| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
3. жийваранид̣̇д̣̇зсаван̣н̣анаа
3. Cīvaraniddesavaṇṇanā
30. звам̣ г̇аругз сигкид̇аб̣б̣аагаарам̣ д̣̇ассзд̇ваа ид̣̇аани жийварзсу д̣̇ассзд̇ум̣ ‘‘жийвара’’нд̇и уд̣̇д̇хадам̣. д̇ад̇т̇а ж̇аад̇ид̇о ча жийвараани (махаава. 339; баараа. адта. 2.462-463; ган̇каа. адта. гат̇инасигкаабад̣̇аван̣н̣анаа), д̇аани гаанийд̇и жз, д̇ам̣ д̣̇ассзд̇ум̣ ‘‘комаа’’д̇иаад̣̇и аарад̣̇д̇хам̣. д̇ад̇т̇а комам̣ наама комаваагасуд̇д̇зхи гад̇ам̣ вад̇т̇ам̣. саан̣ам̣ наама саан̣аваагзхи гад̇ам̣ вад̇т̇ам̣. бхан̇г̇ам̣ наама комасуд̇д̇аад̣̇ийхи бан̃жахи миссзд̇ваа гад̇ам̣ вад̇т̇ам̣. баадзггам̣ ваагамаяамзва ваад̇и вад̣̇анд̇и. гамб̣алам̣ наама мануссаломам̣ ваал̣аломам̣ табзд̇ваа ломзхи вааяид̇ваа гад̇ам̣ вад̇т̇ам̣. чал̣зд̇аанийд̇и ча зд̇аани. саха ануломзхийд̇и саануломаани. ж̇аад̇ид̇о бана габбияаани ча жийвараанийд̇и вуд̇д̇ам̣ ход̇и.
30. Evaṃ garuke sikkhitabbākāraṃ dassetvā idāni cīvaresu dassetuṃ ‘‘cīvara’’nti uddhaṭaṃ. Tattha jātito cha cīvarāni (mahāva. 339; pārā. aṭṭha. 2.462-463; kaṅkhā. aṭṭha. kathinasikkhāpadavaṇṇanā), tāni kānīti ce, taṃ dassetuṃ ‘‘khomā’’tiādi āraddhaṃ. Tattha khomaṃ nāma khomavākasuttehi kataṃ vatthaṃ. Sāṇaṃ nāma sāṇavākehi kataṃ vatthaṃ. Bhaṅgaṃ nāma khomasuttādīhi pañcahi missetvā kataṃ vatthaṃ. Pāṭekkaṃ vākamayameva vāti vadanti. Kambalaṃ nāma manussalomaṃ vāḷalomaṃ ṭhapetvā lomehi vāyitvā kataṃ vatthaṃ. Chaḷetānīti cha etāni. Saha anulomehīti sānulomāni. Jātito pana kappiyāni cha cīvarānīti vuttaṃ hoti.
31. ид̣̇аани д̇зсам̣ ануломаани д̣̇ассзд̇ум̣ ‘‘д̣̇угуула’’нд̇иаад̣̇и вуд̇д̇ам̣. д̇ад̇т̇а (махаава. адта. 305) д̣̇угуулам̣ саан̣асса ануломам̣ ваагамаяад̇д̇аа. баддун̣н̣анд̇и баддун̣н̣ад̣̇зсз баан̣агзхи сан̃ж̇аад̇авад̇т̇ам̣. сомаарад̣̇зсз, жийнад̣̇зсз ж̇аад̇ам̣ сомааражийнаж̇ам̣ баданд̇и самб̣анд̇хо. имаани д̇ийн̣иби госзяяасса ануломаани баан̣агзхи гад̇асуд̇д̇амаяад̇д̇аа. ид̣̇д̇хиж̇анд̇и зхибхигкуунам̣ бун̃н̃ид̣̇д̇хияаа ниб̣б̣ад̇д̇ажийварам̣. д̇ам̣ бана комаад̣̇ийнам̣ ан̃н̃ад̇арам̣ ход̇и. габбаругкзхи ниб̣б̣ад̇д̇ам̣ ж̇аалинияаа д̣̇зваган̃н̃ааяа ануруд̣̇д̇хад̇т̇зрасса д̣̇иннавад̇т̇аад̣̇игам̣ д̣̇звад̣̇иннам̣. д̇амби комаад̣̇ийхи ниб̣б̣ад̇д̇авад̇т̇асад̣̇исад̇д̇аа чаннамби ануломам̣ ход̇иязва габбаасигасса ваа, ид̣̇д̇хиж̇амби д̇ат̇зва взд̣̇ид̇аб̣б̣ам̣. д̇асса д̇ассаад̇и комаад̣̇игасса. ануломиганд̇и ануруубам̣.
31. Idāni tesaṃ anulomāni dassetuṃ ‘‘dukūla’’ntiādi vuttaṃ. Tattha (mahāva. aṭṭha. 305) dukūlaṃ sāṇassa anulomaṃ vākamayattā. Paṭṭuṇṇanti paṭṭuṇṇadese pāṇakehi sañjātavatthaṃ. Somāradese, cīnadese jātaṃ somāracīnajaṃ paṭanti sambandho. Imāni tīṇipi koseyyassa anulomāni pāṇakehi katasuttamayattā. Iddhijanti ehibhikkhūnaṃ puññiddhiyā nibbattacīvaraṃ. Taṃ pana khomādīnaṃ aññataraṃ hoti. Kapparukkhehi nibbattaṃ jāliniyā devakaññāya anuruddhattherassa dinnavatthādikaṃ devadinnaṃ. Tampi khomādīhi nibbattavatthasadisattā channampi anulomaṃ hotiyeva kappāsikassa vā, iddhijampi tatheva veditabbaṃ. Tassa tassāti khomādikassa. Anulomikanti anurūpaṃ.
32-33. звам̣ ж̇аад̇ид̇о саануломаани ча жийвараани д̣̇ассзд̇ваа ид̣̇аани д̇зсу ад̇хидтаанаад̣̇игам̣ вид̇хаанам̣ д̣̇ассзд̇ум̣ ‘‘д̇ижийвара’’нд̇иаад̣̇и вуд̇д̇ам̣. зд̇т̇а (ган̇каа. адта. гат̇инасигакаабад̣̇аван̣н̣анаа; махаава. 358) д̇хидтаанад̇о буб̣б̣з д̇ижийварам̣ наама баадзггам̣ над̇т̇и сан̇гхаадиаад̣̇иббахонагасса бажжад̇т̇аран̣аад̣̇ивасзнааби ад̇хидтаад̇ум̣ анун̃н̃аад̇ад̇д̇аа. д̇асмаа ‘‘д̇ижийварам̣ ад̇хидтзяяа на вигаббзяяаа’’д̇и зд̇т̇а ‘‘имам̣ сан̇гхаади’’нд̇и звам̣ наамз г̇ахид̇з ‘‘ад̇хидтаана’’мижжзва вад̇д̇аб̣б̣ам̣, ‘‘вигаббзмий’’д̇и бана на вад̇д̇аб̣б̣анд̇и ад̇хиббааяо. звам̣ сзсзсуби. мукабун̃чанан̃жа нисийд̣̇анан̃жа мукабун̃чананисийд̣̇анам̣. ган̣д̣ужчаад̣̇инд̇и ган̣д̣уббадижчаад̣̇им̣ ад̇хидтзяяа, на вигаббзяяаад̇и самб̣анд̇хо. зд̇т̇аад̇и имзсу навасу жийварзсу. д̇ижийваранд̇и д̇ижийвараад̇хидтаананаязна ад̇хидтид̇ад̇ижийварам̣. винаа алад̣̇д̇хасаммуд̇иго бхигку авиббаваасасаммуд̇иалад̣̇д̇хадтаанз згаахамби хад̇т̇абаасам̣ виж̇ахид̇ваа на васзяяаад̇и ад̇т̇о. ‘‘на бхигкавз жаад̇умаасам̣ нисийд̣̇анзна виббавасид̇аб̣б̣ам̣, яо виббавасзяяа, аабад̇д̇и д̣̇уггадассаа’’д̇и куд̣̇д̣̇агагканд̇хагз (жуул̣ава. 263) вуд̇д̇ад̇д̇аа жаад̇умаасам̣ нисийд̣̇анам̣ винаа на васзяяаад̇и ад̇т̇о.
32-33. Evaṃ jātito sānulomāni cha cīvarāni dassetvā idāni tesu adhiṭṭhānādikaṃ vidhānaṃ dassetuṃ ‘‘ticīvara’’ntiādi vuttaṃ. Ettha (kaṅkhā. aṭṭha. kathinasikakhāpadavaṇṇanā; mahāva. 358) dhiṭṭhānato pubbe ticīvaraṃ nāma pāṭekkaṃ natthi saṅghāṭiādippahonakassa paccattharaṇādivasenāpi adhiṭṭhātuṃ anuññātattā. Tasmā ‘‘ticīvaraṃ adhiṭṭheyya na vikappeyyā’’ti ettha ‘‘imaṃ saṅghāṭi’’nti evaṃ nāme gahite ‘‘adhiṭṭhāna’’micceva vattabbaṃ, ‘‘vikappemī’’ti pana na vattabbanti adhippāyo. Evaṃ sesesupi. Mukhapuñchanañca nisīdanañca mukhapuñchananisīdanaṃ. Kaṇḍucchādinti kaṇḍuppaṭicchādiṃ adhiṭṭheyya, na vikappeyyāti sambandho. Etthāti imesu navasu cīvaresu. Ticīvaranti ticīvarādhiṭṭhānanayena adhiṭṭhitaticīvaraṃ. Vinā aladdhasammutiko bhikkhu avippavāsasammutialaddhaṭṭhāne ekāhampi hatthapāsaṃ vijahitvā na vaseyyāti attho. ‘‘Na bhikkhave cātumāsaṃ nisīdanena vippavasitabbaṃ, yo vippavaseyya, āpatti dukkaṭassā’’ti khuddakakkhandhake (cūḷava. 263) vuttattā cātumāsaṃ nisīdanaṃ vinā na vaseyyāti attho.
34. ид̣̇аани ад̇хидтаанавид̇хим̣ д̣̇ассзд̇ум̣ ‘‘имам̣ сан̇гхаади’’нд̇иаад̣̇и вуд̇д̇ам̣. д̇ад̇т̇а мижжад̇хидтаязд̇и ид̇и ад̇хидтаяз, ‘‘имам̣ сан̇гхаадим̣ ад̇хидтаамий’’д̇и звам̣ сан̇гхаадим̣ ад̇хидтаязд̇и ад̇т̇о. ахад̇т̇абаасамзд̇анд̇и д̣̇уурз тид̇ам̣ бана табид̇огаасам̣ саллагкзд̇ваа сажз згам̣, ‘‘зд̇а’’нд̇и, б̣ахууни жз, ‘‘зд̇ааний’’д̇и вад̇ваа ад̇хидтаязд̇и ад̇т̇асамб̣анд̇хо. сзсзсуби аяам̣ наяод̇и яат̇аа ‘‘имам̣ сан̇гхаадим̣ ад̇хидтаамий’’д̇и вуд̇д̇ам̣, звам̣ ‘‘имам̣ уд̇д̇араасан̇г̇ам̣, имам̣ ган̣д̣уббадижчаад̣̇им̣ ад̇хидтаамий’’д̇и звам̣ ад̇д̇ано наамзнзва вад̇ваа саммукааби бараммукааби вуд̇д̇анаязна ад̇хидтаад̇аб̣б̣анд̇и вуд̇д̇ам̣ ход̇и.
