca mayaṃ, bhante, phāsuvihārā aññaṃ phāsuvihāraṃ uttaritaraṃ vā paṇītataraṃ vā na samanupassāmā’’ti. ‘‘Sādhu sādhu, anuruddhā! Imamhā phāsuvihārā uttaritaro vā paṇītataro vā phāsuvihāro natthī’’ti.
330. ат̇а ко бхаг̇аваа ааяасманд̇ан̃жа ануруд̣̇д̇хам̣ ааяасманд̇ан̃жа нанд̣̇ияам̣ ааяасманд̇ан̃жа гимилам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами. ат̇а ко ааяасмаа жа ануруд̣̇д̇хо ааяасмаа жа нанд̣̇ияо ааяасмаа жа гимило бхаг̇аванд̇ам̣ анусам̣яааяид̇ваа 5 д̇ад̇о бадинивад̇д̇ид̇ваа ааяасмаа жа нанд̣̇ияо ааяасмаа жа гимило ааяасманд̇ам̣ ануруд̣̇д̇хам̣ зд̇ад̣̇авожум̣ – ‘‘гим̣ ну ко маяам̣ ааяасмад̇о ануруд̣̇д̇хасса звамаарожимха – ‘имаасан̃жа имаасан̃жа вихаарасамаабад̇д̇ийнам̣ маяам̣ лаабхино’д̇и, яам̣ но ааяасмаа ануруд̣̇д̇хо бхаг̇авад̇о саммукаа яаава аасаваанам̣ каяаа багаасзд̇ий’’д̇и? ‘‘на ко мз ааяасманд̇о звамаарожзсум̣ – ‘имаасан̃жа имаасан̃жа вихаарасамаабад̇д̇ийнам̣ маяам̣ лаабхино’д̇и, аби жа мз ааяасманд̇аанам̣ жзд̇асаа жзд̇о барижжа вид̣̇ид̇о – ‘имаасан̃жа имаасан̃жа вихаарасамаабад̇д̇ийнам̣ имз ааяасманд̇о лаабхино’д̇и. д̣̇звад̇ааби мз зд̇амад̇т̇ам̣ аарожзсум̣ – ‘имаасан̃жа имаасан̃жа вихаарасамаабад̇д̇ийнам̣ имз ааяасманд̇о лаабхино’д̇и. д̇амзнам̣ бхаг̇авад̇аа бан̃хаабхибудтзна б̣яаагад̇а’’нд̇и.
330. Atha kho bhagavā āyasmantañca anuruddhaṃ āyasmantañca nandiyaṃ āyasmantañca kimilaṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi. Atha kho āyasmā ca anuruddho āyasmā ca nandiyo āyasmā ca kimilo bhagavantaṃ anusaṃyāyitvā 6 tato paṭinivattitvā āyasmā ca nandiyo āyasmā ca kimilo āyasmantaṃ anuruddhaṃ etadavocuṃ – ‘‘kiṃ nu kho mayaṃ āyasmato anuruddhassa evamārocimha – ‘imāsañca imāsañca vihārasamāpattīnaṃ mayaṃ lābhino’ti, yaṃ no āyasmā anuruddho bhagavato sammukhā yāva āsavānaṃ khayā pakāsetī’’ti? ‘‘Na kho me āyasmanto evamārocesuṃ – ‘imāsañca imāsañca vihārasamāpattīnaṃ mayaṃ lābhino’ti, api ca me āyasmantānaṃ cetasā ceto paricca vidito – ‘imāsañca imāsañca vihārasamāpattīnaṃ ime āyasmanto lābhino’ti. Devatāpi me etamatthaṃ ārocesuṃ – ‘imāsañca imāsañca vihārasamāpattīnaṃ ime āyasmanto lābhino’ti. Tamenaṃ bhagavatā pañhābhipuṭṭhena byākata’’nti.
