| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
бхигкунийубасамбад̣̇аануж̇аананагат̇аа
Bhikkhunīupasampadānujānanakathā
404. ануж̇аанаами бхигкавз бхигкуухи бхигкунияо убасамбаад̣̇зд̇унд̇и имааяа анубан̃н̃ад̇д̇ияаа бхигкуу бан̃жасад̇аа саагияаанияо махаабаж̇аабад̇ияаа сад̣̇д̇хивихааринияо гад̇ваа убасамбаад̣̇зсум̣. ид̇и д̇аа саб̣б̣ааби згад̇оубасамбаннаа наама ахзсум̣. яз ко д̇вам̣ г̇од̇амийд̇и иминаа оваад̣̇зна г̇од̇амий арахад̇д̇ам̣ бад̇д̇аа.
404.Anujānāmi bhikkhave bhikkhūhi bhikkhuniyo upasampādetunti imāya anupaññattiyā bhikkhū pañcasatā sākiyāniyo mahāpajāpatiyā saddhivihāriniyo katvā upasampādesuṃ. Iti tā sabbāpi ekatoupasampannā nāma ahesuṃ. Ye kho tvaṃ gotamīti iminā ovādena gotamī arahattaṃ pattā.
409. гаммам̣ на гарийяад̇ийд̇и д̇аж̇ж̇анийяаад̣̇и сад̇д̇авид̇хамби гаммам̣ на гарийяад̇и. камаабзнд̇ийд̇и на буна звам̣ гариссаамийд̇и камаабзнд̇и.
409.Kammaṃ na karīyatīti tajjanīyādi sattavidhampi kammaṃ na karīyati. Khamāpentīti na puna evaṃ karissāmīti khamāpenti.
410. ануж̇аанаами, бхигкавз, бхигкуухи бхигкунийнам̣ гаммам̣ робзд̇ваа нияяаад̣̇зд̇унд̇и зд̇т̇а д̇аж̇ж̇анийяаад̣̇ийсу ‘‘ид̣̇ам̣ наама гаммам̣ зд̇иссаа гаад̇аб̣б̣а’’нд̇и звам̣ робзд̇ваа ‘‘д̇ам̣ д̣̇аани д̇умхзва гарот̇аа’’д̇и нияяаад̣̇зд̇аб̣б̣ам̣. сажз бана ан̃н̃асмим̣ робид̇з ан̃н̃ам̣ гаронд̇и, ‘‘д̇аж̇ж̇анийяагаммаарахасса нияассагаммам̣ гарод̇ий’’д̇и зд̇т̇а вуд̇д̇анаязна гаарзд̇аб̣б̣ад̇ам̣ аабаж̇ж̇анд̇и.
410.Anujānāmi, bhikkhave, bhikkhūhi bhikkhunīnaṃ kammaṃ ropetvā niyyādetunti ettha tajjanīyādīsu ‘‘idaṃ nāma kammaṃ etissā kātabba’’nti evaṃ ropetvā ‘‘taṃ dāni tumheva karothā’’ti niyyādetabbaṃ. Sace pana aññasmiṃ ropite aññaṃ karonti, ‘‘tajjanīyakammārahassa niyassakammaṃ karotī’’ti ettha vuttanayena kāretabbataṃ āpajjanti.
