| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. б̣рахмад̣̇звасуд̇д̇аван̣н̣анаа
3. Brahmadevasuttavaṇṇanā
174. д̇ад̇ияз згод̇и таанаад̣̇ийсу ирияаабат̇зсу згаго, згавихаарийд̇и ад̇т̇о. вуубагадтод̇и гааязна вуубагадто ниссадо. аббамад̇д̇од̇и сад̇ияаа авиббаваасз тид̇о. аад̇аабийд̇и вийрияаад̇аабзна саманнааг̇ад̇о. бахид̇ад̇д̇од̇и бзсид̇ад̇д̇о. гулабуд̇д̇аад̇и аажаарагулабуд̇д̇аа. саммад̣̇зваад̇и на ин̣аддаа на бхаяаддаа на ж̇ийвид̇абагад̇аа худ̇ваа, яат̇аа ваа д̇ат̇аа ваа баб̣б̣аж̇ид̇ааби яз ануломабадибад̣̇ам̣ буурзнд̇и, д̇з саммад̣̇зва аг̇аарасмаа анаг̇аарияам̣ баб̣б̣аж̇анд̇и наама. б̣рахмажарияабарияосаананд̇и маг̇г̇аб̣рахмажарияасса барияосаанабхууд̇ам̣ арияапалам̣. д̣̇идтзва д̇хаммзд̇и имасмим̣язва ад̇д̇абхаавз. саяам̣ абхин̃н̃аа сажчигад̇ваад̇и саамам̣ ж̇аанид̇ваа бажжагкам̣ гад̇ваа. убасамбаж̇ж̇аад̇и бадилабхид̇ваа самбаад̣̇зд̇ваа вихааси. звам̣ вихаранд̇о жа кийн̣аа ж̇аад̇и…бз… аб̣бхан̃н̃аасийд̇и. зд̇знасса бажжавзгкан̣абхууми д̣̇ассид̇аа.
174. Tatiye ekoti ṭhānādīsu iriyāpathesu ekako, ekavihārīti attho. Vūpakaṭṭhoti kāyena vūpakaṭṭho nissaṭo. Appamattoti satiyā avippavāse ṭhito. Ātāpīti vīriyātāpena samannāgato. Pahitattoti pesitatto. Kulaputtāti ācārakulaputtā. Sammadevāti na iṇaṭṭā na bhayaṭṭā na jīvitapakatā hutvā, yathā vā tathā vā pabbajitāpi ye anulomapaṭipadaṃ pūrenti, te sammadeva agārasmā anagāriyaṃ pabbajanti nāma. Brahmacariyapariyosānanti maggabrahmacariyassa pariyosānabhūtaṃ ariyaphalaṃ. Diṭṭheva dhammeti imasmiṃyeva attabhāve. Sayaṃ abhiññā sacchikatvāti sāmaṃ jānitvā paccakkhaṃ katvā. Upasampajjāti paṭilabhitvā sampādetvā vihāsi. Evaṃ viharanto ca khīṇā jāti…pe… abbhaññāsīti. Etenassa paccavekkhaṇabhūmi dassitā.
гад̇амаа банасса ж̇аад̇и кийн̣аа, гат̇ан̃жа нам̣ аб̣бхан̃н̃аасийд̇и? вужжад̇з, на д̇аавасса ад̇ийд̇аа ж̇аад̇и кийн̣аа буб̣б̣зва кийн̣ад̇д̇аа, на анааг̇ад̇аа д̇ад̇т̇а вааяаамаабхаавад̇о, на бажжуббаннаа виж̇ж̇амаанад̇д̇аа. маг̇г̇асса бана абхаавид̇ад̇д̇аа яаа уббаж̇ж̇зяяа згажад̇убан̃жавогаарабхавзсу згажад̇убан̃жагканд̇хаббабхзд̣̇аа ж̇аад̇и. саа маг̇г̇асса бхаавид̇ад̇д̇аа ануббаад̣̇ад̇хаммад̇ам̣ аабаж̇ж̇анзна кийн̣аа. д̇ам̣ со маг̇г̇абхааванааяа бахийнагилзсз бажжавзгкид̇ваа – ‘‘гилзсаабхаавз виж̇ж̇амаанамби гаммам̣ ааяад̇им̣ аббадисанд̇хигам̣ ход̇ий’’д̇и ж̇аананд̇о ж̇аанаад̇и.