331. ат̇а ко д̣̇ийгхо бараж̇ано яагко язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко д̣̇ийгхо бараж̇ано яагко бхаг̇аванд̇ам̣ зд̇ад̣̇авожа – ‘‘лаабхаа вад̇а, бханд̇з, важ̇ж̇ийнам̣, сулад̣̇д̇халаабхаа важ̇ж̇ибаж̇ааяа, яад̇т̇а д̇ат̇ааг̇ад̇о вихарад̇и арахам̣ саммаасамб̣уд̣̇д̇хо, имз жа д̇аяо гулабуд̇д̇аа – ааяасмаа жа ануруд̣̇д̇хо, ааяасмаа жа нанд̣̇ияо, ааяасмаа жа гимило’’д̇и. д̣̇ийгхасса бараж̇анасса яагкасса сад̣̇д̣̇ам̣ суд̇ваа бхуммаа д̣̇зваа сад̣̇д̣̇амануссаавзсум̣ – ‘лаабхаа вад̇а, бхо, важ̇ж̇ийнам̣, сулад̣̇д̇халаабхаа важ̇ж̇ибаж̇ааяа, яад̇т̇а д̇ат̇ааг̇ад̇о вихарад̇и арахам̣ саммаасамб̣уд̣̇д̇хо, имз жа д̇аяо гулабуд̇д̇аа – ааяасмаа жа ануруд̣̇д̇хо, ааяасмаа жа нанд̣̇ияо, ааяасмаа жа гимило’д̇и. бхуммаанам̣ д̣̇зваанам̣ сад̣̇д̣̇ам̣ суд̇ваа жаад̇умахаарааж̇игаа д̣̇зваа…бз… д̇аавад̇им̣саа д̣̇зваа…бз… яаамаа д̣̇зваа…бз… д̇усид̇аа д̣̇зваа…бз… ниммаанарад̇ий д̣̇зваа…бз… бараниммид̇авасавад̇д̇ий д̣̇зваа…бз… б̣рахмагааяигаа д̣̇зваа сад̣̇д̣̇амануссаавзсум̣ – ‘‘лаабхаа вад̇а, бхо, важ̇ж̇ийнам̣, сулад̣̇д̇халаабхаа важ̇ж̇ибаж̇ааяа, яад̇т̇а д̇ат̇ааг̇ад̇о вихарад̇и арахам̣ саммаасамб̣уд̣̇д̇хо, имз жа д̇аяо гулабуд̇д̇аа – ааяасмаа жа ануруд̣̇д̇хо, ааяасмаа жа нанд̣̇ияо, ааяасмаа жа гимило’’д̇и. ид̇иха д̇з ааяасманд̇о д̇зна кан̣зна (д̇зна лаязна) 7 д̇зна мухуд̇д̇зна яааваб̣рахмалогаа вид̣̇ид̇аа 8 ахзсум̣.
331. Atha kho dīgho parajano yakkho yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho dīgho parajano yakkho bhagavantaṃ etadavoca – ‘‘lābhā vata, bhante, vajjīnaṃ, suladdhalābhā vajjipajāya, yattha tathāgato viharati arahaṃ sammāsambuddho, ime ca tayo kulaputtā – āyasmā ca anuruddho, āyasmā ca nandiyo, āyasmā ca kimilo’’ti. Dīghassa parajanassa yakkhassa saddaṃ sutvā bhummā devā saddamanussāvesuṃ – ‘lābhā vata, bho, vajjīnaṃ, suladdhalābhā vajjipajāya, yattha tathāgato viharati arahaṃ sammāsambuddho, ime ca tayo kulaputtā – āyasmā ca anuruddho, āyasmā ca nandiyo, āyasmā ca kimilo’ti. Bhummānaṃ devānaṃ saddaṃ sutvā cātumahārājikā devā…pe… tāvatiṃsā devā…pe… yāmā devā…pe… tusitā devā…pe… nimmānaratī devā…pe… paranimmitavasavattī devā…pe… brahmakāyikā devā saddamanussāvesuṃ – ‘‘lābhā vata, bho, vajjīnaṃ, suladdhalābhā vajjipajāya, yattha tathāgato viharati arahaṃ sammāsambuddho, ime ca tayo kulaputtā – āyasmā ca anuruddho, āyasmā ca nandiyo, āyasmā ca kimilo’’ti. Itiha te āyasmanto tena khaṇena (tena layena) 9 tena muhuttena yāvabrahmalokā viditā 10 ahesuṃ.