411. гад̣̇д̣̇амод̣̇агзнаад̇и зд̇т̇а на гзвалам̣ гад̣̇д̣̇амод̣̇агзна, виббасаннауд̣̇агараж̇анагад̣̇д̣̇амаад̣̇ийсуби язна гзнажи осин̃жанд̇асса д̣̇уггадамзва. аванд̣̇ияо со бхигкавз бхигку бхигкунисан̇гхзна гаад̇аб̣б̣од̇и бхигкунубассаяз саннибад̇ид̇ваа ‘‘асуго наама аяяо бхигкунийнам̣ абасаад̣̇анийяам̣ д̣̇ассзд̇и, зд̇асса аяяасса аванд̣̇ияагаран̣ам̣ ружжад̇ий’’д̇и звам̣ д̇игкад̇д̇ум̣ саавзд̇аб̣б̣ам̣. зд̇д̇аавад̇аа аванд̣̇ияо гад̇о ход̇и. д̇ад̇о бадтааяа яат̇аа сааман̣зрз д̣̇исваа на ванд̣̇анд̇и; звамзва д̣̇исвааби на ванд̣̇ид̇аб̣б̣о. д̇зна бхигкунаа саммаа вад̇д̇анд̇зна бхигкунубассаяам̣ ааг̇анд̇ваа вихаарзязва сан̇гхам̣ ваа г̇ан̣ам̣ ваа згабуг̇г̇алам̣ ваа убасан̇гамид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа ‘‘бхигкунисан̇гхо маяхам̣ камад̇уу’’д̇и камаабзд̇аб̣б̣ам̣. д̇зна бхигкунаа бхигкунийнам̣ санд̇игам̣ ааг̇анд̇ваа ‘‘зсо бхигку д̇умхз камаабзд̇ий’’д̇и вад̇д̇аб̣б̣ам̣. д̇ад̇о бадтааяа со ванд̣̇ид̇аб̣б̣о. аяамзд̇т̇а сан̇кзбо, вид̇т̇аарам̣ бана гаммавибхан̇г̇з вагкаама.
411.Kaddamodakenāti ettha na kevalaṃ kaddamodakena, vippasannaudakarajanakaddamādīsupi yena kenaci osiñcantassa dukkaṭameva. Avandiyo so bhikkhave bhikkhu bhikkhunisaṅghena kātabboti bhikkhunupassaye sannipatitvā ‘‘asuko nāma ayyo bhikkhunīnaṃ apasādanīyaṃ dasseti, etassa ayyassa avandiyakaraṇaṃ ruccatī’’ti evaṃ tikkhattuṃ sāvetabbaṃ. Ettāvatā avandiyo kato hoti. Tato paṭṭhāya yathā sāmaṇere disvā na vandanti; evameva disvāpi na vanditabbo. Tena bhikkhunā sammā vattantena bhikkhunupassayaṃ āgantvā vihāreyeva saṅghaṃ vā gaṇaṃ vā ekapuggalaṃ vā upasaṅkamitvā ukkuṭikaṃ nisīditvā añjaliṃ paggahetvā ‘‘bhikkhunisaṅgho mayhaṃ khamatū’’ti khamāpetabbaṃ. Tena bhikkhunā bhikkhunīnaṃ santikaṃ āgantvā ‘‘eso bhikkhu tumhe khamāpetī’’ti vattabbaṃ. Tato paṭṭhāya so vanditabbo. Ayamettha saṅkhepo, vitthāraṃ pana kammavibhaṅge vakkhāma.
обхаасзнд̇ийд̇и асад̣̇д̇хаммзна обхаасзнд̇и. бхигкунийхи сад̣̇д̇хим̣ самбаяож̇знд̇ийд̇и бхигкунийхи сад̣̇д̇хим̣ бурисз асад̣̇д̇хаммзна самбаяож̇знд̇и. аванд̣̇ияагаран̣ам̣ вуд̇д̇анаяамзва. ааваран̣анд̇и вихаараббавзсанз нивааран̣ам̣ . оваад̣̇ам̣ табзд̇унд̇и зд̇т̇а на бхигкунубассаяам̣ г̇анд̇ваа табзд̇аб̣б̣о. оваад̣̇ад̇т̇ааяа бана ааг̇ад̇аа бхигкунияо вад̇д̇аб̣б̣аа ‘‘асугаа наама бхигкуний саабад̇д̇игаа, д̇ассаа оваад̣̇ам̣ табзми, маа д̇ааяа сад̣̇д̇хим̣ убосат̇ам̣ гарид̇т̇аа’’д̇и. гааяавиваран̣аад̣̇ийсуби д̣̇ан̣д̣агаммам̣ вуд̇д̇анаяамзва.