Katamā panassa jāti khīṇā, kathañca naṃ abbhaññāsīti? Vuccate, na tāvassa atītā jāti khīṇā pubbeva khīṇattā, na anāgatā tattha vāyāmābhāvato, na paccuppannā vijjamānattā. Maggassa pana abhāvitattā yā uppajjeyya ekacatupañcavokārabhavesu ekacatupañcakkhandhappabhedā jāti. Sā maggassa bhāvitattā anuppādadhammataṃ āpajjanena khīṇā. Taṃ so maggabhāvanāya pahīnakilese paccavekkhitvā – ‘‘kilesābhāve vijjamānampi kammaṃ āyatiṃ appaṭisandhikaṃ hotī’’ti jānanto jānāti.
вусид̇анд̇и вуд̇т̇ам̣ баривуд̇т̇ам̣, гад̇ам̣ жарид̇ам̣ нидтаабид̇анд̇и ад̇т̇о. б̣рахмажарияанд̇и маг̇г̇аб̣рахмажарияам̣ . гад̇ам̣ гаран̣ийяанд̇и жад̇уусу сажжзсу жад̇уухи маг̇г̇зхи барин̃н̃аабахаанасажчигирияабхааванаавасзна сол̣асавид̇хамби гижжам̣ нидтаабид̇анд̇и ад̇т̇о. наабарам̣ ид̇т̇ад̇д̇ааяаад̇и ид̣̇аани буна ид̇т̇абхаавааяа, звам̣ сол̣асагижжабхаавааяа, гилзсагкаяааяа ваа гад̇амаг̇г̇абхааванаа над̇т̇ийд̇и. ат̇а ваа ид̇т̇ад̇д̇ааяаад̇и ид̇т̇ад̇д̇абхаавад̇о, имасмаа звам̣багаараа ид̣̇аани вад̇д̇амаанагканд̇хасанд̇аанаа абарам̣ канд̇хасанд̇аанам̣ над̇т̇и, имз бана бан̃жагканд̇хаа барин̃н̃аад̇аа д̇идтанд̇и чиннамуулаго ругко вияаад̇и аб̣бхан̃н̃ааси. ан̃н̃ад̇арод̇и зго. арахад̇анд̇и араханд̇аанам̣, бхаг̇авад̇о саавагаанам̣ арахад̇ам̣ аб̣бханд̇аро ахоси.
Vusitanti vutthaṃ parivutthaṃ, kataṃ caritaṃ niṭṭhāpitanti attho. Brahmacariyanti maggabrahmacariyaṃ . Kataṃ karaṇīyanti catūsu saccesu catūhi maggehi pariññāpahānasacchikiriyabhāvanāvasena soḷasavidhampi kiccaṃ niṭṭhāpitanti attho. Nāparaṃ itthattāyāti idāni puna itthabhāvāya, evaṃ soḷasakiccabhāvāya, kilesakkhayāya vā katamaggabhāvanā natthīti. Atha vā itthattāyāti itthattabhāvato, imasmā evaṃpakārā idāni vattamānakkhandhasantānā aparaṃ khandhasantānaṃ natthi, ime pana pañcakkhandhā pariññātā tiṭṭhanti chinnamūlako rukkho viyāti abbhaññāsi. Aññataroti eko. Arahatanti arahantānaṃ, bhagavato sāvakānaṃ arahataṃ abbhantaro ahosi.
сабад̣̇аананд̇и сабад̣̇аанажаарам̣, самбад̇д̇агхарам̣ ануггамма бадибаадияаа жаранд̇о. убасан̇гамийд̇и убасан̇гаманд̇о. маад̇аа банасса буд̇д̇ам̣ д̣̇исваава гхараа нигкамма бад̇д̇ам̣ г̇ахзд̇ваа анд̇онивзсанам̣ бавзсзд̇ваа бан̃н̃ад̇д̇аасанз нисийд̣̇аабзси.
Sapadānanti sapadānacāraṃ, sampattagharaṃ anukkamma paṭipāṭiyā caranto. Upasaṅkamīti upasaṅkamanto. Mātā panassa puttaṃ disvāva gharā nikkhamma pattaṃ gahetvā antonivesanaṃ pavesetvā paññattāsane nisīdāpesi.