‘‘звамзд̇ам̣, д̣̇ийгха, звамзд̇ам̣, д̣̇ийгха! яасмааби, д̣̇ийгха, гулаа зд̇з д̇аяо гулабуд̇д̇аа аг̇аарасмаа анаг̇аарияам̣ баб̣б̣аж̇ид̇аа, д̇ан̃жзби гулам̣ зд̇з д̇аяо гулабуд̇д̇з басаннажид̇д̇ам̣ ануссарзяяа, д̇ассабаасса гуласса д̣̇ийгхарад̇д̇ам̣ хид̇ааяа сукааяа. яасмааби, д̣̇ийгха, гулабариваддаа зд̇з д̇аяо гулабуд̇д̇аа аг̇аарасмаа анаг̇аарияам̣ баб̣б̣аж̇ид̇аа, со жзби гулабариваддо зд̇з д̇аяо гулабуд̇д̇з басаннажид̇д̇о ануссарзяяа, д̇ассабаасса гулабариваддасса д̣̇ийгхарад̇д̇ам̣ хид̇ааяа сукааяа. яасмааби, д̣̇ийгха, г̇аамаа зд̇з д̇аяо гулабуд̇д̇аа аг̇аарасмаа анаг̇аарияам̣ баб̣б̣аж̇ид̇аа, со жзби г̇аамо зд̇з д̇аяо гулабуд̇д̇з басаннажид̇д̇о ануссарзяяа, д̇ассабаасса г̇аамасса д̣̇ийгхарад̇д̇ам̣ хид̇ааяа сукааяа. яасмааби, д̣̇ийгха, ниг̇амаа зд̇з д̇аяо гулабуд̇д̇аа аг̇аарасмаа анаг̇аарияам̣ баб̣б̣аж̇ид̇аа, со жзби ниг̇амо зд̇з д̇аяо гулабуд̇д̇з басаннажид̇д̇о ануссарзяяа, д̇ассабаасса ниг̇амасса д̣̇ийгхарад̇д̇ам̣ хид̇ааяа сукааяа. яасмааби, д̣̇ийгха, наг̇араа зд̇з д̇аяо гулабуд̇д̇аа аг̇аарасмаа анаг̇аарияам̣ баб̣б̣аж̇ид̇аа, д̇ан̃жзби наг̇арам̣ зд̇з д̇аяо гулабуд̇д̇з басаннажид̇д̇ам̣ ануссарзяяа, д̇ассабаасса наг̇арасса д̣̇ийгхарад̇д̇ам̣ хид̇ааяа сукааяа. яасмааби, д̣̇ийгха, ж̇анабад̣̇аа зд̇з д̇аяо гулабуд̇д̇аа аг̇аарасмаа анаг̇аарияам̣ баб̣б̣аж̇ид̇аа, со жзби ж̇анабад̣̇о зд̇з д̇аяо гулабуд̇д̇з басаннажид̇д̇о ануссарзяяа, д̇ассабаасса ж̇анабад̣̇асса д̣̇ийгхарад̇д̇ам̣ хид̇ааяа сукааяа. саб̣б̣з жзби, д̣̇ийгха, кад̇д̇ияаа зд̇з д̇аяо гулабуд̇д̇з басаннажид̇д̇аа ануссарзяяум̣, саб̣б̣зсаанам̣баасса кад̇д̇ияаанам̣ д̣̇ийгхарад̇д̇ам̣ хид̇ааяа сукааяа. саб̣б̣з жзби, д̣̇ийгха, б̣раахман̣аа…бз… саб̣б̣з жзби, д̣̇ийгха, взссаа…бз… саб̣б̣з жзби, д̣̇ийгха, суд̣̇д̣̇аа зд̇з д̇аяо гулабуд̇д̇з басаннажид̇д̇аа ануссарзяяум̣, саб̣б̣зсаанам̣баасса суд̣̇д̣̇аанам̣ д̣̇ийгхарад̇д̇ам̣ хид̇ааяа сукааяа. сад̣̇зваго жзби, д̣̇ийгха, лого самаараго саб̣рахмаго сассаман̣аб̣раахман̣ий баж̇аа сад̣̇звамануссаа зд̇з д̇аяо гулабуд̇д̇з басаннажид̇д̇аа ануссарзяяа, сад̣̇звагассабаасса логасса самаарагасса саб̣рахмагасса сассаман̣аб̣раахман̣ияаа баж̇ааяа сад̣̇звамануссааяа д̣̇ийгхарад̇д̇ам̣ хид̇ааяа сукааяа. басса, д̣̇ийгха, яаава зд̇з д̇аяо гулабуд̇д̇аа б̣ахуж̇анахид̇ааяа бадибаннаа б̣ахуж̇анасукааяа логаанугамбааяа, ад̇т̇ааяа хид̇ааяа сукааяа д̣̇звамануссаана’’нд̇и.