Obhāsentīti asaddhammena obhāsenti. Bhikkhunīhi saddhiṃ sampayojentīti bhikkhunīhi saddhiṃ purise asaddhammena sampayojenti. Avandiyakaraṇaṃ vuttanayameva. Āvaraṇanti vihārappavesane nivāraṇaṃ . Ovādaṃ ṭhapetunti ettha na bhikkhunupassayaṃ gantvā ṭhapetabbo. Ovādatthāya pana āgatā bhikkhuniyo vattabbā ‘‘asukā nāma bhikkhunī sāpattikā, tassā ovādaṃ ṭhapemi, mā tāya saddhiṃ uposathaṃ karitthā’’ti. Kāyavivaraṇādīsupi daṇḍakammaṃ vuttanayameva.
413. на бхигкавз бхигкунияаа оваад̣̇о на г̇анд̇аб̣б̣од̇иаад̣̇и бхигкунивибхан̇г̇аван̣н̣анааяам̣ вуд̇д̇амзва.
413.Na bhikkhave bhikkhuniyā ovādo na gantabbotiādi bhikkhunivibhaṅgavaṇṇanāyaṃ vuttameva.
416. паасугаа намзнд̇ийд̇и г̇ихид̣̇ааригааяо вияа гханабаддагзна гааяаб̣анд̇ханзна паасугаа наманад̇т̇ааяа б̣анд̇ханд̇и. згабарияаагад̇анд̇и згаваарам̣ баригкибанагам̣.
416.Phāsukā namentīti gihidārikāyo viya ghanapaṭṭakena kāyabandhanena phāsukā namanatthāya bandhanti. Ekapariyākatanti ekavāraṃ parikkhipanakaṃ.
вилийвзна баддзнаад̇и сан̣хзхи взл̣увилийвзхи гад̇абаддзна. д̣̇уссабаддзнаад̇и сзд̇авад̇т̇абаддзна. д̣̇уссавзн̣ияаад̇и д̣̇уссзна гад̇авзн̣ияаа. д̣̇уссаваддияаад̇и д̣̇уссзна гад̇аваддияаа. жол̣абаддаад̣̇ийсу жол̣агаасаавам̣ жол̣анд̇и взд̣̇ид̇аб̣б̣ам̣.
Vilīvena paṭṭenāti saṇhehi veḷuvilīvehi katapaṭṭena. Dussapaṭṭenāti setavatthapaṭṭena. Dussaveṇiyāti dussena kataveṇiyā. Dussavaṭṭiyāti dussena katavaṭṭiyā. Coḷapaṭṭādīsu coḷakāsāvaṃ coḷanti veditabbaṃ.
адтиллзнаад̇и г̇ож̇ан̇гхадтигзна. ж̇агхананд̇и гадиббад̣̇зсо вужжад̇и. хад̇т̇ам̣ годдаабзнд̇ийд̇и аг̇г̇аб̣аахам̣ годдаабзд̇ваа морабад̇д̇аад̣̇ийхи жид̇д̇аалан̇гаарам̣ гаронд̇и. хад̇т̇агожчанд̇и бидтихад̇т̇ам̣. баад̣̇анд̇и ж̇ан̇гхам̣. баад̣̇агожчанд̇и бидтибаад̣̇ам̣.
Aṭṭhillenāti gojaṅghaṭṭhikena. Jaghananti kaṭippadeso vuccati. Hatthaṃ koṭṭāpentīti aggabāhaṃ koṭṭāpetvā morapattādīhi cittālaṅkāraṃ karonti. Hatthakocchanti piṭṭhihatthaṃ. Pādanti jaṅghaṃ. Pādakocchanti piṭṭhipādaṃ.