34. Idāni adhiṭṭhānavidhiṃ dassetuṃ ‘‘imaṃ saṅghāṭi’’ntiādi vuttaṃ. Tattha miccadhiṭṭhayeti iti adhiṭṭhaye, ‘‘imaṃ saṅghāṭiṃ adhiṭṭhāmī’’ti evaṃ saṅghāṭiṃ adhiṭṭhayeti attho. Ahatthapāsametanti dūre ṭhitaṃ pana ṭhapitokāsaṃ sallakkhetvā sace ekaṃ, ‘‘eta’’nti, bahūni ce, ‘‘etānī’’ti vatvā adhiṭṭhayeti atthasambandho. Sesesupi ayaṃ nayoti yathā ‘‘imaṃ saṅghāṭiṃ adhiṭṭhāmī’’ti vuttaṃ, evaṃ ‘‘imaṃ uttarāsaṅgaṃ, imaṃ kaṇḍuppaṭicchādiṃ adhiṭṭhāmī’’ti evaṃ attano nāmeneva vatvā sammukhāpi parammukhāpi vuttanayena adhiṭṭhātabbanti vuttaṃ hoti.
35. ид̣̇аани сажз буб̣б̣з ад̇хидтид̇ам̣ д̇ижийварам̣ нисийд̣̇анам̣ вассигасаадигам̣ ган̣д̣уббадижчаад̣̇ийд̇и имзсу часу жийварзсу ан̃н̃ад̇арам̣ жийварам̣ ад̇т̇и, буна д̇ат̇аавид̇хам̣ жийварам̣ ад̇хидтахид̇ваа барихарид̇ум̣ ижчанд̇зна ‘‘д̣̇вз бана на вадданд̇ий’’д̇и (баараа. адта. 2.469; ган̇каа. адта. гат̇инасигкаабад̣̇аван̣н̣анаа) вуд̇д̇ад̇д̇аа буб̣б̣з ад̇хидтид̇ам̣ бажжуд̣̇д̇харид̇ваа ад̇хидтаад̇аб̣б̣анд̇и д̣̇ассзд̇ум̣ ‘‘ад̇хидтаханд̇о’’д̇иаад̣̇и вуд̇д̇ам̣, д̇ам̣ уд̇д̇аанамзва. бад̇д̇аад̇хидтаханз д̇ат̇аад̇и ‘‘имам̣ бад̇д̇ам̣, зд̇ам̣ бад̇д̇а’’нд̇и звам̣ наамамад̇д̇амзва висзсо. сзсам̣ д̇аад̣̇исамзваад̇и ад̇т̇о.
35. Idāni sace pubbe adhiṭṭhitaṃ ticīvaraṃ nisīdanaṃ vassikasāṭikaṃ kaṇḍuppaṭicchādīti imesu chasu cīvaresu aññataraṃ cīvaraṃ atthi, puna tathāvidhaṃ cīvaraṃ adhiṭṭhahitvā pariharituṃ icchantena ‘‘dve pana na vaṭṭantī’’ti (pārā. aṭṭha. 2.469; kaṅkhā. aṭṭha. kathinasikkhāpadavaṇṇanā) vuttattā pubbe adhiṭṭhitaṃ paccuddharitvā adhiṭṭhātabbanti dassetuṃ ‘‘adhiṭṭhahanto’’tiādi vuttaṃ, taṃ uttānameva. Pattādhiṭṭhahane tathāti ‘‘imaṃ pattaṃ, etaṃ patta’’nti evaṃ nāmamattameva viseso. Sesaṃ tādisamevāti attho.
36. зд̇ам̣ имам̣ ва сан̇гхаадим̣ сам̣сзд̇и зд̇т̇а сажз анд̇ог̇аб̣бхз ваа сааманд̇авихаарз ваа ход̇и, табид̇адтаанам̣ саллагкзд̇ваа ‘‘зд̇ам̣ сан̇гхаадим̣ ад̇хидтаамий’’д̇и ваажаа бхинд̣̇ид̇аб̣б̣аа, сажз хад̇т̇абаасз ход̇и, ‘‘имам̣ сан̇гхаади’’нд̇и д̇зсам̣ д̇зсам̣ наамавасзна ваажаа бхинд̣̇ид̇аб̣б̣аад̇и ад̇т̇о. бажжуд̣̇д̇хаарзби зсзва наяо. зд̇т̇а бана ‘‘д̣̇вз жийварасса ад̇хидтаанаа гааязна ваа ад̇хидтзд̇и, ваажааяа ваа ад̇хидтзд̇ий’’д̇и (бари. 322) вуд̇д̇ад̇д̇аа сан̇гхаадиаад̣̇игам̣ хад̇т̇зна г̇ахзд̇ваа ‘‘имам̣ сан̇гхаадим̣ ад̇хидтаамий’’д̇иаад̣̇инаа наязна жид̇д̇зна аабхог̇ам̣ гад̇ваа гааяавигаарам̣ гаронд̇зна гааязна ад̇хидтаад̇аб̣б̣ам̣, язна гзнажи сарийрааваяавзна апусанд̇асса на ваддад̇и. ваажааяа ад̇хидтаханд̇зна важийбхзд̣̇ам̣ гад̇ваава ад̇хидтаад̇аб̣б̣ам̣. д̇ат̇аа бад̇д̇зби. вид̣̇ууд̇и бан̣д̣ид̇о.
36.Etaṃ imaṃ va saṅghāṭiṃ saṃseti ettha sace antogabbhe vā sāmantavihāre vā hoti, ṭhapitaṭṭhānaṃ sallakkhetvā ‘‘etaṃ saṅghāṭiṃ adhiṭṭhāmī’’ti vācā bhinditabbā, sace hatthapāse hoti, ‘‘imaṃ saṅghāṭi’’nti tesaṃ tesaṃ nāmavasena vācā bhinditabbāti attho. Paccuddhārepi eseva nayo. Ettha pana ‘‘dve cīvarassa adhiṭṭhānā kāyena vā adhiṭṭheti, vācāya vā adhiṭṭhetī’’ti (pari. 322) vuttattā saṅghāṭiādikaṃ hatthena gahetvā ‘‘imaṃ saṅghāṭiṃ adhiṭṭhāmī’’tiādinā nayena cittena ābhogaṃ katvā kāyavikāraṃ karontena kāyena adhiṭṭhātabbaṃ, yena kenaci sarīrāvayavena aphusantassa na vaṭṭati. Vācāya adhiṭṭhahantena vacībhedaṃ katvāva adhiṭṭhātabbaṃ. Tathā pattepi. Vidūti paṇḍito.
37-8. ид̣̇аани д̇зсам̣ бамаан̣абарижчзд̣̇ам̣ д̣̇ассзд̇ум̣ ‘‘сан̇гхаади бажчиманд̇знаа’’д̇иаад̣̇и вуд̇д̇ам̣. д̇ад̇т̇а д̣̇ийгхад̇о мудтибан̃жагад̇о (баараа. адта. 2.469; ган̇каа. адта. гат̇инасигкаабад̣̇аван̣н̣анаа) бадтааяа ‘‘д̇ад̇рид̣̇ам̣ суг̇ад̇асса суг̇ад̇ажийвараббамаан̣ам̣, д̣̇ийгхасо нава вид̣̇ад̇т̇ияо суг̇ад̇авид̣̇ад̇т̇ияаа, д̇ирияам̣ ча вид̣̇ад̇т̇ияо’’д̇и (баажи. 548) звам̣ вуд̇д̇асуг̇ад̇ажийваруунааби ваддад̇и. д̇ирияам̣ бана мудтид̇д̇игам̣. жа-сад̣̇д̣̇зна ад̇ирзгамби ваддад̇ийд̇и ад̇т̇о. уд̇д̇араасан̇г̇ассаби зд̇ад̣̇зва бамаан̣анд̇и д̇ам̣ д̣̇ассзд̇ум̣ ‘‘д̇ат̇аа згам̣сигассаабий’’д̇и вуд̇д̇ам̣. анд̇араваасагасса бана ‘‘баарубанзнаби хи саггаа наабхим̣ бадижчаад̣̇зд̇у’’нд̇и (баараа. адта. 2.469) адтагат̇ааважанад̇о ‘‘д̣̇вихад̇т̇о ваа’’д̇и вуд̇д̇ам̣.
37-8. Idāni tesaṃ pamāṇaparicchedaṃ dassetuṃ ‘‘saṅghāṭi pacchimantenā’’tiādi vuttaṃ. Tattha dīghato muṭṭhipañcakato (pārā. aṭṭha. 2.469; kaṅkhā. aṭṭha. kathinasikkhāpadavaṇṇanā) paṭṭhāya ‘‘tatridaṃ sugatassa sugatacīvarappamāṇaṃ, dīghaso nava vidatthiyo sugatavidatthiyā, tiriyaṃ cha vidatthiyo’’ti (pāci. 548) evaṃ vuttasugatacīvarūnāpi vaṭṭati. Tiriyaṃ pana muṭṭhittikaṃ. Ca-saddena atirekampi vaṭṭatīti attho. Uttarāsaṅgassapi etadeva pamāṇanti taṃ dassetuṃ ‘‘tathā ekaṃsikassāpī’’ti vuttaṃ. Antaravāsakassa pana ‘‘pārupanenapi hi sakkā nābhiṃ paṭicchādetu’’nti (pārā. aṭṭha. 2.469) aṭṭhakathāvacanato ‘‘dvihattho vā’’ti vuttaṃ.
39. нисийд̣̇анасса д̣̇ийгхзнаад̇и зд̇т̇а (баажи. 531 аад̣̇аяо; баажи. адта. 531; ган̇каа. адта. нисийд̣̇анасигкаабад̣̇аван̣н̣анаа) нисийд̣̇ананд̇и сант̇ад̇асад̣̇исам̣ сант̇арид̇ваа згасмим̣ анд̇з вуд̇д̇аббамаан̣зна д̣̇вийсу таанзсу паалзд̇ваа гад̇аахи д̇ийхи д̣̇асаахи яуд̇д̇асса баригкаарассзд̇ам̣ наамам̣.
39.Nisīdanassadīghenāti ettha (pāci. 531 ādayo; pāci. aṭṭha. 531; kaṅkhā. aṭṭha. nisīdanasikkhāpadavaṇṇanā) nisīdananti santhatasadisaṃ santharitvā ekasmiṃ ante vuttappamāṇena dvīsu ṭhānesu phāletvā katāhi tīhi dasāhi yuttassa parikkhārassetaṃ nāmaṃ.
40. ган̣д̣уббадижчаад̣̇и (баажи. 538; махаава. 354; баажи. адта. 537; ган̇каа. адта. ган̣д̣уббадижчаад̣̇исигкаабад̣̇аван̣н̣анаа) наама яасса ад̇хонаабхиуб̣бхаж̇аан̣уман̣д̣алам̣ ган̣д̣у ваа бил̣агаа ваа ассааво ваа т̇уллагажчу ваа ааб̣аад̇хо, д̇асса бадижчаад̣̇анад̇т̇ааяа анун̃н̃аад̇ам̣ жийварам̣. г̇аат̇ааяо сувин̃н̃зяяаава.
40.Kaṇḍuppaṭicchādi (pāci. 538; mahāva. 354; pāci. aṭṭha. 537; kaṅkhā. aṭṭha. kaṇḍuppaṭicchādisikkhāpadavaṇṇanā) nāma yassa adhonābhiubbhajāṇumaṇḍalaṃ kaṇḍu vā piḷakā vā assāvo vā thullakacchu vā ābādho, tassa paṭicchādanatthāya anuññātaṃ cīvaraṃ. Gāthāyo suviññeyyāva.
41. ад̣дхад̇зяяааваад̇и (баажи. 544) зд̇т̇а д̇ад̇о уд̣̇д̇хам̣ на ваддад̇ийд̇и ад̇т̇о.
41.Aḍḍhateyyāvāti (pāci. 544) ettha tato uddhaṃ na vaṭṭatīti attho.