аахуд̇им̣ нижжам̣ баг̇г̇ан̣хаад̇ийд̇и нижжагаалз аахуд̇ибин̣д̣ам̣ баг̇г̇ан̣хаад̇и. д̇ам̣ д̣̇ивасам̣ бана д̇асмим̣ гхарз бхууд̇аб̣алигаммам̣ ход̇и. саб̣б̣аг̇зхам̣ харид̇убалид̇д̇ам̣ виббагин̣н̣алааж̇ам̣ ванамаалабаригкид̇д̇ам̣ уссид̇ад̣̇д̇хаж̇абадаагам̣ д̇ад̇т̇а д̇ад̇т̇а бун̣н̣агхарз табзд̇ваа д̣̇ан̣д̣ад̣̇ийбигаа ж̇аалзд̇ваа г̇анд̇хажун̣н̣амаалаад̣̇ийхи алан̇гад̇ам̣, саманд̇ад̇о сан̃чаад̣̇ияамаанаа д̇хуумагадажчу ахоси. сааби б̣раахман̣ий гаалассзва вудтааяа сол̣асахи г̇анд̇ход̣̇агагхадзхи нхааяид̇ваа саб̣б̣аалан̇гаарзна ад̇д̇абхаавам̣ алан̇гари. саа д̇асмим̣ самаяз махаакийн̣аасавам̣ нисийд̣̇аабзд̇ваа, яааг̇уул̣ун̇гамад̇д̇амби ад̣̇ад̇ваа, ‘‘махааб̣рахмам̣ бхож̇зссаамий’’д̇и суван̣н̣абаад̇ияам̣ бааяаасам̣ буурзд̇ваа саббимад̇хусагкараад̣̇ийхи яож̇зд̇ваа нивзсанасса бажчаабхааг̇з харид̇убалид̇д̇абхааваад̣̇ийхи алан̇гад̇аа бхууд̇абийтигаа ад̇т̇и. саа д̇ам̣ баад̇им̣ аад̣̇ааяа, д̇ад̇т̇а г̇анд̇ваа, жад̇уусу гон̣зсу маж̇жхз жа згзгам̣ бааяаасабин̣д̣ам̣ табзд̇ваа, згам̣ бин̣д̣ам̣ хад̇т̇зна г̇ахзд̇ваа, яаава габбараа саббинаа баг̇гхаранд̇зна бат̇авияам̣ ж̇аан̣уман̣д̣алам̣ бад̇идтаабзд̇ваа ‘‘бхун̃ж̇ад̇у бхавам̣ махааб̣рахмаа, сааяад̇у бхавам̣ махааб̣рахмаа, д̇аббзд̇у бхавам̣ махааб̣рахмаа’’д̇и вад̣̇амаанаа б̣рахмаанам̣ бхож̇зд̇и.
Āhutiṃ niccaṃ paggaṇhātīti niccakāle āhutipiṇḍaṃ paggaṇhāti. Taṃ divasaṃ pana tasmiṃ ghare bhūtabalikammaṃ hoti. Sabbagehaṃ haritupalittaṃ vippakiṇṇalājaṃ vanamālaparikkhittaṃ ussitaddhajapaṭākaṃ tattha tattha puṇṇaghare ṭhapetvā daṇḍadīpikā jāletvā gandhacuṇṇamālādīhi alaṅkataṃ, samantato sañchādiyamānā dhūmakaṭacchu ahosi. Sāpi brāhmaṇī kālasseva vuṭṭhāya soḷasahi gandhodakaghaṭehi nhāyitvā sabbālaṅkārena attabhāvaṃ alaṅkari. Sā tasmiṃ samaye mahākhīṇāsavaṃ nisīdāpetvā, yāguuḷuṅkamattampi adatvā, ‘‘mahābrahmaṃ bhojessāmī’’ti suvaṇṇapātiyaṃ pāyāsaṃ pūretvā sappimadhusakkharādīhi yojetvā nivesanassa pacchābhāge haritupalittabhāvādīhi alaṅkatā bhūtapīṭhikā atthi. Sā taṃ pātiṃ ādāya, tattha gantvā, catūsu koṇesu majjhe ca ekekaṃ pāyāsapiṇḍaṃ ṭhapetvā, ekaṃ piṇḍaṃ hatthena gahetvā, yāva kapparā sappinā paggharantena pathaviyaṃ jāṇumaṇḍalaṃ patiṭṭhāpetvā ‘‘bhuñjatu bhavaṃ mahābrahmā, sāyatu bhavaṃ mahābrahmā, tappetu bhavaṃ mahābrahmā’’ti vadamānā brahmānaṃ bhojeti.