417. мукалимбанаад̣̇ийни вуд̇д̇анаяаанзва. аван̇г̇ам̣ гаронд̇ийд̇и агкий ан̃ж̇анд̇ияо аван̇г̇ад̣̇зсз ад̇хомукам̣ лзкам̣ гаронд̇и. висзсаганд̇и г̇ан̣д̣аббад̣̇зсз вижид̇расан̣таанам̣ висзсагам̣ гаронд̇и. ологзнд̇ийд̇и ваад̇абаанам̣ виварид̇ваа вийт̇им̣ ологзнд̇и. саалогз д̇идтанд̇ийд̇и д̣̇ваарам̣ виварид̇ваа убад̣дхагааяам̣ д̣̇ассзнд̇ияо д̇идтанд̇и. нажжанд̇и надасамаж̇ж̇ам̣ гаарзнд̇и. взсим̣ вудтаабзнд̇ийд̇и г̇ан̣игам̣ вудтаабзнд̇и. баанааг̇аарам̣ табзнд̇ийд̇и сурам̣ виггин̣анд̇и. суунам̣ табзнд̇ийд̇и мам̣сам̣ виггин̣анд̇и. аабан̣анд̇и наанаабхан̣д̣аанам̣ анзгавид̇хам̣ аабан̣ам̣ басаарзнд̇и. д̣̇аасам̣ убадтаабзнд̇ийд̇и д̣̇аасам̣ г̇ахзд̇ваа д̇зна ад̇д̇ано взяяааважжам̣ гаарзнд̇и. д̣̇аасийаад̣̇ийсуби зсзва наяо. харид̇агабаггигам̣ багин̣анд̇ийд̇и харид̇аган̃жзва багган̃жа багин̣анд̇и; багин̣н̣агаабан̣ам̣ басаарзнд̇ийд̇и вуд̇д̇ам̣ ход̇и.
417.Mukhalimpanādīni vuttanayāneva. Avaṅgaṃ karontīti akkhī añjantiyo avaṅgadese adhomukhaṃ lekhaṃ karonti. Visesakanti gaṇḍappadese vicitrasaṇṭhānaṃ visesakaṃ karonti. Olokentīti vātapānaṃ vivaritvā vīthiṃ olokenti. Sāloke tiṭṭhantīti dvāraṃ vivaritvā upaḍḍhakāyaṃ dassentiyo tiṭṭhanti. Naccanti naṭasamajjaṃ kārenti. Vesiṃ vuṭṭhāpentīti gaṇikaṃ vuṭṭhāpenti. Pānāgāraṃ ṭhapentīti suraṃ vikkiṇanti. Sūnaṃ ṭhapentīti maṃsaṃ vikkiṇanti. Āpaṇanti nānābhaṇḍānaṃ anekavidhaṃ āpaṇaṃ pasārenti. Dāsaṃ upaṭṭhāpentīti dāsaṃ gahetvā tena attano veyyāvaccaṃ kārenti. Dāsīādīsupi eseva nayo. Haritakapakkikaṃpakiṇantīti haritakañceva pakkañca pakiṇanti; pakiṇṇakāpaṇaṃ pasārentīti vuttaṃ hoti.
418. саб̣б̣анийлагаад̣̇игат̇аа гат̇ид̇ааязва.
418.Sabbanīlakādikathā kathitāyeva.
419. бхигкуний жз, бхигкавз, гаалам̣ гаронд̇ийд̇иаад̣̇ийсу аяам̣ баал̣имуд̇д̇агавинижчаяо – сажз хи бан̃жасу сахад̇хаммигзсу яо гожи гаалам̣ гаронд̇о ‘‘мамажжаязна маяхам̣ баригкааро убаж̇жхааяасса ход̇у, аажарияасса ход̇у, сад̣̇д̇хивихааригасса ход̇у, анд̇зваасигасса ход̇у, маад̇у ход̇у, бид̇у ход̇у, ан̃н̃асса ваа яасса гассажи ход̇уу’’д̇и вад̣̇ад̇и д̇зсам̣ на ход̇и, сан̇гхассзва ход̇и. на хи бан̃жаннам̣ сахад̇хаммигаанам̣ ажжаяад̣̇аанам̣ рухад̇и, г̇ихийнам̣ бана рухад̇и. бхигку хи бхигкунивихаарз гаалам̣ гарод̇и, д̇асса баригкааро бхигкуунам̣язва ход̇и. бхигкуний бхигкувихаарз гаалам̣ гарод̇и, д̇ассаа баригкааро бхигкунийнам̣язва ход̇и.