42. зд̇т̇аад̇и сан̇гхаадид̇о бадтааяа яаава вассигасаадигаа, д̇аава д̣̇ассид̇ажийварзсууд̇и ад̇т̇о. д̇ад̣̇уд̇д̇аринд̇и д̇ад̇о д̇зсам̣ жийвараанам̣ вуд̇д̇аббамаан̣ад̇о уд̇д̇арим̣ гаронд̇асса чзд̣̇анабаажид̇д̇и ход̇ийд̇и баатасзсо, д̇ам̣ ад̇ирзгам̣ чинд̣̇ид̇ваа буна баажид̇д̇ияам̣ д̣̇зсзд̇аб̣б̣анд̇и ад̇т̇о. бажжад̇т̇аран̣амукажол̣аад̇и зд̇т̇а ‘‘ануж̇аанаами, бхигкавз, яаава маханд̇ам̣ бажжад̇т̇аран̣ам̣ ааган̇кад̇и, д̇аава маханд̇ам̣ бажжад̇т̇аран̣ам̣ гаад̇у’’нд̇и (махаава. 353) вуд̇д̇ад̇д̇аа бажжад̇т̇аран̣асса бамаан̣абарижчзд̣̇о над̇т̇и,. мукабун̃чанажол̣асса бана уггадтавасзна ваа анд̇имавасзна ваа бамаан̣абарижчзд̣̇о на вуд̇д̇о, д̇асмаа д̇амби аббамаан̣игам̣. д̇зна вуд̇д̇ам̣ ‘‘ааган̇кид̇аббамаан̣игаа’’д̇и, ижчид̇аббамаан̣игаад̇и ад̇т̇о. яаава згам̣ д̇ховийяад̇и, д̇аава ан̃н̃ам̣ барибхог̇ад̇т̇ааяа ижчид̇аб̣б̣анд̇и д̣̇взби вадданд̇и.
42.Etthāti saṅghāṭito paṭṭhāya yāva vassikasāṭikā, tāva dassitacīvaresūti attho. Taduttarinti tato tesaṃ cīvarānaṃ vuttappamāṇato uttariṃ karontassa chedanapācitti hotīti pāṭhaseso, taṃ atirekaṃ chinditvā puna pācittiyaṃ desetabbanti attho. Paccattharaṇamukhacoḷāti ettha ‘‘anujānāmi, bhikkhave, yāva mahantaṃ paccattharaṇaṃ ākaṅkhati, tāva mahantaṃ paccattharaṇaṃ kātu’’nti (mahāva. 353) vuttattā paccattharaṇassa pamāṇaparicchedo natthi,. Mukhapuñchanacoḷassa pana ukkaṭṭhavasena vā antimavasena vā pamāṇaparicchedo na vutto, tasmā tampi appamāṇikaṃ. Tena vuttaṃ ‘‘ākaṅkhitappamāṇikā’’ti, icchitappamāṇikāti attho. Yāva ekaṃ dhovīyati, tāva aññaṃ paribhogatthāya icchitabbanti dvepi vaṭṭanti.
43. на д̣̇ийбид̇анд̇и гад̇т̇а на д̣̇ийбид̇ам̣? адтагат̇аасу. гасмаад̇и жз? ‘‘д̇зна ко бана самаязна бхигкуунам̣ барибун̣н̣ам̣ ход̇и д̇ижийварам̣, ад̇т̇о жа ход̇и бариссааванзхиби т̇авигаахиби. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, баригкааражол̣ага’’нд̇и (махаава. 357) б̣ахуунам̣ бад̇д̇ат̇авигабариссааванаад̣̇ийнам̣ сан̇г̇ахавасзна вуд̇д̇ад̇д̇аа баадзггам̣ нид̇хаанамуканд̇и. яасмаа бана бхаг̇авад̇аа ‘‘яам̣ яам̣ лаб̣бхад̇и, д̇ам̣ д̇ам̣ иминаа вид̇хаанзна ад̇хидтахид̇ваа буна язна язна бариссааванаад̣̇инаа ад̇т̇о ход̇и, д̇ам̣ д̇ам̣ гад̇ваа г̇ан̣ханд̇уу’’д̇и анугамбааяа анун̃н̃аад̇ам̣, д̇асмаа вигаббанубаг̇абажчимажийвараббамаан̣ам̣ т̇авигамби бадабариссааванамби б̣ахууниби згад̇о гад̇ваа ‘‘имаани жийвараани баригкааражол̣аани ад̇хидтаамий’’д̇и вад̇ваа ад̇хидтаад̇умби ваддад̇иязва. д̇асмаа вуд̇д̇ам̣ ‘‘д̇ат̇аа вад̇ваа’’д̇и, ‘‘баригкааражол̣а’’нд̇и вад̇ваад̇и ад̇т̇о. вигаббияанд̇и вигаббанубаг̇ам̣.
43.Nadīpitanti kattha na dīpitaṃ? Aṭṭhakathāsu. Kasmāti ce? ‘‘Tena kho pana samayena bhikkhūnaṃ paripuṇṇaṃ hoti ticīvaraṃ, attho ca hoti parissāvanehipi thavikāhipi. Bhagavato etamatthaṃ ārocesuṃ. Anujānāmi, bhikkhave, parikkhāracoḷaka’’nti (mahāva. 357) bahūnaṃ pattathavikaparissāvanādīnaṃ saṅgahavasena vuttattā pāṭekkaṃ nidhānamukhanti. Yasmā pana bhagavatā ‘‘yaṃ yaṃ labbhati, taṃ taṃ iminā vidhānena adhiṭṭhahitvā puna yena yena parissāvanādinā attho hoti, taṃ taṃ katvā gaṇhantū’’ti anukampāya anuññātaṃ, tasmā vikappanupagapacchimacīvarappamāṇaṃ thavikampi paṭaparissāvanampi bahūnipi ekato katvā ‘‘imāni cīvarāni parikkhāracoḷāni adhiṭṭhāmī’’ti vatvā adhiṭṭhātumpi vaṭṭatiyeva. Tasmā vuttaṃ ‘‘tathā vatvā’’ti, ‘‘parikkhāracoḷa’’nti vatvāti attho. Vikappiyanti vikappanupagaṃ.
44. ахад̇агаббаананд̇и (махаава. 348) згаваарам̣ д̇ховид̇агаанам̣.
44.Ahatakappānanti (mahāva. 348) ekavāraṃ dhovitakānaṃ.
45. уд̇уд̣̇д̇хадаананд̇и уд̇уд̇о д̣̇ийгхагаалад̇о уд̣̇д̇хадаанам̣, гад̇авад̇т̇агижжаанам̣ билод̇игаананд̇и вуд̇д̇ам̣ ход̇и. сзсаад̇и уд̇д̇араасан̇г̇аанд̇араваасагаа. бам̣су вияа гужчид̇абхаавам̣ бадиггуулабхаавам̣ улад̇и г̇ажчад̇ийд̇и бам̣сугуулам̣, жол̣акан̣д̣аанамзд̇ам̣ наамам̣, д̇асмим̣ бам̣сугуулз яат̇ааружийд̇и ад̇т̇о. гасмаад̇и жз? ‘‘ануж̇аанаами, бхигкавз, ахад̇аанам̣ д̣̇уссаанам̣ ахад̇агаббаанам̣ д̣̇иг̇ун̣ам̣ сан̇гхаадим̣ згажжияам̣ уд̇д̇араасан̇г̇ам̣ згажжияам̣ анд̇араваасагам̣, уд̇уд̣̇д̇хадаанам̣ д̣̇уссаанам̣ жад̇уг̇г̇ун̣ам̣ сан̇гхаадим̣ д̣̇иг̇ун̣ам̣ уд̇д̇араасан̇г̇ам̣ д̣̇иг̇ун̣ам̣ анд̇араваасагам̣, бам̣сугуулз яаавад̣̇ад̇т̇ам̣, баабан̣игз уссаахо гаран̣ийяо’’д̇и вуд̇д̇ад̇д̇аа, д̇асмаа сусаанаад̣̇ийсу бад̇ид̇абам̣сугуулз жа анд̇араабан̣з бад̇ид̇абилод̇игажийварз жа бадабарижчзд̣̇о над̇т̇и, бадасад̇амби ваддад̇ийд̇и сид̣̇д̇хам̣.
45.Utuddhaṭānanti ututo dīghakālato uddhaṭānaṃ, katavatthakiccānaṃ pilotikānanti vuttaṃ hoti. Sesāti uttarāsaṅgaantaravāsakā. Paṃsu viya kucchitabhāvaṃ paṭikkūlabhāvaṃ ulati gacchatīti paṃsukūlaṃ, coḷakhaṇḍānametaṃ nāmaṃ, tasmiṃ paṃsukūle yathārucīti attho. Kasmāti ce? ‘‘Anujānāmi, bhikkhave, ahatānaṃ dussānaṃ ahatakappānaṃ diguṇaṃ saṅghāṭiṃ ekacciyaṃ uttarāsaṅgaṃ ekacciyaṃ antaravāsakaṃ, utuddhaṭānaṃ dussānaṃ catugguṇaṃ saṅghāṭiṃ diguṇaṃ uttarāsaṅgaṃ diguṇaṃ antaravāsakaṃ, paṃsukūle yāvadatthaṃ, pāpaṇike ussāho karaṇīyo’’ti vuttattā, tasmā susānādīsu patitapaṃsukūle ca antarāpaṇe patitapilotikacīvare ca paṭaparicchedo natthi, paṭasatampi vaṭṭatīti siddhaṃ.
46. ид̣̇аани ‘‘ануж̇аанаами, бхигкавз, чиннагам̣ сан̇гхаадим̣ чиннагам̣ уд̇д̇араасан̇г̇ам̣ чиннагам̣ анд̇араваасага’’нд̇и (махаава. 345) вад̇ваа буна ‘‘д̇зна ко бана самаязна ан̃н̃ад̇арасса бхигкуно д̇ижийварз гаяирамаанз саб̣б̣ам̣ чиннагам̣ наббаход̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇вз чиннагаани згам̣ ажчиннаганд̇и. д̣̇вз чиннагаани згам̣ ажчиннагам̣ наббаход̇и. ануж̇аанаами, бхигкавз, д̣̇вз ажчиннагаани згам̣ чиннаганд̇и. згам̣ чиннагам̣ наббаход̇и. ануж̇аанаами, бхигкавз, анваад̇хигамби ааробзд̇ум̣. на жа, бхигкавз, саб̣б̣ам̣ ажчиннагам̣ д̇хаарзд̇аб̣б̣ам̣, яо д̇хаарзяяа, аабад̇д̇и д̣̇уггадассаа’’д̇и (махаава. 360) звам̣ вуд̇д̇авид̇хаанам̣ д̣̇ассзд̇ум̣ ‘‘д̇ийсуу’’д̇иаад̣̇и аарад̣̇д̇хам̣. д̇асса ад̇т̇о – д̇ийсу жийварзсу яам̣ чинд̣̇ид̇ваа сиб̣б̣ид̇ум̣ саб̣б̣абажчимаббамаан̣ам̣ баход̇и, д̇ам̣ чинд̣̇ид̇аб̣б̣ам̣. саб̣б̣зсу бана аббахонд̇зсу анваад̇хигам̣ аад̣̇иязяяаад̇и. д̇ад̇т̇а анваад̇хи наама ануваад̇ам̣ вияа сам̣харид̇ваа жийварасса убари сан̇гхаадиаагаарзна ааробзд̇аб̣б̣ам̣. ааг̇анд̇угабад̇д̇анд̇иби вад̣̇анд̇и. ид̣̇ам̣ бана аббахонагз анун̃н̃аад̇ам̣. сажз баход̇и, на вадданд̇и, чинд̣̇ид̇аб̣б̣амзва. анаад̣̇ин̣н̣анд̇и анааробид̇ам̣ анваад̇хигам̣. на д̇хаарзяяаад̇и д̇ижийвараад̇хидтаанавасзна ад̇хидтахид̇ваа на д̇хаарзд̇аб̣б̣анд̇и ад̇хиббааяо.