зд̇ад̣̇ахосийд̇и махаакийн̣аасавасса сийлаг̇анд̇хам̣ чад̣̇звалогз аж̇жход̇т̇арид̇ваа б̣рахмалогам̣ убаг̇ад̇ам̣ гхааяамаанасса зд̇ам̣ ахоси. сам̣взж̇зяяанд̇и жод̣̇зяяам̣, саммаабадибад̇д̇ияам̣ яож̇зяяам̣. ‘аяам̣ хи зваруубам̣ аг̇г̇ад̣̇агкин̣зяяам̣ махаакийн̣аасавам̣ нисийд̣̇аабзд̇ваа яааг̇уул̣ун̇гамад̇д̇амби ад̣̇ад̇ваа, ‘‘махааб̣рахмам̣ бхож̇зссаамий’’д̇и д̇улам̣ бахааяа хад̇т̇зна д̇улаяанд̇ий вияа, бхзрим̣ бахааяа гужчим̣ ваад̣̇знд̇ий вияа, аг̇г̇им̣ бахааяа каж̇ж̇обанагам̣ д̇хамамаанаа вияа бхууд̇аб̣алим̣ гурумаанаа аахин̣д̣ад̇и. г̇ажчаамиссаа мижчаад̣̇ассанам̣ бхинд̣̇ид̇ваа абааяамаг̇г̇ад̇о уд̣̇д̇харид̇ваа яат̇аа асийд̇игодид̇ханам̣ б̣уд̣̇д̇хасаасанз виббагирид̇ваа саг̇г̇амаг̇г̇ам̣ аарохад̇и, д̇ат̇аа гаромийд̇и вуд̇д̇ам̣ ход̇и.
Etadahosīti mahākhīṇāsavassa sīlagandhaṃ chadevaloke ajjhottharitvā brahmalokaṃ upagataṃ ghāyamānassa etaṃ ahosi. Saṃvejeyyanti codeyyaṃ, sammāpaṭipattiyaṃ yojeyyaṃ. ‘Ayaṃ hi evarūpaṃ aggadakkhiṇeyyaṃ mahākhīṇāsavaṃ nisīdāpetvā yāguuḷuṅkamattampi adatvā, ‘‘mahābrahmaṃ bhojessāmī’’ti tulaṃ pahāya hatthena tulayantī viya, bheriṃ pahāya kucchiṃ vādentī viya, aggiṃ pahāya khajjopanakaṃ dhamamānā viya bhūtabaliṃ kurumānā āhiṇḍati. Gacchāmissā micchādassanaṃ bhinditvā apāyamaggato uddharitvā yathā asītikoṭidhanaṃ buddhasāsane vippakiritvā saggamaggaṃ ārohati, tathā karomīti vuttaṃ hoti.
д̣̇уурз ид̇од̇и имамхаа таанаа д̣̇уурз б̣рахмалого. д̇ад̇о хи гуудааг̇аарамад̇д̇аа силаа баад̇ид̇аа згзна ахорад̇д̇зна адтажад̇д̇аалийсаяож̇анасахассаани кзбаяамаанаа жад̇уухи маасзхи бат̇авияам̣ бад̇идтахзяяа, саб̣б̣ахздтимоби б̣рахмалого звам̣ д̣̇уурз. яассаахуд̇инд̇и яасса б̣рахмуно аахуд̇им̣ баг̇г̇ан̣хааси, д̇асса б̣рахмалого д̣̇уурзд̇и ад̇т̇о. б̣рахмабат̇анд̇и зд̇т̇а б̣рахмабат̇о наама жад̇д̇аари гусалаж̇жхаанаани, вибаагаж̇жхаанаани бана нзсам̣ ж̇ийвид̇абат̇о наама, д̇ам̣ б̣рахмабат̇ам̣ аж̇аананд̇ий д̇вам̣ гим̣ ж̇аббаси виббалабаси? б̣рахмаано хи саббийд̇игаж̇жхаанзна яаабзнд̇и, на зд̇ам̣ д̇ин̣аб̣ийж̇аани багкибид̇ваа ранд̇хам̣ г̇ояуусам̣ каад̣̇анд̇и, маа агааран̣аа гиламасийд̇и.