419.Bhikkhunī ce, bhikkhave, kālaṃ karontītiādīsu ayaṃ pāḷimuttakavinicchayo – sace hi pañcasu sahadhammikesu yo koci kālaṃ karonto ‘‘mamaccayena mayhaṃ parikkhāro upajjhāyassa hotu, ācariyassa hotu, saddhivihārikassa hotu, antevāsikassa hotu, mātu hotu, pitu hotu, aññassa vā yassa kassaci hotū’’ti vadati tesaṃ na hoti, saṅghasseva hoti. Na hi pañcannaṃ sahadhammikānaṃ accayadānaṃ ruhati, gihīnaṃ pana ruhati. Bhikkhu hi bhikkhunivihāre kālaṃ karoti, tassa parikkhāro bhikkhūnaṃyeva hoti. Bhikkhunī bhikkhuvihāre kālaṃ karoti, tassā parikkhāro bhikkhunīnaṃyeva hoti.
420. бураан̣амаллийд̇и бураан̣з г̇ихигаалз маллагасса бхарияаа. бурисаб̣яан̃ж̇ананд̇и бурисанимид̇д̇ам̣, чиннам̣ ваа ход̇у ажчиннам̣ ваа, бадижчаннам̣ ваа аббадижчаннам̣ ваа. сажз зд̇асмим̣ таанз бурисаб̣яан̃ж̇ананд̇и жид̇д̇ам̣ уббаад̣̇зд̇ваа убаниж̇жхааяад̇и, д̣̇уггадам̣.
420.Purāṇamallīti purāṇe gihikāle mallakassa bhariyā. Purisabyañjananti purisanimittaṃ, chinnaṃ vā hotu acchinnaṃ vā, paṭicchannaṃ vā appaṭicchannaṃ vā. Sace etasmiṃ ṭhāne purisabyañjananti cittaṃ uppādetvā upanijjhāyati, dukkaṭaṃ.
421. ад̇д̇ано барибхог̇ад̇т̇ааяа д̣̇иннам̣ наама яам̣ ‘‘д̇умхзязва барибхун̃ж̇ат̇аа’’д̇и вад̇ваа д̣̇иннам̣, д̇ам̣ ан̃н̃асса д̣̇ад̣̇ад̇о д̣̇уггадам̣. аг̇г̇ам̣ г̇ахзд̇ваа бана д̣̇аад̇ум̣ ваддад̇и. сажз асаббааяам̣, саб̣б̣ам̣ абанзд̇ум̣ ваддад̇и. жийварам̣ згаахам̣ ваа д̣̇вийхам̣ ваа барибхун̃ж̇ид̇ваа д̣̇аад̇ум̣ ваддад̇и. бад̇д̇аад̣̇ийсуби зсзва наяо.
421.Attano paribhogatthāya dinnaṃ nāma yaṃ ‘‘tumheyeva paribhuñjathā’’ti vatvā dinnaṃ, taṃ aññassa dadato dukkaṭaṃ. Aggaṃ gahetvā pana dātuṃ vaṭṭati. Sace asappāyaṃ, sabbaṃ apanetuṃ vaṭṭati. Cīvaraṃ ekāhaṃ vā dvīhaṃ vā paribhuñjitvā dātuṃ vaṭṭati. Pattādīsupi eseva nayo.
бхигкуунам̣ саннид̇хим̣ бхигкунийхи бадиг̇г̇аахаабзд̇ваад̇и хияяо бадиг̇г̇ахзд̇ваа табид̇амам̣сам̣ аж̇ж̇а ан̃н̃асмим̣ анубасамбаннз асад̇и бхигкуухи бадиг̇г̇аахаабзд̇ваа бхигкунийхи барибхун̃ж̇ид̇аб̣б̣ам̣. бхигкуухи бадиг̇г̇ахид̇ан̃хи бхигкунийнам̣ аббадиг̇г̇ахид̇агадтаанз д̇идтад̇и, бхигкунийнам̣ бадиг̇г̇ахид̇амби бхигкуусу зсзва наяо.
Bhikkhūnaṃsannidhiṃ bhikkhunīhi paṭiggāhāpetvāti hiyyo paṭiggahetvā ṭhapitamaṃsaṃ ajja aññasmiṃ anupasampanne asati bhikkhūhi paṭiggāhāpetvā bhikkhunīhi paribhuñjitabbaṃ. Bhikkhūhi paṭiggahitañhi bhikkhunīnaṃ appaṭiggahitakaṭṭhāne tiṭṭhati, bhikkhunīnaṃ paṭiggahitampi bhikkhūsu eseva nayo.
