| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. бхигкунийсуд̇д̇ам̣
9. Bhikkhunīsuttaṃ
159. звам̣ мз суд̇ам̣ – згам̣ самаяам̣ ааяасмаа аананд̣̇о госамб̣ияам̣ вихарад̇и гхосид̇аараамз . ат̇а ко ан̃н̃ад̇араа бхигкуний ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язнаяяо аананд̣̇о д̇знубасан̇гама; убасан̇гамид̇ваа мама важанзна аяяасса аананд̣̇асса баад̣̇з сирасаа ванд̣̇а – ‘ид̇т̇аннаамаа, бханд̇з, бхигкуний ааб̣аад̇хигиний д̣̇угкид̇аа б̣аал̣хаг̇илаанаа. саа аяяасса аананд̣̇асса баад̣̇з сирасаа ванд̣̇ад̇ий’д̇и. зван̃жа вад̣̇зхи – ‘саад̇ху гира, бханд̇з, аяяо аананд̣̇о язна бхигкунубассаяо язна саа бхигкуний д̇знубасан̇гамад̇у анугамбам̣ убаад̣̇ааяаа’’’д̇и . ‘‘звам̣, аяяз’’д̇и ко со бурисо д̇ассаа бхигкунияаа бадиссуд̇ваа язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо ааяасманд̇ам̣ аананд̣̇ам̣ зд̇ад̣̇авожа –
159. Evaṃ me sutaṃ – ekaṃ samayaṃ āyasmā ānando kosambiyaṃ viharati ghositārāme . Atha kho aññatarā bhikkhunī aññataraṃ purisaṃ āmantesi – ‘‘ehi tvaṃ, ambho purisa, yenayyo ānando tenupasaṅkama; upasaṅkamitvā mama vacanena ayyassa ānandassa pāde sirasā vanda – ‘itthannāmā, bhante, bhikkhunī ābādhikinī dukkhitā bāḷhagilānā. Sā ayyassa ānandassa pāde sirasā vandatī’ti. Evañca vadehi – ‘sādhu kira, bhante, ayyo ānando yena bhikkhunupassayo yena sā bhikkhunī tenupasaṅkamatu anukampaṃ upādāyā’’’ti . ‘‘Evaṃ, ayye’’ti kho so puriso tassā bhikkhuniyā paṭissutvā yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ nisīdi. Ekamantaṃ nisinno kho so puriso āyasmantaṃ ānandaṃ etadavoca –
‘‘ид̇т̇аннаамаа, бханд̇з, бхигкуний ааб̣аад̇хигиний д̣̇угкид̇аа б̣аал̣хаг̇илаанаа. саа ааяасмад̇о аананд̣̇асса баад̣̇з сирасаа ванд̣̇ад̇и, зван̃жа вад̣̇зд̇и – ‘саад̇ху гира, бханд̇з, ааяасмаа аананд̣̇о язна бхигкунубассаяо язна саа бхигкуний д̇знубасан̇гамад̇у анугамбам̣ убаад̣̇ааяаа’’’д̇и. ад̇хиваасзси ко ааяасмаа аананд̣̇о д̇ун̣хийбхаавзна.
‘‘Itthannāmā, bhante, bhikkhunī ābādhikinī dukkhitā bāḷhagilānā. Sā āyasmato ānandassa pāde sirasā vandati, evañca vadeti – ‘sādhu kira, bhante, āyasmā ānando yena bhikkhunupassayo yena sā bhikkhunī tenupasaṅkamatu anukampaṃ upādāyā’’’ti. Adhivāsesi kho āyasmā ānando tuṇhībhāvena.
ат̇а ко ааяасмаа аананд̣̇о ниваасзд̇ваа бад̇д̇ажийварамаад̣̇ааяа язна бхигкунубассаяо язна саа бхигкуний д̇знубасан̇гами. ад̣̇д̣̇асаа ко саа бхигкуний ааяасманд̇ам̣ аананд̣̇ам̣ д̣̇уурад̇ова ааг̇ажчанд̇ам̣. д̣̇исваа сасийсам̣ баарубид̇ваа ман̃жагз нибаж̇ж̇и. ат̇а ко ааяасмаа аананд̣̇о язна саа бхигкуний д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко ааяасмаа аананд̣̇о д̇ам̣ бхигкуним̣ зд̇ад̣̇авожа –
Atha kho āyasmā ānando nivāsetvā pattacīvaramādāya yena bhikkhunupassayo yena sā bhikkhunī tenupasaṅkami. Addasā kho sā bhikkhunī āyasmantaṃ ānandaṃ dūratova āgacchantaṃ. Disvā sasīsaṃ pārupitvā mañcake nipajji. Atha kho āyasmā ānando yena sā bhikkhunī tenupasaṅkami; upasaṅkamitvā paññatte āsane nisīdi. Nisajja kho āyasmā ānando taṃ bhikkhuniṃ etadavoca –
‘‘аахаарасамбхууд̇о аяам̣, бхаг̇ини, гааяо аахаарам̣ ниссааяа. аахааро бахаад̇аб̣б̣о. д̇ан̣хаасамбхууд̇о аяам̣, бхаг̇ини, гааяо д̇ан̣хам̣ ниссааяа. д̇ан̣хаа бахаад̇аб̣б̣аа. маанасамбхууд̇о аяам̣, бхаг̇ини, гааяо маанам̣ ниссааяа. маано бахаад̇аб̣б̣о. мзт̇унасамбхууд̇о аяам̣, бхаг̇ини, гааяо. мзт̇унз жа сзд̇угхаад̇о вуд̇д̇о бхаг̇авад̇аа.