‘‘Evametaṃ, dīgha, evametaṃ, dīgha! Yasmāpi, dīgha, kulā ete tayo kulaputtā agārasmā anagāriyaṃ pabbajitā, tañcepi kulaṃ ete tayo kulaputte pasannacittaṃ anussareyya, tassapāssa kulassa dīgharattaṃ hitāya sukhāya. Yasmāpi, dīgha, kulaparivaṭṭā ete tayo kulaputtā agārasmā anagāriyaṃ pabbajitā, so cepi kulaparivaṭṭo ete tayo kulaputte pasannacitto anussareyya, tassapāssa kulaparivaṭṭassa dīgharattaṃ hitāya sukhāya. Yasmāpi, dīgha, gāmā ete tayo kulaputtā agārasmā anagāriyaṃ pabbajitā, so cepi gāmo ete tayo kulaputte pasannacitto anussareyya, tassapāssa gāmassa dīgharattaṃ hitāya sukhāya. Yasmāpi, dīgha, nigamā ete tayo kulaputtā agārasmā anagāriyaṃ pabbajitā, so cepi nigamo ete tayo kulaputte pasannacitto anussareyya, tassapāssa nigamassa dīgharattaṃ hitāya sukhāya. Yasmāpi, dīgha, nagarā ete tayo kulaputtā agārasmā anagāriyaṃ pabbajitā, tañcepi nagaraṃ ete tayo kulaputte pasannacittaṃ anussareyya, tassapāssa nagarassa dīgharattaṃ hitāya sukhāya. Yasmāpi, dīgha, janapadā ete tayo kulaputtā agārasmā anagāriyaṃ pabbajitā, so cepi janapado ete tayo kulaputte pasannacitto anussareyya, tassapāssa janapadassa dīgharattaṃ hitāya sukhāya. Sabbe cepi, dīgha, khattiyā ete tayo kulaputte pasannacittā anussareyyuṃ, sabbesānaṃpāssa khattiyānaṃ dīgharattaṃ hitāya sukhāya. Sabbe cepi, dīgha, brāhmaṇā…pe… sabbe cepi, dīgha, vessā…pe… sabbe cepi, dīgha, suddā ete tayo kulaputte pasannacittā anussareyyuṃ, sabbesānaṃpāssa suddānaṃ dīgharattaṃ hitāya sukhāya. Sadevako cepi, dīgha, loko samārako sabrahmako sassamaṇabrāhmaṇī pajā sadevamanussā ete tayo kulaputte pasannacittā anussareyya, sadevakassapāssa lokassa samārakassa sabrahmakassa sassamaṇabrāhmaṇiyā pajāya sadevamanussāya dīgharattaṃ hitāya sukhāya. Passa, dīgha, yāva ete tayo kulaputtā bahujanahitāya paṭipannā bahujanasukhāya lokānukampāya, atthāya hitāya sukhāya devamanussāna’’nti.
ид̣̇амавожа бхаг̇аваа. ад̇д̇амано д̣̇ийгхо бараж̇ано яагко бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano dīgho parajano yakkho bhagavato bhāsitaṃ abhinandīti.
жуул̣аг̇осин̇г̇асуд̇д̇ам̣ нидтид̇ам̣ батамам̣.
Cūḷagosiṅgasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. жуул̣аг̇осин̇г̇асуд̇д̇аван̣н̣анаа • 1. Cūḷagosiṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. жуул̣аг̇осин̇г̇асуд̇д̇аван̣н̣анаа • 1. Cūḷagosiṅgasuttavaṇṇanā