426. аасанам̣ сам̣гасааяанд̇ияо гаалам̣ вийд̇инаамзсунд̇и ан̃н̃ам̣ вудтаабзд̇ваа ан̃н̃ам̣ нисийд̣̇аабзнд̇ияо бхож̇анагаалам̣ ад̇иггаамзсум̣.
426.Āsanaṃ saṃkasāyantiyo kālaṃ vītināmesunti aññaṃ vuṭṭhāpetvā aññaṃ nisīdāpentiyo bhojanakālaṃ atikkāmesuṃ.
адтаннам̣ бхигкунийнам̣ яат̇аавуд̣дханд̇и зд̇т̇а сажз бурз адтасу нисиннаасу д̇аасам̣ аб̣бханд̇аримаа ан̃н̃аа ааг̇ажчад̇и, саа ад̇д̇ано навагам̣ удтаабзд̇ваа нисийд̣̇ид̇ум̣ лабхад̇и. яаа бана адтахиби навагад̇араа, саа сажзби садтивассаа ход̇и, ааг̇ад̇абадибаадияаава нисийд̣̇ид̇ум̣ лабхад̇и. ан̃н̃ад̇т̇а саб̣б̣ад̇т̇а яат̇аавуд̣дхам̣ на бадиб̣аахид̇аб̣б̣анд̇и табзд̇ваа бхад̇д̇аг̇г̇ам̣ ан̃н̃асмим̣ жад̇убажжаяабхааж̇анийяадтаанз ‘‘ахам̣ буб̣б̣з ааг̇ад̇аа’’д̇и вуд̣дхам̣ бадиб̣аахид̇ваа гин̃жи на г̇ахзд̇аб̣б̣ам̣; яат̇аавуд̣дхамзва ваддад̇и. бавааран̣аагат̇аа гат̇ид̇ааязва.
Aṭṭhannaṃbhikkhunīnaṃ yathāvuḍḍhanti ettha sace pure aṭṭhasu nisinnāsu tāsaṃ abbhantarimā aññā āgacchati, sā attano navakaṃ uṭṭhāpetvā nisīdituṃ labhati. Yā pana aṭṭhahipi navakatarā, sā sacepi saṭṭhivassā hoti, āgatapaṭipāṭiyāva nisīdituṃ labhati. Aññattha sabbattha yathāvuḍḍhaṃ na paṭibāhitabbanti ṭhapetvā bhattaggaṃ aññasmiṃ catupaccayabhājanīyaṭṭhāne ‘‘ahaṃ pubbe āgatā’’ti vuḍḍhaṃ paṭibāhitvā kiñci na gahetabbaṃ; yathāvuḍḍhameva vaṭṭati. Pavāraṇākathā kathitāyeva.
429. ид̇т̇ияуд̇д̇анд̇иаад̣̇ийхи саб̣б̣аяаанаани анун̃н̃аад̇аани. баадан̇гинд̇и бадабоддалигам̣.
429.Itthiyuttantiādīhi sabbayānāni anuññātāni. Pāṭaṅkinti paṭapoṭṭalikaṃ.
430. д̣̇ууд̇зна убасамбад̣̇аа д̣̇асаннам̣ анд̇арааяаанам̣ язна гзнажи ваддад̇и. гаммаваажаабарияосаанз саа бхигкуний бхигкунубассаяз тид̇аа ваа ход̇у нибаннаа ваа ж̇ааг̇араа ваа нид̣̇д̣̇ам̣ огганд̇аа ваа, убасамбаннаава ход̇и. д̇аавад̣̇зва чааяаад̣̇ийни ааг̇ад̇ааяа д̣̇ууд̇абхигкунияаа аажигкид̇аб̣б̣аани.
430.Dūtena upasampadā dasannaṃ antarāyānaṃ yena kenaci vaṭṭati. Kammavācāpariyosāne sā bhikkhunī bhikkhunupassaye ṭhitā vā hotu nipannā vā jāgarā vā niddaṃ okkantā vā, upasampannāva hoti. Tāvadeva chāyādīni āgatāya dūtabhikkhuniyā ācikkhitabbāni.