46. Idāni ‘‘anujānāmi, bhikkhave, chinnakaṃ saṅghāṭiṃ chinnakaṃ uttarāsaṅgaṃ chinnakaṃ antaravāsaka’’nti (mahāva. 345) vatvā puna ‘‘tena kho pana samayena aññatarassa bhikkhuno ticīvare kayiramāne sabbaṃ chinnakaṃ nappahoti. Bhagavato etamatthaṃ ārocesuṃ. Anujānāmi, bhikkhave, dve chinnakāni ekaṃ acchinnakanti. Dve chinnakāni ekaṃ acchinnakaṃ nappahoti. Anujānāmi, bhikkhave, dve acchinnakāni ekaṃ chinnakanti. Ekaṃ chinnakaṃ nappahoti. Anujānāmi, bhikkhave, anvādhikampi āropetuṃ. Na ca, bhikkhave, sabbaṃ acchinnakaṃ dhāretabbaṃ, yo dhāreyya, āpatti dukkaṭassā’’ti (mahāva. 360) evaṃ vuttavidhānaṃ dassetuṃ ‘‘tīsū’’tiādi āraddhaṃ. Tassa attho – tīsu cīvaresu yaṃ chinditvā sibbituṃ sabbapacchimappamāṇaṃ pahoti, taṃ chinditabbaṃ. Sabbesu pana appahontesu anvādhikaṃ ādiyeyyāti. Tattha anvādhi nāma anuvātaṃ viya saṃharitvā cīvarassa upari saṅghāṭiākārena āropetabbaṃ. Āgantukapattantipi vadanti. Idaṃ pana appahonake anuññātaṃ. Sace pahoti, na vaṭṭanti, chinditabbameva. Anādiṇṇanti anāropitaṃ anvādhikaṃ. Na dhāreyyāti ticīvarādhiṭṭhānavasena adhiṭṭhahitvā na dhāretabbanti adhippāyo.
47-8. ид̣̇аани уд̣̇осид̇асигкаабад̣̇анаяам̣ д̣̇ассзд̇ум̣ ‘‘г̇аамз’’д̇иаад̣̇и вуд̇д̇ам̣. зд̇т̇а бана сажз г̇аамо (баараа. 478; баараа. адта. 2.477-478; ган̇каа. адта. уд̣̇осид̇асигкаабад̣̇аван̣н̣анаа) згасса ран̃н̃о ваа бхож̇агасса ваа васзна згагуласса ход̇и, баагаараад̣̇инаа баригкид̇д̇ад̇д̇аа згуубажааро жа, зваруубз г̇аамз жийварам̣ нигкибид̇ваа д̇асмим̣ г̇аамз яат̇ааружид̇адтаанз васид̇ум̣ лаб̣бхад̇и. сажз со г̇аамо абаригкид̇д̇о, яасмим̣ гхарз жийварам̣ нигкид̇д̇ам̣ ход̇и, д̇асмим̣ гхарз васид̇аб̣б̣ам̣, д̇асса ваа гхарасса саманд̇ад̇о хад̇т̇абаасаа на виж̇ахид̇аб̣б̣ам̣.
47-8. Idāni udositasikkhāpadanayaṃ dassetuṃ ‘‘gāme’’tiādi vuttaṃ. Ettha pana sace gāmo (pārā. 478; pārā. aṭṭha. 2.477-478; kaṅkhā. aṭṭha. udositasikkhāpadavaṇṇanā) ekassa rañño vā bhojakassa vā vasena ekakulassa hoti, pākārādinā parikkhittattā ekūpacāro ca, evarūpe gāme cīvaraṃ nikkhipitvā tasmiṃ gāme yathārucitaṭṭhāne vasituṃ labbhati. Sace so gāmo aparikkhitto, yasmiṃ ghare cīvaraṃ nikkhittaṃ hoti, tasmiṃ ghare vasitabbaṃ, tassa vā gharassa samantato hatthapāsā na vijahitabbaṃ.
сажз со г̇аамо взсаалигусинаараад̣̇аяо вияа наанаарааж̇уунам̣ ваа бхож̇агаанам̣ ваа ход̇и, вуд̇д̇аббагаарзна баригкид̇д̇о жа, зваруубз г̇аамз яасмим̣ гхарз жийварам̣ нигкид̇д̇ам̣, д̇асмим̣ гхарз ваа вад̇т̇аб̣б̣ам̣. яассаа вийт̇ияаа д̇ам̣ гхарам̣ ход̇и, д̇ассаа вийт̇ияаа д̇асса гхарасса саммукаадтаанз сабхааяз ваа наг̇арад̣̇ваарз ваа вад̇т̇аб̣б̣ам̣, д̇зсам̣ сабхааяад̣̇ваараанам̣ хад̇т̇абаасаа ваа на виж̇ахид̇аб̣б̣ам̣. сажз абаригкид̇д̇о, яасмим̣ гхарз нигкид̇д̇ам̣, д̇ад̇т̇а ваа д̇асса хад̇т̇абаасз ваа вад̇т̇аб̣б̣ам̣.
Sace so gāmo vesālikusinārādayo viya nānārājūnaṃ vā bhojakānaṃ vā hoti, vuttappakārena parikkhitto ca, evarūpe gāme yasmiṃ ghare cīvaraṃ nikkhittaṃ, tasmiṃ ghare vā vatthabbaṃ. Yassā vīthiyā taṃ gharaṃ hoti, tassā vīthiyā tassa gharassa sammukhāṭṭhāne sabhāye vā nagaradvāre vā vatthabbaṃ, tesaṃ sabhāyadvārānaṃ hatthapāsā vā na vijahitabbaṃ. Sace aparikkhitto, yasmiṃ ghare nikkhittaṃ, tattha vā tassa hatthapāse vā vatthabbaṃ.
нивзсанаад̣̇аяо хаммияабарияосаанаа г̇аамабаригкзбад̇о б̣ахи саннивидтаад̇и взд̣̇ид̇аб̣б̣аа. ид̇арат̇аа д̇зсам̣ г̇аамаг̇г̇ахан̣знзва г̇ахид̇ад̇д̇аа г̇аамасса згагуланаанаагулазгуубажааранаануубажаарад̇аавасзнзва винижчаяо вад̇д̇аб̣б̣о сияаа. нивзсанаад̣̇ийнам̣ васзнзва баал̣ияам̣ (баараа. 478 аад̣̇аяо) ад̇т̇о вибхад̇д̇о, на г̇аамавасзна. уд̣̇осид̇авинижчаяз аяам̣ наяо вуд̇д̇оязва.
Nivesanādayo hammiyapariyosānā gāmaparikkhepato bahi sanniviṭṭhāti veditabbā. Itarathā tesaṃ gāmaggahaṇeneva gahitattā gāmassa ekakulanānākulaekūpacāranānūpacāratāvaseneva vinicchayo vattabbo siyā. Nivesanādīnaṃ vaseneva pāḷiyaṃ (pārā. 478 ādayo) attho vibhatto, na gāmavasena. Udositavinicchaye ayaṃ nayo vuttoyeva.
нивзсанзд̇и зд̇т̇а сажз згагуласса нивзсанам̣ ход̇и баригкид̇д̇ан̃жа, анд̇онивзсанз жийварам̣ нигкибид̇ваа анд̇онивзсанз вад̇т̇аб̣б̣ам̣. абаригкид̇д̇ан̃жз ход̇и, яасмим̣ г̇аб̣бхз жийварам̣ нигкид̇д̇ам̣, д̇асмим̣ вад̇т̇аб̣б̣ам̣, д̇асса г̇аб̣бхасса хад̇т̇абаасаа ваа на виж̇ахид̇аб̣б̣ам̣. сажз наанаагуласса ход̇и баригкид̇д̇ан̃жа, яасмим̣ г̇аб̣бхз жийварам̣ нигкид̇д̇ам̣, д̇асмим̣ г̇аб̣бхз вад̇т̇аб̣б̣ам̣, саб̣б̣зсам̣ саад̇хааран̣ад̣̇ваарамуулз ваа д̇зсам̣ г̇аб̣бхад̣̇ваарамуулз ваа д̇зсам̣ г̇аб̣бхад̣̇ваарамуулаанам̣ ваа хад̇т̇абаасаа на виж̇ахид̇аб̣б̣ам̣. абаригкид̇д̇ан̃жз ход̇и, яасмим̣ г̇аб̣бхз жийварам̣ нигкид̇д̇ам̣, д̇асмим̣ г̇аб̣бхз вад̇т̇аб̣б̣ам̣, хад̇т̇абаасаа ваа на виж̇ахид̇аб̣б̣ам̣.
Nivesaneti ettha sace ekakulassa nivesanaṃ hoti parikkhittañca, antonivesane cīvaraṃ nikkhipitvā antonivesane vatthabbaṃ. Aparikkhittañce hoti, yasmiṃ gabbhe cīvaraṃ nikkhittaṃ, tasmiṃ vatthabbaṃ, tassa gabbhassa hatthapāsā vā na vijahitabbaṃ. Sace nānākulassa hoti parikkhittañca, yasmiṃ gabbhe cīvaraṃ nikkhittaṃ, tasmiṃ gabbhe vatthabbaṃ, sabbesaṃ sādhāraṇadvāramūle vā tesaṃ gabbhadvāramūle vā tesaṃ gabbhadvāramūlānaṃ vā hatthapāsā na vijahitabbaṃ. Aparikkhittañce hoti, yasmiṃ gabbhe cīvaraṃ nikkhittaṃ, tasmiṃ gabbhe vatthabbaṃ, hatthapāsā vā na vijahitabbaṃ.
уд̣̇осид̇од̇и яаанаад̣̇ийнам̣ бхан̣д̣аанам̣ саалаа. баасаад̣̇од̇и д̣̇ийгхабаасаад̣̇о. хаммияанд̇и мун̣д̣ажчад̣̇анабаасаад̣̇о. нааваа бана т̇алам̣ ааробзд̇ваа нигкид̇д̇ааби ход̇и, самуд̣̇д̣̇з тид̇ааби. сажз згагуласса нааваа ход̇и, анд̇онаавааяа жийварам̣ нигкибид̇ваа анд̇онаавааяа вад̇т̇аб̣б̣ам̣. наанаагуласса нааваа ход̇и наанааг̇аб̣бхаа наанааоварагаа, яасмим̣ оварагз жийварам̣ нигкид̇д̇ам̣, д̇асмим̣ вад̇т̇аб̣б̣ам̣, жийварасса хад̇т̇абаасаа ваа на виж̇ахид̇аб̣б̣ам̣.
Udositoti yānādīnaṃ bhaṇḍānaṃ sālā. Pāsādoti dīghapāsādo. Hammiyanti muṇḍacchadanapāsādo. Nāvā pana thalaṃ āropetvā nikkhittāpi hoti, samudde ṭhitāpi. Sace ekakulassa nāvā hoti, antonāvāya cīvaraṃ nikkhipitvā antonāvāya vatthabbaṃ. Nānākulassa nāvā hoti nānāgabbhā nānāovarakā, yasmiṃ ovarake cīvaraṃ nikkhittaṃ, tasmiṃ vatthabbaṃ, cīvarassa hatthapāsā vā na vijahitabbaṃ.
аддод̇и бадирааж̇аад̣̇ийнам̣ бадиб̣ааханад̇т̇ам̣ идтагаахи гад̇о б̣ахалабхид̇д̇иго жад̇убан̃жабхуумиго бад̇иссаяависзсо. маал̣од̇и згагуудасан̇г̇ахид̇о жад̇урассабаасаад̣̇о. имзсу бана уд̣̇осид̇аад̣̇ийсу маал̣абарияосаанзсу нивзсанз вуд̇д̇анаязнзва винижчаяо взд̣̇ид̇аб̣б̣о. нивзсананд̇и бана уд̣̇осид̇аад̣̇ийнам̣ васзна агад̇ааяа бад̇иссаяавигад̇ияаа ад̇хиважанам̣.
Aṭṭoti paṭirājādīnaṃ paṭibāhanatthaṃ iṭṭhakāhi kato bahalabhittiko catupañcabhūmiko patissayaviseso. Māḷoti ekakūṭasaṅgahito caturassapāsādo. Imesu pana udositādīsu māḷapariyosānesu nivesane vuttanayeneva vinicchayo veditabbo. Nivesananti pana udositādīnaṃ vasena akatāya patissayavikatiyā adhivacanaṃ.
аараамо наама бубпаараамапалаараамаад̣̇иго. сажз згагуласса аараамо ход̇и баригкид̇д̇о жа, анд̇оаараамз жийварам̣ нигкибид̇ваа анд̇оаараамз вад̇т̇аб̣б̣ам̣. сажз абаригкид̇д̇о, жийварасса хад̇т̇абаасаа на виж̇ахид̇аб̣б̣ам̣. сажз наанаагуласса аараамо ход̇и баригкид̇д̇о жа, д̣̇ваарамуулз ваа вад̇т̇аб̣б̣ам̣, д̣̇ваарамууласса хад̇т̇абаасаа ваа на виж̇ахид̇аб̣б̣ам̣. абаригкид̇д̇о жз, жийварасса хад̇т̇абаасаа на виж̇ахид̇аб̣б̣ам̣.