‘‘Āhārasambhūto ayaṃ, bhagini, kāyo āhāraṃ nissāya. Āhāro pahātabbo. Taṇhāsambhūto ayaṃ, bhagini, kāyo taṇhaṃ nissāya. Taṇhā pahātabbā. Mānasambhūto ayaṃ, bhagini, kāyo mānaṃ nissāya. Māno pahātabbo. Methunasambhūto ayaṃ, bhagini, kāyo. Methune ca setughāto vutto bhagavatā.
‘‘‘аахаарасамбхууд̇о аяам̣, бхаг̇ини, гааяо аахаарам̣ ниссааяа. аахааро бахаад̇аб̣б̣о’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхаг̇ини, бхигку бадисан̇каа яонисо аахаарам̣ аахаарзд̇и – ‘нзва д̣̇авааяа на мад̣̇ааяа на ман̣д̣анааяа на вибхуусанааяа, яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа. ид̇и бураан̣ан̃жа взд̣̇анам̣ бадихан̇каами, наван̃жа взд̣̇анам̣ на уббаад̣̇зссаами. яаад̇раа жа мз бхависсад̇и анаваж̇ж̇ад̇аа жа паасувихааро жаа’д̇и. со абарзна самаязна аахаарам̣ ниссааяа аахаарам̣ баж̇ахад̇и. ‘аахаарасамбхууд̇о аяам̣, бхаг̇ини, гааяо аахаарам̣ ниссааяа. аахааро бахаад̇аб̣б̣о’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Āhārasambhūto ayaṃ, bhagini, kāyo āhāraṃ nissāya. Āhāro pahātabbo’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhagini, bhikkhu paṭisaṅkhā yoniso āhāraṃ āhāreti – ‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya. Iti purāṇañca vedanaṃ paṭihaṅkhāmi, navañca vedanaṃ na uppādessāmi. Yātrā ca me bhavissati anavajjatā ca phāsuvihāro cā’ti. So aparena samayena āhāraṃ nissāya āhāraṃ pajahati. ‘Āhārasambhūto ayaṃ, bhagini, kāyo āhāraṃ nissāya. Āhāro pahātabbo’ti, iti yaṃ taṃ vuttaṃ idametaṃ paṭicca vuttaṃ.
‘‘‘д̇ан̣хаасамбхууд̇о аяам̣, бхаг̇ини, гааяо д̇ан̣хам̣ ниссааяа. д̇ан̣хаа бахаад̇аб̣б̣аа’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхаг̇ини, бхигку сун̣аад̇и – ‘ид̇т̇аннаамо гира бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’д̇и. д̇асса звам̣ ход̇и – ‘гуд̣̇аассу наама ахамби аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссаамий’д̇и! со абарзна самаязна д̇ан̣хам̣ ниссааяа д̇ан̣хам̣ баж̇ахад̇и. ‘д̇ан̣хаасамбхууд̇о аяам̣, бхаг̇ини, гааяо д̇ан̣хам̣ ниссааяа. д̇ан̣хаа бахаад̇аб̣б̣аа’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Taṇhāsambhūto ayaṃ, bhagini, kāyo taṇhaṃ nissāya. Taṇhā pahātabbā’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhagini, bhikkhu suṇāti – ‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. Tassa evaṃ hoti – ‘kudāssu nāma ahampi āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharissāmī’ti! So aparena samayena taṇhaṃ nissāya taṇhaṃ pajahati. ‘Taṇhāsambhūto ayaṃ, bhagini, kāyo taṇhaṃ nissāya. Taṇhā pahātabbā’ti, iti yaṃ taṃ vuttaṃ idametaṃ paṭicca vuttaṃ.