431. уд̣̇осид̇од̇и бхан̣д̣асаалаа. на саммад̇ийд̇и наббаход̇и. убассаяанд̇и гхарам̣. навагамманд̇и сан̇гхассад̇т̇ааяа бхигкунияаа навагаммамби гаад̇ум̣ ануж̇аанаамийд̇и ад̇т̇о.
431.Udositoti bhaṇḍasālā. Na sammatīti nappahoti. Upassayanti gharaṃ. Navakammanti saṅghassatthāya bhikkhuniyā navakammampi kātuṃ anujānāmīti attho.
432. д̇ассаа баб̣б̣аж̇ид̇ааяаад̇и д̇ассаа баб̣б̣аж̇ид̇агаалз. яаава со д̣̇аараго вин̃н̃уд̇ам̣ баабун̣аад̇ийд̇и яаава каад̣̇ид̇ум̣ бхун̃ж̇ид̇ум̣ нахааяид̇ун̃жа ман̣д̣ид̇ун̃жа ад̇д̇ано д̇хаммад̇ааяа саггод̇ийд̇и ад̇т̇о.
432.Tassā pabbajitāyāti tassā pabbajitakāle. Yāva so dārako viññutaṃ pāpuṇātīti yāva khādituṃ bhuñjituṃ nahāyituñca maṇḍituñca attano dhammatāya sakkotīti attho.
табзд̇ваа сааг̇ааранд̇и сахаг̇аарасзяяамад̇д̇ам̣ табзд̇ваа. яат̇аа ан̃н̃асмим̣ бурисз; звам̣ д̣̇уд̇ияигааяа бхигкунияаа д̇асмим̣ д̣̇аарагз бадибаж̇ж̇ид̇аб̣б̣анд̇и д̣̇ассзд̇и. маад̇аа бана нахаабзд̇ум̣ бааязд̇ум̣ бхож̇зд̇ум̣ ман̣д̣зд̇ум̣ урз гад̇ваа саяид̇ун̃жа лабхад̇и.
Ṭhapetvāsāgāranti sahagāraseyyamattaṃ ṭhapetvā. Yathā aññasmiṃ purise; evaṃ dutiyikāya bhikkhuniyā tasmiṃ dārake paṭipajjitabbanti dasseti. Mātā pana nahāpetuṃ pāyetuṃ bhojetuṃ maṇḍetuṃ ure katvā sayituñca labhati.
434. яад̣̇зва саа виб̣бханд̇аад̇и яасмаа саа виб̣бханд̇аа ад̇д̇ано ружияаа канд̇ияаа од̣̇аад̇аани вад̇т̇аани нивад̇т̇аа, д̇асмааязва саа абхигкуний, на сигкаабажжагкаанзнаад̇и д̣̇ассзд̇и. саа буна убасамбад̣̇ам̣ на лабхад̇и.
434.Yadeva sā vibbhantāti yasmā sā vibbhantā attano ruciyā khantiyā odātāni vatthāni nivatthā, tasmāyeva sā abhikkhunī, na sikkhāpaccakkhānenāti dasseti. Sā puna upasampadaṃ na labhati.
саа ааг̇ад̇аа на убасамбаад̣̇зд̇аб̣б̣аад̇и на гзвалам̣ на убасамбаад̣̇зд̇аб̣б̣аа, баб̣б̣аж̇ж̇амби на лабхад̇и. од̣̇аад̇аани г̇ахзд̇ваа виб̣бханд̇аа бана баб̣б̣аж̇ж̇аамад̇д̇ам̣ лабхад̇и.
Sāāgatā na upasampādetabbāti na kevalaṃ na upasampādetabbā, pabbajjampi na labhati. Odātāni gahetvā vibbhantā pana pabbajjāmattaṃ labhati.