Ārāmo nāma pupphārāmaphalārāmādiko. Sace ekakulassa ārāmo hoti parikkhitto ca, antoārāme cīvaraṃ nikkhipitvā antoārāme vatthabbaṃ. Sace aparikkhitto, cīvarassa hatthapāsā na vijahitabbaṃ. Sace nānākulassa ārāmo hoti parikkhitto ca, dvāramūle vā vatthabbaṃ, dvāramūlassa hatthapāsā vā na vijahitabbaṃ. Aparikkhitto ce, cīvarassa hatthapāsā na vijahitabbaṃ.
сад̇т̇о наама ж̇ан̇гхасад̇т̇асагадасад̇т̇аанаман̃н̃ад̇аро. сажз згагуласса сад̇т̇о ход̇и, сад̇т̇з жийварам̣ нигкибид̇ваа бурад̇о ваа бажчад̇о ваа сад̇д̇аб̣бханд̇араа на виж̇ахид̇аб̣б̣аа, бассад̇о аб̣бханд̇арам̣ на виж̇ахид̇аб̣б̣ам̣. аб̣бханд̇арам̣ наама адтавийсад̇ихад̇т̇ам̣ ход̇и. сажз г̇ажчанд̇о сад̇т̇о сагадз ваа бхаг̇г̇з, г̇он̣з ваа надтз анд̇араа чиж̇ж̇ад̇и, яасмим̣ годтаасз жийварам̣ нигкибид̇аб̣б̣ам̣, д̇ад̇т̇а васид̇аб̣б̣ам̣. сажз наанаагуласса ход̇и , сад̇т̇з жийварам̣ нигкибид̇ваа жийварасса хад̇т̇абаасаа на виж̇ахид̇аб̣б̣ам̣.
Sattho nāma jaṅghasatthasakaṭasatthānamaññataro. Sace ekakulassa sattho hoti, satthe cīvaraṃ nikkhipitvā purato vā pacchato vā sattabbhantarā na vijahitabbā, passato abbhantaraṃ na vijahitabbaṃ. Abbhantaraṃ nāma aṭṭhavīsatihatthaṃ hoti. Sace gacchanto sattho sakaṭe vā bhagge, goṇe vā naṭṭhe antarā chijjati, yasmiṃ koṭṭhāse cīvaraṃ nikkhipitabbaṃ, tattha vasitabbaṃ. Sace nānākulassa hoti , satthe cīvaraṃ nikkhipitvā cīvarassa hatthapāsā na vijahitabbaṃ.
кзд̇д̇акалзсу аараамз вуд̇д̇асад̣̇исова винижчаяо. д̣̇умзд̇и ругкамуулз. сажз згагуласса ругкамуулам̣ ход̇и, яам̣ маж̇жханхигагаалз саманд̇аа чааяаа парад̇и, д̇асмим̣ таанз авирал̣з бад̣̇зсз д̇асса чааяааяа пудтогаасасса анд̇о зва нигкибид̇аб̣б̣ам̣. сажз вирал̣асаакасса бана ругкасса аад̇абзна пудтогаасз табзд̇и, арун̣уг̇г̇аманз сажз со бхигку д̇асса хад̇т̇абаасз на ход̇и, ан̃н̃асмим̣ ваа таанз д̇асса чааяааяаби ход̇и, ниссаг̇г̇ияам̣ ход̇иязва. наанаагуласса жз ход̇и, жийварасса хад̇т̇абаасаа на виж̇ахид̇аб̣б̣ам̣.
Khettakhalesu ārāme vuttasadisova vinicchayo. Dumeti rukkhamūle. Sace ekakulassa rukkhamūlaṃ hoti, yaṃ majjhanhikakāle samantā chāyā pharati, tasmiṃ ṭhāne aviraḷe padese tassa chāyāya phuṭṭhokāsassa anto eva nikkhipitabbaṃ. Sace viraḷasākhassa pana rukkhassa ātapena phuṭṭhokāse ṭhapeti, aruṇuggamane sace so bhikkhu tassa hatthapāse na hoti, aññasmiṃ vā ṭhāne tassa chāyāyapi hoti, nissaggiyaṃ hotiyeva. Nānākulassa ce hoti, cīvarassa hatthapāsā na vijahitabbaṃ.
аж̇жхогаасз бана вин̃жхаадавийаад̣̇ийсу аран̃н̃зсуби самуд̣̇д̣̇амаж̇жхз мажчаб̣анд̇хаанам̣ аг̇аманабат̇зсу д̣̇ийбагзсуби жийварам̣ табзд̇ваа д̇ад̇о саманд̇аа сад̇д̇аб̣бханд̇арз бад̣̇зсз яад̇т̇а гад̇т̇ажи васид̇аб̣б̣ам̣. сажз сад̇д̇аб̣бханд̇арад̇о гзсаг̇г̇амад̇д̇амби ад̇иггамид̇ваа арун̣ам̣ удтабзд̇и, ниссаг̇г̇ияам̣ ход̇и.
Ajjhokāse pana viñjhāṭavīādīsu araññesupi samuddamajjhe macchabandhānaṃ agamanapathesu dīpakesupi cīvaraṃ ṭhapetvā tato samantā sattabbhantare padese yattha katthaci vasitabbaṃ. Sace sattabbhantarato kesaggamattampi atikkamitvā aruṇaṃ uṭṭhapeti, nissaggiyaṃ hoti.
зд̇т̇а бана баал̣ияам̣ ‘‘г̇аамо згуубажааро наануубажааро’’д̇иаад̣̇инаа (баараа. 477) ависзсзна маад̇игам̣ нигкибид̇вааби г̇ааманивзсанауд̣̇осид̇акзд̇д̇ад̇хан̃н̃агаран̣ааараамавихаараанам̣ згуубажааранаануубажаарад̇аа ‘‘г̇аамо згуубажааро наама згагуласса г̇аамо ход̇и баригкид̇д̇о жа абаригкид̇д̇о жаа’’д̇иаад̣̇инаа (баараа. 478) баригкид̇д̇аабаригкид̇д̇авасзна вибхад̇д̇аа. аддамаал̣абаасаад̣̇ахаммияанааваасад̇т̇аругкамуулааж̇жхогаасаанамби звам̣ авад̇ваа ‘‘згагуласса аддо ход̇и, наанаагуласса аддо ход̇ий’’д̇иаад̣̇инаа (баараа. 484) наязна згагуланаанаагулавасзна жа анд̇з ‘‘аж̇жхогаасо згуубажааро наама аг̇аамагз аран̃н̃з саманд̇аа сад̇д̇аб̣бханд̇араа згуубажааро, д̇ад̇о барам̣ наануубажааро’’д̇и (баараа. 494) жа звам̣ згуубажааранаануубажаарад̇аа вибхад̇д̇аа. д̇асмаа г̇аамаад̣̇ийсу баригкид̇д̇ам̣ згуубажаарам̣, абаригкид̇д̇ам̣ наануубажааранд̇и жа аддаад̣̇ийсу яам̣ згагуласса, д̇ам̣ згуубажаарам̣ наанаагуласса наануубажааранд̇и жа г̇ахзд̇аб̣б̣ам̣. аж̇жхогаасабад̣̇з вуд̇д̇анаязна г̇ахзд̇аб̣б̣ам̣.
Ettha pana pāḷiyaṃ ‘‘gāmo ekūpacāro nānūpacāro’’tiādinā (pārā. 477) avisesena mātikaṃ nikkhipitvāpi gāmanivesanaudositakhettadhaññakaraṇaārāmavihārānaṃ ekūpacāranānūpacāratā ‘‘gāmo ekūpacāro nāma ekakulassa gāmo hoti parikkhitto ca aparikkhitto cā’’tiādinā (pārā. 478) parikkhittāparikkhittavasena vibhattā. Aṭṭamāḷapāsādahammiyanāvāsattharukkhamūlaajjhokāsānampi evaṃ avatvā ‘‘ekakulassa aṭṭo hoti, nānākulassa aṭṭo hotī’’tiādinā (pārā. 484) nayena ekakulanānākulavasena ca ante ‘‘ajjhokāso ekūpacāro nāma agāmake araññe samantā sattabbhantarā ekūpacāro, tato paraṃ nānūpacāro’’ti (pārā. 494) ca evaṃ ekūpacāranānūpacāratā vibhattā. Tasmā gāmādīsu parikkhittaṃ ekūpacāraṃ, aparikkhittaṃ nānūpacāranti ca aṭṭādīsu yaṃ ekakulassa, taṃ ekūpacāraṃ nānākulassa nānūpacāranti ca gahetabbaṃ. Ajjhokāsapade vuttanayena gahetabbaṃ.
бхигкусаммуд̇ияаан̃н̃ад̇раад̇и яам̣ г̇илаанасса бхигкуно жийварам̣ аад̣̇ааяа баггамид̇ум̣ асаггонд̇асса н̃ад̇д̇ид̣̇уд̇иязна гаммзна авиббаваасасаммуд̇и д̣̇ийяад̇и, д̇ам̣ табзд̇ваад̇и ад̇т̇о. лад̣̇д̇хасаммуд̇игасса бана яаава рог̇о на вуубасаммад̇и, д̇асмим̣ вуубасанд̇з ан̃н̃о ваа губбад̇и, анаабад̇д̇иязва.
Bhikkhusammutiyāññatrāti yaṃ gilānassa bhikkhuno cīvaraṃ ādāya pakkamituṃ asakkontassa ñattidutiyena kammena avippavāsasammuti dīyati, taṃ ṭhapetvāti attho. Laddhasammutikassa pana yāva rogo na vūpasammati, tasmiṃ vūpasante añño vā kuppati, anāpattiyeva.
49. ‘‘ануж̇аанаами, бхигкавз, ган̣д̣уббадижчаад̣̇им̣ яаава ааб̣аад̇хаа ад̇хидтаад̇ум̣, д̇ад̇о барам̣ вигаббзд̇ум̣. вассигасаадигам̣ вассаанам̣ жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇и (махаава. 358) вуд̇д̇ад̇д̇аа рог̇абарияанд̇аа ган̣д̣уббадижчаад̣̇и, вассаанабарияанд̇аа вассигасаадигаад̇и ад̇т̇о. сзсаад̇и д̇ижийвараад̣̇аяо гаалавасзна абарияанд̇игаад̇и ад̇т̇о.
49. ‘‘Anujānāmi, bhikkhave, kaṇḍuppaṭicchādiṃ yāva ābādhā adhiṭṭhātuṃ, tato paraṃ vikappetuṃ. Vassikasāṭikaṃ vassānaṃ cātumāsaṃ adhiṭṭhātuṃ, tato paraṃ vikappetu’’nti (mahāva. 358) vuttattā rogapariyantā kaṇḍuppaṭicchādi, vassānapariyantā vassikasāṭikāti attho. Sesāti ticīvarādayo kālavasena apariyantikāti attho.
50. бажжад̇т̇аран̣аад̣̇ид̇д̇аяам̣ сад̣̇асамби ад̣̇асамби рад̇д̇амби арад̇д̇амби аад̣̇ин̣н̣агаббамби анаад̣̇ин̣н̣агаббамби лаб̣бхад̇ийд̇и ад̇т̇о. нисийд̣̇ананд̇и нисийд̣̇анан̃жа рад̇д̇ам̣ анаад̣̇ин̣н̣агаббан̃жа лаб̣бхад̇ийд̇и ад̇хиббааяо. бажжад̇т̇аран̣абаригкаарамукабун̃чанажол̣аани бана нийламби бийд̇агамби лохид̇агамби бубпад̣̇асаад̣̇игамби вадданд̇и, д̇асмаа ‘‘сад̣̇асамбий’’д̇иаад̣̇и вуд̇д̇ам̣. зваруубам̣ бана ниваасзд̇ум̣ ваа баарубид̇ум̣ ваа на ваддад̇и, гзвалам̣ бажжад̇т̇аран̣аад̣̇ивасзна ад̇хидтаанамад̇д̇ам̣ гаад̇ум̣ ваддад̇и.