Dūre itoti imamhā ṭhānā dūre brahmaloko. Tato hi kūṭāgāramattā silā pātitā ekena ahorattena aṭṭhacattālīsayojanasahassāni khepayamānā catūhi māsehi pathaviyaṃ patiṭṭhaheyya, sabbaheṭṭhimopi brahmaloko evaṃ dūre. Yassāhutinti yassa brahmuno āhutiṃ paggaṇhāsi, tassa brahmaloko dūreti attho. Brahmapathanti ettha brahmapatho nāma cattāri kusalajjhānāni, vipākajjhānāni pana nesaṃ jīvitapatho nāma, taṃ brahmapathaṃ ajānantī tvaṃ kiṃ jappasi vippalapasi? Brahmāno hi sappītikajjhānena yāpenti, na etaṃ tiṇabījāni pakkhipitvā randhaṃ goyūsaṃ khādanti, mā akāraṇā kilamasīti.
звам̣ вад̇ваа буна со махааб̣рахмаа ан̃ж̇алим̣ баг̇г̇аяха авагуж̇ж̇о худ̇ваа т̇зрам̣ убад̣̇исанд̇о зсо хи д̇з б̣раахман̣и б̣рахмад̣̇звод̇иаад̣̇имааха. д̇ад̇т̇а нируубад̇хигод̇и гилзсаабхисан̇каарагаамаг̇ун̣обад̇хийхи вирахид̇о. ад̇ид̣̇звабад̇д̇од̇и д̣̇зваанам̣ ад̇ид̣̇звабхаавам̣ б̣рахмаанам̣ ад̇иб̣рахмабхаавам̣ бад̇д̇о. анан̃н̃абосийд̇и табзд̇ваа имам̣ ад̇д̇абхаавам̣ ан̃н̃асса ад̇д̇абхаавасса ваа буд̇д̇ад̣̇аарасса ваа абосанад̇ааяа анан̃н̃абосий.
Evaṃ vatvā puna so mahābrahmā añjaliṃ paggayha avakujjo hutvā theraṃ upadisanto eso hi te brāhmaṇi brahmadevotiādimāha. Tattha nirūpadhikoti kilesābhisaṅkhārakāmaguṇopadhīhi virahito. Atidevapattoti devānaṃ atidevabhāvaṃ brahmānaṃ atibrahmabhāvaṃ patto. Anaññaposīti ṭhapetvā imaṃ attabhāvaṃ aññassa attabhāvassa vā puttadārassa vā aposanatāya anaññaposī.
аахунзяяод̇и аахунабин̣д̣ам̣ бадиг̇г̇ахзд̇ум̣ яуд̇д̇о. взд̣̇аг̇ууд̇и жад̇умаг̇г̇асан̇каад̇зхи взд̣̇зхи д̣̇угкассанд̇ам̣ г̇ад̇о. бхаавид̇ад̇д̇од̇и ад̇д̇аанам̣ бхаавзд̇ваа вад̣дхзд̇ваа тид̇о. ануубалид̇д̇од̇и д̇ан̣хаад̣̇ийхи лзбзхи аалид̇д̇о. гхаасзсанам̣ ирияад̇ийд̇и аахаарабариязсанам̣ жарад̇и.
Āhuneyyoti āhunapiṇḍaṃ paṭiggahetuṃ yutto. Vedagūti catumaggasaṅkhātehi vedehi dukkhassantaṃ gato. Bhāvitattoti attānaṃ bhāvetvā vaḍḍhetvā ṭhito. Anūpalittoti taṇhādīhi lepehi ālitto. Ghāsesanaṃ iriyatīti āhārapariyesanaṃ carati.