абхиваад̣̇ананд̇иаад̣̇ийсу бурисаа баад̣̇з самб̣ааханд̇аа ванд̣̇анд̇и, гзсз чинд̣̇анд̇и, накз чинд̣̇анд̇и, ван̣абадигаммам̣ гаронд̇и, д̇ам̣ саб̣б̣ам̣ гуггужжааяанд̇аа на саад̣̇ияанд̇ийд̇и ад̇т̇о. д̇ад̇рзгз аажарияаа ‘‘сажз згад̇о ваа убхад̇о ваа авассуд̇аа хонд̇и саарад̇д̇аа, яат̇аавад̇т̇угамзва’’. згз аажарияаа ‘‘над̇т̇и зд̇т̇а аабад̇д̇ий’’д̇и вад̣̇анд̇и. звам̣ аажарияаваад̣̇ам̣ д̣̇ассзд̇ваа ид̣̇ам̣ од̣̇исса анун̃н̃аад̇ам̣ ваддад̇ийд̇и адтагат̇аасу вуд̇д̇ам̣. д̇ам̣ бамаан̣ам̣. ‘‘ануж̇аанаами бхигкавз саад̣̇ид̇у’’нд̇и хи важанзнзва д̇ам̣ габбияам̣.
Abhivādanantiādīsu purisā pāde sambāhantā vandanti, kese chindanti, nakhe chindanti, vaṇapaṭikammaṃ karonti, taṃ sabbaṃ kukkuccāyantā na sādiyantīti attho. Tatreke ācariyā ‘‘sace ekato vā ubhato vā avassutā honti sārattā, yathāvatthukameva’’. Eke ācariyā ‘‘natthi ettha āpattī’’ti vadanti. Evaṃ ācariyavādaṃ dassetvā idaṃ odissa anuññātaṃ vaṭṭatīti aṭṭhakathāsu vuttaṃ. Taṃ pamāṇaṃ. ‘‘Anujānāmi bhikkhave sāditu’’nti hi vacaneneva taṃ kappiyaṃ.
435. баллан̇гзна нисийд̣̇анд̇ийд̇и баллан̇гам̣ аабхуж̇ид̇ваа нисийд̣̇анд̇и. ад̣дхабаллан̇ганд̇и згам̣ баад̣̇ам̣ аабхуж̇ид̇ваа гад̇абаллан̇гам̣. хздтаа вивадз убари бадижчаннзд̇и зд̇т̇а сажз гуубо кад̇о ход̇и, убари бана бад̣̇арамад̇д̇амзва саб̣б̣ад̣̇исаасу бан̃н̃ааяад̇и, зваруубзби ваддад̇и.
435.Pallaṅkena nisīdantīti pallaṅkaṃ ābhujitvā nisīdanti. Aḍḍhapallaṅkanti ekaṃ pādaṃ ābhujitvā katapallaṅkaṃ. Heṭṭhā vivaṭe upari paṭicchanneti ettha sace kūpo khato hoti, upari pana padaramattameva sabbadisāsu paññāyati, evarūpepi vaṭṭati.
436. гуггусам̣ мад̇д̇иганд̇и гун̣д̣аган̃жзва мад̇д̇иган̃жа. сзсамзд̇т̇а уд̇д̇аанамзваад̇и.
436.Kukkusaṃ mattikanti kuṇḍakañceva mattikañca. Sesamettha uttānamevāti.
бхигкунийубасамбад̣̇аануж̇аананагат̇аа нидтид̇аа.
Bhikkhunīupasampadānujānanakathā niṭṭhitā.
бхигкунигканд̇хагаван̣н̣анаа нидтид̇аа.
Bhikkhunikkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
бхигкунийубасамбад̣̇аануж̇аананам̣ • Bhikkhunīupasampadānujānanaṃ
2. д̣̇уд̇ияабхаан̣авааро • 2. Dutiyabhāṇavāro
3. д̇ад̇ияабхаан̣авааро • 3. Tatiyabhāṇavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бхигкунийубасамбаннаануж̇аананагат̇ааван̣н̣анаа • Bhikkhunīupasampannānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхигкунийубасамбад̣̇аануж̇аананагат̇ааван̣н̣анаа • Bhikkhunīupasampadānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бхигкунийубасамбад̣̇аануж̇аананагат̇ааван̣н̣анаа • Bhikkhunīupasampadānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / бхигкунийубасамбад̣̇аануж̇аананагат̇аа • Bhikkhunīupasampadānujānanakathā