50. Paccattharaṇādittayaṃ sadasampi adasampi rattampi arattampi ādiṇṇakappampi anādiṇṇakappampi labbhatīti attho. Nisīdananti nisīdanañca rattaṃ anādiṇṇakappañca labbhatīti adhippāyo. Paccattharaṇaparikkhāramukhapuñchanacoḷāni pana nīlampi pītakampi lohitakampi pupphadasādikampi vaṭṭanti, tasmā ‘‘sadasampī’’tiādi vuttaṃ. Evarūpaṃ pana nivāsetuṃ vā pārupituṃ vā na vaṭṭati, kevalaṃ paccattharaṇādivasena adhiṭṭhānamattaṃ kātuṃ vaṭṭati.
51. д̇ижийварам̣ ган̣д̣уббадижчаад̣̇и вассигасаадигаад̇и ид̣̇ам̣ бана сзсажийварабан̃жагам̣ ад̣̇асам̣ раж̇ид̇ам̣язва габбад̇и, д̇ан̃жа аад̣̇ин̣н̣агаббамзваад̇и ад̇т̇о. сад̣̇асам̣ва нисийд̣̇ананд̇и ид̣̇ам̣ бана буб̣б̣з ‘‘сад̣̇асамбий’’д̇и зд̇т̇а вуд̇д̇ад̇д̇аа ад̣̇асамби нисийд̣̇анам̣ ваддад̇ийд̇и саммоханивааран̣ад̇т̇ам̣ вуд̇д̇анд̇и вад̣̇анд̇и.
51. Ticīvaraṃ kaṇḍuppaṭicchādi vassikasāṭikāti idaṃ pana sesacīvarapañcakaṃ adasaṃ rajitaṃyeva kappati, tañca ādiṇṇakappamevāti attho. Sadasaṃva nisīdananti idaṃ pana pubbe ‘‘sadasampī’’ti ettha vuttattā adasampi nisīdanaṃ vaṭṭatīti sammohanivāraṇatthaṃ vuttanti vadanti.
52. анад̇хидтид̇анд̇и д̇ижийвараад̣̇ивасзна анад̇хидтид̇ам̣. аниссадтам̣ наама ан̃н̃зсам̣ ависсаж̇ж̇ид̇ам̣, д̇ам̣ бана вигаббзд̇ваа барибхун̃ж̇ид̇аб̣б̣анд̇и ад̇т̇о.
52.Anadhiṭṭhitanti ticīvarādivasena anadhiṭṭhitaṃ. Anissaṭṭhaṃ nāma aññesaṃ avissajjitaṃ, taṃ pana vikappetvā paribhuñjitabbanti attho.
ид̣̇аани вигаббанубаг̇асса бамаан̣ам̣ хздтимабарижчзд̣̇зна д̣̇ассзд̇ум̣ ‘‘хад̇т̇ад̣̇ийгха’’нд̇иаад̣̇имааха. д̇ад̇т̇а ‘‘ануж̇аанаами, бхигкавз, ааяаамзна адтан̇г̇улам̣ суг̇ад̇ан̇г̇улзна жад̇уран̇г̇улавид̇т̇ад̇ам̣ бажчимам̣ жийварам̣ вигаббзд̇у’’нд̇и (махаава. 358) вуд̇д̇ад̇д̇аа д̣̇ийгхад̇о згахад̇т̇ам̣ бут̇улад̇о убад̣дхахад̇т̇ам̣ вигаббзд̇аб̣б̣анд̇и ад̇хиббааяо.
Idāni vikappanupagassa pamāṇaṃ heṭṭhimaparicchedena dassetuṃ ‘‘hatthadīgha’’ntiādimāha. Tattha ‘‘anujānāmi, bhikkhave, āyāmena aṭṭhaṅgulaṃ sugataṅgulena caturaṅgulavitthataṃ pacchimaṃ cīvaraṃ vikappetu’’nti (mahāva. 358) vuttattā dīghato ekahatthaṃ puthulato upaḍḍhahatthaṃ vikappetabbanti adhippāyo.
53. д̇ижийварассаад̇и винаяад̇ижийварасса, на д̇худ̇ан̇г̇ад̇ижийварасса. д̇асса бана имзсу навасу жийварад̇д̇аяамзва лаб̣бхад̇и, на ан̃н̃ам̣ лаб̣бхад̇и. саб̣б̣амзд̇анд̇и саб̣б̣ам̣ ад̇хидтаанавид̇хаанан̃жа барихаран̣авид̇хаанан̃жаад̇и ад̇т̇о. баригкааражол̣ияо саб̣б̣анд̇и д̇ижийвараад̣̇игам̣ нававид̇хамби жийварам̣. д̇ат̇аа вад̇ваад̇и ‘‘баригкааражол̣а’’нд̇и вад̇ваа. ад̇хидтад̇ийд̇и ад̇хидтаад̇и. гим̣ бана д̇ижийварам̣ баригкааражол̣ам̣ ад̇хидтаад̇ум̣ ваддад̇ийд̇и? аама ваддад̇и, ‘‘баригкааражол̣ам̣ наама баадзггам̣ нид̇хаанамукамзд̇анд̇и д̇ижийварам̣ баригкааражол̣ам̣ ад̇хидтахид̇ваа барибхун̃ж̇ид̇ум̣ ваддад̇и. уд̣̇осид̇асигкаабад̣̇з бана д̇ижийварам̣ ад̇хидтахид̇ваа барихаранд̇асса барихааро вуд̇д̇о’’д̇и адтагат̇ааяам̣ (баараа. адта. 2.469) вуд̇д̇ам̣, д̇асмаа д̇ижийварам̣ баригкааражол̣ам̣ ад̇хидтаханд̇зна бажжуд̣̇д̇харид̇ваа буна ад̇хидтаад̇аб̣б̣ам̣.
53.Ticīvarassāti vinayaticīvarassa, na dhutaṅgaticīvarassa. Tassa pana imesu navasu cīvarattayameva labbhati, na aññaṃ labbhati. Sabbametanti sabbaṃ adhiṭṭhānavidhānañca pariharaṇavidhānañcāti attho. Parikkhāracoḷiyo sabbanti ticīvarādikaṃ navavidhampi cīvaraṃ. Tathā vatvāti ‘‘parikkhāracoḷa’’nti vatvā. Adhiṭṭhatīti adhiṭṭhāti. Kiṃ pana ticīvaraṃ parikkhāracoḷaṃ adhiṭṭhātuṃ vaṭṭatīti? Āma vaṭṭati, ‘‘parikkhāracoḷaṃ nāma pāṭekkaṃ nidhānamukhametanti ticīvaraṃ parikkhāracoḷaṃ adhiṭṭhahitvā paribhuñjituṃ vaṭṭati. Udositasikkhāpade pana ticīvaraṃ adhiṭṭhahitvā pariharantassa parihāro vutto’’ti aṭṭhakathāyaṃ (pārā. aṭṭha. 2.469) vuttaṃ, tasmā ticīvaraṃ parikkhāracoḷaṃ adhiṭṭhahantena paccuddharitvā puna adhiṭṭhātabbaṃ.
54. ид̣̇аани зд̇зсам̣ ад̇хидтаанавиж̇аханаагаарам̣ д̣̇ассзд̇ум̣ ‘‘ажчзд̣̇ависсаж̇ж̇анаг̇аахавиб̣бхамаа’’д̇иаад̣̇и вуд̇д̇ам̣. д̇ад̇т̇а ажчзд̣̇од̇и жораад̣̇ийхи ажчинд̣̇анам̣. виссаж̇ж̇ананд̇и ан̃н̃зсам̣ д̣̇аанам̣. гат̇ам̣ бана д̣̇иннам̣, гат̇ам̣ г̇ахид̇ам̣ суд̣̇иннам̣ суг̇г̇ахид̇ан̃жа ход̇ийд̇и? сажз ‘‘ид̣̇ам̣ д̇уяхам̣ д̣̇зми д̣̇ад̣̇аами д̣̇аж̇ж̇аами он̣ож̇зми барижжаж̇аами ниссаж̇ж̇аами виссаж̇ж̇аамий’’д̇и ваа ‘‘ид̇т̇аннаамасса д̣̇зми…бз… виссаж̇ж̇аамий’’д̇и ваа вад̣̇ад̇и, саммукааби бараммукааби д̣̇иннам̣язва ход̇и. ‘‘д̇уяхам̣ г̇ан̣хаахий’’д̇и вуд̇д̇з ‘‘маяхам̣ г̇ан̣хаамий’’д̇и вад̣̇ад̇и, суд̣̇иннам̣ суг̇г̇ахид̇ан̃жа. ‘‘д̇ава санд̇агам̣ гарохи, д̇ава санд̇агам̣ ход̇у, д̇ава санд̇агам̣ гариссад̇ий’’д̇и вуд̇д̇з ‘‘мамасанд̇агам̣ гароми, мама санд̇агам̣ ход̇у, мама санд̇агам̣ гариссаамий’’д̇и вад̣̇ад̇и, д̣̇уд̣̇д̣̇иннам̣ д̣̇уг̇г̇ахид̇ан̃жа. сажз бана ‘‘д̇ава санд̇агам̣ гарохий’’д̇и вуд̇д̇з ‘‘саад̇ху, бханд̇з, маяхам̣ г̇ан̣хаамий’’д̇и г̇ан̣хаад̇и, суг̇г̇ахид̇ам̣.
54. Idāni etesaṃ adhiṭṭhānavijahanākāraṃ dassetuṃ ‘‘acchedavissajjanagāhavibbhamā’’tiādi vuttaṃ. Tattha acchedoti corādīhi acchindanaṃ. Vissajjananti aññesaṃ dānaṃ. Kathaṃ pana dinnaṃ, kathaṃ gahitaṃ sudinnaṃ suggahitañca hotīti? Sace ‘‘idaṃ tuyhaṃ demi dadāmi dajjāmi oṇojemi pariccajāmi nissajjāmi vissajjāmī’’ti vā ‘‘itthannāmassa demi…pe… vissajjāmī’’ti vā vadati, sammukhāpi parammukhāpi dinnaṃyeva hoti. ‘‘Tuyhaṃ gaṇhāhī’’ti vutte ‘‘mayhaṃ gaṇhāmī’’ti vadati, sudinnaṃ suggahitañca. ‘‘Tava santakaṃ karohi, tava santakaṃ hotu, tava santakaṃ karissatī’’ti vutte ‘‘mamasantakaṃ karomi, mama santakaṃ hotu, mama santakaṃ karissāmī’’ti vadati, duddinnaṃ duggahitañca. Sace pana ‘‘tava santakaṃ karohī’’ti vutte ‘‘sādhu, bhante, mayhaṃ gaṇhāmī’’ti gaṇhāti, suggahitaṃ.