на д̇асса бажчаа на бурад̇т̇амад̇т̇ийд̇и бажчаа вужжад̇и ад̇ийд̇ам̣, бурад̇т̇ам̣ вужжад̇и анааг̇ад̇ам̣, ад̇ийд̇аанааг̇ад̇зсу канд̇хзсу чанд̣̇арааг̇авирахид̇асса бажчаа ваа бурад̇т̇ам̣ ваа над̇т̇ийд̇и вад̣̇ад̇и. санд̇од̇иаад̣̇ийсу рааг̇аад̣̇исанд̇ад̇ааяа санд̇о. год̇хад̇хуумавиг̇амаа вид̇хуумо, д̣̇угкаабхааваа анийгхо, гад̇д̇арад̣̇ан̣д̣аад̣̇ийни г̇ахзд̇ваа вижаранд̇оби вад̇хагажзд̇анааяа абхааваа нигкид̇д̇ад̣̇ан̣д̣о. д̇асат̇ааварзсууд̇и зд̇т̇а бана бут̇уж̇ж̇анаа д̇асаа наама, кийн̣аасаваа т̇аавараа наама. сад̇д̇а бана сзкаа д̇асаад̇и вад̇д̇ум̣ на саггаа, т̇аавараа на хонд̇и, бхаж̇амаанаа бана т̇ааварабагкамзва бхаж̇анд̇и. со д̇яаахуд̇инд̇и со д̇з аахуд̇им̣.
Na tassa pacchā na puratthamatthīti pacchā vuccati atītaṃ, puratthaṃ vuccati anāgataṃ, atītānāgatesu khandhesu chandarāgavirahitassa pacchā vā puratthaṃ vā natthīti vadati. Santotiādīsu rāgādisantatāya santo. Kodhadhūmavigamā vidhūmo, dukkhābhāvā anīgho, kattaradaṇḍādīni gahetvā vicarantopi vadhakacetanāya abhāvā nikkhittadaṇḍo. Tasathāvaresūti ettha pana puthujjanā tasā nāma, khīṇāsavā thāvarā nāma. Satta pana sekhā tasāti vattuṃ na sakkā, thāvarā na honti, bhajamānā pana thāvarapakkhameva bhajanti. So tyāhutinti so te āhutiṃ.
висзнибхууд̇од̇и гилзсасзнааяа висзно ж̇аад̇о. анзж̇од̇и нид̇д̇ан̣хо. сусийлод̇и кийн̣аасавасийлзна сусийло. сувимуд̇д̇ажид̇д̇од̇и палавимуд̇д̇ияаа судту вимуд̇д̇ажид̇д̇о. огхад̇ин̣н̣анд̇и жад̇д̇ааро огхз д̇ин̣н̣ам̣. зд̇д̇агзна гат̇аамаг̇г̇зна б̣рахмаа т̇зрасса ван̣н̣ам̣ гат̇знд̇о ааяад̇анз б̣раахман̣им̣ нияож̇зси. авасаанаг̇аат̇аа бана сан̇г̇ийд̇игаарзхи табид̇аа. бад̇идтабзси д̣̇агкин̣анд̇и жад̇убажжаяад̣̇агкин̣ам̣ бад̇идтабзси. сукамааяад̇иганд̇и сукааяад̇игам̣ ааяад̇им̣ сукавибаагам̣, сукааваханд̇и ад̇т̇о. д̇ад̇ияам̣.
Visenibhūtoti kilesasenāya viseno jāto. Anejoti nittaṇho. Susīloti khīṇāsavasīlena susīlo. Suvimuttacittoti phalavimuttiyā suṭṭhu vimuttacitto. Oghatiṇṇanti cattāro oghe tiṇṇaṃ. Ettakena kathāmaggena brahmā therassa vaṇṇaṃ kathento āyatane brāhmaṇiṃ niyojesi. Avasānagāthā pana saṅgītikārehi ṭhapitā. Patiṭṭhapesi dakkhiṇanti catupaccayadakkhiṇaṃ patiṭṭhapesi. Sukhamāyatikanti sukhāyatikaṃ āyatiṃ sukhavipākaṃ, sukhāvahanti attho. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. б̣рахмад̣̇звасуд̇д̇ам̣ • 3. Brahmadevasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. б̣рахмад̣̇звасуд̇д̇аван̣н̣анаа • 3. Brahmadevasuttavaṇṇanā