‘‘‘маанасамбхууд̇о аяам̣, бхаг̇ини, гааяо маанам̣ ниссааяа. маано бахаад̇аб̣б̣о’д̇и, ид̇и ко банзд̇ам̣ вуд̇д̇ам̣. гин̃жзд̇ам̣ бадижжа вуд̇д̇ам̣? ид̇ха, бхаг̇ини, бхигку сун̣аад̇и – ‘ид̇т̇аннаамо гира бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇ий’д̇и. д̇асса звам̣ ход̇и – ‘со хи наама ааяасмаа аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссад̇и; гиман̇г̇ам̣ 1 банааха’нд̇и! со абарзна самаязна маанам̣ ниссааяа маанам̣ баж̇ахад̇и. ‘маанасамбхууд̇о аяам̣, бхаг̇ини, гааяо маанам̣ ниссааяа. маано бахаад̇аб̣б̣о’д̇и, ид̇и яам̣ д̇ам̣ вуд̇д̇ам̣ ид̣̇амзд̇ам̣ бадижжа вуд̇д̇ам̣.
‘‘‘Mānasambhūto ayaṃ, bhagini, kāyo mānaṃ nissāya. Māno pahātabbo’ti, iti kho panetaṃ vuttaṃ. Kiñcetaṃ paṭicca vuttaṃ? Idha, bhagini, bhikkhu suṇāti – ‘itthannāmo kira bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’ti. Tassa evaṃ hoti – ‘so hi nāma āyasmā āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharissati; kimaṅgaṃ 2 panāha’nti! So aparena samayena mānaṃ nissāya mānaṃ pajahati. ‘Mānasambhūto ayaṃ, bhagini, kāyo mānaṃ nissāya. Māno pahātabbo’ti, iti yaṃ taṃ vuttaṃ idametaṃ paṭicca vuttaṃ.
‘‘мзт̇унасамбхууд̇о аяам̣, бхаг̇ини, гааяо. мзт̇унз жа сзд̇угхаад̇о вуд̇д̇о бхаг̇авад̇аа’’д̇и.
‘‘Methunasambhūto ayaṃ, bhagini, kāyo. Methune ca setughāto vutto bhagavatā’’ti.
ат̇а ко саа бхигкуний ман̃жагаа вудтахид̇ваа згам̣сам̣ уд̇д̇араасан̇г̇ам̣ гарид̇ваа ааяасмад̇о аананд̣̇асса баад̣̇зсу сирасаа нибад̇ид̇ваа ааяасманд̇ам̣ аананд̣̇ам̣ зд̇ад̣̇авожа – ‘‘ажжаяо мам̣, бханд̇з, ажжаг̇амаа, яат̇ааб̣аалам̣ яат̇аамуул̣хам̣ яат̇ааагусалам̣, яаахам̣ звамагаасим̣. д̇ассаа мз, бханд̇з, аяяо аананд̣̇о ажжаяам̣ ажжаяад̇о бадиг̇г̇ан̣хаад̇у, ааяад̇им̣ сам̣варааяаа’’д̇и. ‘‘д̇аг̇гха д̇ам̣ 3, бхаг̇ини, ажжаяо ажжаг̇амаа, яат̇ааб̣аалам̣ яат̇аамуул̣хам̣ яат̇ааагусалам̣, яаа д̇вам̣ звамагааси. яад̇о жа ко д̇вам̣, бхаг̇ини, ажжаяам̣ ажжаяад̇о д̣̇исваа яат̇аад̇хаммам̣ бадигароси, д̇ам̣ д̇з маяам̣ бадиг̇г̇ан̣хаама. вуд̣̇д̇хи хзсаа, бхаг̇ини, арияасса винаяз яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и ааяад̇им̣ сам̣варам̣ аабаж̇ж̇ад̇ий’’д̇и. навамам̣.
Atha kho sā bhikkhunī mañcakā vuṭṭhahitvā ekaṃsaṃ uttarāsaṅgaṃ karitvā āyasmato ānandassa pādesu sirasā nipatitvā āyasmantaṃ ānandaṃ etadavoca – ‘‘accayo maṃ, bhante, accagamā, yathābālaṃ yathāmūḷhaṃ yathāakusalaṃ, yāhaṃ evamakāsiṃ. Tassā me, bhante, ayyo ānando accayaṃ accayato paṭiggaṇhātu, āyatiṃ saṃvarāyā’’ti. ‘‘Taggha taṃ 4, bhagini, accayo accagamā, yathābālaṃ yathāmūḷhaṃ yathāakusalaṃ, yā tvaṃ evamakāsi. Yato ca kho tvaṃ, bhagini, accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuddhi hesā, bhagini, ariyassa vinaye yo accayaṃ accayato disvā yathādhammaṃ paṭikaroti āyatiṃ saṃvaraṃ āpajjatī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. бхигкунийсуд̇д̇аван̣н̣анаа • 9. Bhikkhunīsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. бхигкунийсуд̇д̇аван̣н̣анаа • 9. Bhikkhunīsuttavaṇṇanā