г̇ааход̇и виссаасаг̇г̇аахо (баараа. адта. 1.131). со бана звам̣ взд̣̇ид̇аб̣б̣о – ‘‘ануж̇аанаами, бхигкавз, бан̃жахан̇г̇зхи саманнааг̇ад̇асса виссаасам̣ г̇ахзд̇ум̣. санд̣̇идто жа ход̇и, самбхад̇д̇о жа, аалабид̇о жа, ж̇ийвад̇и жа, ж̇аанаад̇и жа ‘г̇ахид̇з мз ад̇д̇амано бхависсад̇ий’’’д̇и (махаава. 356). д̇ад̇т̇а санд̣̇идтод̇и д̣̇идтамад̇д̇агамид̇д̇о. самбхад̇д̇од̇и д̣̇ал̣хамид̇д̇о. аалабид̇од̇и ‘‘мама санд̇агам̣ яам̣ ижчаси, д̇ам̣ г̇ан̣хзяяааси, аабужчид̇ваа г̇ахан̣з гааран̣ам̣ над̇т̇ий’’д̇и вуд̇д̇о. ж̇ийвад̇ийд̇и анудтаанасзяяааяа саяид̇оби яаава ж̇ийвид̇инд̣̇рияубажчзд̣̇ам̣ на баабун̣аад̇и. г̇ахид̇з жа ад̇д̇аманод̇и г̇ахид̇з жа д̇удтажид̇д̇о. зваруубасса санд̇агам̣ ‘‘г̇ахид̇з мз ад̇д̇амано бхависсад̇ий’’д̇и ж̇аананд̇зна г̇ахзд̇ум̣ ваддад̇и. анавасзсабарияаад̣̇аанавасзна жзд̇аани бан̃жа ан̇г̇аани вуд̇д̇аани, виссаасаг̇г̇аахо бана д̇ийхи ан̇г̇зхи рухад̇и. гат̇ам̣? санд̣̇идто ж̇ийвад̇и г̇ахид̇з ад̇д̇амано, самбхад̇д̇о ж̇ийвад̇и г̇ахид̇з ад̇д̇амано, аалабид̇о ж̇ийвад̇и г̇ахид̇з ад̇д̇аманод̇и звам̣.
Gāhoti vissāsaggāho (pārā. aṭṭha. 1.131). So pana evaṃ veditabbo – ‘‘anujānāmi, bhikkhave, pañcahaṅgehi samannāgatassa vissāsaṃ gahetuṃ. Sandiṭṭho ca hoti, sambhatto ca, ālapito ca, jīvati ca, jānāti ca ‘gahite me attamano bhavissatī’’’ti (mahāva. 356). Tattha sandiṭṭhoti diṭṭhamattakamitto. Sambhattoti daḷhamitto. Ālapitoti ‘‘mama santakaṃ yaṃ icchasi, taṃ gaṇheyyāsi, āpucchitvā gahaṇe kāraṇaṃ natthī’’ti vutto. Jīvatīti anuṭṭhānaseyyāya sayitopi yāva jīvitindriyupacchedaṃ na pāpuṇāti. Gahite ca attamanoti gahite ca tuṭṭhacitto. Evarūpassa santakaṃ ‘‘gahite me attamano bhavissatī’’ti jānantena gahetuṃ vaṭṭati. Anavasesapariyādānavasena cetāni pañca aṅgāni vuttāni, vissāsaggāho pana tīhi aṅgehi ruhati. Kathaṃ? Sandiṭṭho jīvati gahite attamano, sambhatto jīvati gahite attamano, ālapito jīvati gahite attamanoti evaṃ.
яо бана ж̇ийвад̇и, на жа г̇ахид̇з ад̇д̇амано ход̇и, д̇асса санд̇агам̣ виссаасабхаавзна г̇ахид̇амби буна д̣̇аад̇аб̣б̣ам̣. д̣̇ад̣̇анд̇зна мад̇агад̇ханам̣ д̇аава яз д̇асса д̇ханз иссараа г̇ахадтаа ваа баб̣б̣аж̇ид̇аа ваа, д̇зсам̣ д̣̇аад̇аб̣б̣ам̣. яо бана батамам̣язва ‘‘судту гад̇ам̣ д̇аяаа мама санд̇агам̣ г̇ан̣ханд̇знаа’’д̇и важийбхзд̣̇зна ваа жид̇д̇уббаад̣̇амад̇д̇зна ваа анумод̣̇ид̇ваа бажчаа гзнажи гааран̣зна губид̇о, со бажжаахараабзд̇ум̣ на лабхад̇и. яоби ад̣̇аад̇угаамо, жид̇д̇зна бана ад̇хиваасзд̇и, на гин̃жи вад̣̇ад̇и, соби буна бажжаахараабзд̇ум̣ на лабхад̇и. яо бана ‘‘маяаа д̇умхаагам̣ санд̇агам̣ г̇ахид̇а’’нд̇и ваа ‘‘барибхуд̇д̇а’’нд̇и ваа вуд̇д̇з наад̇хиваасзд̇и, ‘‘бадид̣̇зхий’’д̇и бхан̣ад̇и, со бажжаахараабзд̇ум̣ лабхад̇и.
Yo pana jīvati, na ca gahite attamano hoti, tassa santakaṃ vissāsabhāvena gahitampi puna dātabbaṃ. Dadantena matakadhanaṃ tāva ye tassa dhane issarā gahaṭṭhā vā pabbajitā vā, tesaṃ dātabbaṃ. Yo pana paṭhamaṃyeva ‘‘suṭṭhu kataṃ tayā mama santakaṃ gaṇhantenā’’ti vacībhedena vā cittuppādamattena vā anumoditvā pacchā kenaci kāraṇena kupito, so paccāharāpetuṃ na labhati. Yopi adātukāmo, cittena pana adhivāseti, na kiñci vadati, sopi puna paccāharāpetuṃ na labhati. Yo pana ‘‘mayā tumhākaṃ santakaṃ gahita’’nti vā ‘‘paribhutta’’nti vā vutte nādhivāseti, ‘‘paṭidehī’’ti bhaṇati, so paccāharāpetuṃ labhati.
виб̣бхамаад̇и иминаа бхигкунияааязва ад̇хидтаанавиж̇аханам̣ г̇ахид̇ам̣ ход̇и. саа бана яад̣̇аа виб̣бхамад̇и, д̇ад̣̇аа ассаман̣ий ход̇и. бхигку бана виб̣бхаманд̇оби яаава сигкам̣ на бажжагкаад̇и, д̇аава бхигкуязваад̇и ад̇хидтаанам̣ на виж̇ахад̇ийд̇и. лин̇г̇асигкаад̇и лин̇г̇абаривад̇д̇анан̃жа сигкаабажжагкаанан̃жаад̇и ад̇т̇о. саб̣б̣зсууд̇и навасу жийварзсу. ад̇хидтаанавияог̇агааран̣аад̇и ад̇хидтаанавиж̇аханагааран̣аа, имзсу ан̃н̃ад̇арзна ад̇хидтаанам̣ виж̇ахад̇ийд̇и ад̇т̇о.
Vibbhamāti iminā bhikkhuniyāyeva adhiṭṭhānavijahanaṃ gahitaṃ hoti. Sā pana yadā vibbhamati, tadā assamaṇī hoti. Bhikkhu pana vibbhamantopi yāva sikkhaṃ na paccakkhāti, tāva bhikkhuyevāti adhiṭṭhānaṃ na vijahatīti. Liṅgasikkhāti liṅgaparivattanañca sikkhāpaccakkhānañcāti attho. Sabbesūti navasu cīvaresu. Adhiṭṭhānaviyogakāraṇāti adhiṭṭhānavijahanakāraṇā, imesu aññatarena adhiṭṭhānaṃ vijahatīti attho.
гин̃жа бхияяо (баараа. адта. 2.469) – д̇ижийварасса бана виниб̣б̣ид̣̇д̇хачид̣̇д̣̇ан̃жа ад̇хидтаанавиж̇аханам̣ гарод̇ийд̇и ад̇т̇о. д̇ад̇т̇а сан̇гхаадиуд̇д̇араасан̇г̇аанам̣ д̣̇ийгханд̇ад̇о вид̣̇ад̇т̇иббамаан̣асса д̇ирияанд̇ад̇о адтан̇г̇улаббамаан̣асса бад̣̇зсасса орад̇о ганидтан̇г̇улинакабидтиббамаан̣агам̣ чид̣̇д̣̇ам̣ ад̇хидтаанам̣ бхинд̣̇ад̇и. анд̇араваасагасса д̣̇ийгханд̇ад̇о вид̣̇ад̇т̇иббамаан̣ассзва д̇ирияанд̇ад̇о жад̇уран̇г̇улаббамаан̣асса бад̣̇зсасса орад̇о чид̣̇д̣̇ам̣ ад̇хидтаанам̣ бхинд̣̇ад̇и, барад̇о бана на бхинд̣̇ад̇и. д̇асмаа чид̣̇д̣̇з ж̇аад̇з д̇ижийварам̣ ад̇ирзгажийварам̣ ход̇и, суужигаммам̣ гад̇ваа буна ад̇хидтаад̇аб̣б̣ам̣. ид̇арзсам̣ бана чид̣̇д̣̇зна виж̇аханам̣ наама над̇т̇и. яо бана д̇ижийварзби д̣̇уб̣б̣аладтаанз батамам̣ аг̇г̇ал̣ам̣ д̣̇ад̇ваа бажчаа д̣̇уб̣б̣аладтаанам̣ чинд̣̇ид̇ваа абанзд̇и, ад̇хидтаанам̣ на бхиж̇ж̇ад̇и. ман̣д̣алабаривад̇д̇анзби зсзва наяо. яо бана убхо годияо маж̇жхз гаронд̇о сажз батамам̣ чинд̣̇ид̇ваа бажчаа гхадзд̇и, ад̇хидтаанам̣ виж̇ахад̇и, ат̇а гхадзд̇ваа чинд̣̇ад̇и, на виж̇ахад̇и. раж̇агзхи д̇ховаабзд̇ваа сзд̇агам̣ гаронд̇ассааби на виж̇ахад̇и зва.
Kiñca bhiyyo (pārā. aṭṭha. 2.469) – ticīvarassa pana vinibbiddhachiddañca adhiṭṭhānavijahanaṃ karotīti attho. Tattha saṅghāṭiuttarāsaṅgānaṃ dīghantato vidatthippamāṇassa tiriyantato aṭṭhaṅgulappamāṇassa padesassa orato kaniṭṭhaṅgulinakhapiṭṭhippamāṇakaṃ chiddaṃ adhiṭṭhānaṃ bhindati. Antaravāsakassa dīghantato vidatthippamāṇasseva tiriyantato caturaṅgulappamāṇassa padesassa orato chiddaṃ adhiṭṭhānaṃ bhindati, parato pana na bhindati. Tasmā chidde jāte ticīvaraṃ atirekacīvaraṃ hoti, sūcikammaṃ katvā puna adhiṭṭhātabbaṃ. Itaresaṃ pana chiddena vijahanaṃ nāma natthi. Yo pana ticīvarepi dubbalaṭṭhāne paṭhamaṃ aggaḷaṃ datvā pacchā dubbalaṭṭhānaṃ chinditvā apaneti, adhiṭṭhānaṃ na bhijjati. Maṇḍalaparivattanepi eseva nayo. Yo pana ubho koṭiyo majjhe karonto sace paṭhamaṃ chinditvā pacchā ghaṭeti, adhiṭṭhānaṃ vijahati, atha ghaṭetvā chindati, na vijahati. Rajakehi dhovāpetvā setakaṃ karontassāpi na vijahati eva.
55. ид̣̇аани агаббияажийвараани д̣̇ассзд̇ум̣ ‘‘гусаваагапалагааний’’д̇иаад̣̇и аарад̣̇д̇хам̣. д̇ад̇т̇а гусажийрам̣ (махаава. 371; махаава. адта. ) наама гусз г̇ант̇зд̇ваа гад̇ажийварам̣. ваагажийрам̣ наама д̇аабасаанам̣ ваггалам̣. палагажийрам̣ наама палагаани сиб̣б̣ид̇ваа гад̇ажийварам̣. гзсагамб̣аланд̇и гзсзхи д̇анд̇ам̣ вааяид̇ваа гад̇агамб̣алам̣. ваалагамб̣аланд̇и жамараваалзхи вааяид̇ваа гад̇агамб̣алам̣. улуугабагканд̇и улуугасагун̣асса багкзхи гад̇аниваасанам̣. аж̇инагкибанд̇и саломам̣ сакурам̣ аж̇инамиг̇ажаммам̣. имзсу сад̇д̇асу вад̇т̇зсу яам̣ гин̃жи д̇хаараяад̇о т̇уллажжаяанд̇и ад̇т̇о. яат̇аа имзсу т̇уллажжаяам̣, д̇ат̇аа агганаал̣ам̣ ниваасзнд̇асса. агганаал̣ам̣ наама аггад̣̇ан̣д̣з ваагаад̣̇ийхи г̇ант̇зд̇ваа гад̇ажийварам̣. ‘‘на бхигкавз агганаал̣ам̣ ниваасзд̇аб̣б̣ам̣, яо ниваасзяяа, аабад̇д̇и т̇уллажжаяассаа’’д̇и (махаава. 371) хи вуд̇д̇ам̣.
