| Library / Tipiṭaka / ཏིཔིཊཀ • Tipiṭaka / པུགྒལཔཉྙཏྟིཔཱལི༹ • Puggalapaññattipāḷi |
༦. ཚཀྐཔུགྒལཔཉྙཏྟི
6. Chakkapuggalapaññatti
༢༠༢. ཏཏྲ ཡྭཱཡཾ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷཏི, ཏཏྠ ཙ སབྦཉྙུཏཾ པཱཔུཎཱཏི བལེསུ ཙ ཝསཱིབྷཱཝཾ, སམྨཱསམྦུདྡྷོ ཏེན དཊྛབྦོ།
202. Tatra yvāyaṃ puggalo pubbe ananussutesu dhammesu sāmaṃ saccāni abhisambujjhati, tattha ca sabbaññutaṃ pāpuṇāti balesu ca vasībhāvaṃ, sammāsambuddho tena daṭṭhabbo.
ཏཏྲ ཡྭཱཡཾ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨབྷིསམྦུཛ྄ཛྷཏི, ན ཙ ཏཏྠ སབྦཉྙུཏཾ པཱཔུཎཱཏི ན ཙ བལེསུ ཝསཱིབྷཱཝཾ, པཙྩེཀསམྦུདྡྷོ ཏེན དཊྛབྦོ།
Tatra yvāyaṃ puggalo pubbe ananussutesu dhammesu sāmaṃ saccāni abhisambujjhati, na ca tattha sabbaññutaṃ pāpuṇāti na ca balesu vasībhāvaṃ, paccekasambuddho tena daṭṭhabbo.
ཏཏྲ ཡྭཱཡཾ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི, དིཊྛེཝ དྷམྨེ དུཀྑསྶནྟཀརོ ཧོཏི 1, སཱཝཀཔཱརམིཉྩ པཱཔུཎཱཏི, སཱརིཔུཏྟམོགྒལླཱནཱ ཏེན དཊྛབྦཱ།
Tatra yvāyaṃ puggalo pubbe ananussutesu dhammesu sāmaṃ saccāni anabhisambujjhati, diṭṭheva dhamme dukkhassantakaro hoti 2, sāvakapāramiñca pāpuṇāti, sāriputtamoggallānā tena daṭṭhabbā.
ཏཏྲ ཡྭཱཡཾ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི , དིཊྛེཝ དྷམྨེ དུཀྑསྶནྟཀརོ ཧོཏི, ན ཙ སཱཝཀཔཱརམིཾ པཱཔུཎཱཏི, ཨཝསེསཱ ཨརཧནྟཱ ཏེན དཊྛབྦཱ།
Tatra yvāyaṃ puggalo pubbe ananussutesu dhammesu sāmaṃ saccāni anabhisambujjhati , diṭṭheva dhamme dukkhassantakaro hoti, na ca sāvakapāramiṃ pāpuṇāti, avasesā arahantā tena daṭṭhabbā.
ཏཏྲ ཡྭཱཡཾ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི, ན ཙ དིཊྛེཝ དྷམྨེ དུཀྑསྶནྟཀརོ ཧོཏི, ཨནཱགཱམཱི ཧོཏི ཨནཱགནྟཱ ཨིཏྠཏྟཾ, ཨནཱགཱམཱི ཏེན དཊྛབྦོ།
Tatra yvāyaṃ puggalo pubbe ananussutesu dhammesu sāmaṃ saccāni anabhisambujjhati, na ca diṭṭheva dhamme dukkhassantakaro hoti, anāgāmī hoti anāgantā itthattaṃ, anāgāmī tena daṭṭhabbo.
ཏཏྲ ཡྭཱཡཾ པུགྒལོ པུབྦེ ཨནནུསྶུཏེསུ དྷམྨེསུ སཱམཾ སཙྩཱནི ཨནབྷིསམྦུཛ྄ཛྷཏི, ན ཙ དིཊྛེཝ དྷམྨེ དུཀྑསྶནྟཀརོ ཧོཏི, ཨཱགནྟཱ ཨིཏྠཏྟཾ, སོཏཱཔནྣསཀདཱགཱམིནོ ཏེན དཊྛབྦཱ།
Tatra yvāyaṃ puggalo pubbe ananussutesu dhammesu sāmaṃ saccāni anabhisambujjhati, na ca diṭṭheva dhamme dukkhassantakaro hoti, āgantā itthattaṃ, sotāpannasakadāgāmino tena daṭṭhabbā.
ཚཀྐནིདྡེསོ།
Chakkaniddeso.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༦. ཚཀྐནིདྡེསཝཎྞནཱ • 6. Chakkaniddesavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༦. ཚཀྐནིདྡེསཝཎྞནཱ • 6. Chakkaniddesavaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༦. ཚཀྐནིདྡེསཝཎྞནཱ • 6. Chakkaniddesavaṇṇanā