55. Idāni akappiyacīvarāni dassetuṃ ‘‘kusavākaphalakānī’’tiādi āraddhaṃ. Tattha kusacīraṃ (mahāva. 371; mahāva. aṭṭha. ) nāma kuse ganthetvā katacīvaraṃ. Vākacīraṃ nāma tāpasānaṃ vakkalaṃ. Phalakacīraṃ nāma phalakāni sibbitvā katacīvaraṃ. Kesakambalanti kesehi tantaṃ vāyitvā katakambalaṃ. Vālakambalanti camaravālehi vāyitvā katakambalaṃ. Ulūkapakkhanti ulūkasakuṇassa pakkhehi katanivāsanaṃ. Ajinakkhipanti salomaṃ sakhuraṃ ajinamigacammaṃ. Imesu sattasu vatthesu yaṃ kiñci dhārayato thullaccayanti attho. Yathā imesu thullaccayaṃ, tathā akkanāḷaṃ nivāsentassa. Akkanāḷaṃ nāma akkadaṇḍe vākādīhi ganthetvā katacīvaraṃ. ‘‘Na bhikkhave akkanāḷaṃ nivāsetabbaṃ, yo nivāseyya, āpatti thullaccayassā’’ti (mahāva. 371) hi vuttaṃ.
56. гад̣̇алзрагаггад̣̇уссз бод̇т̇агз жаабийд̇и зд̇т̇а гад̣̇ализрагааггамагаживаагзхи гад̇аани вад̇т̇аани звам̣ вуд̇д̇аанийд̇и взд̣̇ид̇аб̣б̣аани. зд̇зсу бод̇т̇агоязва баал̣ияам̣ ааг̇ад̇о, ид̇араани д̇аг̇г̇ад̇игад̇д̇аа адтагат̇аасу бадигкид̇д̇аани. имзсу жад̇уусуби д̣̇уггадамзва. ‘‘на бхигкавз наг̇г̇ияам̣ д̇ид̇т̇ияасамаад̣̇аанам̣ самаад̣̇ияид̇аб̣б̣ам̣, яо самаад̣̇иязяяа, аабад̇д̇и т̇уллажжаяассаа’’д̇и (махаава. 370) вуд̇д̇ад̇д̇аа наг̇г̇ияамби на габбад̇и зва. саб̣б̣амзва нийлагам̣ саб̣б̣анийлагам̣. звам̣ сзсзсуби. зд̇т̇а нийлам̣ умаабубпаван̣н̣ам̣ ход̇и . ман̃ж̇здтагам̣ ман̃ж̇здтагаван̣н̣амзва. бийд̇агам̣ ган̣игаарабубпаван̣н̣ам̣. лохид̇агам̣ ж̇аяасуманабубпаван̣н̣ам̣. ган̣хагам̣ ад̣̇д̣̇ааридтагаван̣н̣ам̣.
56.Kadalerakakkadusse potthake cāpīti ettha kadalierakaakkamakacivākehi katāni vatthāni evaṃ vuttānīti veditabbāni. Etesu potthakoyeva pāḷiyaṃ āgato, itarāni taggatikattā aṭṭhakathāsu paṭikkhittāni. Imesu catūsupi dukkaṭameva. ‘‘Na bhikkhave naggiyaṃ titthiyasamādānaṃ samādiyitabbaṃ, yo samādiyeyya, āpatti thullaccayassā’’ti (mahāva. 370) vuttattā naggiyampi na kappati eva. Sabbameva nīlakaṃ sabbanīlakaṃ. Evaṃ sesesupi. Ettha nīlaṃ umāpupphavaṇṇaṃ hoti . Mañjeṭṭhakaṃ mañjeṭṭhakavaṇṇameva. Pītakaṃ kaṇikārapupphavaṇṇaṃ. Lohitakaṃ jayasumanapupphavaṇṇaṃ. Kaṇhakaṃ addāriṭṭhakavaṇṇaṃ.
57. махааран̇г̇ам̣ наама сад̇абад̣̇ибидтиван̣н̣ам̣. махаанаамам̣ наама рад̇д̇асамбхиннаван̣н̣ам̣ ход̇и. бад̣̇умабубпаван̣н̣анд̇иби вуд̇д̇ам̣, манд̣̇арад̇д̇анд̇и ад̇т̇о. д̇ирийдагзд̇и ругкад̇ажз. ажчиннад̣̇ийгхад̣̇асагзд̇и саб̣б̣асо ажчиннад̣̇асагз жа маж̇жхз чиннад̣̇асагз жаад̇и ад̇т̇о. ан̃н̃аман̃н̃ам̣ сам̣сиб̣б̣ид̇ваа гад̇ад̣̇асам̣ палад̣̇асам̣ наама. гзд̇агабубпаад̣̇ибубпасад̣̇исаахи д̣̇асаахи яуд̇д̇ам̣ бубпад̣̇асам̣ наама. зд̇зсуби ‘‘бод̇т̇агз жаабий’’д̇и зд̇т̇а вуд̇д̇ааби-сад̣̇д̣̇зна д̣̇уггаданд̇и взд̣̇ид̇аб̣б̣ам̣. д̇ат̇аад̇и яат̇аа зд̇зсу гад̣̇алид̣̇уссаад̣̇ийсу бубпад̣̇асаавасаанзсу д̣̇уггадам̣, д̇ат̇аа ган̃жугавзтанзсуби яам̣ гин̃жи д̇хаарзнд̇асса д̣̇уггаданд̇и ад̇т̇о.
57.Mahāraṅgaṃ nāma satapadipiṭṭhivaṇṇaṃ. Mahānāmaṃ nāma rattasambhinnavaṇṇaṃ hoti. Padumapupphavaṇṇantipi vuttaṃ, mandarattanti attho. Tirīṭaketi rukkhatace. Acchinnadīghadasaketi sabbaso acchinnadasake ca majjhe chinnadasake cāti attho. Aññamaññaṃ saṃsibbitvā katadasaṃ phaladasaṃ nāma. Ketakapupphādipupphasadisāhi dasāhi yuttaṃ pupphadasaṃ nāma. Etesupi ‘‘potthake cāpī’’ti ettha vuttaapi-saddena dukkaṭanti veditabbaṃ. Tathāti yathā etesu kadalidussādīsu pupphadasāvasānesu dukkaṭaṃ, tathā kañcukaveṭhanesupi yaṃ kiñci dhārentassa dukkaṭanti attho.
зд̇зсу бана аяам̣ винижчаяо (махаава. адта. 372) – саб̣б̣анийлагаад̣̇ийни раж̇анаани вамзд̇ваа буна раж̇ид̇ваа д̇хаарзд̇аб̣б̣аани, на саггаа жз вамзд̇ум̣, бажжад̇т̇аран̣аад̣̇ийни ваа гаарзд̇аб̣б̣аани, д̇ибаддажийварасса маж̇жхз ваа д̣̇аад̇аб̣б̣аани. ажчиннад̣̇асагаад̣̇ийни д̣̇асаа чинд̣̇ид̇ваа д̇хаарзд̇аб̣б̣аани. ган̃жугам̣ виж̇адзд̇ваа раж̇ид̇ваа барибхун̃ж̇ид̇аб̣б̣ам̣. взтанзби зсзва наяо. д̇ирийдагам̣ баад̣̇абун̃чанам̣ гаад̇аб̣б̣ам̣. саб̣б̣анд̇и имам̣ вуд̇д̇аббагаарам̣ гусажийраад̣̇игам̣ агаббияажийварам̣ ажчиннажийваро лабхад̇ийд̇и ад̇т̇о. вуд̇д̇амби жзд̇ам̣ бариваарз.
Etesu pana ayaṃ vinicchayo (mahāva. aṭṭha. 372) – sabbanīlakādīni rajanāni vametvā puna rajitvā dhāretabbāni, na sakkā ce vametuṃ, paccattharaṇādīni vā kāretabbāni, tipaṭṭacīvarassa majjhe vā dātabbāni. Acchinnadasakādīni dasā chinditvā dhāretabbāni. Kañcukaṃ vijaṭetvā rajitvā paribhuñjitabbaṃ. Veṭhanepi eseva nayo. Tirīṭakaṃ pādapuñchanaṃ kātabbaṃ. Sabbanti imaṃ vuttappakāraṃ kusacīrādikaṃ akappiyacīvaraṃ acchinnacīvaro labhatīti attho. Vuttampi cetaṃ parivāre.
‘‘агаббагад̇ам̣ нааби раж̇анааяа рад̇д̇ам̣,
‘‘Akappakataṃ nāpi rajanāya rattaṃ,
д̇зна нивад̇т̇о язна гаамам̣ важ̇зяяа;
Tena nivattho yena kāmaṃ vajeyya;
на жасса ход̇и аабад̇д̇и,
Na cassa hoti āpatti,
со жа д̇хаммо суг̇ад̇зна д̣̇зсид̇о;
So ca dhammo sugatena desito;
бан̃хаа мзсаа гусалзхи жинд̇ид̇аа’’д̇и. (бари. 481);
Pañhā mesā kusalehi cintitā’’ti. (pari. 481);
аяан̃хи бан̃хо ажчиннажийварабхигкум̣ санд̇хааяа вуд̇д̇о, д̇асмаа хи яам̣ гин̃жи агаббияажийварам̣ ниваасзд̇ваа ваа баарубид̇ваа ваа ажчиннажийварагзна ан̃н̃ам̣ бариязсид̇аб̣б̣ам̣. зд̇т̇а бана ‘‘ид̇ха бана, бхигкавз, мануссаа ниссиймаг̇ад̇аанам̣ бхигкуунам̣ жийварам̣ д̣̇знд̇и ‘имам̣ жийварам̣ ид̇т̇аннаамасса д̣̇змаа’д̇и, ануж̇аанаами, бхигкавз, саад̣̇ид̇ум̣, на д̇аава д̇ам̣ г̇ан̣ануубаг̇ам̣, яаава на хад̇т̇ам̣ г̇ажчад̇ий’’д̇и (махаава. 259) вуд̇д̇ад̇д̇аа яаава аахарид̇ваа д̇ам̣ на д̣̇иннам̣, ‘‘д̇умхаагам̣, бханд̇з, жийварам̣ уббанна’’нд̇и бахин̣ид̇ваа ваа наарожид̇ам̣, д̇аава г̇ан̣анам̣ на убзд̇и, анад̇хидтид̇ам̣ ваддад̇и. бад̇д̇зби зсзва наяо. аанзд̇ваа д̣̇иннз ваа аарожид̇з ваа барихааро над̇т̇и, д̣̇асаахам̣ ад̇хидтаад̇аб̣б̣ам̣. жийваравинижчаяо.
Ayañhi pañho acchinnacīvarabhikkhuṃ sandhāya vutto, tasmā hi yaṃ kiñci akappiyacīvaraṃ nivāsetvā vā pārupitvā vā acchinnacīvarakena aññaṃ pariyesitabbaṃ. Ettha pana ‘‘idha pana, bhikkhave, manussā nissīmagatānaṃ bhikkhūnaṃ cīvaraṃ denti ‘imaṃ cīvaraṃ itthannāmassa demā’ti, anujānāmi, bhikkhave, sādituṃ, na tāva taṃ gaṇanūpagaṃ, yāva na hatthaṃ gacchatī’’ti (mahāva. 259) vuttattā yāva āharitvā taṃ na dinnaṃ, ‘‘tumhākaṃ, bhante, cīvaraṃ uppanna’’nti pahiṇitvā vā nārocitaṃ, tāva gaṇanaṃ na upeti, anadhiṭṭhitaṃ vaṭṭati. Pattepi eseva nayo. Ānetvā dinne vā ārocite vā parihāro natthi, dasāhaṃ adhiṭṭhātabbaṃ. Cīvaravinicchayo.
жийваранид̣̇д̣̇зсаван̣н̣анаа нидтид̇аа.
Cīvaraniddesavaṇṇanā niṭṭhitā.
